Plan Rui32
1“Aw mukuang, ang kowh lai sünta diah;aw lusa, ang nawr hownia kowh lai sünta diah.2Ang kowh tüngsangra dow uang iawng pacham uang lah,ang kowh laiklow dow nang iawng pacham kla lah.Pram pawi luk kowi kowh uang sirinchow uang iawng pacham uang lah,singh kau luk kowi uangchak mang uang iawng pacham uang lah.3“Ang dow CHAKRAMANG kowh ming ang naphuang kown,enni dow a-i kowh Thurai kraingra meng tek büa diah.4Aia dow Singku Huamang chekhai;aia kowh lup dow atawi uowi dowi chekhai,aia kowh tiama maten dow anowm kangowh chekhai.Aia dow kaah sakowm mih Thurai;aia dow tawng nam khe paw chang angak dowi chekhai,aia dow achinawmma hai anowm chekhai.5“Nachenganchepaw aia luk kowi aia maru-uüa dow changah naklak khai,amatni dow sangching uowi dowi rakowi aia chauüa nadowi bowt.Kawmat chowng kowi kowh maru dow kaah sakowm dowi chekhai,amatni kowh saktuak dow aprawngma nadowi.6Aw bualama hai prengia uowi dowi mih chenchapuüa!Enni kowh CHAKRAMANG kowi naiawng bow enni sat pe klai kown?Aia dow enni kowh pa hai thawp enni miia nadowi bow?Chenchap iawng hai thawp enni mih aia chowtaih nadowi bow?7“Kung prakowi kowh chownglawng sam paw tuak büah madiah,enni dowi rawn kowh pipu-uüa laiklow sam tuak büah madiah.Kung prakowi kowh laiklow enni kowh pauüa tut-e sam lünta büah madiah,amatni dow natek enni kown taih.Lawngtang matanguüa kowi sam lünta büah madiah,amatni dow nachia enni kown taih.8Lang kri lang kraing mih Thurai dow maru maten kowi chenchap alang alangma changah khai,aia dow chenchap maten kowi bak pe dawngthawnguan khai.Amatni chowlowkkow kowh dow thuraiuüa uowi bowk chekhai,naiawngün thuraiuüa aklowk uowi khowt amatni kowi dow thik pe sünghi khai.9Nachenganchepaw CHAKRAMANG kowh kakbak dow aia kowh maru Israeluüa chowtaih;aia kowh dawngthawnguan kakbak dow Jakawb chuprek chaprekuüa chekhai.10“Amatni kowi dow süngrüp süngkangma kowi aia kaah khai;amatni kowi dow rarim raramma mih rah kowi aia kaah mih chekhai.Amatni kowi dow aia mingah khetah khai;amatni kowi dow aia lang sakrauah mih maru kowi iawng chawngah khai.11Amatni kowi dow abai kowi kowh chah kowi uamu khetah iawng,achauüa luk kowi asachow asachow uamu iow reng iawng,achauüa dowh khe nakrawi dowkah kownkow a-u rowng lap iawng,achauüa kowi aia luk kowi tangla now a-u cham iowla iawng,12CHAKRAMANG mih aia malowkchow Israeluüa kowi uang kruila khai,aia hown dow tawng iawng mih thuraiuüa paw tawi uowi dowi chekhai.13“Amatni kowi dow hungma mawngma süng aia pe powngah khai,Amatni kowi dow üa hai laih kowi kowh luprak aia pe chaah khai.Huamang hownia kowh kuai tui amatni kowi dow aia pe chaah khai,hualipchow hownia kowh kanrawn sau amatni kowi aia pe chaah khai.14Aia dow amatni kowi chia iawn tui bawi pe chaah khai,rua iawn tui hai ruapur iawn tui paw aia pe khamah khai.Aia dow kow iungma mih ruapur chah nga pe chaah khai,Basan pren kowi kowh ruala hai ruapurla nga paw aia pe chaah khai.Aia dow püm aiungma mih amatni kowi pe chaah khai,lang iung mih grep tui paw amatni kowi aia pe khamah khai.15“Aw Israeluüa, enni dow uang kureng khai,chak du lai bowt kowh lainowmma enni kau khai.Nachenganchepaw thawp enni miia Thurai kowi enni nuata khai,enni kowh tatung tanimra hungh kowi enni nüah klowkah dowi chekhai.16Akeng thuraiuüa kowi hai arup aren kowi enni cham chup cham iia khai,khowrbown dawma mih Thurai kowi dow enni towkah kunmarau khai.17Lümla ngakuüa vüi tawncher hown enni cham chang phuchua khai,thurai saruüa vüi enni chang pe phuchua pawi khai.Enni pipu-uüa kramah dowi mih thuraiuüa kowi,Thurai nadowi mih kowi enni cham phuchua khai.18Enni kowh Singku Huamang kowi enni towah sak dowi,pe enni singra mih Thurai kowi enni tamata khai.19“Enni dow CHAKRAMANG kowh chauüa chowdiah.Tawkchedow aia kowi enni towkah kunmarau khai,aia kowi enni powtta mih dow aia khi khai.Naiawng rakowi aia dow cham dangta enni khai bowt.20Aia tek mih, ‘Amatni kowi dow ang nacham dangta kown,achur kowi tawng chow naown büah kown mih ang sam müah matak.Tawngplawng kowchow panow amatni dow laiüama mih chenchap chekhai;amatni dow kaah sakowm dowi mih chauüa chekhai.21Thurai ching nadowi mih thuraiuüa kowi amatni dow cham chup hanowkhowrbown dawma mih Thurai kowi towkah kunmarau büah khai.Asung uowi dowi mih arup aren kowi cham chup büah hanowang kowh kunmaraura dow pe hu ang büah khai.Naiawng rakowi asung uowi dowi mih chenchapuüa kowi ang nauang pawla pe hanowamatni kowi paw ang nakhowr nabownah kown.Bualama mih chenchap rut kowi ang naap-ah hanowamatni kowi paw ang nape kunmarauah kown.22Ang kowh kunmaraura dow maih iawng nalün hanownami maih dow krawng dak kowi pat nakrawi lün kown.Nami dow dowm kowi kowh luprak maten nakamta kown,now hungh tut maten paw nakrawi kamta bowk kown.23“‘Phih maten mih amatni luk kowi ang nauang pawla pe kown,ang kowh leba sek maten khowk pat amatni kowi ang naapla kown.24Amatni dow hawm sakkrai kan sakkrai hown nakowng kown,amatni dow kramra uowima mih rawka hown nakowng kown.Amatni kowi dow ang nauang chin pe kaurawng uaramchak kown,amatni tut-e dow akru uowima mih rua ang nauang chin pe kown.25Tiama kowi dow saidawng rut kowi nakowng büah kown,kim lak kowi dow kramring tahowrma hown nauowi büah kown.Amatni kowh malauüa klanguüa dow nakowng bowk kown,amatni kowh lawngtanguüa hai ngeuüa nakowng bowk kown.26Amatni kowi dow ang nachumta bowk kown chowdiah,amatni kowi dow maru tukah dowi bowt iawng ang changah kown chowdiah.27Nachenganchepaw naiawng ang chang now ransu-uüa nachang bawri kown,amatni dow ang kowh lup uan natuk kown nadowi.Amatni natek kown mih, “A-i awng mih chowbowt;amatni kowi dow CHAKRAMANG pe sumah mih nadowi,” napa kown.28“‘Israeluüa pungmadawng kowi prengia iung pek mih uowi dowi chekhai,amatni kowh dow aiung angak tukla mih prengia mapaw uowi dowi.29Prengia che uowi panü dow maiawngün laiklow natukta büah kown,achur kowi tawng chow naown büah kown mih natuk büah kown.30Tawng iawng chow maru lowk iachow hown 1,000 ia maru kowi nowng sen?Tawngplawng kowchow maru pre iachow kowi khita now 10,000 ia maru powt?Israeluüa kowh Singku Huamang amatni kowi pe sumah kowh nadowi bow?Ransu-uüa rut kowi amatni kowi CHAKRAMANG ap-ah kowh nadowi bow?31A-i kowh ransu-uüa kowh singku huamang dow a-i kowh Singku Huamang iawng nadowi,amatni kowh thuraiuüa dow a-i kowh Thurai iawng kür dowi pami amatni paw tuk chekhai.32“‘Ransu-uüa dow Sawdawm hai Gawmawra maru-uüa iawng suiiai kaniaima chekhai;amatni dow akhakma hai akru uowima mih grep uih iawng chekhai.33Amatni dow rua kru uowima mih iawng chekhai,amatni dow kramra uowima mih chiarua kru iawng chekhai.34Amatni kowh angak dow ang tuk reng,amatni kowi naripah kownkow ang chawng pe akhin reng tak.35Napaw angak klai kown mih alow ang kowh uowi chekhai;maru maten kowi amatni kowh lup sung ang napeah kown.Akhin uang ting now ransu-uüa dow natatheu kown;amatni kowh piak khin dow uang tawn khowk chekhai.Amatni kowh piakra ni ang khowm bowkta pe khowk.Nami dow amatni luk kowi nauang lüa kla kown chowbowt,’ pakhai.36“Aia maru-uüa kowh kür khowk mih khin khe,CHAKRAMANG dow aia maru-uüa kowi natawi tangila kown.Nar lah, nar nadowi mih lah mia kowh paw kür uowi dowk khe,aia dow aia maru-uüa kowi nasaksing sanaah bowt kown.37“Nakhowk khe dow Israeluüa kowi CHAKRAMANG natek pe kown mih,‘Kawmat dow kowbüah kowh thuraiuüa tawng kowi chow cham uowi bowk?Amatni tatung tanimla reng mih singku huamang tawng kowi chow cham uowi khai?38Amatni changla phuchua mih tawncher sau chak mih thuraiuüa tawng kowi chow?Amatni kowh khamah mih uanap kowi kowh grep tui kham mih thuraiuüa tawng kowi chow?Kawmat dow naiawngün thuraiuüa mih pauang khowng enni lah,kawmat dow naiawngün thuraiuüa mih pauang pe enni tatung tanimra lah.39Ang chowtaih Thurai pami kawmat dow enni natuk bowt kown,ang klen kowi dow akeng mih thurai uowi dowk chekhai.Kowngra hai singra dow ang rut kowi chowtaih;ang nau now ang piakah reng,ang nau now ang iungah reng.Ang rut hownia nowng plai mih miapaw uowi dowi chekhai.40Chawk rut khükhü takham se ang tek khowk,ang matia ming lüklaula se ang takham khowk:41Ang kowh tawk pliplip mih saidawng ang nasükah kown,ang kowh tara chet müa kowi ang tawngah khai.Ang ransu-uüa kowi ang naripah kown,sui ang miuüa kowi amatni kowh kakbak ang napeah kown.42Ang kowh leba sek maten dow amatni kowh vi hown naring kown,Ang kowh saidawng dow amatni kowi nasaiah kown.Ang uang khümla miuüa kowi dow ang nakowngta kown,amatni kowh siphai aluchowuüa kowh lu ang nadungta pe kown.43“‘Aw kuang maten, CHAKRAMANG kowh maru-uüa hown piaw büa diah,akeng mih thuraiuüa low, Thurai pur kowi uang tabawk büa diah.Tawngplawng kowchow panow aia dow aia naruüa kowh vi klai napaw kown,aia dow aia kowh ransu-uüa kowi naripah kown.Aia maru-uüa kowh pren dow aia nachimsaita pe kown,aia maru-uüa kowh angak dow aia nalawtta pe kown,’ napa kown,” pakhai.44Now Mosi hai Nun kowh chapa Josua iüah mami meng kowi kowh laiklow maten maru kawmuüa kowi kowtek pe khai.45Nami meng laiklow maten ki tek pe kung kowi Israeluüa kowi Mosi tek pe mih, “Ani kowh ang pe enni mih ana pek maten sak kowi towah kaneu büa diah. Now enni matia kowh chauüa paw kaneuma naia chünla kownkow tüngsangah büa diah.47Maiawngün laiklow enni vüi alowlowma nadowi; maiawngün laiklow dow enni vüi sing müa chekhai. Maiawngün laiklow enni chün hanow Jawrdan aw paipra pown kowi kowh enni nakowpowngah kown chowbowt mih pren kowi chowngdawng sakklangma enni nasing kown,” pape khai.48Nami ni khe CHAKRAMANG tek pe Mosi mih,49“Moab pren kowi kowh dowm nai hownia Abarim hungh kowi kowkowi diah, now Nebo hungh kowi kowh lang kro mih chut kowi kowpün diah. Nami chut dow Jeriko marow hown tatang dowk chekhai. Nachangla dawngthawnguan kownkow Israeluüa kowi ang napeah kown mih Kanan pren dow nami chut hownia kowmüla akat diah.50En taimow Arawn dow Hawr hungh kowi kowng khai; aia dow aia pipu-uüa tut-e mang khai bowt. Nami iawng dow en paw Nebo chut kowi nakowng kown, now en pipu-uüa tut-e en natawi uowi bowt kown.51Tawngplawng kowchow panow Zin pami süngrüp süngkangma kowi kowh Kades marow re-e ang kaah sakowm dowi mih lup enchi chang khai. Nakowi kowh Meriba tuikuam re-e ang chimsaima pami Israeluüa pur kowi enchi tüng dowi chekhai.52Naiawng rakowi Israeluüa kowi ang peah kown chowbowt mih pren dow alakma hownia chowtaih en nakhila kown. Tawkchedow nakowi en naka kup kown nadowi,” pape khai.
The Seed Company