Plan Rui14
1“Enni dow CHAKRAMANG enni kowh Thurai kowh chauüa chekhai. Naiawng rakowi kowng miuüa vüi enni uowila uiting uangtak khe kowmatia buk kowi enni natata tangen kown nadowi, now kau kowi kowh sam paw enni nakhai kown nadowi.2Tawngplawng kowchow panow enni dow CHAKRAMANG enni kowh Thurai vüi chimsaima mih chenchap chekhai. Aia dow aiamat kowh asung uowima mih dawngthawnguan nachowngla kownkow lusa kowi kowh chenchap maten pungmadawng hownia lang klo enni mih chekhai.3“Suiiai kaniaima mih chap dow enni nacha kown nadowi.4Enni naiung cha kown mih dow chia, ruapur, rua, ngaia hai kaurawng ruapur, ngahiu hai naki chap maten chekhai.6Asadua maten kowi tai penchow mih hai akeh talak mih chap maten dow enni naiung cha kown.7Tawkchedow tai penchow chepaw akeh talak dowi mih asadua chap dow enni naiung cha kown nadowi. Ut, ngaiung kaw hai ngaiung rik dow tai penchow chepaw akeh talak dowi chekhai. Naiawng rakowi naiawngün dow enni vüi asür alawkma naown kown.8Pak kowh dow akeh talak chowdiah. Tawkchedow tai penchow dowi rakowi nami paw enni vüi asür alawkma chekhai. Naiawngün nga dow enni nacha kown nadowi, now auak paw enni nakak kown nadowi.9“Tui kowi kowh dam chap maten kowi angap uowi mih hai alip uowi mih chowtaih enni naiung cha kown.10Tawkchedow angap hai alip pre chap trui uowi dowi mih chap maten dow enni naiung cha kown nadowi. Naiawngün dow enni vüi asür alawkma naown kown.11“Uakling uaber chap kowi kowh chimsaima mih maten dow enni naiung cha kown.12Tawkchedow murangma, mukaichow, kürngang, uakuh, bungku, tingtut, langta, uaak, uasur, uatawr, tuipai, kurak, uateu, bawngthapmow, laiiowu, taklalama, uachowlaingak, kirchow hai mailap ün dow asür alawkma chekhai. Naiawngün nga dow enni naiung cha kown nadowi.19“Plawng hawmh iawng iow mih chap maten dow enni naiung cha kown nadowi. Naiawngün dow enni vüi asür alawkma naown kown.20Nachenganchepaw alap uowi mih chimsaima mih chap maten dow enni naiung cha kown taih.21“Iawngpa kowng mih asadua dow enni nacha kown nadowi. Tawngplawng kowchow panow enni dow CHAKRAMANG enni kowh Thurai vüi kowi kowh lang kraah mih chenchap chekhai. Nami kowng mih uak dow enni kowh marow kowi kowh tawi uowi mih akeng chenchapuüa kowi pe chepaw enni naia peah kown, now sum chepaw enni naia sum pe kown. Amatni dow naiawngün naia cha kown taih.
“Rua chah nga dow a-u iawn tui hown enni naengah kown nadowi.22“Ning towng üa hai laih hownia kowh enni kaah mih luprak dow hamüt bak kowi pabak mih enni nalang kraah ngengche kown.23Enni kowh luprak, grep tui sar hai kanrawn sau kowi kowh hamüt bak kowi pabak mih, now chia, ruapur hai rua kowi kowh rik pen mih ala chah dow aia kowi nachupiiala kownkow CHAKRAMANG enni kowh Thurai lang kloah mih arah kowi enni nakowpawla kown. Now naiawngün dow nami arah kowi enni nachaah kown. Nami hownia dow CHAKRAMANG enni kowh Thurai kowi atungma enni naringkawah reng kown pami enni naka tuak kown.24“Tawkchedow CHAKRAMANG enni kowh Thurai lang kloah mih arah dow enni hownia alakma chepaw naia kown. Naiawng rakowi CHAKRAMANG prasira hownia kowh enni kaah mih luprak hownia hamüt bak kowi pabak mih nami rah kowi enni kowia pawla dowi tham. Naiawng chekhai hanow25naiawngün uanh dow enni nasumah hanow tangka dow nami arah kowi enni nakowpawla kown.26Nami tangka hown dow enni nau mih — chia, ruapur, rua, grep tui, arak hai akeng mih chakkham — enni naran kown. Now enni hai enni kowh kimchakuüa hown dow CHAKRAMANG enni kowh Thurai pur kowi enni nacha nakham kown, now enni napiaw kown.27Nami khin khe dow enni marow kowi kowh uowi mih Leviuüa kowi enni nahawla kown. Tawngplawng kowchow panow amatni kowh dow krawng bawn hai dawngthawnguan tawngpaw uowi dowi chekhai.28“Sum ning chur towng dow nami ning kowi kowh luprak hownia hamüt bak kowi pabak mih marow kowi enni nauang pawla kown, now anungra kowi enni nakrümah kown takla.29Naiawngün chakkham dow Leviuüa, prenlang maru-uüa, mamaimowuüa hai saratchowuüa vüi chekhai. (Leviuüa dow krawng bawn hai dawngthawnguan tawi ka powng dowi chekhai). Amatni dow anungra kowi nauangah hanow amatni nau mih napawla kown. Naiawng che enni chang khai hanow enni kowh lup srui kowi CHAKRAMANG enni kowh Thurai nape enni prasi kown.
“Rua chah nga dow a-u iawn tui hown enni naengah kown nadowi.22“Ning towng üa hai laih hownia kowh enni kaah mih luprak dow hamüt bak kowi pabak mih enni nalang kraah ngengche kown.23Enni kowh luprak, grep tui sar hai kanrawn sau kowi kowh hamüt bak kowi pabak mih, now chia, ruapur hai rua kowi kowh rik pen mih ala chah dow aia kowi nachupiiala kownkow CHAKRAMANG enni kowh Thurai lang kloah mih arah kowi enni nakowpawla kown. Now naiawngün dow nami arah kowi enni nachaah kown. Nami hownia dow CHAKRAMANG enni kowh Thurai kowi atungma enni naringkawah reng kown pami enni naka tuak kown.24“Tawkchedow CHAKRAMANG enni kowh Thurai lang kloah mih arah dow enni hownia alakma chepaw naia kown. Naiawng rakowi CHAKRAMANG prasira hownia kowh enni kaah mih luprak hownia hamüt bak kowi pabak mih nami rah kowi enni kowia pawla dowi tham. Naiawng chekhai hanow25naiawngün uanh dow enni nasumah hanow tangka dow nami arah kowi enni nakowpawla kown.26Nami tangka hown dow enni nau mih — chia, ruapur, rua, grep tui, arak hai akeng mih chakkham — enni naran kown. Now enni hai enni kowh kimchakuüa hown dow CHAKRAMANG enni kowh Thurai pur kowi enni nacha nakham kown, now enni napiaw kown.27Nami khin khe dow enni marow kowi kowh uowi mih Leviuüa kowi enni nahawla kown. Tawngplawng kowchow panow amatni kowh dow krawng bawn hai dawngthawnguan tawngpaw uowi dowi chekhai.28“Sum ning chur towng dow nami ning kowi kowh luprak hownia hamüt bak kowi pabak mih marow kowi enni nauang pawla kown, now anungra kowi enni nakrümah kown takla.29Naiawngün chakkham dow Leviuüa, prenlang maru-uüa, mamaimowuüa hai saratchowuüa vüi chekhai. (Leviuüa dow krawng bawn hai dawngthawnguan tawi ka powng dowi chekhai). Amatni dow anungra kowi nauangah hanow amatni nau mih napawla kown. Naiawng che enni chang khai hanow enni kowh lup srui kowi CHAKRAMANG enni kowh Thurai nape enni prasi kown.
The Seed Company