Amaws7
1CHAKRAMANG Thurai mih maiawng mukmang kowi uang tüng ang khai: Mang kowh tawncher vüi ki ngenta pram kung kowi awr ta awm mih pram maru nakrawi ngen kown mih khin khe CHAKRAMANG mih uang chin pe plawng hawmh khai.2Naiawngün plawng hawmh mih uangah hanow nami pren kowi kowh pram uowi mih maten asaima uang chata khai. Nakhowk khe CHAKRAMANG tut-e ang awr tek mih,“Aw CHAKRAMANG Thurai, lawt anging diah.Nadowi now tawng iawng chow Jakawb nasing kown?Aia dow khowt sowm mih,” pakhai.3Nakhowk khe CHAKRAMANG Thurai planta sak now tek mih,“Pai iawng dow own dowi tham,” pakhai.4Nami kung kowi CHAKRAMANG Thurai mih mukmang kowi maiawng uang plan tüng ang lowk iawk: Aia maru-uüa kowi naripah kownkow CHAKRAMANG Thurai mih maih kowi hawah khai. Nami maih dow sata tui khowm padow ia kangta khai, now bawn kowi ün paw krawi kamah khai.5Naiawng rakowi CHAKRAMANG tut-e ang awr tek mih,“Aw CHAKRAMANG Thurai, naiawngün sakrauma hown taingta diah.Nadowi now tawng iawng chow Jakawb nasing kown?Aia dow khowt sowm mih,” pakhai.6Nakhowk khe paw CHAKRAMANG Thurai mih planta sak now tek mih,“Pai iawng pat paw own dowi tham,” pakhai.7Nami kung kowi CHAKRAMANG mih mukmang kowi maiawng uang plan tüng ang lowk iawk: Aia dow akhai müa leng dowkma akhai müa hown kowh thawpah mih kimbang ria kowi iowng mih ang khi khai.8Aia tek ang mih,“Amaws, tawng chow en khi?” pakhai.Ang klangah mih, “Akhai müa leng,” pakhai.Nakhowk khe CHAKRAMANG tek mih,“Mami leng dow ang maru Israeluüa mih atengma mih tap iawng nadowi pami tüng müa chekhai;amatni kowh angak rakowi amatni kowi dow ang nalawtah kown nadowi.9Isak chuprek chaprekuüa kowh arah kroma mih kowi kowh chupiiara ang napiakta kown,Israeluüa kowh akeng mih chupiiara ün paw ang napiakta pe kown.Now Jeroboam chuprek chaprekuüa kowi saidawng hown ang nakingküaah kown,” pakhai.10Akung kowi nami tawi tata now Bethel kowi kowh uamow Amazia mih Israel mang Jeroboam kowi kowphowng pe satang khai. Aia kowtek pe mih, “Amaws mih nakingküa en kownkow Israeluüa pungmadawng kowi sangkrang khai. Aia kowh laiklow dow prenchakuüa mapaw nowng kham dowi bowt.11Amaws tek mih,“‘Jeroboam dow saidawng hown nakowng kown,Israel dow akeng pren kowi nacham takhang ngengche kown,’ pakhai,” pape khai.12Nakhowk khe Amazia tek pe Amaws mih, “Amaws, Juda pren kowi kowpowt prang. Nakowi phai risi iawng krawi tek lai now en matia chak kowkrawi kram bowt.13Bethel kowi risi iawng hang krawi tek lai tham bowt. Tawngplawng kowchow panow mami dow mang kowh uowi rah hai Israeluüa kowh chupiia rah chekhai,” pape khai.14Amazia kowi Amaws klangah mih, “Ang dow risi nadowi chowdiah, now risi kowh chapa paw nadowi chowdiah. Ang dow ruapur thing mih hai uidut singh mingkhet mih taih chowdiah.15Nachenganchepaw ruapur thing rah hownia CHAKRAMANG uang haw ang now tek ang mih, ‘Kowkowi now ang maru Israeluüa tut-e risi iawng kowtek lai diah,’ pakhai.16Naiawng rakowi en mih kawmat CHAKRAMANG laiklow sünta diah. En tek ang mih,“‘Risi iawng Israeluüa kowi kingküa mih laiklow hang krawi tek tham bowt,now Isak chuprek chaprekuüa kowi kingküala mih laiklow paw hang krawi chia tham bowt,’ pakhai.17“Naiawng rakowi CHAKRAMANG tek mih,‘Marow kowi en kowh masi nachowng chawkkrawma kown,now tasenra kowi en kowh chauüa nakowng kown.En kowh krawng bawn dow khaiah hanow akeng miuüa kowi naret pe kown,now asür alawkma mih pren kowi en matia dow nacham kowng kown.Israel kowi dow amatni pren hownia nakhümla kown,aia dow akeng pren kowi nacham takhang ngengche kown,’ pakhai,” pape khai.
The Seed Company