Amaws6
1Zaiawn hungh kowi kowh asowrma uowi miuüa hai Samari hungh kowi kowh thaulangma uowi miuüa low,chenchap maten kowi kowh lang iuk mih chenchap, Israel pren kowi kowh Israeluüa sakowmah mih maru iukuüa low,enni luk kowi piakra nauang ting kown mih dow kramra uowi lai kowbow!2Kalne marow kowi kowkowi büah hanow kowsam mü büah madiah;nami hownia Hamat marow aiukma mih kowi kowkowi büa diah,now Filistinuüa kowh Gat marow kowi kowkowi büa diah.Pai iawngün pren lak-e Israel pren hai Juda pren lang iung khai bow?Kowbüah kowh pren lak-e enni kowh pren lang iuk khai bow?3Phih nauang ting kown mih ni kowi enni henta khowk padow enni ka tuak khai.Nachenganchepaw damra iawng dow enni krui pren khai.4Enni luk kowi piakra nauang ting kown mih dow kramra uowi lai kowbow!Enni dow ngasai sah hown kowh thawpah mih mawk rah kowi enni mawk khai,now phangbek luk kowi asowrma mawk se enni iai kow khai.Enni kowh ruapur hai chia kowi kowh anga lang iung mih enni cha khai.5Tep taraw hanow enni tek meng khai,now mang David iawng dow tingteng taraw achaing achaing enni thawp khai.6Grep tui dow bia tek mawp chi enni kham khai,now paingbawng lang nam iung mih enni phawk khai.Tawkche Israel pren piak mih enni sak kowi rau dowi chekhai.7Naiawng rakowi akeng pren kowi nacham takhang kown miuüa pungmadawng kowi nacham rik takhang kown mih dow enni chowbowt.Nami khin khe dow enni kowh pawi chak hai asowrma mawk se taiai mih khin nachur bowt kown.8CHAKRAMANG Thurai aiamat ming hown takham se tek mih,“Jakawb kowh bawrira hai akhawtma mih kangchawngra kim dow ang sui.Naiawng rakowi enni kowh marow hai enni kowh uowi mih srui akeng chenchapuüa kowi ang nacham peta kown,” pakhai.9Ta lat mih maru hamüt ia pakimchow kowi uowi chepaw nakowng büah kown.10Nami kung kowi kowng miuüa uak dow nacham chengah kownkow amatni kowh tasin taken miuüa nauang paw kown, now nami kim kowi akeng mih uowi ne tak chünchü natukla kownkow, “En klen kowi uowi ne tak bow?” Padow nalüntaah kown. Nami khin khe nami kim kowi hawt uowi mih naklangah kown mih, “Uowi dowi bowt,” napa kown. Now uang pawah mih maru natek pe kown mih, “Hang pawpan. CHAKRAMANG ming khowm padow hang rük,” napape kown.11CHAKRAMANG pe ana hanow kim aiuk aiukma mih natapiak nak kown,now asowm asowmchow mih kim paw adi asekma nachowng kown.12Thia luk kowi kawrnga iowm kakat tak bow?Thia luk kowi chiala hown thawn laih mih uowi ne bow?Nachenganchepaw enni dow bualama rakowi tara nowm kowi changla ket khai,now anowm sung kowi dow akhakma enni changah khai.13Lodebar kua achalachow mih enni nowngta khai rakowi enni awmrawm khai.Now, “Anging matia kür hown Karnaim kua paw anging nowngta khai,” padow enni chang bawri khai.14Naiawng rakowi lang kri lang kraing mih CHAKRAMANG Thurai tek mih,“Israeluüa low, nakingküa enni kownkow ang nauang chin enni chenchap lowk kown.Nami chenchap dow tawngphak kowi kowh Hamat marow hownia nachang enni nowng kown,now mrawkphak kowi kowh Araba lawngrawi mowr nachang enni nowng kown,” pakhai.
The Seed Company