2 Samuel5
1Nami kung kowi Israel krungchakuüa kowh aluchowuüa maten dow Hebrawn marow kowi David tut-e uang khai. Now amatni tek pe mih, “A-i dow pabuk panga chak maru chekhai.2Sawl chowm mang reng tak khe paw Israel siphaiuüa tasenra kowi en chowtaih kruitown a-i reng. Now CHAKRAMANG tek en mih, ‘Ang maru Israeluüa kowi ruapur thing iawng en naming nakhetah kown. Now amatni kowh aluchow en nachowng kown,’ pakhai,” pape büah khai.3Naiawng David tut-e Hebrawn marow kowi lawngtang aluchowuüa uang mih khin khe mang David dow CHAKRAMANG pur kowi amatni hown tatow sangbowk laitawm khai. Now amatni dow amatni Israeluüa luk kowi nachowm mang kownkow David kowi nümnapah büah khai.4Aia chowm mang mih khin khe David dow 30 ning khowk chekhai. Aia dow Israeluüa kowi 40 ning mowr kruitownla khai.5Aia dow Hebrawn marow kowi kowh Judauüa kowi ranit ning hown dawnglang mowr kruitownla khai. Now Jerusalem marow kowi kowh Israeluüa maten hai Judauüa kowi dow 33 ning mowr aia kruitownla khai.6Akat khe David hai aia kowh siphaiuüa mih Jerusalem marow kowi kowh Jebusuüa kowi kowsenah kownkow kowtarü khai. Now Jebusuüa dow amatni kowi David nowngah dowi tham padow ka tuak khai. Naiawng rakowi amatni tek pe David mih, “Makowi enni uang nowng kup kown nadowi! Enni kowi taih now mikdu miuüa hai klowng khawn tabai miuüa khowm padow lawk prüt enni dowi!” pakhai.7Nachenganchepaw Zaiawn kowi kowh akhawtma mih kangchawngra kim dow David powngta pe khai. Naiawng rakowi akung kowi Zaiawn kowi dow David marow pahai maru chap pe ming khai.8Nami ni khe David tek mih, “Mikdu miuüa hai klowng khawn tabai miuüa khowm padow nanowngta a-i kown pahai tek mih Jebusuüa kowi lainowmma ang sui. Amatni kowi kowsen kown nau mih dow tui hawr reng mih puk iawng nakowkowi kown takla,” pakhai. Naiawng rakowi maru-uüa tek mih, “Mikdu miuüa hai klowng khawn tabai miuüa dow CHAKRAMANG kim kowi ia kup kown nadowi,” pakhai.9Nami kung kowi dow David mih nami akhawtma mih kangchawngra kim kowi kowuowi khai, now nami dow David marow pahai chap pe ming khai. Now marow satlawt pra kowh arema mih kowi thia pe bawn mih hownia kangchawngra kimkrowng tapat lut mowr David mih thawp marow khai.10David dow uang lang kür ngamlam khai. Tawngplawng kowchow panow CHAKRAMANG lang kri lang kraing mih Thurai dow aia tut-e tawi uowi reng chekhai.11Akat khe Tura marow mang Hiram mih David tut-e uang chin maru pre sum ia khai, now sidar singh paw uang krawi sa pe khai. Naiawngünuüa hown dow singh hai hua hown kowh uanh thawp sarauüa kowi paw uang krawi chin pe khai. Now amatni mih David vüi uang chang pe kim khai.12Nahanow aia kowi dow Israeluüa luk kowi CHAKRAMANG pe chowmah mang mih chowbowt pami David tatuk khai. Now David kowh mang chowm rah CHAKRAMANG pe iukah mih paw CHAKRAMANG aia kowh maru Israeluüa vüi kowi chekhai pami David tuk khai bowt.13Nami kung kowi dow David mih Hebrawn hownia lawt hanow Jerusalem marow kowi kowuowi khai. Now aia dow nakowi paw kowplan paw masi khai iawk, now changla masi mih nar paw kowplan paw khai iawk. Aia dow naiawngün masi hown paw kowplan ka chauüa khai iawk.14Jerusalem marow kowi uowi reng tak khe kowh aia kaah mih chauüa dow Samua, Sobab, Nathan, Sawlawmawn,15Ibar, Elisua, Nefek, Japhiha,16Elisama, Eliada hai Elifelet büah chekhai.17Israeluüa mih amatni luk kowi nachowm mang kownkow David kowi nümnapta khowk pami satang Filistinuüa tawi ta khai bowt. Naiawng rakowi amatni dow siphaiuüa maten kowi pawla now David kowi nakrawi sen kownkow krawi cham büah khai. Nachenganchepaw Filistinuüa uang krawi chamah mih satang David tata khai. Naiawng rakowi David dow akhawtma mih kangchawngra kim kowi kowdowm khai.18Filistinuüa dow Refaim lawngrawi kowi uang towm hanow cham krawi taset büah plawt khai.19Nakhowk khe CHAKRAMANG kowi David lüntaah mih, “Filistinuüa kowi ang kowsenah kown bow? Amatni kowi ang rut kowi en naap ang kown bow?” pakhai.
CHAKRAMANG klangah mih, “Ow, kowsen bowt. Amatni kowi mih en rut kowi ang naap en ngengche kown taih,” pape khai.20Nahanow David dow Filistinuüa uowi rah kowi kowkowi khai, now nakowi mih Filistinuüa kowi aia nowngta khai. Nakhowk khe aia tek mih, “CHAKRAMANG dow tui lawt khe kowh tui akürma mih iawng ang kowh ransu-uüa kowi piakah khai,” pakhai. Naiawng rakowi nami arah ming dow Baal-Perazim pahai chapah khai.21Nami arah kowi dow Filistinuüa mih amatni kowh thuraiuüa rup ta towla hüah khai. Now naiawngün dow David hai aia kowh maru-uüa mih pawla khai.22Nachenganchepaw akung kowi Filistinuüa mih Refaim kowi plan uang hanow krawi taset plawt büah khai iawk.23Nami khin khe paw David mih CHAKRAMANG kowi plan lüntaah khai iawk. Now CHAKRAMANG tek pe mih, “Purdowng hownia hangkow sen diah. Amatni kung iawng kowkowi now ‘Balsam’ singh rüm hownia senah diah.24Balsam singh plawng kowi dow siphai mang tün iawng en nata kown. Naiawng en ta hown krowksang amatni kowi en nasenah kown. Tawngplawng kowchow panow Filistin siphai hawmh kowi nasenah kownkow CHAKRAMANG dow en pur kowi rik mang mih chowbowt,” pakhai.25David dow CHAKRAMANG ana pek iawng chang khai. Aia dow Geba marow hownia Gezer marow mowr patiama rawng Filistinuüa kowi kawikrawiah hanow saiah khai.
CHAKRAMANG klangah mih, “Ow, kowsen bowt. Amatni kowi mih en rut kowi ang naap en ngengche kown taih,” pape khai.20Nahanow David dow Filistinuüa uowi rah kowi kowkowi khai, now nakowi mih Filistinuüa kowi aia nowngta khai. Nakhowk khe aia tek mih, “CHAKRAMANG dow tui lawt khe kowh tui akürma mih iawng ang kowh ransu-uüa kowi piakah khai,” pakhai. Naiawng rakowi nami arah ming dow Baal-Perazim pahai chapah khai.21Nami arah kowi dow Filistinuüa mih amatni kowh thuraiuüa rup ta towla hüah khai. Now naiawngün dow David hai aia kowh maru-uüa mih pawla khai.22Nachenganchepaw akung kowi Filistinuüa mih Refaim kowi plan uang hanow krawi taset plawt büah khai iawk.23Nami khin khe paw David mih CHAKRAMANG kowi plan lüntaah khai iawk. Now CHAKRAMANG tek pe mih, “Purdowng hownia hangkow sen diah. Amatni kung iawng kowkowi now ‘Balsam’ singh rüm hownia senah diah.24Balsam singh plawng kowi dow siphai mang tün iawng en nata kown. Naiawng en ta hown krowksang amatni kowi en nasenah kown. Tawngplawng kowchow panow Filistin siphai hawmh kowi nasenah kownkow CHAKRAMANG dow en pur kowi rik mang mih chowbowt,” pakhai.25David dow CHAKRAMANG ana pek iawng chang khai. Aia dow Geba marow hownia Gezer marow mowr patiama rawng Filistinuüa kowi kawikrawiah hanow saiah khai.
The Seed Company