2 Manguüa9
1Nami khin khe Elisa dow risiuüa pungmadawng hownia risi lowk ia kowi hawah hanow tek pe mih, “Kamrüt diah. Now mami kanrawn sau palang pawla hanow Gilead süng kowi kowh Ramawt marow kowi kowkowi diah.2Nakowi en kowting khe dow Jehu kowi kowkrawi cham diah, now Jehu kowi mih a-auiuauüa hownia lang hawla hanow towklak kowi cham pawla diah. (Jehu kowh pa dow Jehosafat chekhai, now Jehosafat kowh pa dow Nimsi chekhai).3Now palang kowi kowh kanrawn sau Jehu lu kowi naklai pe hanow en natek pe kown mih, ‘CHAKRAMANG tek mih maiawng: Israel pren kowi nachowm mang kownkow ang nümnapta en khowk,’ napa kown. Nami kung kowi dow ho kim hanow alenma en napowt kown,” pakhai.4Naiawng rakowi nami risi klanguüa dow Gilead süng kowi kowh Ramawt marow kowi kowkowi khai bowt.5Nakowi aia kowting mih khin khe siphai aluchowuüa arasang takua talawm mih aia kowkhi khai. Nakhowk khe aia tek pe Jehu mih, “Aw siphai aluchow, ang phuang en kown mih satang uowi lowk,” pakhai.
Jehu lüntaah mih, “Anging pungmadawng kowi mia iawng mih kowi chow en naphuang pe kown?” pape khai.
Nami risi klangah mih, “Aw siphai aluchow, en kowi chowbowt,” pakhai.6Naiawng rakowi Jehu dow awr rü hanow amatchi pre ia kim kowi kowkup khai. Nakhowk khe Jehu lu kowi klai pe sau hanow nami risi tek pe mih, “CHAKRAMANG Israeluüa kowh Thurai tek mih, ‘CHAKRAMANG kowh maru Israeluüa luk kowi nachowm mang kownkow ang nümnapta en khowk.7En kowh mangkri Ahab kowh kimchak kowi en nasaita kown. Nahanow ang kowh risiuüa hai ang kowh akeng mih naruüa kowi Ahab masi Jezebel saita mih lu klai dow aia kimchak kowi ang naripah kown.8Ahab kowh kimchak dow nakowng bowk kown. Nar lah, nar nadowi mih lah Israeluüa pungmadawng kowi kowh Ahab krungchak kachakuüa maten kowi ang nakowngta kown.9Aia kowh krungchak kowi dow Nebat kowh chapa mang Jeroboam krungchak hai Ahija kowh chapa mang Basa krungchak kowi changah iawng ang nachangah kown.10Jezebel kowi dow miapaw nadupah kown nadowi. Aia kowh uak dow Jezrel marow kowi kui hawmh nachaah kown,’ pakhai,” pape khai. Nami kung kowi dow nami risi klanguüa mih ho kim hanow alenma powt khai.11Now Jehu dow siphai aluchowuüa uowi rah kowi uang plan uang khai. Nakhowk khe siphai aluchow lowk ia lüntaah mih, “Tawngpaw own dowi ü? Paimi thukla uang mih tawng rakowi chow?” pakhai.
Nakhowk khe Jehu klangah mih, “Tawngpaw nadowi, aia dow klawk uailai reng mih enni aiawng tuk towbowt,” pape khai.12Amatni tek pe mih, “En dai taih. Aia tek en mih phuang anging diah,” pabüah khai.
Nakhowk khe Jehu tek pe mih, “Aia tek ang mih, ‘CHAKRAMANG kowh laiklow iawng Israeluüa luk kowi nachowm mang kownkow ang nümnapta en khowk,’ pakhai,” pape khai.13Nahanow naiawngün siphai aluchowuüa dow lenlenma amatni kowh kowrmow klüp hanow Jehu khawk chawpra kowi be pe khai. Now tum baw hanow atünma tek büah mih, “Jehu dow mang chowbowt,” pakhai.14(Mang Joram hai Israeluüa maten dow Gilead süng kowi kowh Ramawt marow natownla reng kownkow Siria pren mang Hazael kowi senah khai. Nakhowk khe mang Joram dow Siria siphaiuüa hownia ka arau khai. Nahanow aia kowh arau naiungla kownkow aia dow Jezrel marow kowi kowplan khai). Naiawng rakowi Jehu dow Jezrel marow kowi kowkowiah hanow mang Joram kowi nasaita kown mih sangkrang khai. Aia dow a-auiua siphai aluchowuüa kowi tek pe mih, “Enni che pe chowm ang mang kown nau khai hanow Jezrel marowchakuüa tut-e a-i kowh sangkrangra nakowting dowi kownkow Ramawt hownia miapaw naia lawt kown nadowi,” pakhai.16Nami kung kowi Jehu dow aia kowh kawrnga kari hown Jezrel marow kowi kowkowi khai. Tawngplawng kowchow panow Joram dow ka arau rakowi mawk reng tak chekhai. Now aia kowi kowh uang müah mih Juda pren mang Ahazia paw uowi reng tak chekhai.17Jezrel marow kowi kowh kimkrowng chawng mih maru dow Jehu kowh siphaiuüa uang mih khita hanow tek mih, “Siphai hawmh uang mih ang khi pathum!” pakhai.
Nakhowk khe Joram lawt ana mih, “Kawrnga kowi kowh chowm mih siphai kowi kowchin lowk ia diah. Now uang thawp taking tasangra kownkow amatni uang mih chünchü aia kowi kowpe lüntaah diah,” pape khai.18Naiawng rakowi kawrnga kowi kowh chowm mih siphai dow Jehu hown kowtakrum hanow tek pe mih, “Mangkri tek nauang thawp taking tasangra kownkow enni uang mih pe bow?” pakhai.
Jehu klangah mih, “Tawng chow en tawi tuk? Ang kung kowi phai uang krawi,” pape khai.
Nakhowk khe kangchawng mih kowtek pe mang Joram mih, “Amatni tut-e satang phowng mih maru kowting khowk diah. Tawkche aia uang plan dowi chekhai,” pakhai.19Naiawng rakowi mang dow kawrnga kowi kowh chowm mih siphai kowi kowplan chin lowk ia khai iawk. Now nami maru dow siphaiuüa tut-e kowkowiah hanow kowtek pe mih, “Mangkri tek mih maiawng: Saktuak iungma hown kowh enni uang mih bow?” pakhai.
Jehu klangah mih, “Tawng chow en tawi tuk? Ang kung kowi phai uang krawi,” pape khai.20Nami leng paw kangchawng mih kowplan now kowtek pe mih, “Amatni tut-e satang phowng mih maru kowting khowk diah. Tawkche aia paw uang plan dowi chekhai. Te kawrnga kari mih dow Nimsi kowh chu Jehu naown. Tawngplawng kowchow panow aia kowh kawrnga kari te krang dow thuklama mih maru kowh iawng chekhai,” pakhai.21Nakhowk khe Joram lawt ana mih, “Ang kowh kawrnga kari kamrüt ang diah,” pakhai. Naiawng kamrüt pe kung kowi dow Jehu hown nakowtakrum kownkow Israel mang Joram hai Juda mang Ahazia iüah mih chowlowkkow kawrnga kari hown kowkowi khai. Now Jehu kowi dow Jezrel marowchak Nabawt kowh dowm kowi amatchi kowkrum khai.22Jehu hown takrum hanow mang Joram lüntaah mih, “Jehu, nathawp taking tasangra kownkow en uang mih bow?” pakhai.
Jehu klangah mih, “En u Jezebel dow arup kowi chup ün hai lainowmma chang maiaklese lup khai. Nami kowi nathawp taking tasangra kownkow tawng iawng chow ang nauangah kown?” pape khai.23Nami kung kowi dow aia kowh kawrnga kari hown taplan hanow Joram powt mih khin khe Ahazia kowi hawla now tek pe mih, “Ahazia, nami dow kuanlama mih maru chekhai!” pakhai.24Nachenganchepaw Jehu dow aia kowh kür maten hown uüi salangba hanow Joram kumlawng kowi haiapah khai. Nahanow nami salangba sek dow Joram sak-uih kowi kowtaplawn khai, now aia dow kawrnga kari kowi hing kowng khai.25Nakhowk khe aia kowh maru iuk Bidkar kowi Jehu tek pe mih, “Aia kowh uak krowngla now Jezrel marowchak Nabawt kowh dowm kowi kowkuakta diah. Joram kowh pa Ahab kung kowi kawrnga kari hown achi krawi ta mang mih khin khe Ahab lawnguan kowi kowh CHAKRAMANG tekah mih sam tuak madiah. Nakhowk khe kowh CHAKRAMANG tek mih,26‘Ang CHAKRAMANG tek khowk. Mani khe Nabawt hai achapauüa kowi Ahab saiah mih ang khi. Nami lu klai dow nami dowm kowi aia kowi ang napaw pe kown,’ pakhai. Naiawng rakowi CHAKRAMANG tek iawng kawmat Joram kowh uak mih Nabawt kowh dowm kowi kowkuakta diah,” pakhai.27Naiawng phaw mih khita hanow Juda pren mang Ahazia dow Bet-Hagan marow pra kowh mangla mih tiama iawng powt khai. Nachenganchepaw Jehu dow Ahazia kung kawikrawi se tek mih, “Nami maru kowi paw saita bowt,” pakhai. Naiawng rakowi kawrnga kari hown Ibleam marow hown atawnchow mih Gur prakowi awr mangla mih pangchowng kowi aia kowi dow salangba hown krawi ap-ah khai. Tawkche aia dow Megido marow mowr kownowng powt khai, now nakowi aia mih kowkowng khai.28Now aia kowh maru iukuüa dow aia kowh uak mih kawrnga kari hown Jerusalem marow kowi kowpawla khai. Now aia kowi dow aia kowh pipu-uüa tadupra David marow kowi dupah khai.29Juda pren kowi Ahazia chowm mang mih dow Israel pren kowi Ahab kowh chapa Joram chowm mang mih lailowk ning khe chekhai.30Nami kung kowi dow Jezrel kowi Jehu kowkowi khai. Nami satang tata hanow Jezebel dow sü mikkhu pawi hanow klangiungchow sui sam khai. Now tawngpawk hownia aia hawt downg klowlow khai.31Now marow tapplawt kowi Jehu iu kup mih khin khe Jezebel hawt tek pe mih, “En dow kowmatia kim iah kowi sai mih Zimri iawng chekhai. Saktuak iungma hown kowh en uang mih bow?” pakhai.32Nakhowk khe tawngpawk prakowi awr tau se Jehu tek mih, “Tangila ang mih mia chow uowi?” pakhai. Now akletia maru iuk pre sum ia dow tawngpawk hownia aia kowi iu müah khai.33Now kowbüah kowi Jehu awr tek pe mih, “Nami masiuüa kowi iu kir madiah!” pakhai. Nahanow kowbüah dow Jezebel kowi iu kirta khai. Nakhowk khe aia kowh vi mih tap kowi hai kawrnga kowi krawi cheu khai. Now Jehu dow aia kowh kawrnga hown Jezebel kowh uak mih thuaah khai.34Nami kung kowi Jehu dow kim kowi kowkup hanow cha chakkham khai. Now aia tek pe mih, “Paimi ka piati mih masiuüa kowi cham dupta büa diah. Tawngplawng kowchow panow aia dow mang chama chekhai,” pakhai.35Now Jehu kowh maru-uüa dow nami masiuüa kowi nacham dupta kownkow prang kowi lawt büah khai bowt. Tawkche amatni dow lu khaw hai bawng pang klen kowi tawngpaw kowkhi dowi bowt chekhai.36Now kowbüah dow uang plan hanow nami lawnguan mih Jehu kowi uang tek pe khai. Nakhowk khe Jehu tek mih, “Mami dow Tisbe marow kowi kowh aia kowh nar risi Elija kowi CHAKRAMANG tek pe iawng uang phaw mih chekhai. Aia tek pe mih, ‘Jezrel kowh süng kowi dow Jezebel kowh uak mih kui hawmh nachaah kown.37Nami dowm kowi dow aia kowh uak mih naphaw krawng bawr kown. Naiawng rakowi aia kowi dow miapaw natuk matah kown nadowi bowt,’ pape khai,” pakhai.
Jehu lüntaah mih, “Anging pungmadawng kowi mia iawng mih kowi chow en naphuang pe kown?” pape khai.
Nami risi klangah mih, “Aw siphai aluchow, en kowi chowbowt,” pakhai.6Naiawng rakowi Jehu dow awr rü hanow amatchi pre ia kim kowi kowkup khai. Nakhowk khe Jehu lu kowi klai pe sau hanow nami risi tek pe mih, “CHAKRAMANG Israeluüa kowh Thurai tek mih, ‘CHAKRAMANG kowh maru Israeluüa luk kowi nachowm mang kownkow ang nümnapta en khowk.7En kowh mangkri Ahab kowh kimchak kowi en nasaita kown. Nahanow ang kowh risiuüa hai ang kowh akeng mih naruüa kowi Ahab masi Jezebel saita mih lu klai dow aia kimchak kowi ang naripah kown.8Ahab kowh kimchak dow nakowng bowk kown. Nar lah, nar nadowi mih lah Israeluüa pungmadawng kowi kowh Ahab krungchak kachakuüa maten kowi ang nakowngta kown.9Aia kowh krungchak kowi dow Nebat kowh chapa mang Jeroboam krungchak hai Ahija kowh chapa mang Basa krungchak kowi changah iawng ang nachangah kown.10Jezebel kowi dow miapaw nadupah kown nadowi. Aia kowh uak dow Jezrel marow kowi kui hawmh nachaah kown,’ pakhai,” pape khai. Nami kung kowi dow nami risi klanguüa mih ho kim hanow alenma powt khai.11Now Jehu dow siphai aluchowuüa uowi rah kowi uang plan uang khai. Nakhowk khe siphai aluchow lowk ia lüntaah mih, “Tawngpaw own dowi ü? Paimi thukla uang mih tawng rakowi chow?” pakhai.
Nakhowk khe Jehu klangah mih, “Tawngpaw nadowi, aia dow klawk uailai reng mih enni aiawng tuk towbowt,” pape khai.12Amatni tek pe mih, “En dai taih. Aia tek en mih phuang anging diah,” pabüah khai.
Nakhowk khe Jehu tek pe mih, “Aia tek ang mih, ‘CHAKRAMANG kowh laiklow iawng Israeluüa luk kowi nachowm mang kownkow ang nümnapta en khowk,’ pakhai,” pape khai.13Nahanow naiawngün siphai aluchowuüa dow lenlenma amatni kowh kowrmow klüp hanow Jehu khawk chawpra kowi be pe khai. Now tum baw hanow atünma tek büah mih, “Jehu dow mang chowbowt,” pakhai.14(Mang Joram hai Israeluüa maten dow Gilead süng kowi kowh Ramawt marow natownla reng kownkow Siria pren mang Hazael kowi senah khai. Nakhowk khe mang Joram dow Siria siphaiuüa hownia ka arau khai. Nahanow aia kowh arau naiungla kownkow aia dow Jezrel marow kowi kowplan khai). Naiawng rakowi Jehu dow Jezrel marow kowi kowkowiah hanow mang Joram kowi nasaita kown mih sangkrang khai. Aia dow a-auiua siphai aluchowuüa kowi tek pe mih, “Enni che pe chowm ang mang kown nau khai hanow Jezrel marowchakuüa tut-e a-i kowh sangkrangra nakowting dowi kownkow Ramawt hownia miapaw naia lawt kown nadowi,” pakhai.16Nami kung kowi Jehu dow aia kowh kawrnga kari hown Jezrel marow kowi kowkowi khai. Tawngplawng kowchow panow Joram dow ka arau rakowi mawk reng tak chekhai. Now aia kowi kowh uang müah mih Juda pren mang Ahazia paw uowi reng tak chekhai.17Jezrel marow kowi kowh kimkrowng chawng mih maru dow Jehu kowh siphaiuüa uang mih khita hanow tek mih, “Siphai hawmh uang mih ang khi pathum!” pakhai.
Nakhowk khe Joram lawt ana mih, “Kawrnga kowi kowh chowm mih siphai kowi kowchin lowk ia diah. Now uang thawp taking tasangra kownkow amatni uang mih chünchü aia kowi kowpe lüntaah diah,” pape khai.18Naiawng rakowi kawrnga kowi kowh chowm mih siphai dow Jehu hown kowtakrum hanow tek pe mih, “Mangkri tek nauang thawp taking tasangra kownkow enni uang mih pe bow?” pakhai.
Jehu klangah mih, “Tawng chow en tawi tuk? Ang kung kowi phai uang krawi,” pape khai.
Nakhowk khe kangchawng mih kowtek pe mang Joram mih, “Amatni tut-e satang phowng mih maru kowting khowk diah. Tawkche aia uang plan dowi chekhai,” pakhai.19Naiawng rakowi mang dow kawrnga kowi kowh chowm mih siphai kowi kowplan chin lowk ia khai iawk. Now nami maru dow siphaiuüa tut-e kowkowiah hanow kowtek pe mih, “Mangkri tek mih maiawng: Saktuak iungma hown kowh enni uang mih bow?” pakhai.
Jehu klangah mih, “Tawng chow en tawi tuk? Ang kung kowi phai uang krawi,” pape khai.20Nami leng paw kangchawng mih kowplan now kowtek pe mih, “Amatni tut-e satang phowng mih maru kowting khowk diah. Tawkche aia paw uang plan dowi chekhai. Te kawrnga kari mih dow Nimsi kowh chu Jehu naown. Tawngplawng kowchow panow aia kowh kawrnga kari te krang dow thuklama mih maru kowh iawng chekhai,” pakhai.21Nakhowk khe Joram lawt ana mih, “Ang kowh kawrnga kari kamrüt ang diah,” pakhai. Naiawng kamrüt pe kung kowi dow Jehu hown nakowtakrum kownkow Israel mang Joram hai Juda mang Ahazia iüah mih chowlowkkow kawrnga kari hown kowkowi khai. Now Jehu kowi dow Jezrel marowchak Nabawt kowh dowm kowi amatchi kowkrum khai.22Jehu hown takrum hanow mang Joram lüntaah mih, “Jehu, nathawp taking tasangra kownkow en uang mih bow?” pakhai.
Jehu klangah mih, “En u Jezebel dow arup kowi chup ün hai lainowmma chang maiaklese lup khai. Nami kowi nathawp taking tasangra kownkow tawng iawng chow ang nauangah kown?” pape khai.23Nami kung kowi dow aia kowh kawrnga kari hown taplan hanow Joram powt mih khin khe Ahazia kowi hawla now tek pe mih, “Ahazia, nami dow kuanlama mih maru chekhai!” pakhai.24Nachenganchepaw Jehu dow aia kowh kür maten hown uüi salangba hanow Joram kumlawng kowi haiapah khai. Nahanow nami salangba sek dow Joram sak-uih kowi kowtaplawn khai, now aia dow kawrnga kari kowi hing kowng khai.25Nakhowk khe aia kowh maru iuk Bidkar kowi Jehu tek pe mih, “Aia kowh uak krowngla now Jezrel marowchak Nabawt kowh dowm kowi kowkuakta diah. Joram kowh pa Ahab kung kowi kawrnga kari hown achi krawi ta mang mih khin khe Ahab lawnguan kowi kowh CHAKRAMANG tekah mih sam tuak madiah. Nakhowk khe kowh CHAKRAMANG tek mih,26‘Ang CHAKRAMANG tek khowk. Mani khe Nabawt hai achapauüa kowi Ahab saiah mih ang khi. Nami lu klai dow nami dowm kowi aia kowi ang napaw pe kown,’ pakhai. Naiawng rakowi CHAKRAMANG tek iawng kawmat Joram kowh uak mih Nabawt kowh dowm kowi kowkuakta diah,” pakhai.27Naiawng phaw mih khita hanow Juda pren mang Ahazia dow Bet-Hagan marow pra kowh mangla mih tiama iawng powt khai. Nachenganchepaw Jehu dow Ahazia kung kawikrawi se tek mih, “Nami maru kowi paw saita bowt,” pakhai. Naiawng rakowi kawrnga kari hown Ibleam marow hown atawnchow mih Gur prakowi awr mangla mih pangchowng kowi aia kowi dow salangba hown krawi ap-ah khai. Tawkche aia dow Megido marow mowr kownowng powt khai, now nakowi aia mih kowkowng khai.28Now aia kowh maru iukuüa dow aia kowh uak mih kawrnga kari hown Jerusalem marow kowi kowpawla khai. Now aia kowi dow aia kowh pipu-uüa tadupra David marow kowi dupah khai.29Juda pren kowi Ahazia chowm mang mih dow Israel pren kowi Ahab kowh chapa Joram chowm mang mih lailowk ning khe chekhai.30Nami kung kowi dow Jezrel kowi Jehu kowkowi khai. Nami satang tata hanow Jezebel dow sü mikkhu pawi hanow klangiungchow sui sam khai. Now tawngpawk hownia aia hawt downg klowlow khai.31Now marow tapplawt kowi Jehu iu kup mih khin khe Jezebel hawt tek pe mih, “En dow kowmatia kim iah kowi sai mih Zimri iawng chekhai. Saktuak iungma hown kowh en uang mih bow?” pakhai.32Nakhowk khe tawngpawk prakowi awr tau se Jehu tek mih, “Tangila ang mih mia chow uowi?” pakhai. Now akletia maru iuk pre sum ia dow tawngpawk hownia aia kowi iu müah khai.33Now kowbüah kowi Jehu awr tek pe mih, “Nami masiuüa kowi iu kir madiah!” pakhai. Nahanow kowbüah dow Jezebel kowi iu kirta khai. Nakhowk khe aia kowh vi mih tap kowi hai kawrnga kowi krawi cheu khai. Now Jehu dow aia kowh kawrnga hown Jezebel kowh uak mih thuaah khai.34Nami kung kowi Jehu dow kim kowi kowkup hanow cha chakkham khai. Now aia tek pe mih, “Paimi ka piati mih masiuüa kowi cham dupta büa diah. Tawngplawng kowchow panow aia dow mang chama chekhai,” pakhai.35Now Jehu kowh maru-uüa dow nami masiuüa kowi nacham dupta kownkow prang kowi lawt büah khai bowt. Tawkche amatni dow lu khaw hai bawng pang klen kowi tawngpaw kowkhi dowi bowt chekhai.36Now kowbüah dow uang plan hanow nami lawnguan mih Jehu kowi uang tek pe khai. Nakhowk khe Jehu tek mih, “Mami dow Tisbe marow kowi kowh aia kowh nar risi Elija kowi CHAKRAMANG tek pe iawng uang phaw mih chekhai. Aia tek pe mih, ‘Jezrel kowh süng kowi dow Jezebel kowh uak mih kui hawmh nachaah kown.37Nami dowm kowi dow aia kowh uak mih naphaw krawng bawr kown. Naiawng rakowi aia kowi dow miapaw natuk matah kown nadowi bowt,’ pape khai,” pakhai.
The Seed Company