2 Manguüa8
1Aia sing pe chapa mih masiuüa kowi kowh Elisa tek pe mih, “En kowh kimchakuüa kowi pawla hanow akeng mih arah kowi cham uowi diah. Tawngplawng kowchow panow CHAKRAMANG mih mami pren kowi khown nauang pe klaah kown chekhai. Nami khown dow ranit ning mowr nauowi kown,” pakhai.2Naiawng rakowi nami masiuüa dow Thurai maru Elisa tek iawng chang khai. Aia dow aia kimchakuüa hown nami hownia lawt hanow Filistinuüa pren kowi ranit ning mowr kowuowi khai.3Ranit ning kung kowi dow Filistinuüa pren hownia aia uang plan khai bowt. Now aia kowh kim üa naplan ka iawk kownkow kowkowiah hanow mang tut-e aia kowlü khai.4Nakowi aia kowting mih khin khe mang dow Thurai maru kowh nar Gehazi hown hawt talawp thüm chekhai. Mangkri tek pe Gehazi mih, “Elisa changah mih awdara lup maten tek ang diah,” pakhai.5Now Gehazi dow Sunem marow kowi kowh masiuüa kowh chapa kowi Elisa sing pe mih lawnguan mang kowi lawp pe khai. Naiawng lawp pe thüm khe nami masiuüa dow aia kowh kim üa naplan ka iawk kownkow mang tut-e uang towm khai bowt.
Nakhowk khe Gehazi tek pe mang mih, “Aw ang kowh mangkri, mami chowbowt nami masiuüa, now mami chowbowt Elisa singah mih ngeuüa,” pakhai.6Nami lawnguan kowi mangkri lüntaah hanow nami masiuüa tek pe bowk khai.
Naiawng rakowi mang dow aia kowh maru iuk lowk ia kowi hawah hanow tek pe mih, “Nami masiuüa kowh dawngthawnguan maten aia kowi planta pe bowk diah. Nami klen kowi akeng kowi aia cham uowi ranit ning khe kowh aia krawng bawn hownia ta kaah mih luprak sung paw aia kowi peah diah,” pakhai.7Akat khe Elisa dow Siria pren kowi kowh marow kri Damaska kowi kowkowi khai. Nakhowk khe Siria pren mang Ben-Hadad dow arau uowi khai. Now aia kowi aia kowh maru iukuüa tek pe mih, “Thurai maru uang,” pakhai.8Nakhowk khe aia kowh maru iuk Hazael kowi mang tek pe mih, “Pawla awmrawm sung hanow Thurai maru hown kowtakrum diah. Now mami ang kowh arau iung chünchü mih CHAKRAMANG tut-e aia kowi pe lüntaah madiah,” pakhai.9Naiawng rakowi Hazael dow Elisa vüi Damaska marow kowi kowh aiung aiungma mih uanh chap maten krawi pawah khai, now naiawngün uanh maten mih ut 40 pum luk kowi tangla hanow Elisa hown nakowtakrum kownkow kowkowi khai. Now kowtakrum mih khin khe aia tek pe Elisa mih, “Siria pren mang en kowh nar Ben-Hadad kowh arau naiung kown chünchü mih nauang lünta en kownkow aia uang chin ang mih chowdiah chaw,” pakhai.10Nakhowk khe Elisa klangah mih, “Aia dow naiung ngengche kown taih pami kowtek pe diah. Nachenganchepaw aia dow nakowng ngengche kown mih CHAKRAMANG tek ang khai,” pape khai.11Nami kung kowi dow Hazael rukrai pat amik sang Elisa müah khai. Now Thurai maru Elisa mih kar khai.12Nakhowk khe Hazael lüntaah mih, “Chakramang, tawngplawng kowchow en kar khai?” pakhai.
Elisa klangah mih, “Tawngplawng kowchow panow Israeluüa kowi en nachangah angak kown mih ang aiawng tuk. Amatni kowh akhawtma mih kangchawngra kim dow en natowkta pe kown, amatni kowh klanguüa hawmh kowi en nasaita pe kown, amatni kowh ngeuüa hawmh kowi dow en natheuta pe kown, now amatni kowh kum nau mih masiuüa hawmh kowi en nakhuekta pe mu kown,” pape khai.13Hazael klangah mih, “Ang dow kui iawng asung uowi dowi mih maru chowtaih. Tawng iawng chow naiawng khowt mih kri kraingma mih lup ang nachang kown?” pakhai.
Elisa tek pe mih, “Siria pren mang en nachowng kown mih CHAKRAMANG rik tek ang khowk chekhai,” pape khai.14Nami kung kowi Elisa hownia powt hanow aia kowh mangkri tut-e Hazael kowplan khai bowt. Nakhowk khe mang Ben-Hadad hawt lüntaah mih, “Tawng chow Elisa hawt tek en?” pakhai.
Hazael klangah mih, “En kowh arau naiung ngengche kown mih aia hawt tek ang khai,” pape khai.15Tawkche auai ni khe dow Hazael mih paw uanchow lowk hanow tui kowi sikah khai, now nami uanchow dow mang kowng dowi mowr mang kowh lumowr kowi aia mumta pe hüah khai. Nami kung kowi dow aia mih ta chowm mang khai.16Juda pren kowi Jehosafat kowh chapa Jehoram chowm mang mih dow Israel pren kowi mang Ahab chapa Joram chowm mang mih tanga ning khe chekhai.17Jehoram chowm mih dow 32 ning khe chekhai, now aia dow raiat ning mowr Jerusalem marow kowi chowmla mang khai.18Aia kowh masi dow mang Ahab kowh chama chekhai. Naiawng rakowi aia dow mang Ahab kimchakuüa iawng hai Israeluüa kowh akeng mih manguüa iawng tawi chang angak khai. Aia dow CHAKRAMANG mik kowi angakma mih lup chang khai.19Nachenganchepaw CHAKRAMANG dow David kowh krungchak kowi napiakta kown mih nau dowi chekhai. Tawngplawng kowchow panow David kowh krungchakuüa atungma nachowm mang reng kown mih David kowi CHAKRAMANG khamta khai bowt.20Juda pren mang Jehoram chowm mang mih khin khe Edawm prenchakuüa dow Judauüa kowi kingküaah khai, now amatni matia vüi lang tow mang büah lowk ia khai.21Naiawng rakowi Jehoram dow aia kowh kawrnga kari maten pawla now Zair marow kowi kowkowi khai. Nakhowk khe Edawmuüa dow Jehoram hai aia kowh siphai aluchowuüa kowi kowrumah khai. Tawkche Jehoram hai aia kowh siphai aluchowuüa dow uar-e khe Edawmuüa rumah mih kowi nowng thüa büah khai. Nachenganchepaw Jehoram kowh siphaiuüa dow amatni lowkkowlowk kim kowi powt khai.22Naiawng hai Edawmuüa dow kawmat mowr pat Judauüa kowi kingküaah reng tak chekhai. Nami khin khe Libna marowchakuüa paw tawi kingküaah khai.23Mang Jehoram kowh akeng mih lup lawnguan maten dow “Juda Manguüa Lawnguan” pami bowih kowi arui uowi chekhai.24Akung kowi aia dow kowng hanow David marow kowi aia pipu-uüa tadupra kowi maru dupah khai. Aia takcha kowi dow achapa Ahazia mih ta chowm mang khai.25Juda pren kowi Jehoram chapa Ahazia chowm mang mih dow Israel pren kowi mang Ahab chapa Joram chowm mang mih laipre ning khe chekhai.26Aia chowm mang mih dow 22 ning khe chekhai, now aia dow paning mowr Jerusalem marow kruitownla khai. A-u ming dow Athalia chekhai. A-u dow Israel mang Awmri kowh chu chekhai.27Aia dow mang Ahab kimchakuüa chang iawng tawi chang angak khai. Aia dow CHAKRAMANG mik kowi angakma mih lup chang khai. Tawngplawng kowchow panow aia dow Ahab kimchak masiuüa hown tachawng mih rakowi chekhai.28Mang Ahazia dow Israel mang Joram hown tawi tabawng hanow Siria pren mang Hazael kowi tawi senah khai. Now amatni dow Gilead süng kowi kowh Ramawt marow kowi tasen büah khai. Nakhowk khe mang Joram dow Siria siphaiuüa hownia ka arau khai.29Now aia kowh arau naiungla kownkow aia dow Jezrel marow kowi kowplan khai. Nakhowk khe aia hown nauang takrum kownkow Juda pren mang Ahazia paw nakowi uang khai.
Nakhowk khe Gehazi tek pe mang mih, “Aw ang kowh mangkri, mami chowbowt nami masiuüa, now mami chowbowt Elisa singah mih ngeuüa,” pakhai.6Nami lawnguan kowi mangkri lüntaah hanow nami masiuüa tek pe bowk khai.
Naiawng rakowi mang dow aia kowh maru iuk lowk ia kowi hawah hanow tek pe mih, “Nami masiuüa kowh dawngthawnguan maten aia kowi planta pe bowk diah. Nami klen kowi akeng kowi aia cham uowi ranit ning khe kowh aia krawng bawn hownia ta kaah mih luprak sung paw aia kowi peah diah,” pakhai.7Akat khe Elisa dow Siria pren kowi kowh marow kri Damaska kowi kowkowi khai. Nakhowk khe Siria pren mang Ben-Hadad dow arau uowi khai. Now aia kowi aia kowh maru iukuüa tek pe mih, “Thurai maru uang,” pakhai.8Nakhowk khe aia kowh maru iuk Hazael kowi mang tek pe mih, “Pawla awmrawm sung hanow Thurai maru hown kowtakrum diah. Now mami ang kowh arau iung chünchü mih CHAKRAMANG tut-e aia kowi pe lüntaah madiah,” pakhai.9Naiawng rakowi Hazael dow Elisa vüi Damaska marow kowi kowh aiung aiungma mih uanh chap maten krawi pawah khai, now naiawngün uanh maten mih ut 40 pum luk kowi tangla hanow Elisa hown nakowtakrum kownkow kowkowi khai. Now kowtakrum mih khin khe aia tek pe Elisa mih, “Siria pren mang en kowh nar Ben-Hadad kowh arau naiung kown chünchü mih nauang lünta en kownkow aia uang chin ang mih chowdiah chaw,” pakhai.10Nakhowk khe Elisa klangah mih, “Aia dow naiung ngengche kown taih pami kowtek pe diah. Nachenganchepaw aia dow nakowng ngengche kown mih CHAKRAMANG tek ang khai,” pape khai.11Nami kung kowi dow Hazael rukrai pat amik sang Elisa müah khai. Now Thurai maru Elisa mih kar khai.12Nakhowk khe Hazael lüntaah mih, “Chakramang, tawngplawng kowchow en kar khai?” pakhai.
Elisa klangah mih, “Tawngplawng kowchow panow Israeluüa kowi en nachangah angak kown mih ang aiawng tuk. Amatni kowh akhawtma mih kangchawngra kim dow en natowkta pe kown, amatni kowh klanguüa hawmh kowi en nasaita pe kown, amatni kowh ngeuüa hawmh kowi dow en natheuta pe kown, now amatni kowh kum nau mih masiuüa hawmh kowi en nakhuekta pe mu kown,” pape khai.13Hazael klangah mih, “Ang dow kui iawng asung uowi dowi mih maru chowtaih. Tawng iawng chow naiawng khowt mih kri kraingma mih lup ang nachang kown?” pakhai.
Elisa tek pe mih, “Siria pren mang en nachowng kown mih CHAKRAMANG rik tek ang khowk chekhai,” pape khai.14Nami kung kowi Elisa hownia powt hanow aia kowh mangkri tut-e Hazael kowplan khai bowt. Nakhowk khe mang Ben-Hadad hawt lüntaah mih, “Tawng chow Elisa hawt tek en?” pakhai.
Hazael klangah mih, “En kowh arau naiung ngengche kown mih aia hawt tek ang khai,” pape khai.15Tawkche auai ni khe dow Hazael mih paw uanchow lowk hanow tui kowi sikah khai, now nami uanchow dow mang kowng dowi mowr mang kowh lumowr kowi aia mumta pe hüah khai. Nami kung kowi dow aia mih ta chowm mang khai.16Juda pren kowi Jehosafat kowh chapa Jehoram chowm mang mih dow Israel pren kowi mang Ahab chapa Joram chowm mang mih tanga ning khe chekhai.17Jehoram chowm mih dow 32 ning khe chekhai, now aia dow raiat ning mowr Jerusalem marow kowi chowmla mang khai.18Aia kowh masi dow mang Ahab kowh chama chekhai. Naiawng rakowi aia dow mang Ahab kimchakuüa iawng hai Israeluüa kowh akeng mih manguüa iawng tawi chang angak khai. Aia dow CHAKRAMANG mik kowi angakma mih lup chang khai.19Nachenganchepaw CHAKRAMANG dow David kowh krungchak kowi napiakta kown mih nau dowi chekhai. Tawngplawng kowchow panow David kowh krungchakuüa atungma nachowm mang reng kown mih David kowi CHAKRAMANG khamta khai bowt.20Juda pren mang Jehoram chowm mang mih khin khe Edawm prenchakuüa dow Judauüa kowi kingküaah khai, now amatni matia vüi lang tow mang büah lowk ia khai.21Naiawng rakowi Jehoram dow aia kowh kawrnga kari maten pawla now Zair marow kowi kowkowi khai. Nakhowk khe Edawmuüa dow Jehoram hai aia kowh siphai aluchowuüa kowi kowrumah khai. Tawkche Jehoram hai aia kowh siphai aluchowuüa dow uar-e khe Edawmuüa rumah mih kowi nowng thüa büah khai. Nachenganchepaw Jehoram kowh siphaiuüa dow amatni lowkkowlowk kim kowi powt khai.22Naiawng hai Edawmuüa dow kawmat mowr pat Judauüa kowi kingküaah reng tak chekhai. Nami khin khe Libna marowchakuüa paw tawi kingküaah khai.23Mang Jehoram kowh akeng mih lup lawnguan maten dow “Juda Manguüa Lawnguan” pami bowih kowi arui uowi chekhai.24Akung kowi aia dow kowng hanow David marow kowi aia pipu-uüa tadupra kowi maru dupah khai. Aia takcha kowi dow achapa Ahazia mih ta chowm mang khai.25Juda pren kowi Jehoram chapa Ahazia chowm mang mih dow Israel pren kowi mang Ahab chapa Joram chowm mang mih laipre ning khe chekhai.26Aia chowm mang mih dow 22 ning khe chekhai, now aia dow paning mowr Jerusalem marow kruitownla khai. A-u ming dow Athalia chekhai. A-u dow Israel mang Awmri kowh chu chekhai.27Aia dow mang Ahab kimchakuüa chang iawng tawi chang angak khai. Aia dow CHAKRAMANG mik kowi angakma mih lup chang khai. Tawngplawng kowchow panow aia dow Ahab kimchak masiuüa hown tachawng mih rakowi chekhai.28Mang Ahazia dow Israel mang Joram hown tawi tabawng hanow Siria pren mang Hazael kowi tawi senah khai. Now amatni dow Gilead süng kowi kowh Ramawt marow kowi tasen büah khai. Nakhowk khe mang Joram dow Siria siphaiuüa hownia ka arau khai.29Now aia kowh arau naiungla kownkow aia dow Jezrel marow kowi kowplan khai. Nakhowk khe aia hown nauang takrum kownkow Juda pren mang Ahazia paw nakowi uang khai.
The Seed Company