2 Manguüa10
1Samari marow kowi dow Ahab kowh chuprek chaprekuüa uowi 70 ia chekhai. Now Jehu dow rui chasak hanow Samari marow kruitown miuüa kowi, lawngtang aluchowuüa kowi hai Ahab chuprek chaprekuüa kowh mingkhet miuüa kowi krawi sa pe khai. Chasak kowi aia krawi rui pe mih,2“Mangkri kowh chuprek chaprek dow enni tut-e chekhai. Now enni kowh dow kawrnga kari ün, kawrnga ün, tap uowi mih marow ün, now tasen müa rutchün khawkleng paw uowi chekhai. Naiawng rakowi enni ka chasak hown krowksang mangkri chuprek chaprek hownia anowmma mih hai tataing mih maru kowi ruiah büah lowk ia diah, now pe chowmah mang diah. Nami kung kowi dow aia vüi dowk pe tasen büa diah,” pakhai.4Nachenganchepaw amatni dow nami chasak phatta hanow lainowmma kram büah khai. Amatni tatek mih, “Jehu kowi dow mang Joram hai mang Ahazia iüah khowm nowngah dowi mih a-i ngam tawng iawng chow nanowngah kown?” pabüah khai.5Naiawng rakowi mang kim kowi kowh kruitown mih, marow kowi kowh kruitown mih, lawngtang aluchowuüa hai Ahab chuprek chaprekuüa kowh mingkhet miuüa dow Jehu tut-e kowchin maru hanow krawi tek pe mih, “Anging dow en kowh nar chowtaih. En tek iawng anging nachang kown towbowt. Mia iawng mih kowi paw anging natow mang kown nadowi. En tut-e iung iawng chang diah towbowt,” pape khai.6Nami kung kowi dow amatni kowi Jehu krawi plan rui pe chasak lowk iawk. Aia krawi rui pe mih, “Enni che tangila ang hai ang kowh ana pek chün kown enni nau khai hanow enni kowh mang chuprek chaprekuüa kowh lu dungta pe büa diah. Naiawngün lu dow tharau kowh maiawng khin khe Jezrel marow kowi ang tut-e uang pawla büa diah,” pakhai.
Nami khin khe naiawngün Ahab chuprek chaprek 70 ia dow Samari marow kowi kowh aluchowuüa tut-e chekhai. Amatni kowi kowh mingkhetah mih dow naiawngün aluchowuüa chekhai.7Jehu kowh nami chasak kata hanow Samari marow kowi kowh aluchowuüa dow naiawngün 70 ia maru-uüa kowi saita hanow dungta pe lu khai. Now naiawngün lu dow kharang hown Jezrel marow kowi Jehu tut-e krawi sa pe khai.8Nakhowk khe satang phowng mih maru lowk ia uang tek pe Jehu mih, “Mang Ahab kowh chuprek chaprekuüa kowh lu kowbüah uang pawla khowk,” pakhai.
Naiawng rakowi mang Jehu lawt ana mih, “Naiawngün lu mih marow tapplawt kowi chunah pre chun diah, now auai rau mowr towah diah,” pape khai.9Now auai rau dow Jehu mih marow tapplawt kowi kowkowi khai. Now maru kawmuüa maten kowi aia tek pe mih, “Mang Joram kowi saita kownkow sangkrang mih dow ang chowtaih; nami lawnguan kowi tawngpaw enni kowh aprek uowi dowi. Nachenganchepaw maiawngün maru maten kowi saita mih amia chow?10Naiawng phaw mih hownia enni natukah kown mih dow Ahab chuprek chaprekuüa lawnguan kowi kowh CHAKRAMANG tekah iawng nauang tachih kown pami chekhai. CHAKRAMANG dow anar Elija kowi kowh tek pe iawng chang mih chekhai,” pakhai.11Naiawng rakowi akung kowi Jehu dow Jezrel marow kowi kowh Ahab kowh chuprek chaprekuüa, aia kowh maru iukuüa, aia kowh auiuauüa hai aia kowh uamowuüa kowi saita pe bowk khai. Nakowi dow Ahab kowh maru lowk iachow paw sing uowi dowi bowt chekhai.12Nami kung kowi dow Jehu mih Jezrel marow hownia lawt hanow Samari marow kowi kowkowi khai. Now aia dow Ruapur Thing Miuüa Kowh Bet-Eked pami arah kowi kowtowm khe Juda pren mang Ahazia kowh tasin taken miuüa hown takrum khai. Amatni kowi aia lüntaah mih, “Mia chow enni?” pakhai. Amatni klangah mih, “Anging dow Ahazia kowh tasin taken miuüa taih. Masiuüa mang Jezebel kowh chapauüa kowi hai mang Joram kowh chapauüa hown nakowtakrum kownkow Jezrel marow kowi anging cham kowi mih taih,” pakhai.14Nakhowk khe aia kowh maru-uüa kowi Jehu peah ana mih, “Kowbüah kowi asing khümah diah,” pakhai. Naiawng rakowi aia kowh maru-uüa dow amatni 42 ia kowi asing khümah khai. Now amatni kowi dow Bet-Eked kowi kowh tuikuam re-e saita büah khai; lowk iachow kowi paw towah sing büah dowi chekhai.15Nami hownia powt hanow Rekab kowh chapa Jonadab hown Jehu takrum khai. Aia dow Jehu hown nauang takrum kownkow uang mih chekhai. Now aia hown takrum hanow Jehu tek pe mih, “Ang tangila en iawng en paw tangila ang bow?” pakhai.
Nakhowk khe Jonadab klangah mih, “Ow, tangi chow,” pape khai.
Jehu tek pe mih, “Naiawng now awr iaw rut diah,” pakhai. Nahanow Jonadab dow awr iaw rut khai, now aia kowi dow Jehu mih aia kowh kawrnga kari kowi tangla khai.16Nami kung kowi Jehu tek pe mih, “Ang hown tawi diah, now CHAKRAMANG vüi ang sakkrai mih krang en nakhi kown,” pakhai. Naiawng rakowi aia dow Jehu kowh kawrnga kari hown kowtawi khai.17Now Samari marow kowi uang towm hanow ta sing uowi mih Ahab chuprek chaprekuüa kowi Jehu saita bowk khai. Nami dow Elija kowi kowh CHAKRAMANG tek pe iawng rowprowp uang phaw mih chekhai.18Nami kung kowi dow Jehu mih Samari marow kowi kowh maru maten kowi kuaah hanow tek pe mih, “Baal thurai kowi Ahab chupiia mih dow a-echow taih tak. Tawkche ang dow nami lak-e hu nachupiia kown.19Baal thurai vüi kowi tawncher hown aiukma nachang phuchua pawi lowk kown. Naiawng rakowi kawmat mih Baal thurai kowh risiuüa maten, aia kowi chupiia miuüa maten hai aia kowh uamowuüa maten kowi uang hawla büa diah. Miapaw ta lat dowi iawng enni nakrawi hawla kown. Uang tawi dowi mih maru kowi dow nakowngta kown,” pakhai. Tawkche naiawng Jehu kuanah mih dow Baal thurai kowi kowh chupiia miuüa kowi nasaita bowk kownkow chekhai.20Nami kung kowi Jehu tek pe mih, “Baal thurai vüi chang pawi kown mih satang krawi phuang diah,” pakhai. Naiawng rakowi maru kawmuüa dow nami satang krawi phowng büah khai.21Nakhowk khe Jehu dow nami lawnguan mih Israeluüa uowi rah maten kowi krawi phowng pe khai. Nahanow Baal thurai kowi kowh chupiia miuüa dow lowk iachow paw ta lawt dowi kowi uang ting bowk chekhai. Amatni dow Baal thurai kim kowi kup büah khai, now kim mih hing tek mup khai.22Nakhowk khe tawnguat mingkhet mih maru kowi Jehu tek pe mih, “Baal thurai kowi chupiia miuüa vüi uang pawla pe tawnguat dit,” pakhai. Nahanow nami maru dow kowbüah vüi uang pawla pe tawnguat khai.23Nami kung kowi Jehu hai Jonadab iüah mih Baal thurai kim lak kowi kowkup khai. Now Baal thurai kowi kowh chupiia miuüa kowi Jehu tek pe mih, “Makowi dow Baal thurai kowi kowh chupiia miuüa ngetchow taih nauowi kown. CHAKRAMANG kowi chupiia miuüa lowk iachow paw tawi uowi dowi iawng enni krawi müah büa diah,” pakhai.24Nami kung kowi amatchi dow Baal thurai vüi tawncher hown kowh phuchua hai tikah mih uanap chang iüah khai. Tawkche nami dowi rawn khe Jehu mih maru iun 80 ia kowi thurai kim uat kowi ta pe iowngah khai. Now aia tekla pe mih, “Naiawngün maru-uüa kowi dow enni nasaita bowk kown. Mia iawng mih chow pe powtah khai hanow nami maru takcha aia kowi napawta pe asak kown,” pakhai.25Tikah mih uanap ki chang hown krowksang kangchawng miuüa hai siphai aluchowuüa kowi Jehu peah ana mih, “Alak kowi uang kup hanow maiawngün maru-uüa kowi uang saita büah bowk bowt. Lowk iachow kowi paw amatni kowi enni nape plaiah kown nadowi,” pakhai. Naiawng rakowi kangchawng miuüa hai siphai aluchowuüa dow saidawng hown naiawngün maru-uüa kowi uang saita bowk khai. Now naiawngün maru-uüa uak dow Baal thurai kim uat kowi uai kuakta büah pan khai. Nami kung kowi dow Baal thurai kim lak kowi kowh towklak kowi kowkup büah khai.26Nami kim hownia dow phuchuala Baal thurai mih chüng ün uang lawtla hanow tikta büah khai.27Naiawng ki tikta pe achüng kung kowi dow Baal thurai kim paw hing piakta pe khai. Nami hownia kawmat mowr pat nami kim dow maru changla uatra kim khai.28Naiawng hai Israeluüa pungmadawng kowi Baal thurai chup dow Jehu hing mitta pe khai.29Nachenganchepaw Nabawt kowh chapa Jeroboam changah mih angak dow Jehu nowng kuakta dowi tak chekhai. Jeroboam kowh angak dow Bethel marow hai Dan marow kowi uowi reng tak khe kuh hown thawp chia chah rup hanow Israeluüa kowi aia pe chup pe iiala khai.30CHAKRAMANG tek pe Jehu mih, “Ahab chuprek chaprekuüa lawnguan kowi kowh ang tekta iawng aiungma en changah khai. Naiawng rakowi en kowh krungchakuüa dow tali chowng mowr Israel pren kowi naka chowm mang kown,” pakhai.31Nachenganchepaw Jehu dow aia kowh sak maiow hown CHAKRAMANG Israeluüa kowh Thurai ari aiang mih chün dowi chekhai. Jeroboam rakowi kowh Israeluüa piakla mih angak dow aia kuakta dowi tak chekhai.32Nami khin hownia bowt now CHAKRAMANG dow Israeluüa kowh pren sünghi mih sowmta pe rürü khai. Siria pren mang Hazael dow Jawrdan aw satlawt pra kowh Israeluüa kowi krawi senah hanow amatni kowh süng maten powngta pe khai.33Naiawngün süng dow Arnawn aw re-e kowh Aroer marow hownia Gilead süng maten hai Basan süng maten mowr chekhai. Naiawngün süng kowi dow Gad krungchakuüa, Reuben krungchakuüa hai Manase krungchakuüa kowh süng uowi chekhai.34Jehu kowh akeng mih lup maten hai tasen awng mih lawnguan dow “Israel Manguüa Lawnguan” pami bowih kowi arui uowi bowk chekhai.35Akung kowi Jehu dow kowng hanow Samari marow kowi maru dupah khai. Aia takcha dow achapa Jehoahaz mih ta chowm mang khai.36Jehu dow Samari marow kowi 28 ning mowr Israeluüa luk kowi chowmla mang khai.
Nami khin khe naiawngün Ahab chuprek chaprek 70 ia dow Samari marow kowi kowh aluchowuüa tut-e chekhai. Amatni kowi kowh mingkhetah mih dow naiawngün aluchowuüa chekhai.7Jehu kowh nami chasak kata hanow Samari marow kowi kowh aluchowuüa dow naiawngün 70 ia maru-uüa kowi saita hanow dungta pe lu khai. Now naiawngün lu dow kharang hown Jezrel marow kowi Jehu tut-e krawi sa pe khai.8Nakhowk khe satang phowng mih maru lowk ia uang tek pe Jehu mih, “Mang Ahab kowh chuprek chaprekuüa kowh lu kowbüah uang pawla khowk,” pakhai.
Naiawng rakowi mang Jehu lawt ana mih, “Naiawngün lu mih marow tapplawt kowi chunah pre chun diah, now auai rau mowr towah diah,” pape khai.9Now auai rau dow Jehu mih marow tapplawt kowi kowkowi khai. Now maru kawmuüa maten kowi aia tek pe mih, “Mang Joram kowi saita kownkow sangkrang mih dow ang chowtaih; nami lawnguan kowi tawngpaw enni kowh aprek uowi dowi. Nachenganchepaw maiawngün maru maten kowi saita mih amia chow?10Naiawng phaw mih hownia enni natukah kown mih dow Ahab chuprek chaprekuüa lawnguan kowi kowh CHAKRAMANG tekah iawng nauang tachih kown pami chekhai. CHAKRAMANG dow anar Elija kowi kowh tek pe iawng chang mih chekhai,” pakhai.11Naiawng rakowi akung kowi Jehu dow Jezrel marow kowi kowh Ahab kowh chuprek chaprekuüa, aia kowh maru iukuüa, aia kowh auiuauüa hai aia kowh uamowuüa kowi saita pe bowk khai. Nakowi dow Ahab kowh maru lowk iachow paw sing uowi dowi bowt chekhai.12Nami kung kowi dow Jehu mih Jezrel marow hownia lawt hanow Samari marow kowi kowkowi khai. Now aia dow Ruapur Thing Miuüa Kowh Bet-Eked pami arah kowi kowtowm khe Juda pren mang Ahazia kowh tasin taken miuüa hown takrum khai. Amatni kowi aia lüntaah mih, “Mia chow enni?” pakhai. Amatni klangah mih, “Anging dow Ahazia kowh tasin taken miuüa taih. Masiuüa mang Jezebel kowh chapauüa kowi hai mang Joram kowh chapauüa hown nakowtakrum kownkow Jezrel marow kowi anging cham kowi mih taih,” pakhai.14Nakhowk khe aia kowh maru-uüa kowi Jehu peah ana mih, “Kowbüah kowi asing khümah diah,” pakhai. Naiawng rakowi aia kowh maru-uüa dow amatni 42 ia kowi asing khümah khai. Now amatni kowi dow Bet-Eked kowi kowh tuikuam re-e saita büah khai; lowk iachow kowi paw towah sing büah dowi chekhai.15Nami hownia powt hanow Rekab kowh chapa Jonadab hown Jehu takrum khai. Aia dow Jehu hown nauang takrum kownkow uang mih chekhai. Now aia hown takrum hanow Jehu tek pe mih, “Ang tangila en iawng en paw tangila ang bow?” pakhai.
Nakhowk khe Jonadab klangah mih, “Ow, tangi chow,” pape khai.
Jehu tek pe mih, “Naiawng now awr iaw rut diah,” pakhai. Nahanow Jonadab dow awr iaw rut khai, now aia kowi dow Jehu mih aia kowh kawrnga kari kowi tangla khai.16Nami kung kowi Jehu tek pe mih, “Ang hown tawi diah, now CHAKRAMANG vüi ang sakkrai mih krang en nakhi kown,” pakhai. Naiawng rakowi aia dow Jehu kowh kawrnga kari hown kowtawi khai.17Now Samari marow kowi uang towm hanow ta sing uowi mih Ahab chuprek chaprekuüa kowi Jehu saita bowk khai. Nami dow Elija kowi kowh CHAKRAMANG tek pe iawng rowprowp uang phaw mih chekhai.18Nami kung kowi dow Jehu mih Samari marow kowi kowh maru maten kowi kuaah hanow tek pe mih, “Baal thurai kowi Ahab chupiia mih dow a-echow taih tak. Tawkche ang dow nami lak-e hu nachupiia kown.19Baal thurai vüi kowi tawncher hown aiukma nachang phuchua pawi lowk kown. Naiawng rakowi kawmat mih Baal thurai kowh risiuüa maten, aia kowi chupiia miuüa maten hai aia kowh uamowuüa maten kowi uang hawla büa diah. Miapaw ta lat dowi iawng enni nakrawi hawla kown. Uang tawi dowi mih maru kowi dow nakowngta kown,” pakhai. Tawkche naiawng Jehu kuanah mih dow Baal thurai kowi kowh chupiia miuüa kowi nasaita bowk kownkow chekhai.20Nami kung kowi Jehu tek pe mih, “Baal thurai vüi chang pawi kown mih satang krawi phuang diah,” pakhai. Naiawng rakowi maru kawmuüa dow nami satang krawi phowng büah khai.21Nakhowk khe Jehu dow nami lawnguan mih Israeluüa uowi rah maten kowi krawi phowng pe khai. Nahanow Baal thurai kowi kowh chupiia miuüa dow lowk iachow paw ta lawt dowi kowi uang ting bowk chekhai. Amatni dow Baal thurai kim kowi kup büah khai, now kim mih hing tek mup khai.22Nakhowk khe tawnguat mingkhet mih maru kowi Jehu tek pe mih, “Baal thurai kowi chupiia miuüa vüi uang pawla pe tawnguat dit,” pakhai. Nahanow nami maru dow kowbüah vüi uang pawla pe tawnguat khai.23Nami kung kowi Jehu hai Jonadab iüah mih Baal thurai kim lak kowi kowkup khai. Now Baal thurai kowi kowh chupiia miuüa kowi Jehu tek pe mih, “Makowi dow Baal thurai kowi kowh chupiia miuüa ngetchow taih nauowi kown. CHAKRAMANG kowi chupiia miuüa lowk iachow paw tawi uowi dowi iawng enni krawi müah büa diah,” pakhai.24Nami kung kowi amatchi dow Baal thurai vüi tawncher hown kowh phuchua hai tikah mih uanap chang iüah khai. Tawkche nami dowi rawn khe Jehu mih maru iun 80 ia kowi thurai kim uat kowi ta pe iowngah khai. Now aia tekla pe mih, “Naiawngün maru-uüa kowi dow enni nasaita bowk kown. Mia iawng mih chow pe powtah khai hanow nami maru takcha aia kowi napawta pe asak kown,” pakhai.25Tikah mih uanap ki chang hown krowksang kangchawng miuüa hai siphai aluchowuüa kowi Jehu peah ana mih, “Alak kowi uang kup hanow maiawngün maru-uüa kowi uang saita büah bowk bowt. Lowk iachow kowi paw amatni kowi enni nape plaiah kown nadowi,” pakhai. Naiawng rakowi kangchawng miuüa hai siphai aluchowuüa dow saidawng hown naiawngün maru-uüa kowi uang saita bowk khai. Now naiawngün maru-uüa uak dow Baal thurai kim uat kowi uai kuakta büah pan khai. Nami kung kowi dow Baal thurai kim lak kowi kowh towklak kowi kowkup büah khai.26Nami kim hownia dow phuchuala Baal thurai mih chüng ün uang lawtla hanow tikta büah khai.27Naiawng ki tikta pe achüng kung kowi dow Baal thurai kim paw hing piakta pe khai. Nami hownia kawmat mowr pat nami kim dow maru changla uatra kim khai.28Naiawng hai Israeluüa pungmadawng kowi Baal thurai chup dow Jehu hing mitta pe khai.29Nachenganchepaw Nabawt kowh chapa Jeroboam changah mih angak dow Jehu nowng kuakta dowi tak chekhai. Jeroboam kowh angak dow Bethel marow hai Dan marow kowi uowi reng tak khe kuh hown thawp chia chah rup hanow Israeluüa kowi aia pe chup pe iiala khai.30CHAKRAMANG tek pe Jehu mih, “Ahab chuprek chaprekuüa lawnguan kowi kowh ang tekta iawng aiungma en changah khai. Naiawng rakowi en kowh krungchakuüa dow tali chowng mowr Israel pren kowi naka chowm mang kown,” pakhai.31Nachenganchepaw Jehu dow aia kowh sak maiow hown CHAKRAMANG Israeluüa kowh Thurai ari aiang mih chün dowi chekhai. Jeroboam rakowi kowh Israeluüa piakla mih angak dow aia kuakta dowi tak chekhai.32Nami khin hownia bowt now CHAKRAMANG dow Israeluüa kowh pren sünghi mih sowmta pe rürü khai. Siria pren mang Hazael dow Jawrdan aw satlawt pra kowh Israeluüa kowi krawi senah hanow amatni kowh süng maten powngta pe khai.33Naiawngün süng dow Arnawn aw re-e kowh Aroer marow hownia Gilead süng maten hai Basan süng maten mowr chekhai. Naiawngün süng kowi dow Gad krungchakuüa, Reuben krungchakuüa hai Manase krungchakuüa kowh süng uowi chekhai.34Jehu kowh akeng mih lup maten hai tasen awng mih lawnguan dow “Israel Manguüa Lawnguan” pami bowih kowi arui uowi bowk chekhai.35Akung kowi Jehu dow kowng hanow Samari marow kowi maru dupah khai. Aia takcha dow achapa Jehoahaz mih ta chowm mang khai.36Jehu dow Samari marow kowi 28 ning mowr Israeluüa luk kowi chowmla mang khai.
The Seed Company