2 Manguüa7
1Nakhowk khe Elisa klangah mih, “CHAKRAMANG kowh laiklow sünta büa diah. Aia tek mih maiawng: Tharau kowh mami khin khe Samari marow tapplawt kowi kowh chi kowi tai paiunchow hown kawmdi lang iung mih taruk set, now iakmow laipre set kowi paw tai paiunchow hown naka kown,” pape khai.2Mang kowh maru iukuüa kowi kowh lang kri mih tek pe Thurai maru mih, “Ang owm dowi. Mukuang CHAKRAMANG iu pe luprak ahuma khowm padow naiawng naphaw kown nadowi,” pakhai.
Nachenganchepaw Elisa klangah mih, “Naiawng phaw mih en matia mik hown en khila kown. Tawkche tawngpaw en naka chala kown nadowi,” pape khai.3Nami khin khe Samari marow tapplawt kowi par rawka phaw mih maru uowi tali ia chekhai. Lowkkowlowk amatni tatek mih, “Tawngplawng kowchow kowng pat makowi a-i nachowm kown?4Marow lak kowi a-i kowkowi chepaw akhawr hown a-i nakowng kown taih. Now makowi a-i uowi rengreng chepaw a-i nakowng kown taih. Naiawng rakowi chu, Siria siphaiuüa kowh tangbung khupra kowi phai a-i kowkowi diah sik. Amatni che kowngta a-i khai hanow a-i nakowng kown. Nachenganchepaw amatni che pe sing a-i khai hanow a-i nasing kown taih,” pabüah khai.5Naiawng rakowi amatni dow sat kup khe Siria siphaiuüa kowh tangbung khupra kowi kowkowi khai. Tawkche tangbung khupra rihi kowi amatni kowtowm khe nakowi mih miapaw uowi dowi chekhai.6Tawngplawng kowchow panow CHAKRAMANG dow Siria siphaiuüa kowi mih kawrnga kari hai kawrnga hown aiukma mih siphai thumchak uang tarü tasen mih klow iawng chang pe khai. Nami tata hanow Siria siphaiuüa tatek mih, “Israel mang mih Hituüa kowh mang hai Aigupta pren manguüa kowi uang ngala hanow uang sen a-i mih chowbowt,” pabüah khai.7Naiawng rakowi amatni dow nami ni sat kowi khe kram kowng kowh cham powt büah khai. Nakhowk khe amatni dow amatni kowh tangbung, kawrnga hai kawrngaramchük ün ta towla hüah khai, now amatni kowh tangbung khupra paw aiawng uowi iawng ta towla hüah khai.8Nami maru tali ia dow tangbung khupra rihi kowi kowting hanow lowk mih tangbung kowi kowkup khai. Now amatni dow nakowi cha büah kham büah khai, now kuh, tai hai dawnguan ün pawla hanow cham petah büah khai. Nami kung kowi dow uang plan büah hanow akeng mih tangbung kowi kowkup büah khai, now pawla uanh sangrum hanow cham petah büah khai.9Nami kung kowi lowkkowlowk kowi amatni tatek mih, “Maiawng a-i chang mih taka dowi chaw. Ani dow a-i vüi satang iung chekhai. Tawkche mia kowi paw a-i cham krawi phuang pe dowi tak. Naiawng hai uar thowi dowi rawn che a-i krawi phuang dowi hanow a-i naka ripra kown chekhai. Naiawng rakowi chu, kawmat mat kowkowi hanow mang kimchakuüa kowi a-i kowphuang pe diah sik,” pabüah khai.10Naiawng rakowi amatni dow Samari marow kowi uang plan hanow marow tapplawt chawng miuüa kowi hawah khai. Now amatni tek pe mih, “Siria siphaiuüa kowh tangbung khupra kowi anging kowkowi chowdiah. Tawkche nakowi dow amiapaw uowi dowi, now maru klow paw uowi dowi chekhai. Tawkche kawrnga hai kawrngaramchük ün dow ta takhuowk hüah chekhai, now tangbung ün paw aiawng uowi iawng ta takhup hüah chekhai,” pabüah khai.11Nahanow marow tapplawt chawng miuüa dow marowchakuüa kowi nami satang phuang pe khai, now mang kimchakuüa kowi paw phuangla pe khai.12Nami satang tata hown krowksang uariiu reng tak chepaw mang dow awr rü khai. Now aia kowh maru iukuüa kowi aia tek pe mih, “A-i vüi kowi kowh Siria siphaiuüa sangkrangta mih ang tek a-i sow. Akhawr hown a-i uowi mih dow amatni aiawng tuk. Naiawng rakowi tangbung khupra hownia lawt hanow dowm kowi cham tapet büah khai. Amatni ka tuak mih dow nakrawi cham chakkham kownkow marow hownia a-i lawt khe asing nakhüm a-i hanow napawta a-i marow kown mih chekhai,” pakhai.13Nakhowk khe aia kowh maru iuk lowk ia tek pe mih, “A-i Israeluüa dow akhawr hown kowng sangrum khowk. Now kawmat kowh a-i ta sing uowi miuüa paw nakowng kown taih. Naiawng rakowi ta sing mih kawrnga tanga pum hown kowkrawi chin maru pre sum ia diah. Nahanow tawng chow own mih a-i natuk kown towbowt,” pakhai.14Naiawng rakowi maru iukuüa dow rui kawrnga kari pre buk khai. Now Siria siphaiuüa tawng chow own mih nakrawi mü kownkow kawrnga kari pre buk hown siphaiuüa kowi mang kowchinah khai.15Nahanow amatni dow Jawrdan aw mowr kowkrawi cham Siria siphaiuüa khai. Now sakkrowng sakkrangma hown Siria siphaiuüa powt khe kowh patiama rawng kowi ta kuakla mih tawnguat hai uanh maten dow krawi khi büah khai. Now naiawngün maru-uüa dow uang plan hanow naiawngün lawnguan maten mang kowi uang tek pe khai.16Now Samari marow kowi kowh maru kawmuüa dow lawt hanow Siria siphaiuüa kowh tangbung khupra kowi kowkowi khai, now nakowi kowh uowi mih maten dow amatni uang pawla khai. Nahanow CHAKRAMANG laiklow iawng tai paiunchow hown kawmdi lang iung mih taruk set, now iakmow laipre set kowi paw tai paiunchow sumah khai.17Maru iukuüa kowi kowh lang kri mih dow Samari marow tapplawt naming nakhet kown mih kurdik alai hownia ka mih chekhai. Tawkche akung kowi marow hownia maru kawmuüa lawt mih khin khe aia kowi dow thuala nak khai, now aia dow kowng khai. Naiawng aia kowng mih dow Thurai maru Elisa kim kowi mang uang khe kowh mang kowi Elisa tek pe iawng phaw mih chekhai.18Nakhowk khe kowh Elisa tek mih, “Tharau kowh mami khin khe Samari marow tapplawt kowi kowh chi kowi tai paiunchow hown kawmdi lang iung mih taruk set, now iakmow laipre set kowi paw tai paiunchow hown naka kown,” pakhai.19Nakhowk khe maru iukuüa kowi kowh lang kri mih tek pe Thurai maru mih, “Ang owm dowi. Mukuang CHAKRAMANG iu pe luprak ahuma khowm padow naiawng naphaw kown nadowi,” pakhai. Nachenganchepaw Elisa klangah mih, “Naiawng phaw mih en matia mik hown en khila kown. Tawkche tawngpaw en naka chala kown nadowi,” pape khai.20Now naiawng dow aia luk kowi uang phaw khai bowt. Tawngplawng kowchow panow mang kowh akhowng mih kowi dow marow tapplawt re-e maru kawmuüa thuala nak kowh kowng khai.
Nachenganchepaw Elisa klangah mih, “Naiawng phaw mih en matia mik hown en khila kown. Tawkche tawngpaw en naka chala kown nadowi,” pape khai.3Nami khin khe Samari marow tapplawt kowi par rawka phaw mih maru uowi tali ia chekhai. Lowkkowlowk amatni tatek mih, “Tawngplawng kowchow kowng pat makowi a-i nachowm kown?4Marow lak kowi a-i kowkowi chepaw akhawr hown a-i nakowng kown taih. Now makowi a-i uowi rengreng chepaw a-i nakowng kown taih. Naiawng rakowi chu, Siria siphaiuüa kowh tangbung khupra kowi phai a-i kowkowi diah sik. Amatni che kowngta a-i khai hanow a-i nakowng kown. Nachenganchepaw amatni che pe sing a-i khai hanow a-i nasing kown taih,” pabüah khai.5Naiawng rakowi amatni dow sat kup khe Siria siphaiuüa kowh tangbung khupra kowi kowkowi khai. Tawkche tangbung khupra rihi kowi amatni kowtowm khe nakowi mih miapaw uowi dowi chekhai.6Tawngplawng kowchow panow CHAKRAMANG dow Siria siphaiuüa kowi mih kawrnga kari hai kawrnga hown aiukma mih siphai thumchak uang tarü tasen mih klow iawng chang pe khai. Nami tata hanow Siria siphaiuüa tatek mih, “Israel mang mih Hituüa kowh mang hai Aigupta pren manguüa kowi uang ngala hanow uang sen a-i mih chowbowt,” pabüah khai.7Naiawng rakowi amatni dow nami ni sat kowi khe kram kowng kowh cham powt büah khai. Nakhowk khe amatni dow amatni kowh tangbung, kawrnga hai kawrngaramchük ün ta towla hüah khai, now amatni kowh tangbung khupra paw aiawng uowi iawng ta towla hüah khai.8Nami maru tali ia dow tangbung khupra rihi kowi kowting hanow lowk mih tangbung kowi kowkup khai. Now amatni dow nakowi cha büah kham büah khai, now kuh, tai hai dawnguan ün pawla hanow cham petah büah khai. Nami kung kowi dow uang plan büah hanow akeng mih tangbung kowi kowkup büah khai, now pawla uanh sangrum hanow cham petah büah khai.9Nami kung kowi lowkkowlowk kowi amatni tatek mih, “Maiawng a-i chang mih taka dowi chaw. Ani dow a-i vüi satang iung chekhai. Tawkche mia kowi paw a-i cham krawi phuang pe dowi tak. Naiawng hai uar thowi dowi rawn che a-i krawi phuang dowi hanow a-i naka ripra kown chekhai. Naiawng rakowi chu, kawmat mat kowkowi hanow mang kimchakuüa kowi a-i kowphuang pe diah sik,” pabüah khai.10Naiawng rakowi amatni dow Samari marow kowi uang plan hanow marow tapplawt chawng miuüa kowi hawah khai. Now amatni tek pe mih, “Siria siphaiuüa kowh tangbung khupra kowi anging kowkowi chowdiah. Tawkche nakowi dow amiapaw uowi dowi, now maru klow paw uowi dowi chekhai. Tawkche kawrnga hai kawrngaramchük ün dow ta takhuowk hüah chekhai, now tangbung ün paw aiawng uowi iawng ta takhup hüah chekhai,” pabüah khai.11Nahanow marow tapplawt chawng miuüa dow marowchakuüa kowi nami satang phuang pe khai, now mang kimchakuüa kowi paw phuangla pe khai.12Nami satang tata hown krowksang uariiu reng tak chepaw mang dow awr rü khai. Now aia kowh maru iukuüa kowi aia tek pe mih, “A-i vüi kowi kowh Siria siphaiuüa sangkrangta mih ang tek a-i sow. Akhawr hown a-i uowi mih dow amatni aiawng tuk. Naiawng rakowi tangbung khupra hownia lawt hanow dowm kowi cham tapet büah khai. Amatni ka tuak mih dow nakrawi cham chakkham kownkow marow hownia a-i lawt khe asing nakhüm a-i hanow napawta a-i marow kown mih chekhai,” pakhai.13Nakhowk khe aia kowh maru iuk lowk ia tek pe mih, “A-i Israeluüa dow akhawr hown kowng sangrum khowk. Now kawmat kowh a-i ta sing uowi miuüa paw nakowng kown taih. Naiawng rakowi ta sing mih kawrnga tanga pum hown kowkrawi chin maru pre sum ia diah. Nahanow tawng chow own mih a-i natuk kown towbowt,” pakhai.14Naiawng rakowi maru iukuüa dow rui kawrnga kari pre buk khai. Now Siria siphaiuüa tawng chow own mih nakrawi mü kownkow kawrnga kari pre buk hown siphaiuüa kowi mang kowchinah khai.15Nahanow amatni dow Jawrdan aw mowr kowkrawi cham Siria siphaiuüa khai. Now sakkrowng sakkrangma hown Siria siphaiuüa powt khe kowh patiama rawng kowi ta kuakla mih tawnguat hai uanh maten dow krawi khi büah khai. Now naiawngün maru-uüa dow uang plan hanow naiawngün lawnguan maten mang kowi uang tek pe khai.16Now Samari marow kowi kowh maru kawmuüa dow lawt hanow Siria siphaiuüa kowh tangbung khupra kowi kowkowi khai, now nakowi kowh uowi mih maten dow amatni uang pawla khai. Nahanow CHAKRAMANG laiklow iawng tai paiunchow hown kawmdi lang iung mih taruk set, now iakmow laipre set kowi paw tai paiunchow sumah khai.17Maru iukuüa kowi kowh lang kri mih dow Samari marow tapplawt naming nakhet kown mih kurdik alai hownia ka mih chekhai. Tawkche akung kowi marow hownia maru kawmuüa lawt mih khin khe aia kowi dow thuala nak khai, now aia dow kowng khai. Naiawng aia kowng mih dow Thurai maru Elisa kim kowi mang uang khe kowh mang kowi Elisa tek pe iawng phaw mih chekhai.18Nakhowk khe kowh Elisa tek mih, “Tharau kowh mami khin khe Samari marow tapplawt kowi kowh chi kowi tai paiunchow hown kawmdi lang iung mih taruk set, now iakmow laipre set kowi paw tai paiunchow hown naka kown,” pakhai.19Nakhowk khe maru iukuüa kowi kowh lang kri mih tek pe Thurai maru mih, “Ang owm dowi. Mukuang CHAKRAMANG iu pe luprak ahuma khowm padow naiawng naphaw kown nadowi,” pakhai. Nachenganchepaw Elisa klangah mih, “Naiawng phaw mih en matia mik hown en khila kown. Tawkche tawngpaw en naka chala kown nadowi,” pape khai.20Now naiawng dow aia luk kowi uang phaw khai bowt. Tawngplawng kowchow panow mang kowh akhowng mih kowi dow marow tapplawt re-e maru kawmuüa thuala nak kowh kowng khai.
The Seed Company