2 Manguüa6
1Akat khe risiuüa tek pe Elisa mih, “Anging kowh kim dow lainowmma sowm chekhai.2Jawrdan aw kowi pe kowi anging diah, now nakowi mih lowk ia e lowk chi anging nakrawi tu kimchüng kown. Nahanow anging nathawp kim sar lowk kown,” pabüah khai.
Elisa klangah mih, “Naiawng now tarü büah bowt,” pape khai.3Nakhowk khe amatni pungmadawng hownia maru lowk ia tek pe Elisa mih, “Sakrauma hai en kowh naruüa hown en matia paw tawi diah,” pakhai.
Now Elisa klangah mih, “Ow, tawi kown taih,” pape khai.4Nahanow Elisa dow amatni hown kowtawi khai.
Amatni dow Jawrdan aw kowi kowting hanow krawi tu kimchüng büah khai.5Nachenganchepaw lowk ia mih kowh dow krip singh thüm khe apung hownia marek taplet chuak hanow tui kowi dowta khai. Naiawng rakowi kar se aia tek mih, “Uh, ang kowh chakramang, nami dow ang cham laila mih marek chekhai le,” pakhai.6Nakhowk khe Thurai maru Elisa lüntaah mih, “Tawng mih re-e chow nami marek cham dowh?” pakhai. Now nami maru mih aia kowh marek dowra Elisa kowi tüng pe khai. Now Elisa dow tu müa lowk hanow marek dowra re-e iu hürah khai. Nahanow nami marek dow awr tapowng khai.7Nakhowk khe nami maru kowi Elisa tek pe mih, “Kowpaw bowt,” pakhai. Naiawng rakowi nami maru mih haiiaw rut hanow haipaw marek khai bowt.8Akat khe Siria pren mang dow Israeluüa hown tasen thüm chekhai. Nakhowk khe aia dow aia kowh prengia pek miuüa hown talawp talai khai. Now tawng mih arah re-e chow nakrawi chang tangbung khupra kown mih amatni kowi aia tek pe khai.9Nachenganchepaw nami khin khe Israel mang kowi maiawng hai Thurai maru krawi peah satang khai, “Kaneu ba, nami arah kowi hangkow kowi büa diah. Tawngplawng kowchow panow Siria siphaiuüa dow nami arah kowi kowtarü thüm khowk,” pakhai.10Naiawng rakowi Israel mang dow Thurai maru Elisa tekah mih arah kowi kowchin maru hanow nakowi kowh maru-uüa nauowi kaneu kownkow krawi tek pe khai. Naiawng hai mang dow kowmatia kowi aplan aplan ia talawng khai.11Nami lawnguan kowi Siria pren mang mih lainowmma kunmarau khai. Aia kowh siphai aluchowuüa kowi hawah hanow aia tek pe mih, “Ang kowh sangkrangra Israel mang kowi mia chow kowtek pe? Naiawng mih lup a-i pungmadawng hownia mia chow chang mih tek ang büa madiah,” pakhai.12Nakhowk khe siphai aluchowuüa pungmadawng hownia lowk ia mih tek pe mang mih, “Aw mangkri, a-i pungmadawng hownia miapaw na dowi chekhai. Israeluüa kowh risi Elisa dow en kowh mawk rah towklak kowi kowh en tekah mih laiklow khowm Israel mang kowi nowng tek pe bowk chekhai,” pape khai.13Nakhowk khe mang lawt ana mih, “Tawng kowi chow aia uowi mih kowkrawi cham büa diah. Enni krawi ka cham kung kowi ang uang krawi chin maru hanow aia kowi ang nauang krawi khüm sow,” pakhai. Akung kowi dow Dothan marow kowi Elisa uowi mih satang Siria pren mang kowi maru uang tek pe khai.14Naiawng rakowi mang dow kawrnga hai kawrnga kari hailawm siphaiuüa akawmma kowi Dothan marow kowi kowchinah khai. Now amatni dow iak-e kowtowm hanow marow mih krawi umta lut khai.15Now auai rau dow Thurai maru kowh nar mih murpa awr rü hanow prang kowi cham lawt khai. Nakhowk khe kawrnga hai kawrnga kari hown siphaiuüa umta marow lut mih aia khi khai. Nakhowk khe Elisa kowi anar tek pe mih, “Uh, ang kowh chakramang, tawng chow achi nachangah kown?” pakhai.16Elisa klangah mih, “Kaah kram dowi. Tawngplawng kowchow panow amatni lak-e achi kowh maru iun lang kawm chekhai,” pape khai.17Nami kung kowi Elisa chup Thurai mih, “Aw CHAKRAMANG, nowng khila kownkow ang kowh nar kowi en pe khi-ah diah,” pakhai. Nahanow CHAKRAMANG dow nami nar kowi iu pe khi-ah khai. Now nami nar dow Elisa riaret kowi kowh tapat lut mih hungh kowi maih kawrnga kari hai kawrnga tek mup uowi mih khi khai.18Nasenah kownkow Siria siphaiuüa uang tatawn mih khin khe CHAKRAMANG tut-e Elisa awr lü mih, “Aw CHAKRAMANG, sakrauma hown maiawngün maru-uüa kowi duta pe mik diah,” pakhai. Elisa awr lüah mih iawng CHAKRAMANG dow amatni kowi duta pe mik khai.19Nami kung kowi dow amatni tut-e kowkowiah hanow Elisa tek pe mih, “Enni uang mih dow tiama tawima, now marow paw enni krawi chamah mih nadowi chekhai. Ang kung phai uang krawi büa diah. Enni krawi chamah mih maru tut-e ang kowpawla enni sow,” pakhai. Nahanow naiawngün maru-uüa kowi mih Samari marow kowi Elisa kowpawla khai.20Now Samari marow kowi amatni kowkup kung kowi Elisa chup Thurai mih, “Aw CHAKRAMANG, amatni naia khila iawk kownkow amatni kowi pe khi-ah iawk diah,” pakhai. Nahanow naiawngün maru-uüa kowi dow CHAKRAMANG pe khi-ah khai. Now amatni dow Samari marow lak kowi uowi mih tatuk büah khai bowt.21Naiawngün maru-uüa kowi khita hanow Israel mang tek pe Elisa mih, “Chakramang, kowbüah kowi ang saita ü?” pakhai.22Nakhowk khe Elisa klangah mih, “Kowbüah kowi hangkow sai diah. Tasenra hownia kowh en uang khümla miuüa kowi en saiah iawk kown ü? Amatni kowi pe cha pe khamah now amatni kowh mangkri tut-e pe mangta diah,” pape khai.23Naiawng rakowi Israel mang dow naiawngün maru-uüa vüi pawi aiukma chang lowk khai. Now ki cha ki kham kung kowi dow amatni kowi aia pe mangta khai bowt, now amatni dow amatni kowh mangkri tut-e plan büah khai bowt. Nami kung hownia now Siria siphaiuüa mih Israeluüa pren kowi katpaw uang krawi rup uanh dowi bowt chekhai.24Nami kung kowi Siria pren mang Ben-Hadad dow aia kowh siphaiuüa maten kowi kuaah lawmah khai. Now amatni dow kowkowi hanow Samari marow mih krawi umta lut khai.25Amatni dow marow mih akrama kowrumta hüah khai. Naiawng rakowi Samari marow kowi dow chakkham khowk bowk khowk chekhai. Nami khin khe kawrngaramchük lu lowkchow kowi khowm padow tai 80 iun hown sumah khai, now kimtawn uatur kih apua kowi tai tanga iun hown sumah khai.26Akat khe Israel mang mih marow tap luk kowi kowlen khai. Nakhowk khe kar se masiuüa lowk ia tek pe mih, “Aw ang kowh mangkri, khowng ang diah,” pakhai.27Mangkri klangah mih, “CHAKRAMANG che uang khowng en dowi bowt hanow tawng iawng chow ang khowng en bowt kown? Ang kowh dow napela en kown mih püm lah, grep lah tawngpaw uowi dowi bowt chekhai,” pape khai.28Nami kung kowi mangkri lüntaah mih, “Tawng chow en own?” pakhai.
Nami masiuüa tek pe mih, “Mani khe masiuüa lowk ia tek ang mih, ‘Chu, ani dow en kowh chapa kowi achi cha lah. Now tharau dow ang kowh chapa kowi achi nacha kown,’ pah ang khai.29Naiawng rakowi ang kowh chapa kowi engah hanow anging chata khai. Now auai ni khe dow nami masiuüa kowi ang tek pe mih, ‘Khaleng dow en kowh chapa kowi achi cha bowt lah,’ pakhai. Tawkche aia dow achapa kowi cham petta khai,” pakhai.30Nami masiuüa kowh laiklow tata hanow mang dow aia kowh tawnguat thekah khai. Nakhowk khe aia uowila uiting uangtak rakowi kowrmow dak kowi khupla sala uan mih maru kawmuüa khi khai. Tawngplawng kowchow panow naiawng thek kowrmow mih khin khe paw aia dow tap luk kowi len reng tak chekhai.31Mang tek mih, “Safat chapa Elisa kowh lu che ani ang kowdungta pe dowi hanow CHAKRAMANG mih rip chamang pacham rip ang lah!” pakhai.32Now mang dow Elisa kowi nakowpaw kownkow kowchin maru lowk ia khai. Nakhowk khe Elisa dow lawngtang aluchowuüa hown aia kim kowi hawt talawp talai khai. Nachenganchepaw nami maru uang ting dowi tak khe lawngtang aluchowuüa kowi Elisa tek pe mih, “Sai maru sak mih lowk ia dow nauang dung ang lu kownkow uang chin maru lowk ia khowk. Sünta büa diah, nami maru uang ting khowk hanow enni nabüngta pe kim kown. Aia kowi dow enni nape kupah kown nadowi. Mangkri paw nami maru kung kowi uang tawi chekhai,” pakhai.33Elisa tek lai reng tak khe mang dow uang ting khai bowt. Now mang tek mih, “Mami phih dow CHAKRAMANG hownia kowh uang ting mih chekhai. Nami kowi tawngplawng kowchow CHAKRAMANG kowi ang nahawt chawng bowt kown,” pakhai.
Elisa klangah mih, “Naiawng now tarü büah bowt,” pape khai.3Nakhowk khe amatni pungmadawng hownia maru lowk ia tek pe Elisa mih, “Sakrauma hai en kowh naruüa hown en matia paw tawi diah,” pakhai.
Now Elisa klangah mih, “Ow, tawi kown taih,” pape khai.4Nahanow Elisa dow amatni hown kowtawi khai.
Amatni dow Jawrdan aw kowi kowting hanow krawi tu kimchüng büah khai.5Nachenganchepaw lowk ia mih kowh dow krip singh thüm khe apung hownia marek taplet chuak hanow tui kowi dowta khai. Naiawng rakowi kar se aia tek mih, “Uh, ang kowh chakramang, nami dow ang cham laila mih marek chekhai le,” pakhai.6Nakhowk khe Thurai maru Elisa lüntaah mih, “Tawng mih re-e chow nami marek cham dowh?” pakhai. Now nami maru mih aia kowh marek dowra Elisa kowi tüng pe khai. Now Elisa dow tu müa lowk hanow marek dowra re-e iu hürah khai. Nahanow nami marek dow awr tapowng khai.7Nakhowk khe nami maru kowi Elisa tek pe mih, “Kowpaw bowt,” pakhai. Naiawng rakowi nami maru mih haiiaw rut hanow haipaw marek khai bowt.8Akat khe Siria pren mang dow Israeluüa hown tasen thüm chekhai. Nakhowk khe aia dow aia kowh prengia pek miuüa hown talawp talai khai. Now tawng mih arah re-e chow nakrawi chang tangbung khupra kown mih amatni kowi aia tek pe khai.9Nachenganchepaw nami khin khe Israel mang kowi maiawng hai Thurai maru krawi peah satang khai, “Kaneu ba, nami arah kowi hangkow kowi büa diah. Tawngplawng kowchow panow Siria siphaiuüa dow nami arah kowi kowtarü thüm khowk,” pakhai.10Naiawng rakowi Israel mang dow Thurai maru Elisa tekah mih arah kowi kowchin maru hanow nakowi kowh maru-uüa nauowi kaneu kownkow krawi tek pe khai. Naiawng hai mang dow kowmatia kowi aplan aplan ia talawng khai.11Nami lawnguan kowi Siria pren mang mih lainowmma kunmarau khai. Aia kowh siphai aluchowuüa kowi hawah hanow aia tek pe mih, “Ang kowh sangkrangra Israel mang kowi mia chow kowtek pe? Naiawng mih lup a-i pungmadawng hownia mia chow chang mih tek ang büa madiah,” pakhai.12Nakhowk khe siphai aluchowuüa pungmadawng hownia lowk ia mih tek pe mang mih, “Aw mangkri, a-i pungmadawng hownia miapaw na dowi chekhai. Israeluüa kowh risi Elisa dow en kowh mawk rah towklak kowi kowh en tekah mih laiklow khowm Israel mang kowi nowng tek pe bowk chekhai,” pape khai.13Nakhowk khe mang lawt ana mih, “Tawng kowi chow aia uowi mih kowkrawi cham büa diah. Enni krawi ka cham kung kowi ang uang krawi chin maru hanow aia kowi ang nauang krawi khüm sow,” pakhai. Akung kowi dow Dothan marow kowi Elisa uowi mih satang Siria pren mang kowi maru uang tek pe khai.14Naiawng rakowi mang dow kawrnga hai kawrnga kari hailawm siphaiuüa akawmma kowi Dothan marow kowi kowchinah khai. Now amatni dow iak-e kowtowm hanow marow mih krawi umta lut khai.15Now auai rau dow Thurai maru kowh nar mih murpa awr rü hanow prang kowi cham lawt khai. Nakhowk khe kawrnga hai kawrnga kari hown siphaiuüa umta marow lut mih aia khi khai. Nakhowk khe Elisa kowi anar tek pe mih, “Uh, ang kowh chakramang, tawng chow achi nachangah kown?” pakhai.16Elisa klangah mih, “Kaah kram dowi. Tawngplawng kowchow panow amatni lak-e achi kowh maru iun lang kawm chekhai,” pape khai.17Nami kung kowi Elisa chup Thurai mih, “Aw CHAKRAMANG, nowng khila kownkow ang kowh nar kowi en pe khi-ah diah,” pakhai. Nahanow CHAKRAMANG dow nami nar kowi iu pe khi-ah khai. Now nami nar dow Elisa riaret kowi kowh tapat lut mih hungh kowi maih kawrnga kari hai kawrnga tek mup uowi mih khi khai.18Nasenah kownkow Siria siphaiuüa uang tatawn mih khin khe CHAKRAMANG tut-e Elisa awr lü mih, “Aw CHAKRAMANG, sakrauma hown maiawngün maru-uüa kowi duta pe mik diah,” pakhai. Elisa awr lüah mih iawng CHAKRAMANG dow amatni kowi duta pe mik khai.19Nami kung kowi dow amatni tut-e kowkowiah hanow Elisa tek pe mih, “Enni uang mih dow tiama tawima, now marow paw enni krawi chamah mih nadowi chekhai. Ang kung phai uang krawi büa diah. Enni krawi chamah mih maru tut-e ang kowpawla enni sow,” pakhai. Nahanow naiawngün maru-uüa kowi mih Samari marow kowi Elisa kowpawla khai.20Now Samari marow kowi amatni kowkup kung kowi Elisa chup Thurai mih, “Aw CHAKRAMANG, amatni naia khila iawk kownkow amatni kowi pe khi-ah iawk diah,” pakhai. Nahanow naiawngün maru-uüa kowi dow CHAKRAMANG pe khi-ah khai. Now amatni dow Samari marow lak kowi uowi mih tatuk büah khai bowt.21Naiawngün maru-uüa kowi khita hanow Israel mang tek pe Elisa mih, “Chakramang, kowbüah kowi ang saita ü?” pakhai.22Nakhowk khe Elisa klangah mih, “Kowbüah kowi hangkow sai diah. Tasenra hownia kowh en uang khümla miuüa kowi en saiah iawk kown ü? Amatni kowi pe cha pe khamah now amatni kowh mangkri tut-e pe mangta diah,” pape khai.23Naiawng rakowi Israel mang dow naiawngün maru-uüa vüi pawi aiukma chang lowk khai. Now ki cha ki kham kung kowi dow amatni kowi aia pe mangta khai bowt, now amatni dow amatni kowh mangkri tut-e plan büah khai bowt. Nami kung hownia now Siria siphaiuüa mih Israeluüa pren kowi katpaw uang krawi rup uanh dowi bowt chekhai.24Nami kung kowi Siria pren mang Ben-Hadad dow aia kowh siphaiuüa maten kowi kuaah lawmah khai. Now amatni dow kowkowi hanow Samari marow mih krawi umta lut khai.25Amatni dow marow mih akrama kowrumta hüah khai. Naiawng rakowi Samari marow kowi dow chakkham khowk bowk khowk chekhai. Nami khin khe kawrngaramchük lu lowkchow kowi khowm padow tai 80 iun hown sumah khai, now kimtawn uatur kih apua kowi tai tanga iun hown sumah khai.26Akat khe Israel mang mih marow tap luk kowi kowlen khai. Nakhowk khe kar se masiuüa lowk ia tek pe mih, “Aw ang kowh mangkri, khowng ang diah,” pakhai.27Mangkri klangah mih, “CHAKRAMANG che uang khowng en dowi bowt hanow tawng iawng chow ang khowng en bowt kown? Ang kowh dow napela en kown mih püm lah, grep lah tawngpaw uowi dowi bowt chekhai,” pape khai.28Nami kung kowi mangkri lüntaah mih, “Tawng chow en own?” pakhai.
Nami masiuüa tek pe mih, “Mani khe masiuüa lowk ia tek ang mih, ‘Chu, ani dow en kowh chapa kowi achi cha lah. Now tharau dow ang kowh chapa kowi achi nacha kown,’ pah ang khai.29Naiawng rakowi ang kowh chapa kowi engah hanow anging chata khai. Now auai ni khe dow nami masiuüa kowi ang tek pe mih, ‘Khaleng dow en kowh chapa kowi achi cha bowt lah,’ pakhai. Tawkche aia dow achapa kowi cham petta khai,” pakhai.30Nami masiuüa kowh laiklow tata hanow mang dow aia kowh tawnguat thekah khai. Nakhowk khe aia uowila uiting uangtak rakowi kowrmow dak kowi khupla sala uan mih maru kawmuüa khi khai. Tawngplawng kowchow panow naiawng thek kowrmow mih khin khe paw aia dow tap luk kowi len reng tak chekhai.31Mang tek mih, “Safat chapa Elisa kowh lu che ani ang kowdungta pe dowi hanow CHAKRAMANG mih rip chamang pacham rip ang lah!” pakhai.32Now mang dow Elisa kowi nakowpaw kownkow kowchin maru lowk ia khai. Nakhowk khe Elisa dow lawngtang aluchowuüa hown aia kim kowi hawt talawp talai khai. Nachenganchepaw nami maru uang ting dowi tak khe lawngtang aluchowuüa kowi Elisa tek pe mih, “Sai maru sak mih lowk ia dow nauang dung ang lu kownkow uang chin maru lowk ia khowk. Sünta büa diah, nami maru uang ting khowk hanow enni nabüngta pe kim kown. Aia kowi dow enni nape kupah kown nadowi. Mangkri paw nami maru kung kowi uang tawi chekhai,” pakhai.33Elisa tek lai reng tak khe mang dow uang ting khai bowt. Now mang tek mih, “Mami phih dow CHAKRAMANG hownia kowh uang ting mih chekhai. Nami kowi tawngplawng kowchow CHAKRAMANG kowi ang nahawt chawng bowt kown,” pakhai.
The Seed Company