2 Manguüa5
1Naman dow Siria pren mang kowh siphai aluchow chekhai. Aia dow mang tut-e kri kraingma hai ringkawra uowima mih maru chekhai. Tawngplawng kowchow panow Siria siphaiuüa kowi CHAKRAMANG pe awngah mih dow Naman rakowi chekhai. Aia dow tasen kiakma. Tawkche aia kowh dow par rawka uowi chekhai.2Akat khe Siria siphaiuüa mih Israeluüa kowi uang senah khai. Nakhowk khe amatni dow Israel masiuüa ngeuüa kowi khümla lowk ia khai. Nami masiuüa ngeuüa dow Naman masi kowh narma uang chowng khai.3Akat khe Naman masi kowi nami masiuüa ngeuüa tek pe mih, “Samari marow kowi kowh risi hown ang kowh chakramang kowtakrum akat e naiung kown. Nahanow aia kowh par rawka mih nami risi naiungta pe kown taih,” pakhai.4Israel pren hownia kowh nami masiuüa ngeuüa kowh laiklow mih Naman kowtek pe mang khai.5Nakhowk khe mang tek pe mih, “Kowkowi bowt. Israeluüa kowh pren mang vüi ang krawi sak en chasak lowk sow,” pakhai. Naiawng rakowi Naman dow tai 340 set, kuh 65 set hai tawnguat 10 theng pawla hanow tarü khai bowt.6Israel mang vüi kowi krawi sak pe mih cha kowi arui uowi mih, “Mami chasak dow ang kowh siphai aluchow Naman hown en tut-e uang krawi sa en khai. Aia kowh par rawka mih en iungta pe diah,” pakhai.7Israel mang dow nami chasak phatta hanow aia kowh tawnguat mih thekah khai. Now aia tek mih, “Ang Thurai chekhai bow? Maru kowh asak napaw kown mih hai nape kown mih nowng changra ang kowh uowi khai bow? Tawngplawng kowchow par rawka uowi mih maru kowi naiungta kownkow Siria pren mang ang tut-e uang tuk chin khai? Aia dow uang hau ran kownkow sangkrang mih chekhai,” pakhai.8Naiawng Israel mang thek tawnguat mih lawnguan dow Thurai maru Elisa tawi ta khai. Naiawng rakowi mang kowi Elisa krawi tek pe mih, “Tawngplawng kowchow en tuk thek tawnguat khai? Nami maru kowi ang tut-e uang chinah diah. Nahanow Israel pren kowi risi uowi lowk ia pami aia natuk kown towbowt,” pakhai.9Naiawng rakowi Naman dow aia kowh kawrnga kari maten hai kawrnga ün pawla hanow Elisa tut-e kowkowi khai, now kimplawt re-e aia kowiowng khai.10Nakhowk khe Elisa mih prang kowi Naman tut-e kowchin maru lowk ia hanow krawi tek pe mih, “Jawrdan aw kowi kowlu ranit kat diah. Nahanow en kowh par rawka naiung kown towbowt, now en nachimsai kown towbowt,” pakhai.11Nachenganchepaw Naman dow kunmarau lai kowh nami hownia powt khai. Aia tek mih, “Ang ka tuak mih dow prang kowi aia uang lawt hanow ang tut-e nauang kown. Now ang kowh par rawka phaw mih rah maten kowi nakrawi ham ang rut hanow ang vüi kowi CHAKRAMANG tut-e naawr lü kown mih chowdiah.12Israel pren kowi kowh aw maten lak-e Damaska marow kowi kowh Abana hai Farpar aw lang iung tak. Abana hai Farpar aw kowi lu hanow ang nowng tasia tasau dowi tham ü?” pakhai. Naiawng aia tekla hanow atawm kunmarau aia plan khai bowt.13Nakhowk khe anaruüa mih aia re-e uangah hanow uang tek pe mih, “Chakramang, paimi risi che akratma mih lup pe chang en e dow en chang dowi tham ü? Nachenganchepaw en kowh par rawka naiungla kownkow kowlu kown mih chowtaih aia tek en. Naiawng rakowi en kowlü mih lang iung kown nadowi ü?” pabüah khai.14Naiawng rakowi Thurai maru Elisa laiklow iawng Naman mih Jawrdan aw kowi kowtamir ranit kat khai. Nahanow aia kowh par rawka dow iung khai bowt, now aia kowh pik dow ngeuüa kowh pik iawng uang klangiung khai bowt.15Nami kung kowi dow Naman hai aia kowh maru-uüa maten mih Thurai maru tut-e kowplan khai iawk. Now Elisa pur kowi uang iowngah hanow Naman tek mih, “Palusama kowi Israeluüa kowh Thurai klen kowi akeng mih Thurai lang uowi dowi bowt mih kawmat dow ang tuk khowk. Naiawng rakowi sakrauma hown ang uang pawla en mih awmrawm sung kawmat paw ang diah,” pakhai.16Nachenganchepaw risi klangah mih, “Ang chang pe lup mih masing CHAKRAMANG ming lüklau se ang tek khowk, tawng iawng mih awmrawm sung paw ang paw en kown nadowi tham,” pakhai. Naman tek pe rengreng chepaw Elisa mih tawng iawng mih uanh paw paw pe kown nau dowi chekhai.17Nami kung kowi Naman tek pe mih, “Tawngpaw en paw ang dowi chepaw sakrauma hown mami pren hownia pe pawla ang bawn diah. Kawrngaramchük pre pum nowng pawla mowrchow taih ang napawla kown. Nahanow Israel pren hownia kowh mami bawn hown ang nathawp phuchuara lowk kown. Khaleng hownia bowt now CHAKRAMANG klen kowi akeng mih thurai tut-e tikah mih uanap hai akeng mih uanap ang phuchua kown nadowi bowt.18Tawkche ang kowi CHAKRAMANG alawt takla mih sia uowi pachap. Ang kowh mangkri dow Rimawn thurai chup kim kowi kowkowi hanow krawng kowi tabawk se Rimawn thurai kowi kowchup reng chekhai. Naiawng aia tabawk khe ang paw tawi tabawk takla reng. Tawngplawng kowchow panow aia tabawk mih khin khe ang tawi dowkah reng chekhai. Nami lawnguan kowi CHAKRAMANG pacham lawt ang lah,” pape khai.19Elisa tek pe Naman mih, “Saktuak thaulangma hown kowmang towbowt,” pakhai.
Nahanow Naman dow mang khai bowt. Naman cham ting sangrumchow taih tak khe Thurai maru Elisa kowh nar Gehazi sakdawng kowi tatek mih, “Aram chenchap Naman uang pawla mih uanh tawngpaw paw pe dowi kowi ang kowh chakramang pe mangta khai. Naiawng rakowi masing CHAKRAMANG ming lüklau se ang tek khowk, aia kung kowi ang nakawikrawi hanow aia hownia ang nakrawi paw uanh sangrum kown,” pakhai.21Nahanow Gehazi dow Naman kung kowi krawi ta iowm khai. Naiawng Gehazi uang iowm mih khita hanow aia hown nauang takrum kownkow Naman mih kawrnga kari hownia iu dowm khai. Nakhowk khe Gehazi kowi Naman lüntaah mih, “Tawng chowdiah chow?” pakhai.22Nakhowk khe Gehazi klangah mih, “Tawngpaw na dowi. Tawkchedow kawmat mih Efraim hungma mawngma süng hownia ang kowh chakramang tut-e risi klanguüa uang pre ia. Nami klanguüa kowi napeah kownkow tai 30 set ngia hai tawnguat pre theng en tut-e nauang paw kownkow aia uang chin ang mih chekhai,” pape khai.23Nakhowk khe Naman tek pe mih, “30 setchow ü? 60 set mih pawla bowk bowt,” pakhai. Naiawng hai tai maten napawla bowk kown mih Gehazi kowi Naman tek pe rengreng chekhai. Now aia dow Gehazi kowi tai 60 set mih im pre buk kowi krawi phang pe khai. Now tawnguat paw aia krawi pe pe pre theng khai. Now naiawngün dow anar pre ia rut kowi Naman appe khai. Nahanow aia kowh nar pre ia dow Gehazi pur kowi naiawngün uanh rik kawtla khai.24Now Elisa uowi rah hungh re-e uang ting mih khin khe dow Gehazi mih nami nar pre ia tut-e kowh im pawta khai bowt, now naiawngün dow aia kim kowi kowpawla khai. Nami kung kowi dow Naman kowh nar pre ia kowi aia pe mangta khai bowt.25Nami kung kowi dow Elisa kim kowi aia kowkowi khai. Nakhowk khe Elisa lüntaah mih, “Gehazi, tawng kowi chow en cham kowi?” pakhai.
Gehazi klangah mih, “Tawng kowi paw ang cham kowi dowi da,” pape khai.26Tawkche Elisa tek pe mih, “En hown nauang takrum kownkow kawrnga kari hownia Naman iu dowm khe nakowi ang kowh lümla tawi uowi mih en tuk dowi bow? Tangka pawisa, khupdip tawngklai, kanrawn khang, grep krum, chia, ruapur, rua hai narla narma en napaw kown mih tataing dowi chekhai.27Naiawng rakowi Naman kowh par rawka mih chowngchowng saksakma en hai en krungchakuüa tut-e pacham phaw lah,” pakhai. Now Elisa pur hownia powt hanow Gehazi kowh dow par rawka phaw kowh nangkhe iawng pik akawma phaw khai.
Nahanow Naman dow mang khai bowt. Naman cham ting sangrumchow taih tak khe Thurai maru Elisa kowh nar Gehazi sakdawng kowi tatek mih, “Aram chenchap Naman uang pawla mih uanh tawngpaw paw pe dowi kowi ang kowh chakramang pe mangta khai. Naiawng rakowi masing CHAKRAMANG ming lüklau se ang tek khowk, aia kung kowi ang nakawikrawi hanow aia hownia ang nakrawi paw uanh sangrum kown,” pakhai.21Nahanow Gehazi dow Naman kung kowi krawi ta iowm khai. Naiawng Gehazi uang iowm mih khita hanow aia hown nauang takrum kownkow Naman mih kawrnga kari hownia iu dowm khai. Nakhowk khe Gehazi kowi Naman lüntaah mih, “Tawng chowdiah chow?” pakhai.22Nakhowk khe Gehazi klangah mih, “Tawngpaw na dowi. Tawkchedow kawmat mih Efraim hungma mawngma süng hownia ang kowh chakramang tut-e risi klanguüa uang pre ia. Nami klanguüa kowi napeah kownkow tai 30 set ngia hai tawnguat pre theng en tut-e nauang paw kownkow aia uang chin ang mih chekhai,” pape khai.23Nakhowk khe Naman tek pe mih, “30 setchow ü? 60 set mih pawla bowk bowt,” pakhai. Naiawng hai tai maten napawla bowk kown mih Gehazi kowi Naman tek pe rengreng chekhai. Now aia dow Gehazi kowi tai 60 set mih im pre buk kowi krawi phang pe khai. Now tawnguat paw aia krawi pe pe pre theng khai. Now naiawngün dow anar pre ia rut kowi Naman appe khai. Nahanow aia kowh nar pre ia dow Gehazi pur kowi naiawngün uanh rik kawtla khai.24Now Elisa uowi rah hungh re-e uang ting mih khin khe dow Gehazi mih nami nar pre ia tut-e kowh im pawta khai bowt, now naiawngün dow aia kim kowi kowpawla khai. Nami kung kowi dow Naman kowh nar pre ia kowi aia pe mangta khai bowt.25Nami kung kowi dow Elisa kim kowi aia kowkowi khai. Nakhowk khe Elisa lüntaah mih, “Gehazi, tawng kowi chow en cham kowi?” pakhai.
Gehazi klangah mih, “Tawng kowi paw ang cham kowi dowi da,” pape khai.26Tawkche Elisa tek pe mih, “En hown nauang takrum kownkow kawrnga kari hownia Naman iu dowm khe nakowi ang kowh lümla tawi uowi mih en tuk dowi bow? Tangka pawisa, khupdip tawngklai, kanrawn khang, grep krum, chia, ruapur, rua hai narla narma en napaw kown mih tataing dowi chekhai.27Naiawng rakowi Naman kowh par rawka mih chowngchowng saksakma en hai en krungchakuüa tut-e pacham phaw lah,” pakhai. Now Elisa pur hownia powt hanow Gehazi kowh dow par rawka phaw kowh nangkhe iawng pik akawma phaw khai.
The Seed Company