2 Manguüa4
1Akat khe risiuüa kowh masi pungmadawng hownia mamaimow lowk ia mih Elisa tut-e kar se uang tek pe mih, “En kowh nar ang hua kowng khai bowt. Aia dow CHAKRAMANG kowi ringkawma hown kram mih en tuk chekhai. Nachenganchepaw ang hua tut-e kakra uowi mih maru dow ang kowh chapa pre ia kowi pawla hanow nachangla nar kownkow kawmat uang khai bowt,” pakhai.2Nakhowk khe nami masiuüa kowi Elisa lüntaah mih, “Tawng iawng chow ang nowng khowng en kown? En kim kowi tawng chow uowi mih tek ang diah?” pakhai.
Nami masiuüa klangah mih, “Palang chachow kowi kanrawn sau apalangchow klen kowi ang kowh dow tawngpaw uowi dowi chekhai,” pape khai.3Elisa tek pe mih, “En kowh kimping namkhetuüa tut-e kowkrawi kowi diah, now amatni hownia ia mowr ahuma kowkrawi lai tuikawng khaw diah.4Nami kung kowi dow en chapa enni kim kowi kowkowi hanow büngta kim diah. Now palang hownia naiawngün tuikawng maten kowi lowkchow lowkchow tek pat chi klin pe kanrawn sau büa diah,” pakhai.5Naiawng rakowi nami masiuüa dow Elisa tek iawng chang khai. Aia dow achapa pre ia kowi nacham krawi lai tuikawng khaw kownkow cham chinah khai. Now achapauüa uang plan kung kowi dow büngta kim büah khai. Now achapa pre ia dow aia tut-e uang pawla pe tuikawng khaw khai, now aia dow naiawngün tuikawng khaw kowi aia kowh palang chah kowi kowh sau hawt klin khai.6Tuikawng khaw maten tek bowk kung kowi aia tek pe achapa mih, “Uang pawla tuikawng khaw lowk diah,” pakhai.
Nakhowk khe achapa tek pe mih, “Lowkchow paw tuikawng khaw uowi dowi bowt,” pape khai. Nahanow palang chah hownia kowh sau uang kla mih dow taing khai bowt.7Nami kung kowi dow nami masiuüa mih Thurai maru Elisa tut-e uang hanow nami lawnguan uang tek pe khai. Nakhowk khe Elisa tek pe aia mih, “Kowmang now nami kanrawn sau cham sumah diah, now pela pekra diah. Nami klen kowi marat mih hown dow en chapa enni nowng sing tak kown taih,” pape khai.8Akat khe Elisa mih Sunem marow kowi kowkowi khai. Nakowi dow kurengma mih masiuüa uowi lowk ia. Nami masiuüa dow aia kim kowi natawi cha hawm kownkow Elisa kowi uang hawah rengreng chekhai. Nahanow Elisa dow kowtawi cha pe khai. Nami kung hownia now nakowi uang towng aia dow nami masiuüa kim kowi kowchala hawm reng chekhai.9Akung kowi nami masiuüa tek pe ahua mih, “Makowi kowh uang reng mih dow Thurai kowh chimsaima mih maru pami ang tuk.10Chu, achi kowh anaima mih kimluk kowi aia vüi achi thawp pe towklak lowk diah sik. Now nakowi dow aia vüi sawlawnma lowk, pawitang lowk, chowm rah lowk, now maibu towngh lowk achi tow pe diah sik. Nahanow achi tut-e aia uang khe nakowi aia naia uowi kown towbowt,” pakhai.11Akat khe Elisa mih nami marow kowi kowplan kowi khai. Nakhowk khe aia dow aluk kowi kowh towklak kowi kowiüa khai.12Anar Gehazi kowi Elisa tek pe mih, “Paimi masiuüa kowi kowhaw diah,” pakhai. Now nami masiuüa dow Gehazi pur kowi uang iowng khai.13Anar Gehazi kowi Elisa tek pe mih, “Nami masiuüa kowi maiawng tek pe diah, ‘Angching vüi lainowmma en kawm khowk. En vüi tawng chow angching nachang en kown? Mang tut-e lah, siphai aluchow tut-e lah en vüi kowi angching nakowtalawp en kown mih lawnguan uowi ne bow?’ pape diah,” pakhai.
Nami masiuüa tek pe mih, “Tawngpaw achang kla dowi. Ang tasin taken miuüa dow ang lakke mih srui pe ang reng chekhai,” pape khai.14Akung kowi Gehazi kowi Elisa lüntaah mih, “Nami masiuüa vüi tawng chow achi nachang pe kown?” pakhai.
Nakhowk khe Gehazi klangah mih, “Aia kowh dow lowk iachow paw chapa uowi dowi chekhai, now ahua paw lawngtang khai bowt,” pape khai.15Akung kowi Elisa tek pe Gehazi mih, “Aia kowi kowhaw diah,” pakhai. Now Gehazi dow nami masiuüa kowi kowhaw hanow nami masiuüa mih kimplawt re-e uang iowng khai.16Nakhowk khe nami masiuüa kowi Elisa tek pe mih, “Ning thowi kowh maiawng khin khe en naka chapa lowk ia kown,” pakhai.
Nachenganchepaw nami masiuüa tek pe mih, “Aw chakramang, en dow Thurai kowh maru. Sakrauma hown hauang dai ang diah,” pape khai.17Tawkche pre sum la kung kowi dow nami masiuüa mih kum nau khai bowt. Now nami masiuüa dow Elisa tekla pe mih khin uang ting hanow pen chapa khai bowt.18Nami ngeuüa dow awr iuk awr sown khai bowt. Now akat khe aia dow a-pa tut-e kowkowi khai. Nakhowk khe a-pa dow laih kowi kowh ngen luprak miuüa tut-e chekhai.19Nami ngeuüa dow awr kar hu hanow tek pe a-pa mih, “Ang lu rau! Ang lu rau!” pakhai.
Nakhowk khe nar lowk ia kowi nami ngeuüa pa tek pe mih, “Nami ngeuüa kowi a-u tut-e kowpawla diah,” pakhai.20Nami nar dow nami ngeuüa kowi a-u tut-e kowpawla khai, now a-u dow achapa kowi sat downg mowr paiah khai. Now nami ngeuüa dow kowng khai.21Nami masiuüa dow achapa kowi mih Elisa kowh sawlawnma kowi kowiüaah khai. Now aia dow büngla pe kim hanow lawt khai.22Aia dow ahua tut-e kowchin maru hanow krawi tek pe mih, “En mih kawmat mat nar lowk ia hai kawrngaramchük apum uang chin ang diah. Thurai maru tut-e alenma kowkowi hanow ang uang plan iawk kown taih,” pakhai.23Ahua krawi lüntaah mih, “Tawng rakowi chow aia tut-e ani en kowkowi kown? Ani dow Lacher pawi paw nadowi, now Tanai Ni paw nadowi,” pakhai.
Amasi krawi tek pe mih, “Tawngpaw own dowi,” pape khai.24Nami kung kowi dow nami masiuüa mih kawrngaramchük luk kowi dau pe uan khai. Now anar kowi tek pe mih, “Kawrngaramchük kowi alenma pe mangah diah. Ang tek en dowi matchang mapaw hangkow naura ba,” pakhai.25Naiawng hai aia dow Karmel hungh kowi Thurai maru tut-e kowtowm khai bowt. Nami masiuüa alak sangrumchow reng tak khe Elisa haikhita khai. Nakhowk khe anar Gehazi kowi aia tek pe mih, “Pai iow, Sunem marow kowi kowh masiuüa!26Kowiowm hanow aia hown kowtakrum diah. Now aia kowi en nalüntaah kown mih, ‘En iung reng tak bow? En hua paw iung reng tak bow? Now en kowh chapa paw iung reng tak bow?’ pape diah,” pakhai.
Naiawng uang lüntaah khe Sunem marow hownia kowh masiuüa klangah mih, “Ow, iung bowk tak chow,” pakhai.27Tawkche Karmel hungh kowi Thurai maru tut-e aia uang ting khe dow krawng kowi uang tabawk krawm now dowk pe khawk khai. Nakhowk khe nami masiuüa kowi nalang sütta kownkow Gehazi uang khai. Nachenganchepaw Elisa tek pe Gehazi mih, “Nami masiuüa kowi hangkow hang diah. Aia dow lainowmma tuak kawm tuak krat khai. Tawkche nami lawnguan kowi tawngpaw CHAKRAMANG tek ang dowi,” pakhai.28Nakhowk khe nami masiuüa tek pe Elisa mih, “Aw ang kowh chakramang, ang lü en chapa bow? Now hauang dai ang pami paw ang tek en khowk nadowi bow?” pakhai.29Nami kung kowi Elisa tek pe Gehazi mih, “Kamrüt diah. Ang kowh raitua pawla hanow alenma nami masiuüa hown kowtawi diah. Tiama rawng kowi hang cham klangla maru; maru klang en chepaw hang cham klangla diah. Nami masiuüa kim kowi kowting hanow ang kowh raitua mih ngeuüa lumowr kowi kowtow pe diah,” pakhai.30Nakhowk khe nami ngeuüa u tek pe Elisa mih, “Masing CHAKRAMANG ming hai en ming lüklau se ang tek khowk, en che tawi dowi now mapaw ang mang kown nadowi,” pakhai. Naiawng rakowi nami masiuüa hown dow Elisa kowtawi khai.31Nami takra kowi Gehazi dow alenma kowrik kowi hanow nami ngeuüa lumowr kowi Elisa kowh raitua kowtang pe khai. Nachenganchepaw nami ngeuüa mih chü paw chü dowi, now lai paw lai dowi chekhai. Naiawng rakowi Gehazi dow Elisa hown kowtakrum kownkow kowplan khai. Now tek pe Elisa mih, “Paimi ngeuüa awr sing dowi tak,” pakhai.32Now Elisa dow nami masiuüa kim kowi uang ting hanow aia kowh towklak kowi kowkowi khai, now aia kowh sawlawnma kowi ngeuüa uak iüata hüah mih dow aia kowkhi khai.33Nakhowk khe aia malowkchow kowkup hanow aia uai büngta towklak khai, now CHAKRAMANG tut-e awr lü khowng khai.34Nami kung kowi dow nami ngeuüa uak luk kowi kowtamaw hanow nawr kowh nawr, mik kowh mik hai rut kowh rut aia tungah khai. Nahanow nami ngeuüa kowh dow pik uang den khai bowt.35Nami kung kowi dow aia awr rü hanow towklak kowi aia krawi len khai. Now nami ngeuüa luk kowi aia kowplan tamaw khai iawk. Nakhowk khe dow nami ngeuüa mih awr sik ranit kat hanow awr kü mik khai bowt.36Nakhowk khe Gehazi kowi hawah now Elisa tek pe mih, “Mami ngeuüa u kowi kowhaw bowt,” pakhai. Now Gehazi dow nami ngeuüa u kowi kowhaw khai. Nami masiuüa uang ting khe Elisa tek pe mih, “En kowh chapa kowi pawla bowt,” pakhai.37Nami masiuüa dow kim lak kowi uang kup hanow Elisa kowi uang dowk pe khawk khai, now krawng kowi tabawk krawm se chupah khai. Nami kung kowi dow pawla chapa hanow aia lawt khai bowt.38Nami kung kowi dow Elisa mih Gilgal marow kowi kowplan khai. Nakhowk khe nakowi mih khown kuak thüm chekhai. Akat khe risiuüa dow aia pur kowi chowm hanow aia kowh laiklow sünta khai. Nakhowk khe anar kowi Elisa tek pe mih, “Risiuüa vüi puh mangtara hown koweng pe kan dit,” pakhai.39Nakhowk khe risiuüa pungmadawng hownia risi lowk mih dowm kowi nakrawi lek pramna kownkow tarü khai, now aia dow kowkhi tingtua rui khai. Now auih dow ahuma klekla hanow aia uang thupla khai. Now naiawngün dow rawah hanow puh hown aia engah khai. Tawkche naiawngün dow akru uowima pami aia tuk dowi chekhai.40Now risiuüa kowi nape chaah kownkow nami kan uang then pe khai. Nachenganchepaw risiuüa uown cha hanow kar se amatni tek mih, “Aw Thurai maru, mami kan dow akruma le!” pabüah khai. Naiawng rakowi nami kan dow amatni nowng cha dowi chekhai.41Nakhowk khe Elisa tek mih, “Uang pawla kawmdi sangrum diah,” pakhai. Now nami kawmdi mih puh kowi iu pruiah hanow aia tek mih, “Mami kan mih ang iungta khowk; enni naia cha kown towbowt,” pakhai. Nami kung kowi dow puh kowi mih piakla pat mih akru uowi dowi bowt chekhai.42Akat khe Baal-Salisa marow kowi kowh uowi mih maru lowk ia dow Elisa tut-e uang khai. Aia dow rik ngenah mih iakmow hown kowh kawmpah awp ia pirmi pah hai luprak sar sangrum Elisa vüi uang pawla pe khai. Nakhowk khe anar kowi Elisa tek pe mih, “Naiawngün chakkham risiuüa kowi pe chaah diah,” pakhai.43Nakhowk khe anar tek pe Elisa mih, “Maru iun 100 ia kowi makhowtchow mih chakkham tawng iawng chow nalawk kown?” pape khai.
Nachenganchepaw Elisa klangah mih, “Risiuüa kowi nami pe chaah diah. Tawngplawng kowchow panow risiuüa chak kung kowi paw namarat sangrum tak kown mih CHAKRAMANG tek khowk chekhai,” pape khai.44Naiawng rakowi Elisa kowh nar mih risiuüa pur kowi nami chakkham uang then pe khai. Now CHAKRAMANG tek iawng risiuüa ki cha bowk kung kowi paw nami chakkham mih ta lat sangrum tak chekhai.
Nami masiuüa klangah mih, “Palang chachow kowi kanrawn sau apalangchow klen kowi ang kowh dow tawngpaw uowi dowi chekhai,” pape khai.3Elisa tek pe mih, “En kowh kimping namkhetuüa tut-e kowkrawi kowi diah, now amatni hownia ia mowr ahuma kowkrawi lai tuikawng khaw diah.4Nami kung kowi dow en chapa enni kim kowi kowkowi hanow büngta kim diah. Now palang hownia naiawngün tuikawng maten kowi lowkchow lowkchow tek pat chi klin pe kanrawn sau büa diah,” pakhai.5Naiawng rakowi nami masiuüa dow Elisa tek iawng chang khai. Aia dow achapa pre ia kowi nacham krawi lai tuikawng khaw kownkow cham chinah khai. Now achapauüa uang plan kung kowi dow büngta kim büah khai. Now achapa pre ia dow aia tut-e uang pawla pe tuikawng khaw khai, now aia dow naiawngün tuikawng khaw kowi aia kowh palang chah kowi kowh sau hawt klin khai.6Tuikawng khaw maten tek bowk kung kowi aia tek pe achapa mih, “Uang pawla tuikawng khaw lowk diah,” pakhai.
Nakhowk khe achapa tek pe mih, “Lowkchow paw tuikawng khaw uowi dowi bowt,” pape khai. Nahanow palang chah hownia kowh sau uang kla mih dow taing khai bowt.7Nami kung kowi dow nami masiuüa mih Thurai maru Elisa tut-e uang hanow nami lawnguan uang tek pe khai. Nakhowk khe Elisa tek pe aia mih, “Kowmang now nami kanrawn sau cham sumah diah, now pela pekra diah. Nami klen kowi marat mih hown dow en chapa enni nowng sing tak kown taih,” pape khai.8Akat khe Elisa mih Sunem marow kowi kowkowi khai. Nakowi dow kurengma mih masiuüa uowi lowk ia. Nami masiuüa dow aia kim kowi natawi cha hawm kownkow Elisa kowi uang hawah rengreng chekhai. Nahanow Elisa dow kowtawi cha pe khai. Nami kung hownia now nakowi uang towng aia dow nami masiuüa kim kowi kowchala hawm reng chekhai.9Akung kowi nami masiuüa tek pe ahua mih, “Makowi kowh uang reng mih dow Thurai kowh chimsaima mih maru pami ang tuk.10Chu, achi kowh anaima mih kimluk kowi aia vüi achi thawp pe towklak lowk diah sik. Now nakowi dow aia vüi sawlawnma lowk, pawitang lowk, chowm rah lowk, now maibu towngh lowk achi tow pe diah sik. Nahanow achi tut-e aia uang khe nakowi aia naia uowi kown towbowt,” pakhai.11Akat khe Elisa mih nami marow kowi kowplan kowi khai. Nakhowk khe aia dow aluk kowi kowh towklak kowi kowiüa khai.12Anar Gehazi kowi Elisa tek pe mih, “Paimi masiuüa kowi kowhaw diah,” pakhai. Now nami masiuüa dow Gehazi pur kowi uang iowng khai.13Anar Gehazi kowi Elisa tek pe mih, “Nami masiuüa kowi maiawng tek pe diah, ‘Angching vüi lainowmma en kawm khowk. En vüi tawng chow angching nachang en kown? Mang tut-e lah, siphai aluchow tut-e lah en vüi kowi angching nakowtalawp en kown mih lawnguan uowi ne bow?’ pape diah,” pakhai.
Nami masiuüa tek pe mih, “Tawngpaw achang kla dowi. Ang tasin taken miuüa dow ang lakke mih srui pe ang reng chekhai,” pape khai.14Akung kowi Gehazi kowi Elisa lüntaah mih, “Nami masiuüa vüi tawng chow achi nachang pe kown?” pakhai.
Nakhowk khe Gehazi klangah mih, “Aia kowh dow lowk iachow paw chapa uowi dowi chekhai, now ahua paw lawngtang khai bowt,” pape khai.15Akung kowi Elisa tek pe Gehazi mih, “Aia kowi kowhaw diah,” pakhai. Now Gehazi dow nami masiuüa kowi kowhaw hanow nami masiuüa mih kimplawt re-e uang iowng khai.16Nakhowk khe nami masiuüa kowi Elisa tek pe mih, “Ning thowi kowh maiawng khin khe en naka chapa lowk ia kown,” pakhai.
Nachenganchepaw nami masiuüa tek pe mih, “Aw chakramang, en dow Thurai kowh maru. Sakrauma hown hauang dai ang diah,” pape khai.17Tawkche pre sum la kung kowi dow nami masiuüa mih kum nau khai bowt. Now nami masiuüa dow Elisa tekla pe mih khin uang ting hanow pen chapa khai bowt.18Nami ngeuüa dow awr iuk awr sown khai bowt. Now akat khe aia dow a-pa tut-e kowkowi khai. Nakhowk khe a-pa dow laih kowi kowh ngen luprak miuüa tut-e chekhai.19Nami ngeuüa dow awr kar hu hanow tek pe a-pa mih, “Ang lu rau! Ang lu rau!” pakhai.
Nakhowk khe nar lowk ia kowi nami ngeuüa pa tek pe mih, “Nami ngeuüa kowi a-u tut-e kowpawla diah,” pakhai.20Nami nar dow nami ngeuüa kowi a-u tut-e kowpawla khai, now a-u dow achapa kowi sat downg mowr paiah khai. Now nami ngeuüa dow kowng khai.21Nami masiuüa dow achapa kowi mih Elisa kowh sawlawnma kowi kowiüaah khai. Now aia dow büngla pe kim hanow lawt khai.22Aia dow ahua tut-e kowchin maru hanow krawi tek pe mih, “En mih kawmat mat nar lowk ia hai kawrngaramchük apum uang chin ang diah. Thurai maru tut-e alenma kowkowi hanow ang uang plan iawk kown taih,” pakhai.23Ahua krawi lüntaah mih, “Tawng rakowi chow aia tut-e ani en kowkowi kown? Ani dow Lacher pawi paw nadowi, now Tanai Ni paw nadowi,” pakhai.
Amasi krawi tek pe mih, “Tawngpaw own dowi,” pape khai.24Nami kung kowi dow nami masiuüa mih kawrngaramchük luk kowi dau pe uan khai. Now anar kowi tek pe mih, “Kawrngaramchük kowi alenma pe mangah diah. Ang tek en dowi matchang mapaw hangkow naura ba,” pakhai.25Naiawng hai aia dow Karmel hungh kowi Thurai maru tut-e kowtowm khai bowt. Nami masiuüa alak sangrumchow reng tak khe Elisa haikhita khai. Nakhowk khe anar Gehazi kowi aia tek pe mih, “Pai iow, Sunem marow kowi kowh masiuüa!26Kowiowm hanow aia hown kowtakrum diah. Now aia kowi en nalüntaah kown mih, ‘En iung reng tak bow? En hua paw iung reng tak bow? Now en kowh chapa paw iung reng tak bow?’ pape diah,” pakhai.
Naiawng uang lüntaah khe Sunem marow hownia kowh masiuüa klangah mih, “Ow, iung bowk tak chow,” pakhai.27Tawkche Karmel hungh kowi Thurai maru tut-e aia uang ting khe dow krawng kowi uang tabawk krawm now dowk pe khawk khai. Nakhowk khe nami masiuüa kowi nalang sütta kownkow Gehazi uang khai. Nachenganchepaw Elisa tek pe Gehazi mih, “Nami masiuüa kowi hangkow hang diah. Aia dow lainowmma tuak kawm tuak krat khai. Tawkche nami lawnguan kowi tawngpaw CHAKRAMANG tek ang dowi,” pakhai.28Nakhowk khe nami masiuüa tek pe Elisa mih, “Aw ang kowh chakramang, ang lü en chapa bow? Now hauang dai ang pami paw ang tek en khowk nadowi bow?” pakhai.29Nami kung kowi Elisa tek pe Gehazi mih, “Kamrüt diah. Ang kowh raitua pawla hanow alenma nami masiuüa hown kowtawi diah. Tiama rawng kowi hang cham klangla maru; maru klang en chepaw hang cham klangla diah. Nami masiuüa kim kowi kowting hanow ang kowh raitua mih ngeuüa lumowr kowi kowtow pe diah,” pakhai.30Nakhowk khe nami ngeuüa u tek pe Elisa mih, “Masing CHAKRAMANG ming hai en ming lüklau se ang tek khowk, en che tawi dowi now mapaw ang mang kown nadowi,” pakhai. Naiawng rakowi nami masiuüa hown dow Elisa kowtawi khai.31Nami takra kowi Gehazi dow alenma kowrik kowi hanow nami ngeuüa lumowr kowi Elisa kowh raitua kowtang pe khai. Nachenganchepaw nami ngeuüa mih chü paw chü dowi, now lai paw lai dowi chekhai. Naiawng rakowi Gehazi dow Elisa hown kowtakrum kownkow kowplan khai. Now tek pe Elisa mih, “Paimi ngeuüa awr sing dowi tak,” pakhai.32Now Elisa dow nami masiuüa kim kowi uang ting hanow aia kowh towklak kowi kowkowi khai, now aia kowh sawlawnma kowi ngeuüa uak iüata hüah mih dow aia kowkhi khai.33Nakhowk khe aia malowkchow kowkup hanow aia uai büngta towklak khai, now CHAKRAMANG tut-e awr lü khowng khai.34Nami kung kowi dow nami ngeuüa uak luk kowi kowtamaw hanow nawr kowh nawr, mik kowh mik hai rut kowh rut aia tungah khai. Nahanow nami ngeuüa kowh dow pik uang den khai bowt.35Nami kung kowi dow aia awr rü hanow towklak kowi aia krawi len khai. Now nami ngeuüa luk kowi aia kowplan tamaw khai iawk. Nakhowk khe dow nami ngeuüa mih awr sik ranit kat hanow awr kü mik khai bowt.36Nakhowk khe Gehazi kowi hawah now Elisa tek pe mih, “Mami ngeuüa u kowi kowhaw bowt,” pakhai. Now Gehazi dow nami ngeuüa u kowi kowhaw khai. Nami masiuüa uang ting khe Elisa tek pe mih, “En kowh chapa kowi pawla bowt,” pakhai.37Nami masiuüa dow kim lak kowi uang kup hanow Elisa kowi uang dowk pe khawk khai, now krawng kowi tabawk krawm se chupah khai. Nami kung kowi dow pawla chapa hanow aia lawt khai bowt.38Nami kung kowi dow Elisa mih Gilgal marow kowi kowplan khai. Nakhowk khe nakowi mih khown kuak thüm chekhai. Akat khe risiuüa dow aia pur kowi chowm hanow aia kowh laiklow sünta khai. Nakhowk khe anar kowi Elisa tek pe mih, “Risiuüa vüi puh mangtara hown koweng pe kan dit,” pakhai.39Nakhowk khe risiuüa pungmadawng hownia risi lowk mih dowm kowi nakrawi lek pramna kownkow tarü khai, now aia dow kowkhi tingtua rui khai. Now auih dow ahuma klekla hanow aia uang thupla khai. Now naiawngün dow rawah hanow puh hown aia engah khai. Tawkche naiawngün dow akru uowima pami aia tuk dowi chekhai.40Now risiuüa kowi nape chaah kownkow nami kan uang then pe khai. Nachenganchepaw risiuüa uown cha hanow kar se amatni tek mih, “Aw Thurai maru, mami kan dow akruma le!” pabüah khai. Naiawng rakowi nami kan dow amatni nowng cha dowi chekhai.41Nakhowk khe Elisa tek mih, “Uang pawla kawmdi sangrum diah,” pakhai. Now nami kawmdi mih puh kowi iu pruiah hanow aia tek mih, “Mami kan mih ang iungta khowk; enni naia cha kown towbowt,” pakhai. Nami kung kowi dow puh kowi mih piakla pat mih akru uowi dowi bowt chekhai.42Akat khe Baal-Salisa marow kowi kowh uowi mih maru lowk ia dow Elisa tut-e uang khai. Aia dow rik ngenah mih iakmow hown kowh kawmpah awp ia pirmi pah hai luprak sar sangrum Elisa vüi uang pawla pe khai. Nakhowk khe anar kowi Elisa tek pe mih, “Naiawngün chakkham risiuüa kowi pe chaah diah,” pakhai.43Nakhowk khe anar tek pe Elisa mih, “Maru iun 100 ia kowi makhowtchow mih chakkham tawng iawng chow nalawk kown?” pape khai.
Nachenganchepaw Elisa klangah mih, “Risiuüa kowi nami pe chaah diah. Tawngplawng kowchow panow risiuüa chak kung kowi paw namarat sangrum tak kown mih CHAKRAMANG tek khowk chekhai,” pape khai.44Naiawng rakowi Elisa kowh nar mih risiuüa pur kowi nami chakkham uang then pe khai. Now CHAKRAMANG tek iawng risiuüa ki cha bowk kung kowi paw nami chakkham mih ta lat sangrum tak chekhai.
The Seed Company