2 Manguüa23
1Akung kowi mang Josia dow kowchin maru hanow Juda pren hai Jerusalem marow kowi kowh lawngtang aluchowuüa maten kowi uang hawla khai, now amatni kowi dow arasang aia kuaah lawmah khai.2Now aia dow Juda pren hai Jerusalem marow kowi kowh aiuk asowm uowi mih maten kowi pawla now CHAKRAMANG kim kowi kowkup khai. Amatni pungmadawng kowi dow uamowuüa hai risiuüa paw tawi uowi chekhai. Now CHAKRAMANG kim kowi kowh kata mih chabowih laiklow maten dow amatni kowi aia phat pe khai.3Nami kung kowi mang Josia dow kimchüng ria kowi iowng se nami charam tua kowi kowh arui uowi mih sangbowk laitawm maten nachün kownkow CHAKRAMANG pur kowi maiawng takham khai, “CHAKRAMANG tiama kowi ang namang kown, ang kowh sak maiow hown aia kowh ana pek hai ari aiang ang nachün kown,” pakhai. Nakhowk khe maru maten mih naiawng mang hown tawi takham khai.4Now mang Josia dow phuchua müa vüi kowi kowh thawpah mih Baal thurai, Asera limpu hai krek rup maten CHAKRAMANG kim hownia nauang lawtla kownkow uamow lang kri mih Hilkia, akhowng mih uamowuüa hai kimplawt chawng miuüa kowi peah ana khai. Now aia dow naiawngün arup mih Jerusalem marow uat kowi kowh Kidrawn lawngrawi kowi kowh dowm kowi cham tikah khai, now plawi dow Bethel marow kowi aia pawla khai.5Now Judauüa kowh marow maten hai Jerusalem marow riaret kowi kowh arah kroma mih kowi kowh chupiiara kowi nam iungma mih maikhük natowk kownkow Juda manguüa towah mih uamowuüa kowi dow aia prütta bowk khai. Tawngplawng kowchow panow naiawngün uamowuüa dow Baal thurai, lama, sat, krek tapu lawm mih hai akeng mih krek maten vüi kowi nam iungma mih maikhük towk reng chekhai.6Aia dow CHAKRAMANG kim hownia Asera limpu mih pawla hanow Jerusalem marow uat kowi kowh Kidrawn lawngrawi kowi cham tikah khai. Nami kung kowi dow nami chüng mih aia dita neknek khai, now nami di ia dow iawngpa mih maru-uüa kowh tadupra luk kowi aia krawi uetah khai.7Now CHAKRAMANG kim kowi kowh chawkkrawma lup chang mih kachakuüa hawmh kowh towklak ün dow aia piakta pe khai. Nami towklak kowi dow Asera thuraima vüi masiuüa hawmh mih kawng uan reng chekhai.8Josia dow Juda pren kowi kowh marow hai kua maten hownia uamowuüa maten kowi prang kowi uang pawla khai. Now Geba marow hai Ber-Seba marow mowr arah kroma mih kowi kowh chupiiara kowi uamowuüa towk pe nam iungma mih maikhük reng mih phuchuara ün dow aia sürlawkta pe khai. Now Jerusalem marow kowi kowh lang kri mih Josua kowh tapplawt re-e kowh uowi mih arah kroma mih kowi kowh chupiiara maten paw aia piakta pe khai. Nami tapplawt uowi mih dow marow tapplawt lakuai prakowi chekhai.9Nami arah kroma mih kowi kowh chupiiara kowi chang lup mih uamowuüa dow Jerusalem marow kowi kowh CHAKRAMANG kowh phuchuara kowi tawi ia chang lup dowi chekhai. Nachenganchepaw amatni dow akeng mih uamowuüa hown the pe tuah dowi mih kawm tawi ia cha reng chekhai.10Molek thurai vüi kowi amia iawng mih paw amatni kowh chauüa naia phuchuala dowi kownkow Josia mih Ben-Hinawm lawngrawi kowi kowh Tofet pami phuchuara dow sürlawkta pe khai.11Naphuchuala sat kownkow alai kowh Juda manguüa peah mih kawrnga kari hai kawrnga ün dow Josia mih kawrnga kowi prütta bowk hanow kawrnga kari mih tikta pe bowk khai. Naiawngün kawrnga uowi mih dow mang kowh lup chang mih Nathan-Melek pami maru kowh towklak ria kowi chekhai. Nami towklak dow CHAKRAMANG kim kupra tiama ria kowi kowh viadawng kowi chekhai.12Now mang Ahaz uowiah mih towklak kimluk kowi kowh Juda manguüa thawpah mih phuchuara maten dow mang Josia piakta pe khai, now CHAKRAMANG kim kowi kowh viadawng kowi Manase thawpah mih phuchuara maten paw aia piakta pe khai. Now naiawngün phuchuara maten dow Kidrawn lawngrawi kowi aia cham kuakah khai.13Tasür Talawk mih hungh mrawkphak prakowi kowh arah kroma mih kowi kowh chupiiara maten aia sürlawkta pe khai. Nami hungh dow Jerusalem satlawt prakowi chekhai. Naiawngün arah kroma mih kowi kowh phuchuara dow Sidawnuüa kowh suiiai kaniaima mih Astarte thuraima vüi, Moabuüa kowh suiiai kaniaima mih Kemaws thurai vüi hai Amawn maru-uüa kowh suiiai kaniaima mih Melek thurai vüi Israel mang Sawlawmawn thawpah mih chekhai.14Josia dow chupiiaah mih hua ün bawpta pe khai, now Asera limpu ün kripta pe khai. Now naiawngün arah dow maru-uüa kowh hut hown aia phumah khai.15Israeluüa kowi pe changla angak mih Nebat chapa Jeroboam thawpah mih Bethel marow kowi kowh phuchuara hai arah kroma mih kowi kowh phuchuara dow Josia bawpta pe hanow towkta pe khai. Nami klen kowi Asera limpu paw aia tikta pe khai.16Nami kung kowi aia dow tapat lut krawi tang mü hanow hungh re-e kowh uowi mih tadupra ün khi khai. Now nami tadupra kowi kowh hut maten nauang pawla kownkow aia dow aia maru-uüa kowi kowchinah khai, now naiawngün hut dow phuchuara luk kowi aia tikah khai. Naiawng hai phuchuara dow aia sürlawkah khai. Naiawng nauang phaw kown mih lawnguan dow Thurai maru rik tekta khowk chekhai. Naiawngün dow CHAKRAMANG kowh laiklow iawng uang phaw mih chekhai.17Now mang Josia tek mih, “Paimi mia kowh tadupra chow?” pakhai.
Nakhowk khe marowchakuüa tek pe Josia mih, “Paimi dow Thurai maru kowh tadupra chowbowt. Aia dow Juda pren hownia uang hanow Bethel marow kowi kowh phuchuara napiak kown mih lawnguan uang phuang anging khai. En dow nami maru uang phuang anging mih iawng rowprowp en chang mih chekhai,” pape khai.18Nakhowk khe amatni kowi aia tek pe mih, “Paimi pacham uowila taih; aia kowh hut ün amiapaw hangkow pacham kak lah,” pakhai. Naiawng rakowi maru kawmuüa dow aia kowh hut hai Samari pren hownia kowh uang mih risi kowh hut mih aiawng uowi khe kowh iawng towah büah khai.19Samari pren kowi kowh marow ün kowi arah kroma mih kowi kowh chupiiara kowi Israel manguüa thawpah mih thurai chup kim dow Josia piakta pe khai. Tawngplawng kowchow panow amatni dow nami thurai chup kim hown CHAKRAMANG kowi towkah kunmarau khai. Naiawng rakowi naiawngün phuchuara dow Bethel marow kowi kowh phuchuara aia piakah iawng piakah khai.20Josia dow nakowi kowh uamowuüa kowi naiawngün phuchuara luk kowi saiah khai. Now maru-uüa kowh hut dow naiawngün phuchuara luk kowi aia tikah khai. Nami kung kowi dow Jerusalem marow kowi aia plan khai bowt.21Nami kung kowi aia dow maru maten kowi peah ana mih, “Sangbowk laitawm kowi kowh arui uowi iawng CHAKRAMANG enni kowh Thurai vüi kowi Takat Pawi chang büa diah,” pakhai.22Naiawng mih Takat Pawi dow Israel kruitown miuüa chowng hownia Israel manguüa hai Juda manguüa mih katpaw sunla dowi tak chekhai.23Tawkche Josia chowm mih 18 ning khe dow Jerusalem marow kowi CHAKRAMANG vüi kowi nami Takat Pawi mih chang khai bowt.24Now süngnam hai lümla ngak hown taklawp taiua mih maru maten kowi dow Josia prütta bowk khai. Nami klen kowi chowlowkkow kimchakuüa kowh thurai rup, arup aren, now Juda hai Jerusalem marow kowi kowh suiiai kaniaima mih uanh maten paw aia kuakta pe bowk khai. Naiawng mang Josia chang mih dow CHAKRAMANG kim kowi kowh uamow Hilkia kaah mih chabowih kowi kowh arui uowi iawng naia chünla kownkow chekhai.25Aia dow Mosi rirow kowi kowh arui uowi mih maten iawng aia kowh saktuak, sak hai kür maiow hown CHAKRAMANG tiama kowi mang khai. Aia iawng mih mang dow aia dowi rawn hai aia kung kowi amiapaw uowi dowi chekhai.26Nachenganchepaw aia dow Judauüa luk kowi kowh CHAKRAMANG kowh kunmaraura lün pluplup mih nowng rimta pe bowk dowi tak chekhai. Naiawng Judauüa luk kowi CHAKRAMANG kowh kunmaraura lün pluplup mih dow CHAKRAMANG sak-hiah kawmla mih lup Manase changta khai rakowi chekhai.27CHAKRAMANG tek mih, “Ang pur hownia Israeluüa kowi kowh ang prütah iawng Judauüa kowi paw ang naprütah kown. Now ang kloah mih Jerusalem marow hai mami dow ang kowh uowi rah pahai ang tekah mih Thurai chup kim dow ang nanuata kown,” pakhai.28Josia kowh akeng mih lup lawnguan maten dow “Juda Manguüa Lawnguan” pami bowih kowi arui uowi bowk chekhai.29Josia chowm mang mih khin khe Aigupta pren mang Faraw-Nekaw dow Asuria pren mang kowi natawi khowngah tasen kownkow Iufratis aw prakowi kowtarü khai. Nakhowk khe mang Josia dow Faraw-Nekaw hown nauang tadowk tasen kownkow uang lawt khai. Tawkche Faraw-Nekaw mih mang Josia hown tasen hanow aia kowi dow Megido marow kowi saiah khai.30Now Josia kowh siphai hawmh dow aia kowh uak mih kawrnga kari hown Megido marow hownia Jerusalem marow kowi uang pawla khai. Now aia kowi dow aia vüi kowi kowh khowmta bowkta mih tadupra kowi dupah khai. Akung kowi prenchakuüa dow achapa Jehoahaz kowi nümnapah khai, now a-pa takcha kowi aia kowi dow ta pe chowmah mang khai.31Juda pren kowi Josia chowm mang mih dow 23 ning khe chekhai. Aia dow sum la mowr Jerusalem marow kowi chowmla mang khai. A-u dow Libna marowchak Jeremia kowh chama Hamutal chekhai.32Jehoahaz dow apipu-uüa iawng CHAKRAMANG mik kowi angakma mih lup chang reng chekhai.33Jerusalem marow naia kruitownla dowi kownkow aia kowi dow mang Faraw-Nekaw mih Hamat pren kowi kowh Ribla marow kowi khümah now towah khai. Now mang Faraw-Nekaw dow mangmu iawng hai tai 90 mawn ngia hai kuh 35 set ngia nauang pe kownkow Juda prenchakuüa luk kowi peah kurdik khai.34Aia dow Josia kowh alowk mih chapa Eliakim pami kowi a-pa Josia takcha ta pe chowmah mang khai. Now aia dow Eliakim pami ming takcha kowi Jehoiakim pahai chap pe ming khai. Mang Faraw-Nekaw dow Jehoahaz kowi Aigupta pren kowi pawla khai, now Jehoahaz dow nakowi hing kowng khai.35Now Jehoiakim dow naiawngün kuh tai mih Faraw-Nekaw kowi napela kownkow aia prenchakuüa kowi mangmu iawng kük pe khai. Now aia dow prenchakuüa kowi khowm bowk pe mangmu khowt kuh hai tai mih aia pawah khai. Now aia dow mang Faraw-Nekaw kük pe iawng kuh hai tai mih aia kowi peah khai.36Juda pren kowi Jehoiakim chowm mang mih dow 25 ning khe chekhai. Aia dow lailowk ning mowr Jerusalem marow kowi chowmla mang khai. A-u dow Ruma marowchak Pedaia kowh chama Zebida chekhai.37Jehoiakim dow apipu-uüa iawng CHAKRAMANG mik kowi angakma mih lup chang reng chekhai.
Nakhowk khe marowchakuüa tek pe Josia mih, “Paimi dow Thurai maru kowh tadupra chowbowt. Aia dow Juda pren hownia uang hanow Bethel marow kowi kowh phuchuara napiak kown mih lawnguan uang phuang anging khai. En dow nami maru uang phuang anging mih iawng rowprowp en chang mih chekhai,” pape khai.18Nakhowk khe amatni kowi aia tek pe mih, “Paimi pacham uowila taih; aia kowh hut ün amiapaw hangkow pacham kak lah,” pakhai. Naiawng rakowi maru kawmuüa dow aia kowh hut hai Samari pren hownia kowh uang mih risi kowh hut mih aiawng uowi khe kowh iawng towah büah khai.19Samari pren kowi kowh marow ün kowi arah kroma mih kowi kowh chupiiara kowi Israel manguüa thawpah mih thurai chup kim dow Josia piakta pe khai. Tawngplawng kowchow panow amatni dow nami thurai chup kim hown CHAKRAMANG kowi towkah kunmarau khai. Naiawng rakowi naiawngün phuchuara dow Bethel marow kowi kowh phuchuara aia piakah iawng piakah khai.20Josia dow nakowi kowh uamowuüa kowi naiawngün phuchuara luk kowi saiah khai. Now maru-uüa kowh hut dow naiawngün phuchuara luk kowi aia tikah khai. Nami kung kowi dow Jerusalem marow kowi aia plan khai bowt.21Nami kung kowi aia dow maru maten kowi peah ana mih, “Sangbowk laitawm kowi kowh arui uowi iawng CHAKRAMANG enni kowh Thurai vüi kowi Takat Pawi chang büa diah,” pakhai.22Naiawng mih Takat Pawi dow Israel kruitown miuüa chowng hownia Israel manguüa hai Juda manguüa mih katpaw sunla dowi tak chekhai.23Tawkche Josia chowm mih 18 ning khe dow Jerusalem marow kowi CHAKRAMANG vüi kowi nami Takat Pawi mih chang khai bowt.24Now süngnam hai lümla ngak hown taklawp taiua mih maru maten kowi dow Josia prütta bowk khai. Nami klen kowi chowlowkkow kimchakuüa kowh thurai rup, arup aren, now Juda hai Jerusalem marow kowi kowh suiiai kaniaima mih uanh maten paw aia kuakta pe bowk khai. Naiawng mang Josia chang mih dow CHAKRAMANG kim kowi kowh uamow Hilkia kaah mih chabowih kowi kowh arui uowi iawng naia chünla kownkow chekhai.25Aia dow Mosi rirow kowi kowh arui uowi mih maten iawng aia kowh saktuak, sak hai kür maiow hown CHAKRAMANG tiama kowi mang khai. Aia iawng mih mang dow aia dowi rawn hai aia kung kowi amiapaw uowi dowi chekhai.26Nachenganchepaw aia dow Judauüa luk kowi kowh CHAKRAMANG kowh kunmaraura lün pluplup mih nowng rimta pe bowk dowi tak chekhai. Naiawng Judauüa luk kowi CHAKRAMANG kowh kunmaraura lün pluplup mih dow CHAKRAMANG sak-hiah kawmla mih lup Manase changta khai rakowi chekhai.27CHAKRAMANG tek mih, “Ang pur hownia Israeluüa kowi kowh ang prütah iawng Judauüa kowi paw ang naprütah kown. Now ang kloah mih Jerusalem marow hai mami dow ang kowh uowi rah pahai ang tekah mih Thurai chup kim dow ang nanuata kown,” pakhai.28Josia kowh akeng mih lup lawnguan maten dow “Juda Manguüa Lawnguan” pami bowih kowi arui uowi bowk chekhai.29Josia chowm mang mih khin khe Aigupta pren mang Faraw-Nekaw dow Asuria pren mang kowi natawi khowngah tasen kownkow Iufratis aw prakowi kowtarü khai. Nakhowk khe mang Josia dow Faraw-Nekaw hown nauang tadowk tasen kownkow uang lawt khai. Tawkche Faraw-Nekaw mih mang Josia hown tasen hanow aia kowi dow Megido marow kowi saiah khai.30Now Josia kowh siphai hawmh dow aia kowh uak mih kawrnga kari hown Megido marow hownia Jerusalem marow kowi uang pawla khai. Now aia kowi dow aia vüi kowi kowh khowmta bowkta mih tadupra kowi dupah khai. Akung kowi prenchakuüa dow achapa Jehoahaz kowi nümnapah khai, now a-pa takcha kowi aia kowi dow ta pe chowmah mang khai.31Juda pren kowi Josia chowm mang mih dow 23 ning khe chekhai. Aia dow sum la mowr Jerusalem marow kowi chowmla mang khai. A-u dow Libna marowchak Jeremia kowh chama Hamutal chekhai.32Jehoahaz dow apipu-uüa iawng CHAKRAMANG mik kowi angakma mih lup chang reng chekhai.33Jerusalem marow naia kruitownla dowi kownkow aia kowi dow mang Faraw-Nekaw mih Hamat pren kowi kowh Ribla marow kowi khümah now towah khai. Now mang Faraw-Nekaw dow mangmu iawng hai tai 90 mawn ngia hai kuh 35 set ngia nauang pe kownkow Juda prenchakuüa luk kowi peah kurdik khai.34Aia dow Josia kowh alowk mih chapa Eliakim pami kowi a-pa Josia takcha ta pe chowmah mang khai. Now aia dow Eliakim pami ming takcha kowi Jehoiakim pahai chap pe ming khai. Mang Faraw-Nekaw dow Jehoahaz kowi Aigupta pren kowi pawla khai, now Jehoahaz dow nakowi hing kowng khai.35Now Jehoiakim dow naiawngün kuh tai mih Faraw-Nekaw kowi napela kownkow aia prenchakuüa kowi mangmu iawng kük pe khai. Now aia dow prenchakuüa kowi khowm bowk pe mangmu khowt kuh hai tai mih aia pawah khai. Now aia dow mang Faraw-Nekaw kük pe iawng kuh hai tai mih aia kowi peah khai.36Juda pren kowi Jehoiakim chowm mang mih dow 25 ning khe chekhai. Aia dow lailowk ning mowr Jerusalem marow kowi chowmla mang khai. A-u dow Ruma marowchak Pedaia kowh chama Zebida chekhai.37Jehoiakim dow apipu-uüa iawng CHAKRAMANG mik kowi angakma mih lup chang reng chekhai.
The Seed Company