2 Manguüa20
1Nami khin khe Hezekia dow arau uowi hanow dih lai kowh kowng ngialia phaw khai. Nakhowk khe Hezekia tut-e Amawz chapa risi Isai kowkowi hanow tek pe mih, “CHAKRAMANG tek mih, ‘Tawng chow achang takla mih kimchakuüa kowi khowmla bowkla pe diah. Tawngplawng kowchow panow en kowh arau naiung kown nadowi bowt. En nakowng kown towbowt,’ pakhai,” pape khai.2Nami tata hanow Hezekia dow kimbang prakowi haidang hanow CHAKRAMANG tut-e awr tek mih,3“Aw CHAKRAMANG, en kaah sakowm iawng ang uowi khai, now en tut-e iung iawng ang chang khai. Nami dow ka tuakah diah,” pakhai. Now Hezekia dow lainowmma kar khai.4Risi Isai mih lawt hanow mang kim takra kowi kowh viadawng hainowng pown dowi khowk chow tak khe aia tut-e CHAKRAMANG laiklow uang ting khai. CHAKRAMANG tek pe mih,5“Ang kowh maru-uüa kowh aluchow Hezekia tut-e kowplan diah. Now CHAKRAMANG a-pu David kowh Thurai laiklow maiawng kowtek pe diah, ‘En awr tekah mih ang ta khowk, now en kowh mik tui vüng mih paw ang khi khowk. En kowh arau ang naiungta en kown. Sum ni kung kowi dow CHAKRAMANG kim kowi en nakowkowi kown.6En kowi dow ang nape sing en laitanga ning tak kown. En hai mami marow kowi mih Asuria pren mang rut hownia ang nalawngah kown. Nami marow ang nalawngah kown mih dow ang nakala ringkawra kownkow hai ang nar David tut-e kowh laikham uowi iawng nachang kownkow chekhai,’ pape diah,” pakhai.7Akung kowi Hezekia kowh naruüa kowi Isai tek pe mih, “Uang pawla uidut uih nek ia diah,” pakhai. Nahanow anaruüa dow nami nek ia uang pawla hanow Hezekia kowh bau luk kowi uang phawk pe khai, now aia kowh bau dow iung khai bowt.8Nami dowi rawn khe Isai kowi Hezekia lüntaah mih, “CHAKRAMANG naiungta ang arau kown mih hai sum ni kung kowi CHAKRAMANG kim kowi ang naia kowi kown mih amatra tawng chow?” pakhai.9Nakhowk khe Isai klangah mih, “CHAKRAMANG dow aia kowh laikham iawng nachang en kown mih amatra natüng en lowk kown. Pur prakowi nim natakuak hamüt bowk kown mih bow en nau, dowdow kung prakowi nim natakuak hamüt bowk kown mih bow en nau?” pape khai.10Hezekia klangah mih, “Pur prakowi nim natakuak hamüt bowk kown mih dow aiachow taih. Naiawng rakowi kung prakowi nim pacham takuak hamüt bowk lah,” pape khai.11Naiawng rakowi Isai dow CHAKRAMANG tut-e awr tek pe khai. Nahanow CHAKRAMANG dow Ahaz kowh dawngbowk kowi kowh iu takuak mih nim hownia kung prakowi hamüt bowk mowr nim mih pe takuakah khai.12Nami khin khe Babulawn pren mang Baladan chapa Merawdak-Baladan dow Hezekia arau uowi mih satang ta khai. Naiawng rakowi aia dow kowchin maru ne hanow Hezekia kowi chasak hai awmrawm sung krawi sa pe khai.13Hezekia dow naiawngün maru-uüa kowi hawt chumah khai. Now amatni kowi dow aia mang kim kowi kowh uowi mih srui — kuh, tai, nam iungma mih chap, asung khakma mih sau, aia kowh tasen müa rutchün khawkleng ün — aia tüngta pe bowk khai. Aia dow aia mang kim kowi kowh hai paprenma kowi kowh uowi mih maten mih amatni kowi tüngta pe bowk khai.14Nakhowk khe risi Isai dow mang Hezekia tut-e kowkowi hanow kowlüntaah mih, “Pai iawngün maru-uüa tawng chow tek en? Tawng hownia kowh amatni uang mih chow?” pakhai.
Hezekia klangah mih, “Amatni dow alakma mih Babulawn pren hownia kowh uang mih chekhai,” pape khai.15Risi lüntaah mih, “En kowh mang kim kowi tawng ngai khowk chow kowbüah krawi khita?” pakhai.
Hezekia klangah mih, “Ang kim kowi kowh uowi mih maten dow amatni krawi khita bowk khowk. Mang kowh uanh towk rah kowi kowh uowi mih maten dow amatni kowi ang tüngta pe bowk khowk,” pape khai.16Nakhowk khe Hezekia kowi Isai tek pe mih, “CHAKRAMANG tek mih sünta diah.17Aia tek mih, ‘Pakat khe dow en kowh mang kim kowi kowh uowi mih maten hai ani mowr kowh en pipu-uüa ta krümla mih uanh maten Babulawn pren kowi napawla bowk kown; tawngpaw nata lawt kown nadowi.18En matia krungchakuüa kowi dow nakhümla hanow Babulawn pren kowi napawla sangrum kown, now amatni kowi dow nakletah hanow Babulawn pren mang kim kowi nape changah lup kown,’ pakhai,” pape khai.19Nakhowk khe Hezekia klangah mih, “CHAKRAMANG hownia kowh en tekah mih laiklow iung chow,” pakhai. Naiawng Hezekia tek mih dow aia sing uowi mowr thaulangma hai aiungma aia naka uowi kown taih padow aia ka tuak rakowi chekhai.20Hezekia kowh akeng mih lup lawnguan maten, tasen awng lawnguan, thai kanh mih lawnguan hai thai hungh hanow marow kowi uang pawla tui mih lawnguan dow “Juda Manguüa Lawnguan” pami bowih kowi arui uowi bowk chekhai.21Hezekia kowng kung kowi dow achapa Manase mih ta chowm mang khai.
Hezekia klangah mih, “Amatni dow alakma mih Babulawn pren hownia kowh uang mih chekhai,” pape khai.15Risi lüntaah mih, “En kowh mang kim kowi tawng ngai khowk chow kowbüah krawi khita?” pakhai.
Hezekia klangah mih, “Ang kim kowi kowh uowi mih maten dow amatni krawi khita bowk khowk. Mang kowh uanh towk rah kowi kowh uowi mih maten dow amatni kowi ang tüngta pe bowk khowk,” pape khai.16Nakhowk khe Hezekia kowi Isai tek pe mih, “CHAKRAMANG tek mih sünta diah.17Aia tek mih, ‘Pakat khe dow en kowh mang kim kowi kowh uowi mih maten hai ani mowr kowh en pipu-uüa ta krümla mih uanh maten Babulawn pren kowi napawla bowk kown; tawngpaw nata lawt kown nadowi.18En matia krungchakuüa kowi dow nakhümla hanow Babulawn pren kowi napawla sangrum kown, now amatni kowi dow nakletah hanow Babulawn pren mang kim kowi nape changah lup kown,’ pakhai,” pape khai.19Nakhowk khe Hezekia klangah mih, “CHAKRAMANG hownia kowh en tekah mih laiklow iung chow,” pakhai. Naiawng Hezekia tek mih dow aia sing uowi mowr thaulangma hai aiungma aia naka uowi kown taih padow aia ka tuak rakowi chekhai.20Hezekia kowh akeng mih lup lawnguan maten, tasen awng lawnguan, thai kanh mih lawnguan hai thai hungh hanow marow kowi uang pawla tui mih lawnguan dow “Juda Manguüa Lawnguan” pami bowih kowi arui uowi bowk chekhai.21Hezekia kowng kung kowi dow achapa Manase mih ta chowm mang khai.
The Seed Company