2 Manguüa19
1Mang Hezekia dow nami laiklow tata hanow aia kowh tawnguat thekta khai, now khup sala uan khai. Now CHAKRAMANG kim kowi aia kowkowi khai.2Now mang kim kowi kowh kruitown mih Eliakim, mang kowh cha rui mih Sebna hai uamow aluchowuüa kowi dow sala uan khupma hown risi Isai tut-e aia kowchinah khai. Risi Isai dow Amawz kowh chapa chekhai.3Now amatni dow Hezekia krawi pe tekah mih laiklow maiawng risi Isai kowi kowtek pe khai, “Ani dow tuak kawm tuak krat ni, rukraira ni hai ming piakra ni chekhai. A-i dow chah uang tarung tawlaw khowk chepaw kür uowi dowi kowh nowng pen dowi mih masiuüa iawng chekhai.4Tasen kowi kowh aluchow kowi Asuria pren mang uang chinah mih dow masing Thurai kowi nauang khareah kownkow chekhai. CHAKRAMANG en kowh Thurai dow naiawngün laiklow nata bowt, now nami maru kowi naripah chepaw naia. A-i pungmadawng kowi kowh ta sing uowi miuüa vüi kowi chupla a-i Thurai reng diah,” pakhai.5Nami satang tata hanow risi Isai tek pe amatni mih, “Enni kowh mang kowi CHAKRAMANG kowh laiklow maiawng kowtek pe diah, ‘Asuria pren mang uang chinah mih maru iukuüa uang khare ang mih lawnguan kowi hangkow kram diah.7Sünta, aia kowi dow kramra saktuak ang napeah kown. Naiawng rakowi aia dow tata satang hanow aia pren kowi naplan kown, now nakowi dow aia kowi mih saidawng hown ang nasaiah kown,’ pape diah,” pakhai.8Akung kowi nami tasen kowi kowh aluchow dow Asuria pren mang Senakerib mih Lakhis marow hownia lawt hanow Libna marowchakuüa hown tasen mih satang ta khai. Naiawng rakowi tasen kowi kowh aluchow dow nakowi kowtawi kowi khai.9Nami khin khe Asuria pren mang dow aia kowi nauang senah kownkow Ethiawpia pren mang Tirhaka uang lawt mih satang ta khai. Naiawng rakowi aia dow aia kowh satang phowng miuüa kowi mang Hezekia tut-e uang chinah khai iawk. Now amatni kowi aia krawi tek pe mih,10“Juda pren mang Hezekia kowi enni nakowtek pe kown mih, ‘En owmah mih Thurai dow Jerusalem marow mih Asuria pren mang rut kowi naap-ah kown nadowi pahai tek en khai. Nami laiklow hown Thurai kuan en kown mih hownia kaneu ba.11Akeng mih pren maten kowi asaima Asuria pren mang piakta mih lawnguan en ta khowk chekhai. Naiawng e tawng iawng chow en naplai kown mih en tuk ka tuak khai?12Ang kowh pipu-uüa dow Gawzan marowchakuüa, Haran marowchakuüa, Rezef marowchakuüa hai Tel-Asar marow kowi kowh Eden chenchapuüa kowi piakta bowk khai. Nakhowk khe amatni kowh thuraiuüa amatni kowi nowng lawngah tak bow?13Hamat marow mang, Arpad marow mang, Sefarvaim marow mang, Hena marow mang hai Iva marow mang büah kowng bowk nadowi bow?’ pape diah,” pakhai.14Mang Hezekia dow satang phowng miuüa rut hownia chasak paw hanow phatah khai. Nami kung kowi aia dow CHAKRAMANG kim kowi kowkowi hanow CHAKRAMANG pur kowi nami chasak kowtowah khai.15Now aia chup Thurai mih, “Aw CHAKRAMANG Israeluüa kowh Thurai, en dow Cherup rup pre buk mih takra kowi kowh uowi mih chekhai. Palusama kowh Thurai dow en chowtaih. Mukuang hai lusa thawp mih dow en chowtaih.16Aw CHAKRAMANG, ang kowh laiklow hawt sünta diah, now anging luk kowi tawng chow own mih iu mü diah. En masing Thurai kowi mang Senakerib uang khare mih iu sünta diah.17“Aw CHAKRAMANG, chenchap ahuma hai amatni kowh pren dow Asuria pren manguüa piakta khai nowm.18Now amatni dow naiawngün chenchapuüa kowh thuraiuüa kowi maih kowi nawmta pe khai. Naiawng amatni nowng piak mih dow Thurai ching nadowi rakowi chekhai. Naiawngün dow singh hai hua hown kowh maru thawpah mih thuraiuüa chowtaih.19Aw CHAKRAMANG anging kowh Thurai, kawmat mih Asuria pren mang hownia uang lawng anging diah. Nahanow lusa kowi kowh pren maten dow en chowtaih Thurai pami natuk kown towbowt,” pakhai.20Nakhowk khe Amawz chapa Isai dow Hezekia kowi uang krawi phowng pe satang khai. Aia krawi tek pe mih, “CHAKRAMANG Israeluüa kowh Thurai tek mih, ‘Asuria pren mang Senakerib lawnguan kowi kowh en awr tek mih ang ta khowk,’ pakhai.21Senakerib lawnguan kowi CHAKRAMANG tek mih,
“‘Jerusalem marowchakuüa dow sui en khai,amatni dow changla en rensi kau khai.22“‘Amia kowi chow en khareah mih?Amia kowi chow en peah rukrai mih?Amia kowi chow kingküaah kownkow atünma en klangah mih?Amia kowi chow changla bawri se en müah mih?Naiawng en chang mih dow Thurai kowi chekhai,Israeluüa kowh chimsaima mih Thurai kowi chekhai.23CHAKRAMANG kowi nakhare kownkow en kowh satang phowng miuüa kowi en uang chinah khai.En tek pe mih, “Ang kowh kawrnga kari maten hown hungh chut kowi ang kowpün khai.Lebanawn kowi kowh lang lowng mih hungh chut kowi ang kowpün khai;nakowi kowh lang kro mih sidar singh dow ang kripta khai,lang iung mih sasua singh dow ang ngawnta khai.Nakowi kowh singh rüm krawngta kowi ang kowkowi khai,nakowi kowh aiuma mih kaurawng kowi ang kowkup khai.24Prenlang kowi dow ang krawi thai tuikuam khai,nakowi kowh tui dow ang kham khai.Aigupta pren kowi kowh aw ün ang thuata bowk khai.Naiawng rakowi nakowi kowh aw tui dow kang khai bowt,” pakhai.25“‘En tawi ta dowi tak bow?Mami dow auown khe ia ang rik khowmta khowk chekhai.Mami dow ang rik sangkrangta mih akrama khowk chekhai,mami dow kawmat ang uang pe phawah khai bowt.Naiawng rakowi tap uowi mih marow ün en ia piak khai,naiawngün marow kowi hua chun iawng en krawi ia chang khai.26Kawmat dow nakowi kowh maru-uüa kür uowi dowi bowt,amatni dow lainowmma kram hai rukrai khai bowt.Amatni dow bawrchak iawng nowng changra uowi dowi,awr tak mih singh ram iawng kür uowi dowi.Amatni dow kimluk kowi kowh bawrchak iawng,awr sa dowi rawn keu mih bawrchak iawng chekhai.27“‘Tawkche en kowi aiungma ang tuk en,tawng kowi chow en cham uowi mih ang tuk.En cham kowi mih hai en uang mang mih khin ang tuk,tawng iawng chow ang luk kowi en kunmarau mih paw ang tuk bowk chekhai.28Ang luk kowi en kunmarau khai,now en bawri mih lawnguan ang ta khai bowt.Naiawng rakowi ang nau iawng ang natela en kownkowen nakawng kowi ang naphawk en napha kown,now en nawr kowi ang namak en lawngha klowk kown.Nahanow en uang mih tiama iawng ang nape plan en iawk kown,’ pakhai,” pape khai.29Nami kung kowi mang Hezekia kowi Isai tek pe mih, “Hezekia, ang tekah mih aching chekhai pami amatra dow maiawng naown kown:
“Mami ning dow iawngpa awr phaw mih chowtaih enni nacha kown,ning thowi paw iawngpa awr phaw mih chowtaih enni nacha kown.Tawkche thowi ning khe dow enni nasawt liu kown,now enni nakua luprak kown.Nakhowk khe dow enni nachang grep krum kown,now grep krum hownia enni naka cha uih kown.30Juda krungchakuüa dow nata plai ne tak kown;amatni dow aprün sawt mih singh iawng nakür iawlaw kown,now singh kowi auih apau thawn iawng naprung nase büah kown.31Ta plai mih maru-uüa dow Jerusalem marow hownia nakrawi tauet kown,amatni dow Zaiawn marow hownia nakrawi tauet kown.Nami lup nachang kown mih CHAKRAMANG lainowmma süngür chekhai.32“Naiawng rakowi Asuria pren mang lawnguan kowi CHAKRAMANG tek mih,‘Aia dow mami marow kowi nauang kup kown nadowi,makowi dow salangba asekchow khowm aia nauang ap kown nadowi.Kawngma hown marow tapplawt re-e aia nauang kown nadowi,nasen marow kownkow marow tap uat kowi aia nachun bawn kown nadowi.33Aia dow aia pren kowi naplan kown,aia uangla mih tiama iawng aia naplan iawk kown.Mami marow kowi aia nauang kup kown nadowi,ang CHAKRAMANG mami laiklow ang tek khowk.34Mami marow kowi dow kawngma iawng ang nataka kown,mami marow kowi dow ang takhula kown.Ang nakala ringkawra kownkow naiawng ang nachang kown,now ang nar David tut-e kowh laikham iawng ang nachang kown,’ pakhai,” pape khai.35Nami iak khe CHAKRAMANG kowh kramamu dow uang lawt hanow Asuriauüa kowh tangbung khupra kowi kowkowi khai, now Asuria siphai hawmh 185,000 ia kowi saita khai. Now auai rau khe ta sing uowi mih siphaiuüa dow arah maten kowi uak takuakla pan mih khi büah khai.36Naiawng rakowi Asuria pren mang Senakerib dow aia kowh siphaiuüa kowi pawla hanow aia pren kowi kowplan khai bowt. Now amatni dow Asuria pren kowi kowh Ninevi marow kri kowi kowuowi khai bowt.37Akat khe Senakerib dow aia kowh Nisrawk thurai kim kowi kowkowi hanow kowchupiia Nisrawk khai. Nakhowk khe achapa Adramelek hai Sarezer iüah dow saidawng hown a-pa kowi saiah khai, now amatchi dow Ararat pren kowi cham powt iüah khai. A-pa takcha dow amatchi kowh tainau Esarhadawn mih ta chowm mang khai.
“‘Jerusalem marowchakuüa dow sui en khai,amatni dow changla en rensi kau khai.22“‘Amia kowi chow en khareah mih?Amia kowi chow en peah rukrai mih?Amia kowi chow kingküaah kownkow atünma en klangah mih?Amia kowi chow changla bawri se en müah mih?Naiawng en chang mih dow Thurai kowi chekhai,Israeluüa kowh chimsaima mih Thurai kowi chekhai.23CHAKRAMANG kowi nakhare kownkow en kowh satang phowng miuüa kowi en uang chinah khai.En tek pe mih, “Ang kowh kawrnga kari maten hown hungh chut kowi ang kowpün khai.Lebanawn kowi kowh lang lowng mih hungh chut kowi ang kowpün khai;nakowi kowh lang kro mih sidar singh dow ang kripta khai,lang iung mih sasua singh dow ang ngawnta khai.Nakowi kowh singh rüm krawngta kowi ang kowkowi khai,nakowi kowh aiuma mih kaurawng kowi ang kowkup khai.24Prenlang kowi dow ang krawi thai tuikuam khai,nakowi kowh tui dow ang kham khai.Aigupta pren kowi kowh aw ün ang thuata bowk khai.Naiawng rakowi nakowi kowh aw tui dow kang khai bowt,” pakhai.25“‘En tawi ta dowi tak bow?Mami dow auown khe ia ang rik khowmta khowk chekhai.Mami dow ang rik sangkrangta mih akrama khowk chekhai,mami dow kawmat ang uang pe phawah khai bowt.Naiawng rakowi tap uowi mih marow ün en ia piak khai,naiawngün marow kowi hua chun iawng en krawi ia chang khai.26Kawmat dow nakowi kowh maru-uüa kür uowi dowi bowt,amatni dow lainowmma kram hai rukrai khai bowt.Amatni dow bawrchak iawng nowng changra uowi dowi,awr tak mih singh ram iawng kür uowi dowi.Amatni dow kimluk kowi kowh bawrchak iawng,awr sa dowi rawn keu mih bawrchak iawng chekhai.27“‘Tawkche en kowi aiungma ang tuk en,tawng kowi chow en cham uowi mih ang tuk.En cham kowi mih hai en uang mang mih khin ang tuk,tawng iawng chow ang luk kowi en kunmarau mih paw ang tuk bowk chekhai.28Ang luk kowi en kunmarau khai,now en bawri mih lawnguan ang ta khai bowt.Naiawng rakowi ang nau iawng ang natela en kownkowen nakawng kowi ang naphawk en napha kown,now en nawr kowi ang namak en lawngha klowk kown.Nahanow en uang mih tiama iawng ang nape plan en iawk kown,’ pakhai,” pape khai.29Nami kung kowi mang Hezekia kowi Isai tek pe mih, “Hezekia, ang tekah mih aching chekhai pami amatra dow maiawng naown kown:
“Mami ning dow iawngpa awr phaw mih chowtaih enni nacha kown,ning thowi paw iawngpa awr phaw mih chowtaih enni nacha kown.Tawkche thowi ning khe dow enni nasawt liu kown,now enni nakua luprak kown.Nakhowk khe dow enni nachang grep krum kown,now grep krum hownia enni naka cha uih kown.30Juda krungchakuüa dow nata plai ne tak kown;amatni dow aprün sawt mih singh iawng nakür iawlaw kown,now singh kowi auih apau thawn iawng naprung nase büah kown.31Ta plai mih maru-uüa dow Jerusalem marow hownia nakrawi tauet kown,amatni dow Zaiawn marow hownia nakrawi tauet kown.Nami lup nachang kown mih CHAKRAMANG lainowmma süngür chekhai.32“Naiawng rakowi Asuria pren mang lawnguan kowi CHAKRAMANG tek mih,‘Aia dow mami marow kowi nauang kup kown nadowi,makowi dow salangba asekchow khowm aia nauang ap kown nadowi.Kawngma hown marow tapplawt re-e aia nauang kown nadowi,nasen marow kownkow marow tap uat kowi aia nachun bawn kown nadowi.33Aia dow aia pren kowi naplan kown,aia uangla mih tiama iawng aia naplan iawk kown.Mami marow kowi aia nauang kup kown nadowi,ang CHAKRAMANG mami laiklow ang tek khowk.34Mami marow kowi dow kawngma iawng ang nataka kown,mami marow kowi dow ang takhula kown.Ang nakala ringkawra kownkow naiawng ang nachang kown,now ang nar David tut-e kowh laikham iawng ang nachang kown,’ pakhai,” pape khai.35Nami iak khe CHAKRAMANG kowh kramamu dow uang lawt hanow Asuriauüa kowh tangbung khupra kowi kowkowi khai, now Asuria siphai hawmh 185,000 ia kowi saita khai. Now auai rau khe ta sing uowi mih siphaiuüa dow arah maten kowi uak takuakla pan mih khi büah khai.36Naiawng rakowi Asuria pren mang Senakerib dow aia kowh siphaiuüa kowi pawla hanow aia pren kowi kowplan khai bowt. Now amatni dow Asuria pren kowi kowh Ninevi marow kri kowi kowuowi khai bowt.37Akat khe Senakerib dow aia kowh Nisrawk thurai kim kowi kowkowi hanow kowchupiia Nisrawk khai. Nakhowk khe achapa Adramelek hai Sarezer iüah dow saidawng hown a-pa kowi saiah khai, now amatchi dow Ararat pren kowi cham powt iüah khai. A-pa takcha dow amatchi kowh tainau Esarhadawn mih ta chowm mang khai.
The Seed Company