2 Manguüa11
1Juda pren mang Ahazia kowh u Athalia dow achapa kowng mih satang tata hown krowksang mang Ahazia kimchakuüa maten kowi krawi saita bowk khai.2Nachenganchepaw mang chapauüa kowi Athalia krawi saita bowk dowi rawn khe mang Jehoram kowh chama Jehoseba dow arak sin Ahazia kowh chapa Joas ngiachow kowi kowku pawta khai. Now aia dow Athalia rut hownia atulung Joas naia plaila kownkow athum miia hailawm CHAKRAMANG kim kowi kowh mawk rah towklak lowk mih kowi petah khai. Naiawng rakowi Joas kowi dow ka sai dowi chekhai.3Joas dow Jehoseba hown taruk ning mowr CHAKRAMANG kim kowi tapet khai. Nami khin khe Juda pren kowi kowh chowm mang mih dow masiuüa mang Athalia chekhai.4Athalia chowm mang mih ranit ning khe uamow Jehoiada dow mang chawng mih aluchowuüa hai kangchawng mih siphai aluchowuüa kowi nakowhaw kownkow kowchin maru khai, now amatni dow naiawngün maru-uüa kowi CHAKRAMANG kim kowi aia tut-e uang pawla khai. Nami kung kowi dow CHAKRAMANG kim kowi kowh aia kowh sangkrangra lawnguan kowi pe khamah sawi hanow amatni hown aia tatow sangbowk laitawm khai. Now amatni kowi dow mang Ahazia kowh chapa kowi aia tüng pe khai.5Now amatni kowi aia peah ana mih, “Enni kangchawng miuüa uowi sum thum chekhai. Now enni pungmadawng hownia Tanai Ni kowi kowh nauang chang lup kown mih pathum mih dow thumchakuüa kowi naplan changah sum thum iawk kown: Pathum mih dow mang kim nachawng kown,6alowk mih thum dow Sur tapplawt kowi nachawng kown, now alowk mih thum dow akeng mih kangchawng miuüa kung prakowi kowh tapplawt kowi nachawng kown. Naiawng hai CHAKRAMANG kim mih enni nachawngah kown.7Now Tanai Ni kowi kowh lup chang uowi dowi mih pre thum dow akawm srui CHAKRAMANG kim kowi nakowchawng mang kown.8Enni kowh chowlowkkow tasen müa rutchün khawkleng dowkma hown mang tavir lut enni nakrawi uowi kown. Lowra kowi aia cham kowi chepaw aia re-e enni natawi takhep kown. Now enni tut-e uang mih maru kowi dow enni nakowngta kown,” pakhai.9Naiawng rakowi siphai aluchowuüa dow uamow Jehoiada tek pe iawng chang büah khai. Amatni dow Tanai Ni kowi uang chang lup miuüa hai ki changla lup kowh plan miuüa kowi pawla now Jehoiada tut-e uang büah khai.10Nakhowk khe Jehoiada dow CHAKRAMANG kim kowi kowh uowi mih mang David kowh reh hai kawngma ün siphai aluchowuüa kowi ap pe khai.11Now kangchawng miuüa dow saidawng dowkma hown mang kowi nahawt towkala kownkow CHAKRAMANG kim pur kowi mami tap bang hownia paimi tap bang mowr atanma iowng büah khai.12Nami kung kowi dow Jehoiada mih mang kowh chapa Joas kowi uang lawtla khai bowt. Now aia kowi dow kruk pe mang lukruk hanow pren kruitown müa rirow bowih ap pe khai. Now Jehoiada dow aia kowi nümnapah khai. Nakhowk khe maru kawmuüa dow phek rut se atünma tek büah mih, “Mang dow chowngdawng sakklangma pacham sing reng lah,” pabüah khai.13Kangchawng miuüa hai maru kawmuüa how sawmlawm mih klow tata hanow masiuüa mang Athalia dow CHAKRAMANG kim kowi maru kawmuüa tut-e kowkowi khai.14Nahanow ari arow kowi uowi iawng CHAKRAMANG kim kowi ap pe mangra khe kowh iowng pe reng mih rah re-e Joas iowng mih aia kowkhi khai. Joas kowi dow siphai aluchowuüa hai baw tum miuüa umta lut khai. Now pren kowi kowh maru maten dow piaw se how sawmlawm hai tum baw büah khai. Nami khita hanow Athalia dow sak piak kowh aia kowh tawnguat thekah khai, now atünma tek mih, “Enni kuan ang khai! Enni kuan ang khai!” pakhai.15Nakhowk khe siphai aluchowuüa kowi uamow Jehoiada peah ana mih, “Athalia kowi siphaiuüa takra iawng cham pawla diah. Aia kowi uang lawngah kownkow uang kawikrawi mih maru kowi enni nasaita kown,” pakhai. Tawngplawng kowchow panow CHAKRAMANG kim kowi Athalia kowi nakowngta dowi kown mih Jehoiada rik lawtta ana khai bowt.16Naiawng rakowi Athalia kowi dow khümla büah khai. Now aia kowi dow mang kim kowi kowkowi khe kowh kawrnga kupra tapplawt kowi saiah büah khai.17CHAKRAMANG luk kowi kaah sakowm iawng nauowi kownkow mang hai maru kawmuüa kowi Jehoiada pe khamah sawi khai, now mang hai maru kawmuüa mih amatni lowkkowlowk luk kowi kaah sakowmma nauowi kown mih paw Jehoiada pe khamah sawi khai.18Nami kung kowi dow Juda pren kowi kowh maru-uüa maten mih Baal thurai chup kim kowi kowkowi hanow kowpiakta kim khai. Amatni dow nakowi kowh phuchuara hai arup ün bawpta pe naknak khai, now Baal thuraiuüa kowh uamow Mattan kowi paw phuchuara re-e saita büah khai.
Nami kung kowi dow uamow Jehoiada mih CHAKRAMANG kim kowi tow pe kangchawng mih khai.19Nami kung kowi aia dow siphai aluchowuüa, mang kowi kowh chawng miuüa, mang kim chawng miuüa hai pren kowi kowh maru maten pawla hanow CHAKRAMANG kim hownia mang Joas kowi uang lawtla khai. Now amatni dow kangchawng miuüa chawngah mih tapplawt iawng mang kim kowi kowkowi büah khai, now mang kowi dow mang chowm rah kowi pe chowmah khai.20Naiawng rakowi prenchak maru maten dow piaw büah khai, now Jerusalem marow mih thaulang khai bowt. Tawngplawng kowchow panow Athailiah kowi dow mang kim kowi saita khai bowt.21Juda pren kowi Joas uown chowm mang khe aia dow ranit ningchow chekhai.
Nami kung kowi dow uamow Jehoiada mih CHAKRAMANG kim kowi tow pe kangchawng mih khai.19Nami kung kowi aia dow siphai aluchowuüa, mang kowi kowh chawng miuüa, mang kim chawng miuüa hai pren kowi kowh maru maten pawla hanow CHAKRAMANG kim hownia mang Joas kowi uang lawtla khai. Now amatni dow kangchawng miuüa chawngah mih tapplawt iawng mang kim kowi kowkowi büah khai, now mang kowi dow mang chowm rah kowi pe chowmah khai.20Naiawng rakowi prenchak maru maten dow piaw büah khai, now Jerusalem marow mih thaulang khai bowt. Tawngplawng kowchow panow Athailiah kowi dow mang kim kowi saita khai bowt.21Juda pren kowi Joas uown chowm mang khe aia dow ranit ningchow chekhai.
The Seed Company