1 Samuel4
1Akat khe Israeluüa dow Filistinuüa kowi kowsenah kownkow kowtarü khai. Amatni dow Ebenezer pami arah kowi kowkhup tangbung khai, now Filistinuüa dow Afek pami arah kowi uang khup tangbung khai.2Now Israeluüa kowi nasenah kownkow Filistinuüa dow amatni kowh siphai hawmh kowi krawi towah khai. Now amatni tasen thüm khe Israel siphaiuüa dow Filistin siphaiuüa tut-e sum khai bowt. Naiawng amatni tasen mih khin khe Filistin siphai hawmh dow 4,000 ia ngia Israel siphai hawmh kowi saita pe khai.3Now amatni kowh tangbung khup rah kowi Israel siphaiuüa kowplan khe lawngtang aluchowuüa tek mih, “Filistinuüa rut kowi tawngplawng kowchow ani mih CHAKRAMANG tuk pe sum a-i khai? Chu, Silo marow kowi kowh CHAKRAMANG kowh sangbowk laitawm tawkpla makowi a-i uang pawla lah. Nahanow CHAKRAMANG mih natawi uowila a-i kown towbowt, now ransu-uüa rut hownia aia dow nalawng a-i kown towbowt,” pabüah khai.4Naiawng rakowi amatni dow Silo marow kowi kowchin maru hanow sangbowk laitawm tawkpla mih kowpe pawah khai. Nami sangbowk laitawm tawkpla kowi dow Cherup pre buk mih takra kowi lang kri lang kraing mih CHAKRAMANG uowi reng chekhai. Amatni dow nami sangbowk laitawm tawkpla hailawm uamow Eli kowh chapa Hawfni hai Finehas iüah kowi paw uang pawla büah khai.5Amatni kowh tangbung khup rah kowi CHAKRAMANG kowh sangbowk laitawm tawkpla uang tingla büah mih khin khe amatni dow amaisang kowh how mih krawng ia chü chekhai.6Nami how klow dow Filistinuüa tawi ta hanow talünta büah mih, “Hebraiuüa kowh tangbung khup rah kowi tawng iawng mih how klow chowbowt chow?” pakhai.
Now amatni kowh tangbung khup rah kowi CHAKRAMANG kowh sangbowk laitawm tawkpla Israeluüa uang pawla pami tawi tuk büah khai.7Nami tukta büah now Filistin siphaiuüa dow lainowmma takrow khai. Amatni dow tatek mih, “Nga lai bowt kowbow! Israel siphaiuüa kowh tangbung khup rah kowi Thurai uang tawi uowi khowk pe dow. Nami dowi rawn dow naiawng katpaw phaw dowi diah kowbow.8Uh! Naiawng khowt kür mih thuraiuüa rut hownia mia chow nalawng a-i bowt kown? Süngrüp süngkangma kowi Israeluüa uowi khe maiow maiow makowng hawi hown Aigupta prenchakuüa kowi saiah mih dow naiawngün thuraiuüa chekhai.9Aw Filistinuüa, sakkraingma hown uowi büa diah. Israeluüa kowi senah büa diah. Enni paw kachakuüa ching pami tüng pe büa diah. Naiawng nadowi now Hebraiuüa chowng enni kowh nar iawng enni paw amatni kowh nar nachowng kown towbowt,” pakhai.10Now Filistinuüa dow Israeluüa hown dowk tasen khai bowt. Nakhowk khe Israeluüa dow sum kowh chowlowkkow kim prakowi powt büah khai. Nami tasen kowi Israel siphaiuüa dow maru iun 30,000 ia kowng khai.11Nakhowk khe CHAKRAMANG kowh sangbowk laitawm tawkpla paw Filistin siphaiuüa pawla pe khai, now uamow Eli kowh chapa Hawfni hai Finehas iüah kowi paw ransu-uüa saila pe khai.12Naiawng tasen mih ni khe Benjamin krungchak hownia kowh siphai lowk ia dow tasenra hownia powt now Silo marow kowi kowkowi khai. Aia dow aia kowh tawnguat thekta nak khai, now lu kowi paw aia dow phawkla bawn khai.13Now Silo marow kowi aia kowting khe uamow Eli dow tiama ria kowi kowh chowm rah kowi hawt chowm phülü khai. Tasenra kowi cham pawla mih CHAKRAMANG kowh sangbowk laitawm tawkpla nacham own naklak pami rakowi aia dow lainowmma tuak krat khai. Naiawng rakowi aia dow nami satang ta kown nau kowh naiawng chowm phülü se hawt chawng mih chekhai. Now tasenra hownia kowh uang powt mih Benjamin krungchak maru dow marow kowi uang ting hanow tasenra kowi kowh satang maten marowchakuüa kowi uang phowng pe khai. Nami satang tata hanow marowchakuüa dow karla sawm khai.14Naiawng marowchakuüa kar sawmlawm mih klow tata hanow Eli dow maru lowk ia kowi lüntaah mih, “Matawng klow chowbowt chow?” pakhai.
Nakhowk khe tasenra hownia kowh uang powt mih maru dow lenlenma kowkowiah now Eli kowi kowphowngla pe satang khai.15Nami khin khe Eli dow 98 ning khowk. Aia dow lawngtang lai bowt rakowi khi mik dowi bowt chekhai.16Tasenra hownia kowh uang powt mih maru tek pe Eli mih, “Ang dow tasenra hownia ani kowh uang powt mih siphai chowbowt,” pakhai.
Now Eli lüntaah mih, “Chapa ow, satang plang dow tawng iawng chow?” pape khai.17Nakhowk khe aia klangah mih, “Filistinuüa pur hownia Israeluüa powt bowk khowk. Filistinuüa rut kowi Israeluüa kowng mih nowm khowk, now en kowh chapa Hawfni hai Finehas iüah paw tawi kowng khai bowt. Nami klen kowi CHAKRAMANG kowh sangbowk laitawm tawkpla paw ransu-uüa pawla tüng khowk,” pakhai.18CHAKRAMANG kowh sangbowk laitawm tawkpla ransu-uüa pawla tüng khowk pami tata hown krowksang Eli dow aia kung prakowi awr tasia klak hanow chowm rah hownia dowh khai. Aia dow alawngtangma hai akauma rakowi chowm rah hownia dowh now klowkta ngawng khai, now aia dow hing kowng khai. Aia dow 40 ning mowr Israeluüa kowi chet pe tara khai.19Nami khin khe Eli kowh chapa Finehas kowh masi dow kimuowi khin tawn iawlaw khowk chekhai. Thurai kowh sangbowk laitawm tawkpla ransu-uüa pawla mih satang hai atarang hai ahua kowng mih satang tata now aia kowh dow kimuowi mu rau awr tarowng hanow uowi kim khai bowt.20Now naiawng aia uowi kim mih taklen kung kowi kowng ngialia khe pen sarauüa tek pe mih, “Hangkow kram, kachakuüa chah lowmow en ka,” pape khai. Nachenganchepaw aia dow pen sarauüa kowi klangah dowi bowt chekhai.21Thurai kowh sangbowk laitawm tawkpla ransu-uüa rut kowi cham uowi mih rakowi hai atarang hai ahua kowng khai rakowi aia tek mih, “Israeluüa kowh kraingra dow cham powt khai bowt,” pakhai. Naiawng rakowi aia dow achapa ming Ikabawd padow rük pe khai.22Aia tek mih, “Israeluüa kowh kraingra dow cham powt khai bowt. Tawngplawng kowchow panow Thurai kowh sangbowk laitawm tawkpla dow ransu-uüa rut kowi cham uowi khai bowt,” pakhai.
Now amatni kowh tangbung khup rah kowi CHAKRAMANG kowh sangbowk laitawm tawkpla Israeluüa uang pawla pami tawi tuk büah khai.7Nami tukta büah now Filistin siphaiuüa dow lainowmma takrow khai. Amatni dow tatek mih, “Nga lai bowt kowbow! Israel siphaiuüa kowh tangbung khup rah kowi Thurai uang tawi uowi khowk pe dow. Nami dowi rawn dow naiawng katpaw phaw dowi diah kowbow.8Uh! Naiawng khowt kür mih thuraiuüa rut hownia mia chow nalawng a-i bowt kown? Süngrüp süngkangma kowi Israeluüa uowi khe maiow maiow makowng hawi hown Aigupta prenchakuüa kowi saiah mih dow naiawngün thuraiuüa chekhai.9Aw Filistinuüa, sakkraingma hown uowi büa diah. Israeluüa kowi senah büa diah. Enni paw kachakuüa ching pami tüng pe büa diah. Naiawng nadowi now Hebraiuüa chowng enni kowh nar iawng enni paw amatni kowh nar nachowng kown towbowt,” pakhai.10Now Filistinuüa dow Israeluüa hown dowk tasen khai bowt. Nakhowk khe Israeluüa dow sum kowh chowlowkkow kim prakowi powt büah khai. Nami tasen kowi Israel siphaiuüa dow maru iun 30,000 ia kowng khai.11Nakhowk khe CHAKRAMANG kowh sangbowk laitawm tawkpla paw Filistin siphaiuüa pawla pe khai, now uamow Eli kowh chapa Hawfni hai Finehas iüah kowi paw ransu-uüa saila pe khai.12Naiawng tasen mih ni khe Benjamin krungchak hownia kowh siphai lowk ia dow tasenra hownia powt now Silo marow kowi kowkowi khai. Aia dow aia kowh tawnguat thekta nak khai, now lu kowi paw aia dow phawkla bawn khai.13Now Silo marow kowi aia kowting khe uamow Eli dow tiama ria kowi kowh chowm rah kowi hawt chowm phülü khai. Tasenra kowi cham pawla mih CHAKRAMANG kowh sangbowk laitawm tawkpla nacham own naklak pami rakowi aia dow lainowmma tuak krat khai. Naiawng rakowi aia dow nami satang ta kown nau kowh naiawng chowm phülü se hawt chawng mih chekhai. Now tasenra hownia kowh uang powt mih Benjamin krungchak maru dow marow kowi uang ting hanow tasenra kowi kowh satang maten marowchakuüa kowi uang phowng pe khai. Nami satang tata hanow marowchakuüa dow karla sawm khai.14Naiawng marowchakuüa kar sawmlawm mih klow tata hanow Eli dow maru lowk ia kowi lüntaah mih, “Matawng klow chowbowt chow?” pakhai.
Nakhowk khe tasenra hownia kowh uang powt mih maru dow lenlenma kowkowiah now Eli kowi kowphowngla pe satang khai.15Nami khin khe Eli dow 98 ning khowk. Aia dow lawngtang lai bowt rakowi khi mik dowi bowt chekhai.16Tasenra hownia kowh uang powt mih maru tek pe Eli mih, “Ang dow tasenra hownia ani kowh uang powt mih siphai chowbowt,” pakhai.
Now Eli lüntaah mih, “Chapa ow, satang plang dow tawng iawng chow?” pape khai.17Nakhowk khe aia klangah mih, “Filistinuüa pur hownia Israeluüa powt bowk khowk. Filistinuüa rut kowi Israeluüa kowng mih nowm khowk, now en kowh chapa Hawfni hai Finehas iüah paw tawi kowng khai bowt. Nami klen kowi CHAKRAMANG kowh sangbowk laitawm tawkpla paw ransu-uüa pawla tüng khowk,” pakhai.18CHAKRAMANG kowh sangbowk laitawm tawkpla ransu-uüa pawla tüng khowk pami tata hown krowksang Eli dow aia kung prakowi awr tasia klak hanow chowm rah hownia dowh khai. Aia dow alawngtangma hai akauma rakowi chowm rah hownia dowh now klowkta ngawng khai, now aia dow hing kowng khai. Aia dow 40 ning mowr Israeluüa kowi chet pe tara khai.19Nami khin khe Eli kowh chapa Finehas kowh masi dow kimuowi khin tawn iawlaw khowk chekhai. Thurai kowh sangbowk laitawm tawkpla ransu-uüa pawla mih satang hai atarang hai ahua kowng mih satang tata now aia kowh dow kimuowi mu rau awr tarowng hanow uowi kim khai bowt.20Now naiawng aia uowi kim mih taklen kung kowi kowng ngialia khe pen sarauüa tek pe mih, “Hangkow kram, kachakuüa chah lowmow en ka,” pape khai. Nachenganchepaw aia dow pen sarauüa kowi klangah dowi bowt chekhai.21Thurai kowh sangbowk laitawm tawkpla ransu-uüa rut kowi cham uowi mih rakowi hai atarang hai ahua kowng khai rakowi aia tek mih, “Israeluüa kowh kraingra dow cham powt khai bowt,” pakhai. Naiawng rakowi aia dow achapa ming Ikabawd padow rük pe khai.22Aia tek mih, “Israeluüa kowh kraingra dow cham powt khai bowt. Tawngplawng kowchow panow Thurai kowh sangbowk laitawm tawkpla dow ransu-uüa rut kowi cham uowi khai bowt,” pakhai.
The Seed Company