1 Samuel3
1Uamow Eli chang CHAKRAMANG lup mih kowi Samuel dow tawi khowngah reng chekhai. Nakhowk khe Samuel dow asowmchow reng tak chekhai. Nami khin khe dow CHAKRAMANG laiklow ta mih arama chekhai, now CHAKRAMANG hownia ka mukmang mih paw arama chekhai.2Nami khin khe uamow Eli dow lawngtang lai bowt rakowi khi mik kaneu dowi bowt chekhai. Now akat khe dow iak-e aia mawk rah kowi Eli mawk khai.3Now Samuel dow Thurai chup kim kowi mawk khai. Nakowi dow CHAKRAMANG kowh sangbowk laitawm tawkpla uowi chekhai. Nakhowk khe Thurai vüi kowi kowh towkla hüah mih maih dow mit dowi tak chekhai.4Nakhowk khe mih Samuel kowi CHAKRAMANG hawah khai. Now Samuel klangah mih, “Mami re-e chaw ang uowi,” pakhai.5Now aia dow Eli tut-e alenma kowkowi hanow kowtek pe mih, “Mow, ang uang khowk chaw. En haw ang nadowi bow?” pakhai.
Nakhowk khe Eli hawt tek pe mih, “Ang haw en dowi dow. Kowkowi now kowmawk phülü bowt,” pape khai. Now Samuel dow kowkowi now kowmawk phülü khai.6Nami kung kowi paw Samuel kowi CHAKRAMANG plan hawah khai iawk. Nakhowk khe paw Samuel dow awr rü now Eli tut-e kowkowi khai. Now Eli kowi aia kowtek pe mih, “Mow, ang uang khowk chaw. En haw ang nadowi bow?” pakhai.
Nakhowk khe paw Eli hawt tek pe iawk mih, “Ang haw en dowi dow, men. Kowkowi now kowmawk phülü bowt,” pakhai.7Nami khin khe paw Samuel dow CHAKRAMANG kowi tuk dowi tak chekhai. Tawngplawng kowchow panow nami dowi rawn khe CHAKRAMANG dow aia kowi katpaw klangah dowi tak chekhai.8Kra sangrum now Samuel kowi CHAKRAMANG plan hawah pakat khai iawk. Nakhowk khe paw Samuel dow Eli tut-e kowkowi khai iawk. Now Eli kowi kowtek pe mih, “En haw ang manow; mow ang uang khowk chaw,” pakhai. Nakhowk khe dow Samuel kowi CHAKRAMANG hawah mih chowbowt pami Eli tukta khai bowt.9Naiawng rakowi Eli tek pe mih, “Kowkowi now kowmawk diah. Khaleng dow haw en iawk now, ‘Tek bowt CHAKRAMANG, en kowh nar ta khowk,’ padow klangah ba,” pape khai. Now Samuel dow aia mawk rah kowi kowplan mawk khai iawk.10Nami kung kowi CHAKRAMANG dow Samuel re-e uangah now uang rik hawah khe kowh iawng uang hawah mih, “Samuel, Samuel,” pakhai.
Nakhowk khe dow Samuel klangah mih, “Tek bowt CHAKRAMANG, en kowh nar ta khowk,” pape khai.11Now Samuel kowi CHAKRAMANG tek pe mih, “Sünta, Israeluüa pungmadawng kowi kramra uowima mih lup ang nachang lowk kown. Nami ang nachangah kown mih lup lawnguan dow ta hanow maru maten pikchu narü kown.12Nami ni khe Eli krungchakuüa lawnguan kowi kowh ang tekta mih maten ang nauang pe tachiah kown.13Aia kowh chapauüa nü ang klowk ang dowi, now aia kowh chapauüa kowi aia paw pringah hawiah dowi. Naiawng rakowi aia krungchakuüa kowi dow chowngchowng saksakma ang naripah kown mih ang tek pe khowk chekhai.14Naiawng rakowi tawncher hown kowh phuchua lah, akeng mih uanap lah, tawng hown paw Eli krungchakuüa kowh angak dow chowngchowng saksakma vüi naia phum pe kown nadowi pami ang takham khowk chekhai,” pape khai.15Nami kung kowi dow Samuel mih aia mawk rah kowi uarthowi dowi mowr mawk phülü khai. Now uarthowi khe dow Thurai chup kim kowi kowh kimbüng hai tawngpawk ün aia krawi uow khai. Nachenganchepaw mukmang kowi kowh laiklow dow Eli kowi aia uam tek pe dowi chekhai.16Nakhowk khe Samuel kowi Eli hawah mih, “Samuel ow,” pakhai.
Now Samuel klangah mih, “Mami re-e chaw ang uowi,” pape khai.17Now Eli tek pe mih, “Tawng ngai chow Thurai tek en? Tawngpaw hauang it ang diah. Aia tek en mih che en itta ang khai hanow aia dow lainowmma pacham rip en lah,” pakhai.18Nakhowk khe Samuel dow Thurai tek pe mih laiklow maten Eli kowi tekta pe bowk khai; tawngpaw it pe dowi chekhai. Nami tata hanow Eli tek mih, “Aia dow CHAKRAMANG chekhai. Aia tut-e iung iawng aia mih pacham chang lah,” pakhai.19Naiawng hai Samuel dow awr iuk awr sown rürü khai, now CHAKRAMANG dow aia tut-e tawi uowi pe reng chekhai. Aia tekah mih lai maten CHAKRAMANG dow uang pe tachiah khai.20Naiawng rakowi Samuel dow CHAKRAMANG kowh risi chekhai pami Dan krungchakuüa süng hownia Ber-Seba mowr mih Israeluüa maten achima tuk khai bowt.21Nami hownia bowt now Silo marow kowi CHAKRAMANG mih uang tatüng reng chekhai, now Samuel kowi aia uang klangah reng chekhai. Now Samuel tekah mih laiklow maten dow Israeluüa maten sünta pe reng chekhai.
Nakhowk khe Eli hawt tek pe mih, “Ang haw en dowi dow. Kowkowi now kowmawk phülü bowt,” pape khai. Now Samuel dow kowkowi now kowmawk phülü khai.6Nami kung kowi paw Samuel kowi CHAKRAMANG plan hawah khai iawk. Nakhowk khe paw Samuel dow awr rü now Eli tut-e kowkowi khai. Now Eli kowi aia kowtek pe mih, “Mow, ang uang khowk chaw. En haw ang nadowi bow?” pakhai.
Nakhowk khe paw Eli hawt tek pe iawk mih, “Ang haw en dowi dow, men. Kowkowi now kowmawk phülü bowt,” pakhai.7Nami khin khe paw Samuel dow CHAKRAMANG kowi tuk dowi tak chekhai. Tawngplawng kowchow panow nami dowi rawn khe CHAKRAMANG dow aia kowi katpaw klangah dowi tak chekhai.8Kra sangrum now Samuel kowi CHAKRAMANG plan hawah pakat khai iawk. Nakhowk khe paw Samuel dow Eli tut-e kowkowi khai iawk. Now Eli kowi kowtek pe mih, “En haw ang manow; mow ang uang khowk chaw,” pakhai. Nakhowk khe dow Samuel kowi CHAKRAMANG hawah mih chowbowt pami Eli tukta khai bowt.9Naiawng rakowi Eli tek pe mih, “Kowkowi now kowmawk diah. Khaleng dow haw en iawk now, ‘Tek bowt CHAKRAMANG, en kowh nar ta khowk,’ padow klangah ba,” pape khai. Now Samuel dow aia mawk rah kowi kowplan mawk khai iawk.10Nami kung kowi CHAKRAMANG dow Samuel re-e uangah now uang rik hawah khe kowh iawng uang hawah mih, “Samuel, Samuel,” pakhai.
Nakhowk khe dow Samuel klangah mih, “Tek bowt CHAKRAMANG, en kowh nar ta khowk,” pape khai.11Now Samuel kowi CHAKRAMANG tek pe mih, “Sünta, Israeluüa pungmadawng kowi kramra uowima mih lup ang nachang lowk kown. Nami ang nachangah kown mih lup lawnguan dow ta hanow maru maten pikchu narü kown.12Nami ni khe Eli krungchakuüa lawnguan kowi kowh ang tekta mih maten ang nauang pe tachiah kown.13Aia kowh chapauüa nü ang klowk ang dowi, now aia kowh chapauüa kowi aia paw pringah hawiah dowi. Naiawng rakowi aia krungchakuüa kowi dow chowngchowng saksakma ang naripah kown mih ang tek pe khowk chekhai.14Naiawng rakowi tawncher hown kowh phuchua lah, akeng mih uanap lah, tawng hown paw Eli krungchakuüa kowh angak dow chowngchowng saksakma vüi naia phum pe kown nadowi pami ang takham khowk chekhai,” pape khai.15Nami kung kowi dow Samuel mih aia mawk rah kowi uarthowi dowi mowr mawk phülü khai. Now uarthowi khe dow Thurai chup kim kowi kowh kimbüng hai tawngpawk ün aia krawi uow khai. Nachenganchepaw mukmang kowi kowh laiklow dow Eli kowi aia uam tek pe dowi chekhai.16Nakhowk khe Samuel kowi Eli hawah mih, “Samuel ow,” pakhai.
Now Samuel klangah mih, “Mami re-e chaw ang uowi,” pape khai.17Now Eli tek pe mih, “Tawng ngai chow Thurai tek en? Tawngpaw hauang it ang diah. Aia tek en mih che en itta ang khai hanow aia dow lainowmma pacham rip en lah,” pakhai.18Nakhowk khe Samuel dow Thurai tek pe mih laiklow maten Eli kowi tekta pe bowk khai; tawngpaw it pe dowi chekhai. Nami tata hanow Eli tek mih, “Aia dow CHAKRAMANG chekhai. Aia tut-e iung iawng aia mih pacham chang lah,” pakhai.19Naiawng hai Samuel dow awr iuk awr sown rürü khai, now CHAKRAMANG dow aia tut-e tawi uowi pe reng chekhai. Aia tekah mih lai maten CHAKRAMANG dow uang pe tachiah khai.20Naiawng rakowi Samuel dow CHAKRAMANG kowh risi chekhai pami Dan krungchakuüa süng hownia Ber-Seba mowr mih Israeluüa maten achima tuk khai bowt.21Nami hownia bowt now Silo marow kowi CHAKRAMANG mih uang tatüng reng chekhai, now Samuel kowi aia uang klangah reng chekhai. Now Samuel tekah mih laiklow maten dow Israeluüa maten sünta pe reng chekhai.
The Seed Company