1 Samuel5
1Filistinuüa dow CHAKRAMANG kowh sangbowk laitawm tawkpla mih Ebenezer marow hownia Asdawd marow kowi kowpawla büah khai.2Now nami sangbowk laitawm tawkpla dow amatni kowh Dagawn thurai kim kowi kowpawla khai, now Dagawn thurai rup ria kowi towah büah khai.3Now auai rau murpa awr rü hanow Asdawd marowchakuüa mih amatni kowh thurai kim kowi kowkowi büah khai. Nakhowk khe amatni dow CHAKRAMANG kowh sangbowk laitawm tawkpla pur kowi krawng kowi tabawk krawm se Dagawn thurai rup takuak hüah mih kowkhi büah khai. Now amatni dow nami Dagawn thurai rup kowi aia kowh aiawng uowi rah kowi plan towah khai iawk.4Now auai rau paw murpa awr rü hanow amatni kowh Dagawn thurai kim kowi kowkowi büah khai iawk. Nami leng paw CHAKRAMANG kowh sangbowk laitawm tawkpla pur kowi krawng kowi tabawk krawm se Dagawn thurai rup takuak hüah mih kowplan khi büah khai iawk. Nachenganchepaw nami leng dow Dagawn thurai rup kowh lu hai bawng pre pra trui taklek kowh kimplawt mawm re-e takuak hüah khai; abuk krowngchow towbowt ta uowi khai.5Naiawng rakowi Dagawn thurai kowh uamow hai marowchakuüa dow kawmat pat paw Dagawn thurai kim kowi kowkowi now kimplawt mawm re-e kowuam chawp büah dowi chekhai.6Asdawd marow hai aria aret kowi kowh uowi mih maru-uüa maten kowi CHAKRAMANG dow lainowmma ripah khai. Amatni kowi dow thuaik rawka hown aia towkah ngare khai.7Naiawng phaw mih khi büah hanow Asdawd marowchakuüa tek mih, “Israeluüa kowh Thurai dow a-i hai a-i kowh Dagawn thurai kowi rip a-i khai. Naiawng rakowi kowbüah kowh Thurai sangbowk laitawm tawkpla dow a-i tut-e hangkow tow tham bowt,” pabüah khai.8Naiawng rakowi amatni dow krawi chin maru hanow Filistinuüa kowh kruitown miuüa maten kowi arasang kuaah lawmah khai. Now lüntaah büah mih, “Israeluüa kowh Thurai sangbowk laitawm tawkpla kowi tawng chow anging changah kown?” pabüah khai.
Kruitown miuüa tek pe mih, “Israeluüa kowh Thurai sangbowk laitawm tawkpla mih Gat marow kowi pacham pawla lah,” pape khai. Naiawng rakowi Asdawd marowchakuüa dow Israeluüa kowh Thurai sangbowk laitawm tawkpla mih Gat marow kowi kowpawla khai bowt.9Nachenganchepaw nami sangbowk laitawm tawkpla mih Gat marow kowi kowpawla kung kowi dow CHAKRAMANG mih nami marowchakuüa kowi paw lainowmma ripah khai. Amatni kowi dow lainowmma aia peah takrow takraira khai. Nami marow kowi kowh aiuk asowm bowkbowk maru kowi mih thuaik rawka aia pe phawah khai.10Naiawng rakowi amatni dow nami Thurai kowh sangbowk laitawm tawkpla mih Ekrawn marow kowi kowpawla khai.
Nachenganchepaw Ekrawn marow kowi nami sangbowk laitawm tawkpla kowting khe marowchakuüa dow atün atünma tek mih, “Nape kowng a-i kownkow Israeluüa kowh Thurai sangbowk laitawm tawkpla a-i tut-e kowbüah uang pawla iawk mih chowbowt,” pabüah khai.11Naiawng rakowi amatni dow krawi chin maru hanow Filistinuüa kowh kruitown miuüa maten kowi arasang kuaah lawmah büah khai. Now tek pe büah mih, “Israeluüa kowh Thurai sangbowk laitawm tawkpla mih mami marow hownia cham pawla büa diah. Nami sangbowk laitawm tawkpla dow aia uowi rah kowi pacham uowi phülü lah. Nadowi now nami sangbowk laitawm tawkpla mih nakowngta anging bowk kown chekhai,” pabüah khai. Tawngplawng kowchow panow Thurai mih nami marowchakuüa kowi paw lainowmma ripah khai. Naiawng rakowi marowchakuüa paw kowng sangrum khowk chekhai.12Tawi kowng dowi miuüa kowh paw thuaik rawka tawi phaw bowk chekhai. Naiawng rakowi marowchakuüa kowh kar klow dow kuang prakowi chai lawmlawm khai.
Kruitown miuüa tek pe mih, “Israeluüa kowh Thurai sangbowk laitawm tawkpla mih Gat marow kowi pacham pawla lah,” pape khai. Naiawng rakowi Asdawd marowchakuüa dow Israeluüa kowh Thurai sangbowk laitawm tawkpla mih Gat marow kowi kowpawla khai bowt.9Nachenganchepaw nami sangbowk laitawm tawkpla mih Gat marow kowi kowpawla kung kowi dow CHAKRAMANG mih nami marowchakuüa kowi paw lainowmma ripah khai. Amatni kowi dow lainowmma aia peah takrow takraira khai. Nami marow kowi kowh aiuk asowm bowkbowk maru kowi mih thuaik rawka aia pe phawah khai.10Naiawng rakowi amatni dow nami Thurai kowh sangbowk laitawm tawkpla mih Ekrawn marow kowi kowpawla khai.
Nachenganchepaw Ekrawn marow kowi nami sangbowk laitawm tawkpla kowting khe marowchakuüa dow atün atünma tek mih, “Nape kowng a-i kownkow Israeluüa kowh Thurai sangbowk laitawm tawkpla a-i tut-e kowbüah uang pawla iawk mih chowbowt,” pabüah khai.11Naiawng rakowi amatni dow krawi chin maru hanow Filistinuüa kowh kruitown miuüa maten kowi arasang kuaah lawmah büah khai. Now tek pe büah mih, “Israeluüa kowh Thurai sangbowk laitawm tawkpla mih mami marow hownia cham pawla büa diah. Nami sangbowk laitawm tawkpla dow aia uowi rah kowi pacham uowi phülü lah. Nadowi now nami sangbowk laitawm tawkpla mih nakowngta anging bowk kown chekhai,” pabüah khai. Tawngplawng kowchow panow Thurai mih nami marowchakuüa kowi paw lainowmma ripah khai. Naiawng rakowi marowchakuüa paw kowng sangrum khowk chekhai.12Tawi kowng dowi miuüa kowh paw thuaik rawka tawi phaw bowk chekhai. Naiawng rakowi marowchakuüa kowh kar klow dow kuang prakowi chai lawmlawm khai.
The Seed Company