1 Samuel2
1Hanna dow chup Thurai se tek mih,
“Ang kowh awmrawmra dow CHAKRAMANG chowtaih;pe awng ang mih dow CHAKRAMANG chowtaih.Ransu-uüa pur kowi dow ang ia tek awmrawm meng khai;tawngplawng kowchow panow aia dow lawng ang khai.2CHAKRAMANG iawng chimsai mih miapaw uowi dowi,aia klen kowi akeng mih Thurai lang uowi dowk chekhai.A-i kowh Thurai dow Singku Huamang iawng chekhai;aia iawng mih Singku Huamang dow lang uowi dowk chekhai.3“CHAKRAMANG dow lowra nowngia tuk mih Thurai,aia dow enni changah mih lup iawng chet enni tara reng chekhai.Naiawng rakowi hang owrow büa diah,now bawri paw hang kham büa diah.4Tasen kürma miuüa kowh salangba dow aia klowkta pe khai.Tawkche tim miuüa kowi dow aia peah kür khai.5Akhawr uowi dowi miuüa dow kawmat khawr khai bowt,amatni dow chakkham rakowi cham kowi sukkri khai bowt.Akhawr hown uowi miuüa tarapdow khawr dowi bowt,amatni dow aduma ka cha khai bowt chekhai.Chauüa akawmma mih masiuüa kowh dow chauüa uowi dowi bowt.Nachenganchepaw atingma mih masiuüa dow ka chah ranit ia khowk chekhai.6Singra hai kowngra dow CHAKRAMANG rut kowi chowtaih;tawngbak mih kowi dow aia pe kowngah khai,tawngbak mih kowi dow kowngra hownia aia awr pe singah khai.7Kurengra hai ngaraira dow CHAKRAMANG rut kowi chowtaih;tawngbak mih kowi dow aia nemah khai,tawngbak mih kowi dow aia pe chowngah khai.8Ngaraima miuüa kowi dow dinchow dawng hownia aia krüngah khai,amatni kowi dow mawngchawng dawng hownia aia lümah khai.Amatni kowi dow maru iukuüa hown aia pe taiua chowmah khai,amatni kowi dow ringkawra uowima mih chowm rah kowi aia pe chowmah khai.Tawngplawng kowchow panow lusa chüng maten dow CHAKRAMANG kowh chowtaih,aia dow naiawngün achüng luk kowi lusa mih towah khai.9“Aia kaah sakowm iawng uowi miuüa kowi dow aia nakhetah reng kown.Nachenganchepaw maru ngakuüa kowi dow iiu dawng kowi aia napiakah kown.Tawngplawng kowchow panow kowmatia kür hown dow tawngpaw nowng chang dowi chekhai.10CHAKRAMANG kowh ransu-uüa dow napiak nak kown;amatni kowi dow mukuang hownia kaikreng tün hown aia nakingküaah kown.CHAKRAMANG dow prenchur nammowt mowr nachet tara kown;aia kowh mang kowi dow aia napeah kür kown,aia nümnapah mih maru kowi dow aia napeah awngra kown,” pakhai.11Nami kung kowi Elkana hai amasi Hanna iüah mih kim prakowi plan khai bowt. Amatchi kowh kim dow Rama kowi chekhai. Nachenganchepaw Samuel dow uamow Eli nimkrüa kowi CHAKRAMANG kowh lup tawi ta chang khai bowt.12Eli kowh chapa pre ia dow lainowmma chang angak khai. Amatchi dow CHAKRAMANG kowi ringkaw dowi chekhai.13Amatchi dow uamow kangowh chowdiah. Nachenganchepaw amatchi kowh chowm krang uowi krang dow maiawng chekhai. Maru kawmuüa uang changla phuchua mih chaknga butah reng tak khe amatchi dow amatchi kowh nar kowi kowchin reng chekhai. Now nami nar dow chaknga khowng müa chuk pawla lowk khai.14Aia dow nami chuk hown chaknga puh kowi kowh chaknga sek mih krawi chukah khai. Now nami chuk kowi uang tawi tachuk mih chaknga dow uamow kowi aia kowpawla pe khai. Naiawng hai amatchi dow Silo marow kowi kowh tawncher hown uang chang phuchua mih Israeluüa kowi hawt changah reng chekhai.15Nami klen kowi tawncher sau tikah dowi rawn tak khe uamow kowh nar dow uang pawla phuchua mih maru tut-e uang reng chekhai. Now nami nar tek pe mih, “Akreng müa uamow kowi peah chaknga ne dit. Aia dow chaknga sing chowtaih napaw en kown; abutia nadowi,” pape khai.16Nakhowk khe uang pawla phuchua mih maru che, “Ang narik tikta asau tak, nami kung kowi phai en nau mowr paw iang,” pahai uamow kowh nar kowi tek pe khai hanow, “Nadowi iow! Kawmat matmat uaipe! Nadowi now kür hown nami chaknga ang napawla kown,” padow tek pe reng chekhai.17Naiawng hai nami uamow pre ia kowh angak dow CHAKRAMANG mik kowi lainowmma nga khai. Tawngplawng kowchow panow CHAKRAMANG vüi kowi kowh phuchuaah mih uanh maten amatchi dow nü dowi klowk dowi chekhai.18Nachenganchepaw Samuel dow ngeuüachow chepaw CHAKRAMANG kowh lup tawi chang khai. Aia kowh tawnguat paw uamow khupah iawng mih adipükchow mih la hown kowh kawngah mih ephawd kowrmow chekhai.19Samuel u dow ahua hown ning towng Silo marow kowi tawncher hown kowh ningma phuchua uang chang reng chekhai. Nami khin khe aia dow Samuel vüi uang sownla pe kowrmow lowk chi chekhai.20Now Elkana hai amasi kowi Eli peah prasi mih, “Enchi kowh chapa kowi mih CHAKRAMANG kowi enchi peah khai. Nami takcha kowi CHAKRAMANG dow pacham pe enchi chah küng lah,” pakhai. Nami kung kowi amatchi dow kim prakowi mang iüah khai.21CHAKRAMANG dow Hanna kowi saksing sanaah khai. Naiawng rakowi Hanna dow kum nau hanow ka chah khai bowt. Aia kowh dow chapa sum ia hai chama pre ia chekhai. Samuel dow CHAKRAMANG lup changra hownia awr iuk awr sown rürü khai bowt.22Now Eli dow lainowmma uang lawngtang khai bowt. Aia dow Israeluüa luk kowi kowh achapa pre ia changah mih srui tawi ta khai. Nami klen kowi taklowp taklangra te plawt kowi kowh uang chang lup mih masiuüa hawmh kowi phua iuaah mih laiklow paw aia ta bowk khai.23Naiawng rakowi achapa pre ia kowi aia tek pe mih, “Tawngplawng kowchow naiawng mih lup enchi tuk chang khai? Enchi chang lup ngak mih laiklow dow naiawngün maru-uüa maten hownia ang ta khowk.24Chapauüa low, naiawng mih lup ngak hang chang iüah tham bowt! Enchi lawnguan kowi CHAKRAMANG kowh maru-uüa naiawng nacham tek naklak kown mih iung dowi chekhai.25Maru lala che lowkkowlowk tachang angak khai hanow amatchi vüi dow Thurai naia thawp pe taking tasangra iawk kown taih. Tawkchedow CHAKRAMANG kowi kingküa se chang angak khai hanow amatchi vüi dow mia chow naia thawp pe taking tasangra kown?” pakhai. Nachenganchepaw amatchi dow a-pa kowh lai sünta dowi chekhai. Tawngplawng kowchow panow amatchi kowi dow nakowngta kown mih CHAKRAMANG khowmta khai bowt.26Samuel dow awr iuk awr sown rürü khai, now aia kowi dow CHAKRAMANG hai maru-uüa mih sakrauah khai bowt.27Akat khe risi lowk ia dow Eli tut-e uang khai. Now Eli kowi tek pe mih, “CHAKRAMANG tek mih, ‘Aigupta pren kowi Faraw nimkrüa kowi en kowh pipu-uüa uowi khe amatni tut-e achingma ang kowtatüng pe khowk nadowi bow?28Israel krungchakuüa pungmadawng hownia Leviuüa kowi dow nachang uamow lup kownkow ang lang kloah khai. Amatni dow ephawd kowrmow khup hanow ang pur kowi uang reng chekhai, now amatni dow ang kowh phuchuara kowi nam iungma mih maikhük uang towk büah reng chekhai. Now Israeluüa uang pawla mih tikah mih uanap maten kowi kowh uanh hownia paw amatni krungchakuüa vüi ang pela pe khai.29Ang ana pek iawng ang kim kowi kowh uang changah mih tawncher hown kowh phuchua hai akeng mih phuchua dow tawngplawng kowchow enni nüah klowkah dowi? Ang kowi lak-e en chapauüa kowi en lang ringkawah khai. Tawngplawng kowchow panow amatchi kowi dow Israeluüa uang ap-ah mih hownia kowh lang iung mih uanh en peah khai,’ pakhai.30“Naiawng rakowi CHAKRAMANG Israeluüa kowh Thurai tek mih, ‘En hai en kowh krungchakuüa dow chowngchowng saksakma ang kowh lup nachang kown mih ang rik tekta khowk chowdiah,’ pakhai. Nachenganchepaw kawmat aia tek mih, ‘Nami laikham dow nauowi kown nadowi bowt. Ringkaw ang miuüa kowi dow ang naringkawah kown, now ringkaw ang dowi miuüa kowi dow ang nasuiah kown.31Sünta diah, en hai en kowh krungchakuüa kowi ang nachumta kown mih khin uang ting iawlaw khowk. Nakhowk khe dow en krungchakuüa mih lawngtang pat miapaw nasing kown nadowi bowt.32En kimchakuüa luk kowi piakra uang ting mih en nakhi kown. En krungchakuüa dow lawngtang pat miapaw nasing kown nadowi. Nachenganchepaw akeng mih Israeluüa kowi dow ang napeah iungra kown mih mik ngak hown en namüah kown.33En krungchakuüa pungmadawng hownia lowk ia kowi dow ang nape singah kown. Aia kowi dow ang nape changah uamow lup kown. Nachenganchepaw aia kowh mik dow nadu kown, now aia kowh saktuak dow nakawm kown. Now en kowh akeng mih krungchakuüa maten dow klanguüa reng tak khe saidawng rut kowi nakowng kown.34En kowh chapa Hawfni hai Finehas iüah dow ani sang nakowng kown. Nami dow ang kowh laiklow aching chekhai pami en vüi amatra naown kown.35Ang matia vüi dow kaah sakowmma mih uamow ang naruiah lowk ia kown. Aia dow ang naukrang iawng nachang lup kown. Aia krungchakuüa kowi dow chowngchowng saksakma vüi ang napeah uamow rah kown, now aia dow ang nümnapah mih mang kowi atungma nachang pe lup kown.36En krungchak hownia kowh ta sing miuüa dow nami ang kowh uamow tut-e nauang kown, now amatni dow krawng kowi tabawk krawm se nami uamow kowi nachupah kown. Now amatni dow natawi ka cha chakkham kownkow nami uamow tut-e lainowmma nalü uamow rah kown,’ pakhai,” pape khai.
“Ang kowh awmrawmra dow CHAKRAMANG chowtaih;pe awng ang mih dow CHAKRAMANG chowtaih.Ransu-uüa pur kowi dow ang ia tek awmrawm meng khai;tawngplawng kowchow panow aia dow lawng ang khai.2CHAKRAMANG iawng chimsai mih miapaw uowi dowi,aia klen kowi akeng mih Thurai lang uowi dowk chekhai.A-i kowh Thurai dow Singku Huamang iawng chekhai;aia iawng mih Singku Huamang dow lang uowi dowk chekhai.3“CHAKRAMANG dow lowra nowngia tuk mih Thurai,aia dow enni changah mih lup iawng chet enni tara reng chekhai.Naiawng rakowi hang owrow büa diah,now bawri paw hang kham büa diah.4Tasen kürma miuüa kowh salangba dow aia klowkta pe khai.Tawkche tim miuüa kowi dow aia peah kür khai.5Akhawr uowi dowi miuüa dow kawmat khawr khai bowt,amatni dow chakkham rakowi cham kowi sukkri khai bowt.Akhawr hown uowi miuüa tarapdow khawr dowi bowt,amatni dow aduma ka cha khai bowt chekhai.Chauüa akawmma mih masiuüa kowh dow chauüa uowi dowi bowt.Nachenganchepaw atingma mih masiuüa dow ka chah ranit ia khowk chekhai.6Singra hai kowngra dow CHAKRAMANG rut kowi chowtaih;tawngbak mih kowi dow aia pe kowngah khai,tawngbak mih kowi dow kowngra hownia aia awr pe singah khai.7Kurengra hai ngaraira dow CHAKRAMANG rut kowi chowtaih;tawngbak mih kowi dow aia nemah khai,tawngbak mih kowi dow aia pe chowngah khai.8Ngaraima miuüa kowi dow dinchow dawng hownia aia krüngah khai,amatni kowi dow mawngchawng dawng hownia aia lümah khai.Amatni kowi dow maru iukuüa hown aia pe taiua chowmah khai,amatni kowi dow ringkawra uowima mih chowm rah kowi aia pe chowmah khai.Tawngplawng kowchow panow lusa chüng maten dow CHAKRAMANG kowh chowtaih,aia dow naiawngün achüng luk kowi lusa mih towah khai.9“Aia kaah sakowm iawng uowi miuüa kowi dow aia nakhetah reng kown.Nachenganchepaw maru ngakuüa kowi dow iiu dawng kowi aia napiakah kown.Tawngplawng kowchow panow kowmatia kür hown dow tawngpaw nowng chang dowi chekhai.10CHAKRAMANG kowh ransu-uüa dow napiak nak kown;amatni kowi dow mukuang hownia kaikreng tün hown aia nakingküaah kown.CHAKRAMANG dow prenchur nammowt mowr nachet tara kown;aia kowh mang kowi dow aia napeah kür kown,aia nümnapah mih maru kowi dow aia napeah awngra kown,” pakhai.11Nami kung kowi Elkana hai amasi Hanna iüah mih kim prakowi plan khai bowt. Amatchi kowh kim dow Rama kowi chekhai. Nachenganchepaw Samuel dow uamow Eli nimkrüa kowi CHAKRAMANG kowh lup tawi ta chang khai bowt.12Eli kowh chapa pre ia dow lainowmma chang angak khai. Amatchi dow CHAKRAMANG kowi ringkaw dowi chekhai.13Amatchi dow uamow kangowh chowdiah. Nachenganchepaw amatchi kowh chowm krang uowi krang dow maiawng chekhai. Maru kawmuüa uang changla phuchua mih chaknga butah reng tak khe amatchi dow amatchi kowh nar kowi kowchin reng chekhai. Now nami nar dow chaknga khowng müa chuk pawla lowk khai.14Aia dow nami chuk hown chaknga puh kowi kowh chaknga sek mih krawi chukah khai. Now nami chuk kowi uang tawi tachuk mih chaknga dow uamow kowi aia kowpawla pe khai. Naiawng hai amatchi dow Silo marow kowi kowh tawncher hown uang chang phuchua mih Israeluüa kowi hawt changah reng chekhai.15Nami klen kowi tawncher sau tikah dowi rawn tak khe uamow kowh nar dow uang pawla phuchua mih maru tut-e uang reng chekhai. Now nami nar tek pe mih, “Akreng müa uamow kowi peah chaknga ne dit. Aia dow chaknga sing chowtaih napaw en kown; abutia nadowi,” pape khai.16Nakhowk khe uang pawla phuchua mih maru che, “Ang narik tikta asau tak, nami kung kowi phai en nau mowr paw iang,” pahai uamow kowh nar kowi tek pe khai hanow, “Nadowi iow! Kawmat matmat uaipe! Nadowi now kür hown nami chaknga ang napawla kown,” padow tek pe reng chekhai.17Naiawng hai nami uamow pre ia kowh angak dow CHAKRAMANG mik kowi lainowmma nga khai. Tawngplawng kowchow panow CHAKRAMANG vüi kowi kowh phuchuaah mih uanh maten amatchi dow nü dowi klowk dowi chekhai.18Nachenganchepaw Samuel dow ngeuüachow chepaw CHAKRAMANG kowh lup tawi chang khai. Aia kowh tawnguat paw uamow khupah iawng mih adipükchow mih la hown kowh kawngah mih ephawd kowrmow chekhai.19Samuel u dow ahua hown ning towng Silo marow kowi tawncher hown kowh ningma phuchua uang chang reng chekhai. Nami khin khe aia dow Samuel vüi uang sownla pe kowrmow lowk chi chekhai.20Now Elkana hai amasi kowi Eli peah prasi mih, “Enchi kowh chapa kowi mih CHAKRAMANG kowi enchi peah khai. Nami takcha kowi CHAKRAMANG dow pacham pe enchi chah küng lah,” pakhai. Nami kung kowi amatchi dow kim prakowi mang iüah khai.21CHAKRAMANG dow Hanna kowi saksing sanaah khai. Naiawng rakowi Hanna dow kum nau hanow ka chah khai bowt. Aia kowh dow chapa sum ia hai chama pre ia chekhai. Samuel dow CHAKRAMANG lup changra hownia awr iuk awr sown rürü khai bowt.22Now Eli dow lainowmma uang lawngtang khai bowt. Aia dow Israeluüa luk kowi kowh achapa pre ia changah mih srui tawi ta khai. Nami klen kowi taklowp taklangra te plawt kowi kowh uang chang lup mih masiuüa hawmh kowi phua iuaah mih laiklow paw aia ta bowk khai.23Naiawng rakowi achapa pre ia kowi aia tek pe mih, “Tawngplawng kowchow naiawng mih lup enchi tuk chang khai? Enchi chang lup ngak mih laiklow dow naiawngün maru-uüa maten hownia ang ta khowk.24Chapauüa low, naiawng mih lup ngak hang chang iüah tham bowt! Enchi lawnguan kowi CHAKRAMANG kowh maru-uüa naiawng nacham tek naklak kown mih iung dowi chekhai.25Maru lala che lowkkowlowk tachang angak khai hanow amatchi vüi dow Thurai naia thawp pe taking tasangra iawk kown taih. Tawkchedow CHAKRAMANG kowi kingküa se chang angak khai hanow amatchi vüi dow mia chow naia thawp pe taking tasangra kown?” pakhai. Nachenganchepaw amatchi dow a-pa kowh lai sünta dowi chekhai. Tawngplawng kowchow panow amatchi kowi dow nakowngta kown mih CHAKRAMANG khowmta khai bowt.26Samuel dow awr iuk awr sown rürü khai, now aia kowi dow CHAKRAMANG hai maru-uüa mih sakrauah khai bowt.27Akat khe risi lowk ia dow Eli tut-e uang khai. Now Eli kowi tek pe mih, “CHAKRAMANG tek mih, ‘Aigupta pren kowi Faraw nimkrüa kowi en kowh pipu-uüa uowi khe amatni tut-e achingma ang kowtatüng pe khowk nadowi bow?28Israel krungchakuüa pungmadawng hownia Leviuüa kowi dow nachang uamow lup kownkow ang lang kloah khai. Amatni dow ephawd kowrmow khup hanow ang pur kowi uang reng chekhai, now amatni dow ang kowh phuchuara kowi nam iungma mih maikhük uang towk büah reng chekhai. Now Israeluüa uang pawla mih tikah mih uanap maten kowi kowh uanh hownia paw amatni krungchakuüa vüi ang pela pe khai.29Ang ana pek iawng ang kim kowi kowh uang changah mih tawncher hown kowh phuchua hai akeng mih phuchua dow tawngplawng kowchow enni nüah klowkah dowi? Ang kowi lak-e en chapauüa kowi en lang ringkawah khai. Tawngplawng kowchow panow amatchi kowi dow Israeluüa uang ap-ah mih hownia kowh lang iung mih uanh en peah khai,’ pakhai.30“Naiawng rakowi CHAKRAMANG Israeluüa kowh Thurai tek mih, ‘En hai en kowh krungchakuüa dow chowngchowng saksakma ang kowh lup nachang kown mih ang rik tekta khowk chowdiah,’ pakhai. Nachenganchepaw kawmat aia tek mih, ‘Nami laikham dow nauowi kown nadowi bowt. Ringkaw ang miuüa kowi dow ang naringkawah kown, now ringkaw ang dowi miuüa kowi dow ang nasuiah kown.31Sünta diah, en hai en kowh krungchakuüa kowi ang nachumta kown mih khin uang ting iawlaw khowk. Nakhowk khe dow en krungchakuüa mih lawngtang pat miapaw nasing kown nadowi bowt.32En kimchakuüa luk kowi piakra uang ting mih en nakhi kown. En krungchakuüa dow lawngtang pat miapaw nasing kown nadowi. Nachenganchepaw akeng mih Israeluüa kowi dow ang napeah iungra kown mih mik ngak hown en namüah kown.33En krungchakuüa pungmadawng hownia lowk ia kowi dow ang nape singah kown. Aia kowi dow ang nape changah uamow lup kown. Nachenganchepaw aia kowh mik dow nadu kown, now aia kowh saktuak dow nakawm kown. Now en kowh akeng mih krungchakuüa maten dow klanguüa reng tak khe saidawng rut kowi nakowng kown.34En kowh chapa Hawfni hai Finehas iüah dow ani sang nakowng kown. Nami dow ang kowh laiklow aching chekhai pami en vüi amatra naown kown.35Ang matia vüi dow kaah sakowmma mih uamow ang naruiah lowk ia kown. Aia dow ang naukrang iawng nachang lup kown. Aia krungchakuüa kowi dow chowngchowng saksakma vüi ang napeah uamow rah kown, now aia dow ang nümnapah mih mang kowi atungma nachang pe lup kown.36En krungchak hownia kowh ta sing miuüa dow nami ang kowh uamow tut-e nauang kown, now amatni dow krawng kowi tabawk krawm se nami uamow kowi nachupah kown. Now amatni dow natawi ka cha chakkham kownkow nami uamow tut-e lainowmma nalü uamow rah kown,’ pakhai,” pape khai.
The Seed Company