1 Samuel26
1Akung kowi Zif pami süngrüp süngkangma re-e kowh marowchakuüa mih Gibeah marow kowi Sawl tut-e kowkowi khai. Now kowtek pe Sawl mih, “David tapet mih dow Jesimawn marow re-e kowh Hakila hungh kowi taih,” pakhai.2Nami laiklow tata hanow Sawl dow kowkrawi cham David kownkow Israel siphaiuüa kowi kloah 3,000 ia khai, now Zif pami süngrüp süngkangma kowi kowkowi büah khai.3Now Sawl hai aia kowh siphaiuüa dow Jesimawn marow re-e kowh tiama ria kowi Hakila hungh kowi khup tangbung khai, now David hai aia kowh siphaiuüa khup tangbung mih dow Zif süngrüp süngkangma kowi chekhai. Nakhowk khe David mih aia kowi Sawl uang krawi chamah mih satang ta khai.4Naiawng rakowi aia dow kowchin dumiow hanow Sawl uang kawikrawiah ching pami tuk khai.5Now aia dow Sawl büah kowh tangbung khupra kowi kowkowiah now Sawl hai Ner kowh chapa Abner iüah kowh mawk rah alakchow hownia kowmüla khai. Abner dow Sawl kowh siphai aluchow chekhai. Sawl dow tangbung khupra dawnglang kowi mawk khai, now aia kowh siphaiuüa dow aia ria kowi tapat lut mawk khai.6Now Hit chenchap Ahimelek hai Joab kowh naumow Abisai kowi David tek pe mih, “Paimi tangbung khupra kowi Sawl tut-e ang hown enchi pre ia kowi mia chow tawi kown?” pakhai.
Nakhowk khe Abisai tek pe mih, “Ang tawi sow,” pape khai. Abisai kowh u dow Zerui chekhai.7Now David hai Abisai iüah mih uar-e khe Sawl kowh siphaiuüa tangbung khupra kowi kowkowi khai bowt. Nakhowk khe Sawl dow tangbung khupra dawnglang kowi müi khai. Now aia kowh reh dow aia iüaluk prakowi krawng kowi phükta hüah khai. Abner hai siphaiuüa dow aia ria kowi tapat lut tawi mawk khai.8Nami khita now Abisai tek pe David mih, “Ani dow en kowh ransu kowi mih en rut kowi CHAKRAMANG apta en mih chowbowt. Pe ang ana bowt. Ang kowh reh hown akat sawt sang krawng kowi reh tarup hüah pat Sawl kowi ang nasawtah khai; pre kat asawt kla dowi tham,” pakhai.9Nakhowk khe David klangah mih, “Hangkow chang. CHAKRAMANG nümnapah mih maru luk kowi tang rut now aprek uowi dowi mih mia chow uowi?10Masing CHAKRAMANG ming lüklaula se ang tek khowk, CHAKRAMANG matia ngengche aia kowi dow naripah kown taih. Aia dow iawngpa nakowng kown taih, nadowi now tasenra kowi nacham kowng kown taih.11Tawkchedow CHAKRAMANG mih aia nümnapah mih maru luk kowi natang rut kown mih alow dow hang pacham pe ang lah. Chu, aia iüaluk kowi kowh reh hai tuikawng kowpawla now achi powt towbowt,” pape khai.12Naiawng ki tek pe now David mih Sawl iüaluk kowi kowh reh hai tuikawng kowpawla now powt iüah khai. Nakhowk khe naiawng phaw mih dow Sawl kowh siphaiuüa miapaw tuk dowi chekhai. Tawngplawng kowchow panow amatni kowi dow amüi suma CHAKRAMANG uang changta khai rakowi müi büah bowk chekhai.13Nami kung kowi dow David mih powt hanow tangbung khupra hownia alak sangrum mih hungh luk kowi kowiowng khai.14Now nami hungh luk hownia David mih Sawl kowh siphaiuüa kowi hai Abner kowi hawah khai. David tek pe mih, “Abner, ang kowh laiklow en ta tak bow?” pakhai.
Now Abner klangah mih, “Mia chow en? Tawngplawng kowchow naiawng mangkri kowi tuk thowrah amüi khai?” pape khai.15Now David tek pe mih, “En dow tasen akiakma mih siphai nadowi bow? Israeluüa pungmadawng kowi en hown tale mih mia chow uowi? Tawngplawng kowchow ransu-uüa rut hownia en kowh mangkri kowi en lawngah dowi? En kowh mang kowi nasaita kownkow maru uang lowk ia mih en tuk dowi bow?16Naiawng en chang mih mapaw iung dowi. Masing CHAKRAMANG ming hown ang tek khowk, en hai en kowh maru-uüa kowng tataing chekhai. Tawngplawng kowchow panow CHAKRAMANG nümnapah mih maru kowi ransu-uüa rut hownia en lawngah dowi chekhai. Mang iüaluk kowi kowh reh hai tuikawng tawng kowi chow?” pakhai.17David kowh laiklow tata now Sawl tek mih, “Ang chapa David ching bow en?” pakhai.
Nakhowk khe David klangah mih, “Ow mangkri, ang chowbowt.18Tawngplawng kowchow ang kowh mangkri mih aia kowh nar kowi kawi lang krawiah rereng? Tawng chow ang changta khai? Tawng angak chow ang kowh uowi?19Aw ang kowh mangkri, sakrauma hown kawmat dow en kowh nar kowh laiklow sünta pe diah. Nakingküa ang kown mih saktuak CHAKRAMANG pe en mih chekhai hanow ang kowh uanap mih aia pacham paw ang lah, now aia kowh saktuak mih pacham leta lah. Nachenganchepaw naiawng en chang mih che maru towk en kowh chekhai hanow towk en miuüa luk kowi CHAKRAMANG kowh piati pacham kla lah. Tawngplawng kowchow panow amatni dow CHAKRAMANG kowh maru-uüa uowi rah hownia prütta ang hanow akeng thuraiuüa kowi nacham chup kown mih tek ang khai.20Aw ang kowh chakramang, sakrauma hown CHAKRAMANG chupra hownia alakma mih arah kowi hauang pe kowng ang diah. Ang dow kuikli khowt khowm asung uowi dowi mih maru chowtaih. Tawngplawng kowchow hungh kowi maru krawi ap pawngli mih iawng Israel mang kawi lang krawi ang rereng?” pakhai.21Nakhowk khe Sawl tek pe mih, “Ang changta angak khai. Ang chapa David, uang plan diah. Mapaw ang chang en angak kown nadowi bowt. Tawngplawng kowchow panow en nau panü dow auar khe en ia sai ang kown taih diah. Nachenganchepaw en sai ang dowi chekhai. Maiawng mih lup tawi ang chang mih dow abualama mih maru iawng ang na khai,” pakhai.22Now David klangah mih, “Aw mangkri, mow en kowh reh! Mami reh uang paw kownkow uang chin maru lowk ia diah.23CHAKRAMANG dow maru maten kowi kaah sakowmma mih lup hai anowmma mih lup rakowi peah awmrawm sung reng chekhai. Ani mih nasaita en kownkow ang rut kowi CHAKRAMANG apta en khowk chowdiah. Nachenganchepaw CHAKRAMANG nümnapah mih maru luk kowi natang rut kown mih ang nau dowi chekhai.24Ani kowh ang tut-e en kowh chownglawng asung uowima iawng dow ang kowh chownglawng paw CHAKRAMANG tut-e asung uowima pauowi lah. Aia dow phih maten hownia pacham lawng ang lah,” pakhai.25Nakhowk khe Sawl tek pe David mih, “Ang chapa David, en pacham ka prasi lah. En changah mih lup maten nachawn kown,” pakhai.
Nami kung kowi dow David mih aia kowh siphaiuüa tut-e kowplan khai bowt, now Sawl paw aia kim prakowi plan mang khai bowt.
Nakhowk khe Abisai tek pe mih, “Ang tawi sow,” pape khai. Abisai kowh u dow Zerui chekhai.7Now David hai Abisai iüah mih uar-e khe Sawl kowh siphaiuüa tangbung khupra kowi kowkowi khai bowt. Nakhowk khe Sawl dow tangbung khupra dawnglang kowi müi khai. Now aia kowh reh dow aia iüaluk prakowi krawng kowi phükta hüah khai. Abner hai siphaiuüa dow aia ria kowi tapat lut tawi mawk khai.8Nami khita now Abisai tek pe David mih, “Ani dow en kowh ransu kowi mih en rut kowi CHAKRAMANG apta en mih chowbowt. Pe ang ana bowt. Ang kowh reh hown akat sawt sang krawng kowi reh tarup hüah pat Sawl kowi ang nasawtah khai; pre kat asawt kla dowi tham,” pakhai.9Nakhowk khe David klangah mih, “Hangkow chang. CHAKRAMANG nümnapah mih maru luk kowi tang rut now aprek uowi dowi mih mia chow uowi?10Masing CHAKRAMANG ming lüklaula se ang tek khowk, CHAKRAMANG matia ngengche aia kowi dow naripah kown taih. Aia dow iawngpa nakowng kown taih, nadowi now tasenra kowi nacham kowng kown taih.11Tawkchedow CHAKRAMANG mih aia nümnapah mih maru luk kowi natang rut kown mih alow dow hang pacham pe ang lah. Chu, aia iüaluk kowi kowh reh hai tuikawng kowpawla now achi powt towbowt,” pape khai.12Naiawng ki tek pe now David mih Sawl iüaluk kowi kowh reh hai tuikawng kowpawla now powt iüah khai. Nakhowk khe naiawng phaw mih dow Sawl kowh siphaiuüa miapaw tuk dowi chekhai. Tawngplawng kowchow panow amatni kowi dow amüi suma CHAKRAMANG uang changta khai rakowi müi büah bowk chekhai.13Nami kung kowi dow David mih powt hanow tangbung khupra hownia alak sangrum mih hungh luk kowi kowiowng khai.14Now nami hungh luk hownia David mih Sawl kowh siphaiuüa kowi hai Abner kowi hawah khai. David tek pe mih, “Abner, ang kowh laiklow en ta tak bow?” pakhai.
Now Abner klangah mih, “Mia chow en? Tawngplawng kowchow naiawng mangkri kowi tuk thowrah amüi khai?” pape khai.15Now David tek pe mih, “En dow tasen akiakma mih siphai nadowi bow? Israeluüa pungmadawng kowi en hown tale mih mia chow uowi? Tawngplawng kowchow ransu-uüa rut hownia en kowh mangkri kowi en lawngah dowi? En kowh mang kowi nasaita kownkow maru uang lowk ia mih en tuk dowi bow?16Naiawng en chang mih mapaw iung dowi. Masing CHAKRAMANG ming hown ang tek khowk, en hai en kowh maru-uüa kowng tataing chekhai. Tawngplawng kowchow panow CHAKRAMANG nümnapah mih maru kowi ransu-uüa rut hownia en lawngah dowi chekhai. Mang iüaluk kowi kowh reh hai tuikawng tawng kowi chow?” pakhai.17David kowh laiklow tata now Sawl tek mih, “Ang chapa David ching bow en?” pakhai.
Nakhowk khe David klangah mih, “Ow mangkri, ang chowbowt.18Tawngplawng kowchow ang kowh mangkri mih aia kowh nar kowi kawi lang krawiah rereng? Tawng chow ang changta khai? Tawng angak chow ang kowh uowi?19Aw ang kowh mangkri, sakrauma hown kawmat dow en kowh nar kowh laiklow sünta pe diah. Nakingküa ang kown mih saktuak CHAKRAMANG pe en mih chekhai hanow ang kowh uanap mih aia pacham paw ang lah, now aia kowh saktuak mih pacham leta lah. Nachenganchepaw naiawng en chang mih che maru towk en kowh chekhai hanow towk en miuüa luk kowi CHAKRAMANG kowh piati pacham kla lah. Tawngplawng kowchow panow amatni dow CHAKRAMANG kowh maru-uüa uowi rah hownia prütta ang hanow akeng thuraiuüa kowi nacham chup kown mih tek ang khai.20Aw ang kowh chakramang, sakrauma hown CHAKRAMANG chupra hownia alakma mih arah kowi hauang pe kowng ang diah. Ang dow kuikli khowt khowm asung uowi dowi mih maru chowtaih. Tawngplawng kowchow hungh kowi maru krawi ap pawngli mih iawng Israel mang kawi lang krawi ang rereng?” pakhai.21Nakhowk khe Sawl tek pe mih, “Ang changta angak khai. Ang chapa David, uang plan diah. Mapaw ang chang en angak kown nadowi bowt. Tawngplawng kowchow panow en nau panü dow auar khe en ia sai ang kown taih diah. Nachenganchepaw en sai ang dowi chekhai. Maiawng mih lup tawi ang chang mih dow abualama mih maru iawng ang na khai,” pakhai.22Now David klangah mih, “Aw mangkri, mow en kowh reh! Mami reh uang paw kownkow uang chin maru lowk ia diah.23CHAKRAMANG dow maru maten kowi kaah sakowmma mih lup hai anowmma mih lup rakowi peah awmrawm sung reng chekhai. Ani mih nasaita en kownkow ang rut kowi CHAKRAMANG apta en khowk chowdiah. Nachenganchepaw CHAKRAMANG nümnapah mih maru luk kowi natang rut kown mih ang nau dowi chekhai.24Ani kowh ang tut-e en kowh chownglawng asung uowima iawng dow ang kowh chownglawng paw CHAKRAMANG tut-e asung uowima pauowi lah. Aia dow phih maten hownia pacham lawng ang lah,” pakhai.25Nakhowk khe Sawl tek pe David mih, “Ang chapa David, en pacham ka prasi lah. En changah mih lup maten nachawn kown,” pakhai.
Nami kung kowi dow David mih aia kowh siphaiuüa tut-e kowplan khai bowt, now Sawl paw aia kim prakowi plan mang khai bowt.
The Seed Company