1 Samuel25
1Nami kung kowi dow Samuel mih kowng khai bowt. Nakhowk khe Israeluüa maten dow takua talawmah now Samuel vüi kowi uowila uiting uangtak khai. Amatni dow Samuel kowi Rama marow kowi kowh aia kim re-e dupah khai. Nabal tut-e David kowlü khowng mih
Nami kung kowi dow David mih Paran süngrüp süngkangma kowi kowkowi khai.2Nami khin khe Maawn marow kowi Kaleb krungchak Nabal pami maru uowi lowk ia; aia dow kurengma chekhai. Tawkche aia dow kunma ngakma hai laiüama chekhai. Aia kowh dow Karmel marow kowi krawng uowi sangrum, rua uowi 3,000 pum, now ruapur paw uowi 1,000 pum chekhai. Aia kowh dow klangiungma hai chanlaima mih masi uowi lowk ia, aming dow Abigail chekhai. Nami mih khin khe Nabal dow Karmel kowi kep ruapur pawi thüm chekhai.4Now Nabal kep ruapur pawi thüm pami satang dow Paran süngrüp süngkangma kowi uowi khe David ta khai.5Naiawng rakowi David mih aia kowh klanguüa hawmh kowi ruiah hamüt ia now tek pe mih, “Karmel marow kowi Nabal tut-e kowkowi büa diah, now ang ming hown aia kowi kowchupah büa diah.6Khowt now enni natek pe kown mih, ‘En, en kimchak hai en kowh uowi mih srui luk kowi iungra pauowi lah.7Kawmat dow en kep ruapur pawi thüm pami satang ang ta. Anging hown en kowh ruapur thing miuüa tawi uowi mowr dow amatni kowi anging changah angak dowi. Now Karmel marow kowi amatni uowi mowr dow amatni kowh tawng uanh paw tama dowi chekhai.8En kowh ruapur thing miuüa kowi lüntaah now nami lawnguan dow en natuk kown taih. Kawmat dow en kowh awmrawm khin chowbowt. Naiawng rakowi ang kowh naruüa kowi hawt changah aiung diah; en ia mowr khowng anging diah. Tawngplawng kowchow panow ang kowh naruüa dow en kowh naruüa iawng chekhai, now ang dow en kowh chapa iawng chekhai,’ pape diah,” pakhai.9Now David kowh klanguüa hawmh dow Nabal tut-e kowkowi now David ming hown naiawngün laiklow maten kowtek pe khai. Now tawng chow Nabal natek kown mih kowi chawngah büah khai.10Nakhowk khe Nabal klangah mih, “Mia chow nami David? Mia chow Jese kowh chapa? Kawmat khin kowmatia kim iah kowi towla hüah now powt mih nar uowi bümma.11Ang kowh ruapur pawi kep miuüa vüi kawm hown chaknga hai tui uowi chowdiah. Tawkchedow naiawngün chakkham mih ang tukah dowi miuüa kowi mapaw ang nowng pe kown nadowi,” pape khai.12Nami laiklow tata hanow David kowh klanguüa hawmh dow David tut-e kowplan khai, now naiawngün laiklow maten David kowi kowtek pe büah khai.13Naiawng rakowi aia kowh siphaiuüa kowi David tek pe mih, “Enni bowkbowk chowlowkkow kelang kowi uai saidawng büa diah,” pakhai. Nahanow amatni bowkbowk dow chowlowkkow kelang kowi uai saidawng büah khai, now David paw tawi uai khai. Now maru iun 400 ia ngia dow David hown tawi khai, now maru iun 200 ia dow nahawt chawng uanh kownkow ta uowi khai.14Nakhowk khe Nabal kowh masi Abigail kowi anar lowk ia uang tek pe mih, “Anging kowh kim iah kowi nauang chupah kownkow süngrüp süngkangma hownia David uang chin maru sangrum chowdiah. Tawkchedow aia mih naiawngün maru-uüa kowi hawt nangta nak khai.15Naiawngün maru-uüa dow aiungma chowdiah. Dowm kowi amatni re-e anging tawi thing ruapur khe amatni dow mapaw chang anging angak dowi, now anging kowh tawng iawng mih uanh paw tama dowi chekhai.16Amatni tut-e anging tawi thing ruapur mowr dow amatni mih ni chut uar prowt anging riaret kowi tawi uowi khükhü tap iawng hai tawi chawng anging khai.17Naiawng rakowi kawmat mih tawng chow en changah kown mih tatuak kaneu diah. Nadowi now anging kowh kim iah hai aia kowh maru-uüa maten luk kowi piakra nauang ting kown chaw. Tawngplawng kowchow panow anging kowh kim iah dow kunma ngakma chekhai, now maru laiklow paw sünta dowi chekhai,” pakhai.18Nami laiklow tata hown krowksang Abigail mih kawm 200 pah, chak pik im hown grep tui pre im, ruapur tanga pum nga, chakkham ngai ia tanga sala ngia, grep uih keu kawm 100 sek, uidut uih keu kawm 200 sek kawrngaramchük luk kowi tangah khai.19Nami kung kowi aia kowh naruüa kowi aia tek pe mih, “Ang pur kowi rik mang büa; enni kung kowi ang krawi ta mang sow,” pakhai. Nachenganchepaw naiawngün laiklow mih ahua Nabal kowi aia tekla pe dowi chekhai.20Now kawrngaramchük luk kowi chowmla se hungh hownia Abigail iu sun thüm khe David hai aia kowh siphaiuüa paw alowk mih hungh hownia uang iu sun now aia prakowi uang haimang khai. Naiawng hai Abigail mih David büah hown kowtakrum khai.21Abigail hown takrum dowi rawn David tatuak mih, “Pai iawngün maru-uüa kowh uanh tawngpaw natama dowi kownkow süngrüp süngkangma kowi ang chawng pe mih aiawnglowma taih. Aia kowi dow ang changah aiung chowdiah. Nachenganchepaw aia dow chang ang angak khai.22Naiawng rakowi tharau uarthowi dowi rawn Nabal hai aia kim kowi kowh uowi mih kachakuüa kowi lowk ia paw lat dowi pat ang nasaiah kown. Ang che saita bowk dowi hanow CHAKRAMANG mih kowng pat pacham rip ang lah,” pakhai.23Abigail dow David kowi khita now kawrngaramchük luk hownia alenma iu dowm khai, now krawng kowi tabawkah krawm se David kowi aia chupah khai.24Nami kung kowi dow aia mih David kowi dowk pe khawk khükhü tek pe mih, “Aw ang kowh chakramang, ang hua tawita mata mih aprek ang kur kown towbowt. Sakrauma hown en kowh narma kowi pe tekah lai pre sum nawrchow diah.25Ang kowh chakramang, Nabal kowh laiklow rakowi hang kunmarau diah. Nabal dow kunma ngakma hai asung uowi dowi mih maru chekhai. Aia dow aia kowh ming uan iawng abualama mih chekhai. En uang chinah mih klanguüa hawmh hown ang tawi takrum dowi chekhai.26“Aw ang kowh chakramang, pe sai en maru dowi mih hai en matia rut hown pe paw en lu klai dowi mih dow CHAKRAMANG chekhai. Naiawng rakowi masing CHAKRAMANG ming hai en ming lüklaula se ang takham khowk; en kowh ransu-uüa hai chang en angak kown nau miuüa dow Nabal piak iawng napiak kown.27Aw ang kowh chakramang, ang dow en kowh narma chowtaih. Kawmat dow en kowh maru-uüa vüi hailawm en vüi ang uang pawla mih awmrawm sung paw ang diah.28En kowh narma kowh angak mih sakrauma hown lawtta pe diah. CHAKRAMANG dow en kowh krungchakuüa kowi anikma natow en kown taih. Tawngplawng kowchow panow en dow CHAKRAMANG vüi kowi kowh tasen mih maru chekhai. Kawmat mowr dow en kowh angak mih tawngpaw uowi dowi tak, now pur prakowi paw nauowi kown nadowi.29Nakowngta kownkow maru kawikrawi en chepaw en kowh asak dow CHAKRAMANG en kowh Thurai khet en reng pami ang tuk. Nachenganchepaw en kowh ransu-uüa kowh asak dow iaiba hown ap-ah mih huaklu tama iawng CHAKRAMANG namata pe kown.30CHAKRAMANG dow nachang en aiung kownkow aia kham en mih maten CHAKRAMANG nachang en kown, now Israeluüa luk kowi aia dow nathawp en aluchow kown.31Nakhowk khe mih alow akan uowi dowi kowi en cham saita maru rakowi hai en cham pawta lu klai rakowi en hang pacham sak nga lah. Aw ang kowh chakramang, ang dow en kowh narma chowdiah. Naiawng CHAKRAMANG pe en iungra khe mih hauang tamata ang diah,” pakhai.32Nakhowk khe Abigail kowi David tek pe mih, “Ang hown ani nauang takrum kownkow uang chin en mih CHAKRAMANG Israeluüa kowh Thurai dow akiow pauowi lah.33En kowh prengia iung rakowi CHAKRAMANG kowi ang tek pe awmrawm lai. Nasai maru kown mih hownia hai ang matia rut hown napaw lu klai kown mih hownia en uang hen ang khai rakowi CHAKRAMANG dow pacham pe en prasi lah.34CHAKRAMANG dow ang nachang en angak kown mih hownia henta ang khai. Israeluüa kowh masing Thurai ming hown ang takham khowk, en che alenma ang hown uang takrum dowi panü dow Nabal kim kowi kowh kachakuüa uowi mih maten miapaw tharau uarthowi pat sing dowi tham diah,” pape khai.35Nami kung kowi dow aia vüi Abigail uang pawla pe mih awmrawm sung David paw pe khai. Now aia tek pe Abigail mih, “Kawmat dow thaulangma hown kim kowi kowplan towbowt. En kowh laiklow maten ang sünta en khowk. En tek iawng ang nachang en kown taih,” pakhai.36Now Abigail dow Nabal tut-e kowplan khai bowt. Nakhowk khe aia dow mang chang pawi khe kowh iawng Nabal hawt chang pawi mih kowkhi khai. Nakhowk khe Nabal dow kham rak now piaw khai, now lainowmma pua khai. Naiawng rakowi Abigail mih uarthowi dowi mowr Nabal kowi tawngpaw tek pe dowi chekhai.37Now rau-e Nabal kowh pua prowng khe dow tawng ngai chow phaw mih Nabal kowi amasi tek pe khai bowt. Nami laiklow tata now Nabal kowh sak dow kowng ngialia phaw khai, now kowpaw huaklu iawng akhawtma own khai.38Naiawng phaw mih hamüt ni kung kowi dow CHAKRAMANG kowh ripra Nabal luk kowi uang ting now aia dow kowng khai bowt.39Nabal kowng mih satang tata hanow David tek mih, “CHAKRAMANG dow akiow pauowi lah. Nabal klowk ang dowi rakowi ang takcha CHAKRAMANG sat pe aklai mih chekhai. CHAKRAMANG dow ang nachang angak kown mih hownia hen ang khai, now Nabal kowh angak sung dow Nabal kowi aia pe kaah khai,” pakhai. Nami kung kowi dow David mih Abigail kowi aia nachawngah kown mih laiklow nakowtek pe kownkow kowchin maru khai.40Now David kowh maru-uüa mih Karmel marow kowi Abigail tut-e kowkowiah now kowtek pe mih, “David nachawng en kown nau pe. Naiawng rakowi en tut-e aia uang chin anging mih chowbowt,” pakhai.41Nami laiklow tata hanow krawng kowi tabawkah krawm se Abigail klangah mih, “Ang dow David kowh nar chowtaih. Aia hown tachawng kown mih lainowmma ang awmrawm. Nami klen kowi aia kowh nar nachowng kown mih hai aia kowh naruüa kowi nasau pe khawk kown mih khowm padow ang nau chekhai,” pape khai.42Naiawng ki tekta now Abigail dow alenma kamrüt khai, now aia kowh narma tanga ia kowi pawla now kawrngaramchük luk kowi chowm se David uang chinah mih maru-uüa kung kowtawi tarü khai. Now David tut-e kowting hanow amatchi dow tachawng khai bowt.43Abigail hown tachawng dowi rawn David mih Jezrel kuachak Ahinoam kowi paw lowk ia khowk chekhai. David kowh masi dow Ahinoam hai Abigail iüah pre ia chekhai.44Naiawng phaw mih khin khe David kowh masi chük Mikal kowi dow Palti hown a-pa Sawl mih cham pe tachawngah khai. Palti dow Gallim kuachak Lais kowh chapa chekhai.
Nami kung kowi dow David mih Paran süngrüp süngkangma kowi kowkowi khai.2Nami khin khe Maawn marow kowi Kaleb krungchak Nabal pami maru uowi lowk ia; aia dow kurengma chekhai. Tawkche aia dow kunma ngakma hai laiüama chekhai. Aia kowh dow Karmel marow kowi krawng uowi sangrum, rua uowi 3,000 pum, now ruapur paw uowi 1,000 pum chekhai. Aia kowh dow klangiungma hai chanlaima mih masi uowi lowk ia, aming dow Abigail chekhai. Nami mih khin khe Nabal dow Karmel kowi kep ruapur pawi thüm chekhai.4Now Nabal kep ruapur pawi thüm pami satang dow Paran süngrüp süngkangma kowi uowi khe David ta khai.5Naiawng rakowi David mih aia kowh klanguüa hawmh kowi ruiah hamüt ia now tek pe mih, “Karmel marow kowi Nabal tut-e kowkowi büa diah, now ang ming hown aia kowi kowchupah büa diah.6Khowt now enni natek pe kown mih, ‘En, en kimchak hai en kowh uowi mih srui luk kowi iungra pauowi lah.7Kawmat dow en kep ruapur pawi thüm pami satang ang ta. Anging hown en kowh ruapur thing miuüa tawi uowi mowr dow amatni kowi anging changah angak dowi. Now Karmel marow kowi amatni uowi mowr dow amatni kowh tawng uanh paw tama dowi chekhai.8En kowh ruapur thing miuüa kowi lüntaah now nami lawnguan dow en natuk kown taih. Kawmat dow en kowh awmrawm khin chowbowt. Naiawng rakowi ang kowh naruüa kowi hawt changah aiung diah; en ia mowr khowng anging diah. Tawngplawng kowchow panow ang kowh naruüa dow en kowh naruüa iawng chekhai, now ang dow en kowh chapa iawng chekhai,’ pape diah,” pakhai.9Now David kowh klanguüa hawmh dow Nabal tut-e kowkowi now David ming hown naiawngün laiklow maten kowtek pe khai. Now tawng chow Nabal natek kown mih kowi chawngah büah khai.10Nakhowk khe Nabal klangah mih, “Mia chow nami David? Mia chow Jese kowh chapa? Kawmat khin kowmatia kim iah kowi towla hüah now powt mih nar uowi bümma.11Ang kowh ruapur pawi kep miuüa vüi kawm hown chaknga hai tui uowi chowdiah. Tawkchedow naiawngün chakkham mih ang tukah dowi miuüa kowi mapaw ang nowng pe kown nadowi,” pape khai.12Nami laiklow tata hanow David kowh klanguüa hawmh dow David tut-e kowplan khai, now naiawngün laiklow maten David kowi kowtek pe büah khai.13Naiawng rakowi aia kowh siphaiuüa kowi David tek pe mih, “Enni bowkbowk chowlowkkow kelang kowi uai saidawng büa diah,” pakhai. Nahanow amatni bowkbowk dow chowlowkkow kelang kowi uai saidawng büah khai, now David paw tawi uai khai. Now maru iun 400 ia ngia dow David hown tawi khai, now maru iun 200 ia dow nahawt chawng uanh kownkow ta uowi khai.14Nakhowk khe Nabal kowh masi Abigail kowi anar lowk ia uang tek pe mih, “Anging kowh kim iah kowi nauang chupah kownkow süngrüp süngkangma hownia David uang chin maru sangrum chowdiah. Tawkchedow aia mih naiawngün maru-uüa kowi hawt nangta nak khai.15Naiawngün maru-uüa dow aiungma chowdiah. Dowm kowi amatni re-e anging tawi thing ruapur khe amatni dow mapaw chang anging angak dowi, now anging kowh tawng iawng mih uanh paw tama dowi chekhai.16Amatni tut-e anging tawi thing ruapur mowr dow amatni mih ni chut uar prowt anging riaret kowi tawi uowi khükhü tap iawng hai tawi chawng anging khai.17Naiawng rakowi kawmat mih tawng chow en changah kown mih tatuak kaneu diah. Nadowi now anging kowh kim iah hai aia kowh maru-uüa maten luk kowi piakra nauang ting kown chaw. Tawngplawng kowchow panow anging kowh kim iah dow kunma ngakma chekhai, now maru laiklow paw sünta dowi chekhai,” pakhai.18Nami laiklow tata hown krowksang Abigail mih kawm 200 pah, chak pik im hown grep tui pre im, ruapur tanga pum nga, chakkham ngai ia tanga sala ngia, grep uih keu kawm 100 sek, uidut uih keu kawm 200 sek kawrngaramchük luk kowi tangah khai.19Nami kung kowi aia kowh naruüa kowi aia tek pe mih, “Ang pur kowi rik mang büa; enni kung kowi ang krawi ta mang sow,” pakhai. Nachenganchepaw naiawngün laiklow mih ahua Nabal kowi aia tekla pe dowi chekhai.20Now kawrngaramchük luk kowi chowmla se hungh hownia Abigail iu sun thüm khe David hai aia kowh siphaiuüa paw alowk mih hungh hownia uang iu sun now aia prakowi uang haimang khai. Naiawng hai Abigail mih David büah hown kowtakrum khai.21Abigail hown takrum dowi rawn David tatuak mih, “Pai iawngün maru-uüa kowh uanh tawngpaw natama dowi kownkow süngrüp süngkangma kowi ang chawng pe mih aiawnglowma taih. Aia kowi dow ang changah aiung chowdiah. Nachenganchepaw aia dow chang ang angak khai.22Naiawng rakowi tharau uarthowi dowi rawn Nabal hai aia kim kowi kowh uowi mih kachakuüa kowi lowk ia paw lat dowi pat ang nasaiah kown. Ang che saita bowk dowi hanow CHAKRAMANG mih kowng pat pacham rip ang lah,” pakhai.23Abigail dow David kowi khita now kawrngaramchük luk hownia alenma iu dowm khai, now krawng kowi tabawkah krawm se David kowi aia chupah khai.24Nami kung kowi dow aia mih David kowi dowk pe khawk khükhü tek pe mih, “Aw ang kowh chakramang, ang hua tawita mata mih aprek ang kur kown towbowt. Sakrauma hown en kowh narma kowi pe tekah lai pre sum nawrchow diah.25Ang kowh chakramang, Nabal kowh laiklow rakowi hang kunmarau diah. Nabal dow kunma ngakma hai asung uowi dowi mih maru chekhai. Aia dow aia kowh ming uan iawng abualama mih chekhai. En uang chinah mih klanguüa hawmh hown ang tawi takrum dowi chekhai.26“Aw ang kowh chakramang, pe sai en maru dowi mih hai en matia rut hown pe paw en lu klai dowi mih dow CHAKRAMANG chekhai. Naiawng rakowi masing CHAKRAMANG ming hai en ming lüklaula se ang takham khowk; en kowh ransu-uüa hai chang en angak kown nau miuüa dow Nabal piak iawng napiak kown.27Aw ang kowh chakramang, ang dow en kowh narma chowtaih. Kawmat dow en kowh maru-uüa vüi hailawm en vüi ang uang pawla mih awmrawm sung paw ang diah.28En kowh narma kowh angak mih sakrauma hown lawtta pe diah. CHAKRAMANG dow en kowh krungchakuüa kowi anikma natow en kown taih. Tawngplawng kowchow panow en dow CHAKRAMANG vüi kowi kowh tasen mih maru chekhai. Kawmat mowr dow en kowh angak mih tawngpaw uowi dowi tak, now pur prakowi paw nauowi kown nadowi.29Nakowngta kownkow maru kawikrawi en chepaw en kowh asak dow CHAKRAMANG en kowh Thurai khet en reng pami ang tuk. Nachenganchepaw en kowh ransu-uüa kowh asak dow iaiba hown ap-ah mih huaklu tama iawng CHAKRAMANG namata pe kown.30CHAKRAMANG dow nachang en aiung kownkow aia kham en mih maten CHAKRAMANG nachang en kown, now Israeluüa luk kowi aia dow nathawp en aluchow kown.31Nakhowk khe mih alow akan uowi dowi kowi en cham saita maru rakowi hai en cham pawta lu klai rakowi en hang pacham sak nga lah. Aw ang kowh chakramang, ang dow en kowh narma chowdiah. Naiawng CHAKRAMANG pe en iungra khe mih hauang tamata ang diah,” pakhai.32Nakhowk khe Abigail kowi David tek pe mih, “Ang hown ani nauang takrum kownkow uang chin en mih CHAKRAMANG Israeluüa kowh Thurai dow akiow pauowi lah.33En kowh prengia iung rakowi CHAKRAMANG kowi ang tek pe awmrawm lai. Nasai maru kown mih hownia hai ang matia rut hown napaw lu klai kown mih hownia en uang hen ang khai rakowi CHAKRAMANG dow pacham pe en prasi lah.34CHAKRAMANG dow ang nachang en angak kown mih hownia henta ang khai. Israeluüa kowh masing Thurai ming hown ang takham khowk, en che alenma ang hown uang takrum dowi panü dow Nabal kim kowi kowh kachakuüa uowi mih maten miapaw tharau uarthowi pat sing dowi tham diah,” pape khai.35Nami kung kowi dow aia vüi Abigail uang pawla pe mih awmrawm sung David paw pe khai. Now aia tek pe Abigail mih, “Kawmat dow thaulangma hown kim kowi kowplan towbowt. En kowh laiklow maten ang sünta en khowk. En tek iawng ang nachang en kown taih,” pakhai.36Now Abigail dow Nabal tut-e kowplan khai bowt. Nakhowk khe aia dow mang chang pawi khe kowh iawng Nabal hawt chang pawi mih kowkhi khai. Nakhowk khe Nabal dow kham rak now piaw khai, now lainowmma pua khai. Naiawng rakowi Abigail mih uarthowi dowi mowr Nabal kowi tawngpaw tek pe dowi chekhai.37Now rau-e Nabal kowh pua prowng khe dow tawng ngai chow phaw mih Nabal kowi amasi tek pe khai bowt. Nami laiklow tata now Nabal kowh sak dow kowng ngialia phaw khai, now kowpaw huaklu iawng akhawtma own khai.38Naiawng phaw mih hamüt ni kung kowi dow CHAKRAMANG kowh ripra Nabal luk kowi uang ting now aia dow kowng khai bowt.39Nabal kowng mih satang tata hanow David tek mih, “CHAKRAMANG dow akiow pauowi lah. Nabal klowk ang dowi rakowi ang takcha CHAKRAMANG sat pe aklai mih chekhai. CHAKRAMANG dow ang nachang angak kown mih hownia hen ang khai, now Nabal kowh angak sung dow Nabal kowi aia pe kaah khai,” pakhai. Nami kung kowi dow David mih Abigail kowi aia nachawngah kown mih laiklow nakowtek pe kownkow kowchin maru khai.40Now David kowh maru-uüa mih Karmel marow kowi Abigail tut-e kowkowiah now kowtek pe mih, “David nachawng en kown nau pe. Naiawng rakowi en tut-e aia uang chin anging mih chowbowt,” pakhai.41Nami laiklow tata hanow krawng kowi tabawkah krawm se Abigail klangah mih, “Ang dow David kowh nar chowtaih. Aia hown tachawng kown mih lainowmma ang awmrawm. Nami klen kowi aia kowh nar nachowng kown mih hai aia kowh naruüa kowi nasau pe khawk kown mih khowm padow ang nau chekhai,” pape khai.42Naiawng ki tekta now Abigail dow alenma kamrüt khai, now aia kowh narma tanga ia kowi pawla now kawrngaramchük luk kowi chowm se David uang chinah mih maru-uüa kung kowtawi tarü khai. Now David tut-e kowting hanow amatchi dow tachawng khai bowt.43Abigail hown tachawng dowi rawn David mih Jezrel kuachak Ahinoam kowi paw lowk ia khowk chekhai. David kowh masi dow Ahinoam hai Abigail iüah pre ia chekhai.44Naiawng phaw mih khin khe David kowh masi chük Mikal kowi dow Palti hown a-pa Sawl mih cham pe tachawngah khai. Palti dow Gallim kuachak Lais kowh chapa chekhai.
The Seed Company