1 Samuel23
1Akat khe David kowi maru-uüa uang tek pe mih, “Keila marow kowi Filistinuüa uang senah thüm, now kuata thowi mih luprak krawi rup büah thüm,” pakhai.2Naiawng rakowi CHAKRAMANG kowi David lüntaah mih, “Filistinuüa kowi ang kowsenah kown bow?” pakhai.
Nakhowk khe CHAKRAMANG klangah mih, “Ow, kowsen bowt. Filistinuüa kowi kowsenah now kowlawng Keila marow diah,” pape khai.3Nachenganchepaw aia kowh siphaiuüa tek pe David mih, “Mami Judauüa süng kowi khowm padow Sawl kowi kram se a-i uowi mih chekhai. Nami luk kowi Keila marow kowi Filistinuüa kowi a-i kowsen kown mih kramra lang uowi ngamlam nadowi ü?” pabüah khai.4Nakhowk khe CHAKRAMANG kowi David plan lüntaah khai iawk. Now CHAKRAMANG plan klangah mih, “Keila marow kowi kowkowi diah. Tawngplawng kowchow panow Filistinuüa kowi mih en rut kowi ang naap en bowt kown,” pape khai.5Nami laiklow tata now David mih aia kowh siphaiuüa kowi pawla now Keila marow kowi kowkowi khai, now Filistinuüa kowi kowsenah khai. Nakhowk khe amatni dow Filistinuüa kowi akawmma saila khai, now amatni kowh tawncher mih ahuma uang pawla pe khai. Naiawng hai Keila marowchakuüa kowi David lawngah khai.6Ahimelek kowh chapa Abiathar mih Keila marow kowi David tut-e uang powt khe ephawd kowrmow uang pawla khai. Nami dow CHAKRAMANG kowh naukrang natukla kownkow aia uang pawla mih chekhai.7Keila marow kowi David uowi pami satang tata now Sawl tek mih, “Khaleng dow David kowi ang rut kowi CHAKRAMANG ap-ah mih chowbowt. Tawngplawng kowchow panow tap uowi mih marow kowi aia kowkup hanow kowtakhang mih chowbowt,” pakhai.8Sawl dow Keila marow kowi kowkowi hanow David hai aia kowh siphaiuüa kowi rumta lut now nasenah kownkow aia kowh siphaiuüa maten kowi kuaah lawmah khai.9Sawl uang senah kownkow kamrüt mih tukta now uamow Abiathar kowi David tek pe mih, “En kowh ephawd kowrmow mami re-e uang sam pawla madiah,” pakhai.10Now David tek mih, “Aw CHAKRAMANG Israeluüa kowh Thurai, makowi ang uowi mih rakowi Keila marow nauang piakta kownkow Sawl sangkrang mih achima ang tuk chekhai.11Keila marowchakuüa mih Sawl rut kowi naapta ang kown bow? Ang taah mih iawng Sawl nauang chang nowm kown bow? Aw CHAKRAMANG Israeluüa kowh Thurai, achima pe tuk ang diah,” pakhai.
Nakhowk khe CHAKRAMANG klangah mih, “Ow, aia nauang kown,” pape khai.12Now David plan lüntaah mih, “Now ang hai ang kowh maru-uüa kowi Sawl rut kowi Keila marowchakuüa naap anging kown bow?” pakhai.
CHAKRAMANG klangah mih, “Ow, naap enni kown,” pape khai.13Nami laiklow tata hanow David mih maru iun 600 ia ngia kowi pawla now Keila marow hownia cham powt khai. Amatni dow mapra lai, paipra lai cham powt panglang khai. Now Keila marow hownia David powt khai bowt pami satang tata hanow Sawl dow Keila marow kowi kowkowi dowi bowt chekhai.14David dow süngrüp süngkangma kowi kowh akhawtma mih kangchawngra kim kowi hai Zif marow re-e kowh hungma mawngma süng kowi cham krawi uowi khai. Nami khin khe Sawl dow ni towng aia kowi krawi chamah reng chekhai. Nachenganchepaw aia kowi mih Sawl rut kowi Thurai ap-ah dowi.15Now pakat dow Zif marow re-e kowh Hawres pami arah kowi aia uowi khe David mih aia kowi Sawl nasaiah kownkow uang lawt mih satang ta khai.16Nachenganchepaw Sawl kowh chapa Jonathan dow Hawres pami arah kowi David tut-e kowkowi khai, now Thurai luk kowi neplawng nesak kownkow David kowi aia peah sakkraingra khai.17David kowi Jonathan tek pe mih, “Hangkow kram diah. Mapaw apa naka khüm en kown nadowi. Akat ni dow Israeluüa luk kowi en nachowm mang kown, now en dak kowi kowh lang kri mih en natow ang kown mih apa tuk chekhai,” pakhai.18Nahanow amatchi dow CHAKRAMANG kowi towla saksi khükhü tatow sangbowk laitawm khai. Nami kung kowi dow Jonathan mih kim kowi mang khai. Tawkchedow David dow Hawres kowi ta uowi khai.19Zif marowchakuüa mih Gibeah marow kowi kowkowiah now kowtek pe Sawl mih, “David tapet mih dow anging kowh süng kowi taih. Aia dow Hakila pami hungh kowi akhawtma mih kangchawngra kim kowi krawi uowi khai. Nami hungh dow Hawres re-e kowh Jesimawn mrawkphak prakowi chekhai.20Mangkri, en nau khe uang diah. David kowi mang rut kowi naap-ah kown mih anging kowh lup chekhai,” pakhai.21Nakhowk khe Sawl klangah mih, “Enni dow saksing sana ang khai. Naiawng rakowi CHAKRAMANG pacham pe enni prasi lah.22Kowplan büah now achima kowkrawi paw satang büah akat diah; tawng kowi chow aia uowi mih hai mia chow aia kowi khi mih krawi paw satang büa diah. Aia dow lainowmma chanlai pe pami ang ta.23Aia cham tapetra maten krawi cham büa diah. Satang chima enni uang pawla kung kowi chiang enni hown ang tawi kown. Aia che pren lak kowi uowi khai hanow Juda süng maten kowi aia kowi dow ang nakrawi chamah kown,” pape khai.24Naiawng rakowi naiawngün maru-uüa mih Sawl dowi rawn Zif marow kowi kowrik mang khai. Nakhowk khe David hai aia kowh siphaiuüa uowi mih dow Maawn süngrüp süngkangma kowi chekhai. Nami dow Jesimawn mrawkphak pra kowh Arabai lawngrawi kowi chekhai.25Akung kowi Sawl hai aia kowh siphaiuüa dow David kowi krawi chamah khai. Nachenganchepaw nami satang tata now David hai aia kowh siphaiuüa dow nami hownia powt khai, now Maawn süngrüp süngkangma kowi kowh hua kangowh mih hungh kowi kowtapet büah khai. Nami satang tata hanow Sawl dow nami hungh kowi David kowi kowkrawiah khai.26Nachenganchepaw hungh mapra kowi Sawl krawi chamah khe David hai aia kowh siphaiuüa dow hungh paipra kowi powtta pe khai. Amatni dow Sawl hownia nowngia powtla kownkow sakkrowng sakkrangma mang büah khai. Mapra kowi Sawl hai aia kowh siphaiuüa dow David hai aia kowh siphaiuüa kowi naka khümla kownkow krawi uanah khai.27Nami khin tangtang khe maru lowk ia mih uangah now Sawl kowi uang phowng pe satang mih, “Filistinuüa uang sen a-i pren thüm khowk. Naiawng rakowi alenma uang mang diah,” pakhai.28Nami satang tata hanow Sawl dow kawikrawi David mih towta now Filistinuüa kowi kowsenah kownkow kowmang khai. Naiawng rakowi nami re-e kowh arah ming dow Plaira Huamang pahai maru chap pe khai.29Nami kung kowi dow nami hownia powt hanow David mih En-Gedi pami akhawtma mih kangchawngra kim kowi tapet khai.
Nakhowk khe CHAKRAMANG klangah mih, “Ow, kowsen bowt. Filistinuüa kowi kowsenah now kowlawng Keila marow diah,” pape khai.3Nachenganchepaw aia kowh siphaiuüa tek pe David mih, “Mami Judauüa süng kowi khowm padow Sawl kowi kram se a-i uowi mih chekhai. Nami luk kowi Keila marow kowi Filistinuüa kowi a-i kowsen kown mih kramra lang uowi ngamlam nadowi ü?” pabüah khai.4Nakhowk khe CHAKRAMANG kowi David plan lüntaah khai iawk. Now CHAKRAMANG plan klangah mih, “Keila marow kowi kowkowi diah. Tawngplawng kowchow panow Filistinuüa kowi mih en rut kowi ang naap en bowt kown,” pape khai.5Nami laiklow tata now David mih aia kowh siphaiuüa kowi pawla now Keila marow kowi kowkowi khai, now Filistinuüa kowi kowsenah khai. Nakhowk khe amatni dow Filistinuüa kowi akawmma saila khai, now amatni kowh tawncher mih ahuma uang pawla pe khai. Naiawng hai Keila marowchakuüa kowi David lawngah khai.6Ahimelek kowh chapa Abiathar mih Keila marow kowi David tut-e uang powt khe ephawd kowrmow uang pawla khai. Nami dow CHAKRAMANG kowh naukrang natukla kownkow aia uang pawla mih chekhai.7Keila marow kowi David uowi pami satang tata now Sawl tek mih, “Khaleng dow David kowi ang rut kowi CHAKRAMANG ap-ah mih chowbowt. Tawngplawng kowchow panow tap uowi mih marow kowi aia kowkup hanow kowtakhang mih chowbowt,” pakhai.8Sawl dow Keila marow kowi kowkowi hanow David hai aia kowh siphaiuüa kowi rumta lut now nasenah kownkow aia kowh siphaiuüa maten kowi kuaah lawmah khai.9Sawl uang senah kownkow kamrüt mih tukta now uamow Abiathar kowi David tek pe mih, “En kowh ephawd kowrmow mami re-e uang sam pawla madiah,” pakhai.10Now David tek mih, “Aw CHAKRAMANG Israeluüa kowh Thurai, makowi ang uowi mih rakowi Keila marow nauang piakta kownkow Sawl sangkrang mih achima ang tuk chekhai.11Keila marowchakuüa mih Sawl rut kowi naapta ang kown bow? Ang taah mih iawng Sawl nauang chang nowm kown bow? Aw CHAKRAMANG Israeluüa kowh Thurai, achima pe tuk ang diah,” pakhai.
Nakhowk khe CHAKRAMANG klangah mih, “Ow, aia nauang kown,” pape khai.12Now David plan lüntaah mih, “Now ang hai ang kowh maru-uüa kowi Sawl rut kowi Keila marowchakuüa naap anging kown bow?” pakhai.
CHAKRAMANG klangah mih, “Ow, naap enni kown,” pape khai.13Nami laiklow tata hanow David mih maru iun 600 ia ngia kowi pawla now Keila marow hownia cham powt khai. Amatni dow mapra lai, paipra lai cham powt panglang khai. Now Keila marow hownia David powt khai bowt pami satang tata hanow Sawl dow Keila marow kowi kowkowi dowi bowt chekhai.14David dow süngrüp süngkangma kowi kowh akhawtma mih kangchawngra kim kowi hai Zif marow re-e kowh hungma mawngma süng kowi cham krawi uowi khai. Nami khin khe Sawl dow ni towng aia kowi krawi chamah reng chekhai. Nachenganchepaw aia kowi mih Sawl rut kowi Thurai ap-ah dowi.15Now pakat dow Zif marow re-e kowh Hawres pami arah kowi aia uowi khe David mih aia kowi Sawl nasaiah kownkow uang lawt mih satang ta khai.16Nachenganchepaw Sawl kowh chapa Jonathan dow Hawres pami arah kowi David tut-e kowkowi khai, now Thurai luk kowi neplawng nesak kownkow David kowi aia peah sakkraingra khai.17David kowi Jonathan tek pe mih, “Hangkow kram diah. Mapaw apa naka khüm en kown nadowi. Akat ni dow Israeluüa luk kowi en nachowm mang kown, now en dak kowi kowh lang kri mih en natow ang kown mih apa tuk chekhai,” pakhai.18Nahanow amatchi dow CHAKRAMANG kowi towla saksi khükhü tatow sangbowk laitawm khai. Nami kung kowi dow Jonathan mih kim kowi mang khai. Tawkchedow David dow Hawres kowi ta uowi khai.19Zif marowchakuüa mih Gibeah marow kowi kowkowiah now kowtek pe Sawl mih, “David tapet mih dow anging kowh süng kowi taih. Aia dow Hakila pami hungh kowi akhawtma mih kangchawngra kim kowi krawi uowi khai. Nami hungh dow Hawres re-e kowh Jesimawn mrawkphak prakowi chekhai.20Mangkri, en nau khe uang diah. David kowi mang rut kowi naap-ah kown mih anging kowh lup chekhai,” pakhai.21Nakhowk khe Sawl klangah mih, “Enni dow saksing sana ang khai. Naiawng rakowi CHAKRAMANG pacham pe enni prasi lah.22Kowplan büah now achima kowkrawi paw satang büah akat diah; tawng kowi chow aia uowi mih hai mia chow aia kowi khi mih krawi paw satang büa diah. Aia dow lainowmma chanlai pe pami ang ta.23Aia cham tapetra maten krawi cham büa diah. Satang chima enni uang pawla kung kowi chiang enni hown ang tawi kown. Aia che pren lak kowi uowi khai hanow Juda süng maten kowi aia kowi dow ang nakrawi chamah kown,” pape khai.24Naiawng rakowi naiawngün maru-uüa mih Sawl dowi rawn Zif marow kowi kowrik mang khai. Nakhowk khe David hai aia kowh siphaiuüa uowi mih dow Maawn süngrüp süngkangma kowi chekhai. Nami dow Jesimawn mrawkphak pra kowh Arabai lawngrawi kowi chekhai.25Akung kowi Sawl hai aia kowh siphaiuüa dow David kowi krawi chamah khai. Nachenganchepaw nami satang tata now David hai aia kowh siphaiuüa dow nami hownia powt khai, now Maawn süngrüp süngkangma kowi kowh hua kangowh mih hungh kowi kowtapet büah khai. Nami satang tata hanow Sawl dow nami hungh kowi David kowi kowkrawiah khai.26Nachenganchepaw hungh mapra kowi Sawl krawi chamah khe David hai aia kowh siphaiuüa dow hungh paipra kowi powtta pe khai. Amatni dow Sawl hownia nowngia powtla kownkow sakkrowng sakkrangma mang büah khai. Mapra kowi Sawl hai aia kowh siphaiuüa dow David hai aia kowh siphaiuüa kowi naka khümla kownkow krawi uanah khai.27Nami khin tangtang khe maru lowk ia mih uangah now Sawl kowi uang phowng pe satang mih, “Filistinuüa uang sen a-i pren thüm khowk. Naiawng rakowi alenma uang mang diah,” pakhai.28Nami satang tata hanow Sawl dow kawikrawi David mih towta now Filistinuüa kowi kowsenah kownkow kowmang khai. Naiawng rakowi nami re-e kowh arah ming dow Plaira Huamang pahai maru chap pe khai.29Nami kung kowi dow nami hownia powt hanow David mih En-Gedi pami akhawtma mih kangchawngra kim kowi tapet khai.
The Seed Company