1 Samuel19
1Akat khe David kowi nasaita kownkow Sawl mih achapa Jonathan hai aia kowh naruüa kowi peah ana khai. Nachenganchepaw Sawl kowh chapa Jonathan dow David kowi lainowmma sakrauah khai.2Naiawng rakowi Jonathan tek pe David mih, “Apa nasaita en kownkow kamrüt thüm khowk. Naiawng rakowi tharau mih uowiah kaneu diah. Tawng mih dowm kowi chünchü cham tapet diah.3Now en cham tapetah mih dowm kowi tharau khe apa kowi ang nauang pawla kown. Nakowi mih aia hown en lawnguan kowi ang natalawp kown, now tawng ngai chow aia natek kown mih akung kowi ang ta tek en sow,” pakhai.4Now auai rau dow David tapetah mih dowm kowi Jonathan mih a-pa kowi kowpawla khai bowt. Now a-pa kowi Jonathan tek pe mih, “Apa, en kowh nar David kowi kingküaah hai hangkow chang angak diah. Aia dow en luk kowi tawng iawng mih angak paw chang dowi chekhai; aia changta mowr kowi dow lainowmma en vüi iung chekhai.5Aia dow kowng kown tuakla dowi kowi Filistin siphai Goliat kowi kowsenah now saita khai. Now CHAKRAMANG mih Israeluüa maten kowi kri kraingma pe awngah khai. Naiawngün khi hanow en awmrawm chowdiah mowna. Nachenganchepaw kawmat dow auan uowi dowi matchang aprek uowi dowi mih David kowi saita hanow tawngplawng kowchow nachang angak kown mih en tuk kamrüt khai?” pape khai.6Nami laiklow tata hanow Sawl tek mih, “Masing CHAKRAMANG ming hown ang takham khowk, David kowi mih ang saiah kown nadowi,” pape khai.7Akung kowi dow Jonathan mih David kowi hawah now naiawngün laiklow maten tek pe khai. Now aia kowi dow a-pa Sawl tut-e Jonathan mih kowpawla khai. Nahanow David dow auown khe kowh iawng Sawl tut-e tawi plan uowi khai bowt.8Akat khe Filistinuüa hown Israeluüa dow plan tasen khai iawk. Nakhowk khe David mih Filistinuüa kowi sai chamang krawi saiah khai. Naiawng rakowi Filistinuüa dow aia pur hownia apowt takla khai.9Pakat khe CHAKRAMANG uang chinah mih lümla ngak dow Sawl luk kowi uang plan uowi khai iawk. Nakhowk khe Sawl dow aia kim kowi reh dowkma chowm phülü khai, now David mih tawi tep pe taraw khai.10Nakhowk khe aia dow kimbang kowi nadanta krap kownkow David kowi reh hown hürah chowdiah. Nachenganchepaw David taplengta pe khai rakowi reh mih kimbang kowi kowtaphük chak khai. Nami iak dow nami hownia David powt now ia plai khai.11Now auai rau khe David kowi nasaiah kownkow nami iak khe David kim kowi Sawl kowchin maru sangrum khai. Nachenganchepaw nami iak khe David kowi amasi Mikal tek pe mih, “Aiak che en powt dowi hanow tharau dow maru nasai en kown chowbowt,” pakhai.12Now amasi Mikal mih tawngpawk hownia David kowi iu klaah khai, now David dow cham powt hanow ia plai khai.13Nakhowk khe Mikal mih aia kim kowi kowh arup aren krawi pawah now David mawk rah kowi kowtowah khai, now iüaluk kowi dow rua pawi hown kowh lungüa tow pe khai. Nami kung kowi dow naiawngün mih uan hown aia mumta khai.14David kowi nakhümah kownkow Sawl kowchinah mih maru-uüa kowi Mikal hawt tek pe mih, “Ang hua arau uowi khai,” pakhai.15Nami laiklow tata hanow Sawl dow David kowi nauang pawla kownkow naiawngün maru-uüa kowi kowchinah khai iawk. Aia krawi tek pe mih, “David kowi mawk rah hailawm uang pawla büah. Aia kowi dow ang nakowngta kown,” pakhai.16Now naiawngün maru-uüa mih David kim lak kowi kowkup hanow mawk rah kowi arup aren hai rua pawi hown kowh lungüa kowkhi khai.17Nami kung kowi Sawl tek pe Mikal mih, “Tawngplawng kowchow naiawng en tuk kuan ang khai? Tawngplawng kowchow ang kowh ransu kowi en pe powtta khai?” pakhai.
Nakhowk khe Mikal klangah mih, “Aia tek ang mih, ‘Pe powt ang diah. Nadowi now ang nasaita en kown,’ pah ang khai,” pape khai.18David dow aia kim hownia powt hanow Rama marow kowi Samuel tut-e kowkowi khai, now aia kowi Sawl nakowngta kownkow kamrüt mih lawnguan Samuel kowi aia tek pe khai. Nami kung kowi dow David hai Samuel iüah mih Naiawt pami arah kowi kowuowi khai.19Now Rama marow kowi kowh Naiawt pami arah kowi David uowi mih satang dow Sawl tawi ta khai bowt.20Sawl dow nami satang tata hanow David kowi nakowkhüm kownkow kowchin maru khai. Naiawngün maru-uüa dow Naiawt pami arah kowi kowting hanow Samuel nimkrüa kowi tek Thurai lai mih risiuüa kowi kowkrum pathum khai. Nakhowk khe Sawl kowh maru-uüa luk kowi paw Thurai Lümla uang ting hanow amatni paw risi iawng hai tawi tek Thurai lai khai.21Nami satang dow Sawl kowi maru uang phowng pe hanow Sawl dow kowplan chin maru pathum khai iawk. Nachenganchepaw naiawngün maru-uüa paw risi iawng hai kowtawi tek Thurai lai khai. Nami kung kowi paw Sawl mih kowplan chin maru pathum khai iawk, now nami maru-uüa paw risi iawng hai kowtawi tek Thurai lai khai iawk.22Achur kowi dow Sawl matia mih Rama marow kowi kowtarü khai bowt. Now Seku pami arah kowi kowh tuikuam aiukma mih re-e aia kowting khe nakowi kowh maru kowi aia lüntaah mih, “Samuel hai David iüah tawng kowi chow?” pakhai.
Nakhowk khe maru lowk ia klangah mih, “Rama marow kowi kowh Naiawt pami arah kowi,” pape khai.23Naiawng rakowi Sawl dow Rama marow kowi kowh Naiawt pami arah prakowi tarü khai. Nachenganchepaw aia luk kowi paw Thurai Lümla mih uang ting khai. Nahanow aia dow Naiawt pami arah kowi ting dowi mowr patiama rawng risi iawng hai tekla Thurai lai khai.24Aia dow aia kowh tawnguat klüpla now Samuel pur kowi risi iawng hai kowtek Thurai lai khai. Aia dow ni chut uar prowt tengiow tengklaima krawng kowi mawk khai. Naiawng rakowi maru-uüa tatek mih, “Naiawng now Sawl paw risi chekhai bow?” pakhai.
Nakhowk khe Mikal klangah mih, “Aia tek ang mih, ‘Pe powt ang diah. Nadowi now ang nasaita en kown,’ pah ang khai,” pape khai.18David dow aia kim hownia powt hanow Rama marow kowi Samuel tut-e kowkowi khai, now aia kowi Sawl nakowngta kownkow kamrüt mih lawnguan Samuel kowi aia tek pe khai. Nami kung kowi dow David hai Samuel iüah mih Naiawt pami arah kowi kowuowi khai.19Now Rama marow kowi kowh Naiawt pami arah kowi David uowi mih satang dow Sawl tawi ta khai bowt.20Sawl dow nami satang tata hanow David kowi nakowkhüm kownkow kowchin maru khai. Naiawngün maru-uüa dow Naiawt pami arah kowi kowting hanow Samuel nimkrüa kowi tek Thurai lai mih risiuüa kowi kowkrum pathum khai. Nakhowk khe Sawl kowh maru-uüa luk kowi paw Thurai Lümla uang ting hanow amatni paw risi iawng hai tawi tek Thurai lai khai.21Nami satang dow Sawl kowi maru uang phowng pe hanow Sawl dow kowplan chin maru pathum khai iawk. Nachenganchepaw naiawngün maru-uüa paw risi iawng hai kowtawi tek Thurai lai khai. Nami kung kowi paw Sawl mih kowplan chin maru pathum khai iawk, now nami maru-uüa paw risi iawng hai kowtawi tek Thurai lai khai iawk.22Achur kowi dow Sawl matia mih Rama marow kowi kowtarü khai bowt. Now Seku pami arah kowi kowh tuikuam aiukma mih re-e aia kowting khe nakowi kowh maru kowi aia lüntaah mih, “Samuel hai David iüah tawng kowi chow?” pakhai.
Nakhowk khe maru lowk ia klangah mih, “Rama marow kowi kowh Naiawt pami arah kowi,” pape khai.23Naiawng rakowi Sawl dow Rama marow kowi kowh Naiawt pami arah prakowi tarü khai. Nachenganchepaw aia luk kowi paw Thurai Lümla mih uang ting khai. Nahanow aia dow Naiawt pami arah kowi ting dowi mowr patiama rawng risi iawng hai tekla Thurai lai khai.24Aia dow aia kowh tawnguat klüpla now Samuel pur kowi risi iawng hai kowtek Thurai lai khai. Aia dow ni chut uar prowt tengiow tengklaima krawng kowi mawk khai. Naiawng rakowi maru-uüa tatek mih, “Naiawng now Sawl paw risi chekhai bow?” pakhai.
The Seed Company