1 Samuel16
1Akung kowi CHAKRAMANG tek pe Samuel mih, “Saul rakowi mün khowt tak chow en kowh sak napiak kown? Aia kowi dow Israel pren mangra hownia ang nuata mih chowbowt. Naiawng rakowi kawmat mih pawla kanrawn sau hanow Bethlehem marow kowi kowkowi diah. Nakowi dow Jese chapauüa pungmadawng kowi ang vüi nachowng mang kown mih ang ruita lowk ia khowk,” pakhai.2Samuel tek pe mih, “Ang ia kowi dowi tham. Ang kowkowi mih laiklow ta hanow Sawl nakowngta ang kown chekhai,” pape khai.
Nakhowk khe CHAKRAMANG tek pe mih, “En tarü khe en napawla chia iia apum kown. Now, ‘CHAKRAMANG vüi ang uang chang phuchua mih chaw,’ padow en nakowtek kown.3Nami phuchua pawi kowi dow Jese kowi en nahawla kown. Nami kung kowi tawng chow achang takla mih ang tek en sow. Ang tek en mih maru kowi ang vüi alu kowi en naklai pe sau hanow en nanümnapah kown,” pakhai.4Now Samuel dow CHAKRAMANG tek pe iawng chang khai bowt. Bethlehem marow kowi aia kowting now nakowi kowh lawngtang aluchowuüa dow aia hown uang takrum khe kram kowh chürla kluk khai. Now amatni hawt lüntaah mih, “Saktuak thaulangma bow en uang?” pabüah khai.5Nakhowk khe Samuel klangah mih, “Ow, saktuak thaulangma ang uang mih chekhai. CHAKRAMANG vüi tawncher hown nachang phuchua kownkow ang uang mih chowtaih. Naiawng rakowi tachim tasai büah hanow ang hown nami pawi tawi sun büa diah,” pape khai. Naiawng ki tek pe now aia dow Jese hai achapauüa kowi chimsaiah khai, now nami pawi tawi sun kownkow hawla khai.6Akung kowi Jese kowh chapauüa uang ting mih khin khe Eliab kowi khita now Samuel ka tuak mih, “CHAKRAMANG nümnapah kown mih maru nami naown bowt,” pakhai.7Nachenganchepaw Samuel kowi CHAKRAMANG tek pe mih, “Apowm hai akro kowi hangkow mü diah. Tawngplawng kowchow panow aia dow ang ruiah mih maru nadowi. Ang dow lusa maru mü iawng ang mü dowi chekhai. Lusa maru dow apowm kowi mü reng. Nachenganchepaw ang dow sak kowi chekhai mü reng,” pakhai.8Nami kung kowi dow Jese mih achapa Abinadab kowi Samuel pur kowi kowpe kowiah khai. Nakhowk khe Samuel tek mih, “Mami paw CHAKRAMANG kloah mih maru nadowi,” pakhai.9Nami kung kowi dow achapa Samma kowi Samuel pur kowi Jese kowpe kowiah khai. Nakhowk khe paw Samuel tek mih, “Nami paw CHAKRAMANG kloah mih maru nadowi,” pakhai.10Naiawng hai Jese dow achapa ranit ia kowi Samuel pur iawng kowpe mangah khai. Nachenganchepaw Samuel tek pe mih, “Kowbüah dow lowk ia paw CHAKRAMANG kloah mih maru nadowi,” pakhai.11Nami kung kowi Samuel tek pe Jese mih, “Kowbüah klen kowi en kowh chapa uowi dowi bowt bow?” pakhai. Now Jese klangah mih, “Lang sawi nowm nowm mih David uowi lowk ia tak; aia dow cham thing ruapur khai,” pape khai. Nakhowk khe Samuel tek pe mih, “Aia kowi nauang hawla kownkow kowchin maru diah. Makowi aia uang ting dowi mowr a-i nacha nakham kown nadowi tak,” pakhai.12Naiawng rakowi Jese mih kowchin pe maru hanow achapa David kowi uang hawla khai. David kowh dow kow iungma, amik paw klangiungma, now apowm paw klangiungma chekhai. David uang ting hown krowksang CHAKRAMANG tek pe Samuel mih, “Rü now nami kowi nümnap bowt. Nami chowbowt ang ruiah mih maru,” pape khai.13Nakhowk khe Samuel mih sau towk müa nang pawah now ataimowuüa pur kowi David kowi nümnapah khai. Nami ni hownia CHAKRAMANG kowh lümla dow David luk kowi uang uowi khai bowt. Nami kung kowi dow Samuel mih Rama marow kowi plan khai bowt.14Nakhowk khe CHAKRAMANG kowh lümla dow Sawl kowi powtta khai bowt, now CHAKRAMANG uang chinah mih lümla ngak dow uangah hanow Sawl kowi lainowmma uang towkah ngare khai.15Nami khita hanow aia kowh naruüa tek pe Sawl mih, “Thurai uang chinah mih lümla ngak uangah now lainowmma uang towk en ngare khai.16Naiawng rakowi aw anging kowh chakramang, taraw tep akiakma mih maru kowi nakrawi cham en lowk ia kownkow pe anging ana diah. Thurai uang chinah mih lümla ngak uang towk en ngare mih khin khe aia dow pacham tep en taraw lah. Nahanow en naiung kown towbowt,” pakhai.17Nakhowk khe anaruüa kowi Sawl tek pe mih, “Naiawng now taraw tep akiakma mih maru kowi krawi cham büa diah, now aia kowi dow ang tut-e uang pawla büa diah,” pape khai.18Nakhowk khe anaruüa pungmadawng hownia lowk ia mih tek mih, “Bethlehem marow kowi Jese kowh chapa taraw tep akiakma mih ang tuk lowk ia. Aia dow sakkraingma mih siphai chekhai, now sangprowk laitek paw atukma. Nami klen kowi aia dow apowm paw klangiungma, now CHAKRAMANG paw aia tut-e tawi uowi chekhai,” pakhai.19Naiawng rakowi Sawl dow Jese tut-e kowchin maru hanow krawi tek pe mih, “En kowh chapa ruapur thing mih David kowi ang tut-e uang krawi chin ang diah,” pakhai.20Nami satang tata now Jese mih chak pik im kowi grep tui pa-im, rua chah papum hai kawm sangrumchow kawrngaramchük luk kowi krawi tang pe hanow achapa David kowi Sawl tut-e kowchinah khai.21Sawl tut-e kowting hanow David dow Sawl kowh lup mih uown chang pe khai bowt. Aia kowi dow lainowmma Sawl sakrauah khai, now aia dow Sawl kowh tasen müa rutchün khawkleng kawt mih chowng khai.22Akung kowi Sawl mih Jese tut-e kowchin pe maru hanow krawi tek pe mih, “David luk kowi lainowmma ang sak-ih chekhai. Naiawng rakowi sakrauma hown en chapa David kowi ang tut-e pe uowiah towbowt,” pakhai.23Now Thurai uang chinah mih lümla ngak Sawl luk kowi uang ting mih khin khe David dow tep pe taraw reng chekhai. Nahanow nami lümla ngak dow Sawl hownia powt reng chekhai, now Sawl dow kutplan iung reng chekhai.
Nakhowk khe CHAKRAMANG tek pe mih, “En tarü khe en napawla chia iia apum kown. Now, ‘CHAKRAMANG vüi ang uang chang phuchua mih chaw,’ padow en nakowtek kown.3Nami phuchua pawi kowi dow Jese kowi en nahawla kown. Nami kung kowi tawng chow achang takla mih ang tek en sow. Ang tek en mih maru kowi ang vüi alu kowi en naklai pe sau hanow en nanümnapah kown,” pakhai.4Now Samuel dow CHAKRAMANG tek pe iawng chang khai bowt. Bethlehem marow kowi aia kowting now nakowi kowh lawngtang aluchowuüa dow aia hown uang takrum khe kram kowh chürla kluk khai. Now amatni hawt lüntaah mih, “Saktuak thaulangma bow en uang?” pabüah khai.5Nakhowk khe Samuel klangah mih, “Ow, saktuak thaulangma ang uang mih chekhai. CHAKRAMANG vüi tawncher hown nachang phuchua kownkow ang uang mih chowtaih. Naiawng rakowi tachim tasai büah hanow ang hown nami pawi tawi sun büa diah,” pape khai. Naiawng ki tek pe now aia dow Jese hai achapauüa kowi chimsaiah khai, now nami pawi tawi sun kownkow hawla khai.6Akung kowi Jese kowh chapauüa uang ting mih khin khe Eliab kowi khita now Samuel ka tuak mih, “CHAKRAMANG nümnapah kown mih maru nami naown bowt,” pakhai.7Nachenganchepaw Samuel kowi CHAKRAMANG tek pe mih, “Apowm hai akro kowi hangkow mü diah. Tawngplawng kowchow panow aia dow ang ruiah mih maru nadowi. Ang dow lusa maru mü iawng ang mü dowi chekhai. Lusa maru dow apowm kowi mü reng. Nachenganchepaw ang dow sak kowi chekhai mü reng,” pakhai.8Nami kung kowi dow Jese mih achapa Abinadab kowi Samuel pur kowi kowpe kowiah khai. Nakhowk khe Samuel tek mih, “Mami paw CHAKRAMANG kloah mih maru nadowi,” pakhai.9Nami kung kowi dow achapa Samma kowi Samuel pur kowi Jese kowpe kowiah khai. Nakhowk khe paw Samuel tek mih, “Nami paw CHAKRAMANG kloah mih maru nadowi,” pakhai.10Naiawng hai Jese dow achapa ranit ia kowi Samuel pur iawng kowpe mangah khai. Nachenganchepaw Samuel tek pe mih, “Kowbüah dow lowk ia paw CHAKRAMANG kloah mih maru nadowi,” pakhai.11Nami kung kowi Samuel tek pe Jese mih, “Kowbüah klen kowi en kowh chapa uowi dowi bowt bow?” pakhai. Now Jese klangah mih, “Lang sawi nowm nowm mih David uowi lowk ia tak; aia dow cham thing ruapur khai,” pape khai. Nakhowk khe Samuel tek pe mih, “Aia kowi nauang hawla kownkow kowchin maru diah. Makowi aia uang ting dowi mowr a-i nacha nakham kown nadowi tak,” pakhai.12Naiawng rakowi Jese mih kowchin pe maru hanow achapa David kowi uang hawla khai. David kowh dow kow iungma, amik paw klangiungma, now apowm paw klangiungma chekhai. David uang ting hown krowksang CHAKRAMANG tek pe Samuel mih, “Rü now nami kowi nümnap bowt. Nami chowbowt ang ruiah mih maru,” pape khai.13Nakhowk khe Samuel mih sau towk müa nang pawah now ataimowuüa pur kowi David kowi nümnapah khai. Nami ni hownia CHAKRAMANG kowh lümla dow David luk kowi uang uowi khai bowt. Nami kung kowi dow Samuel mih Rama marow kowi plan khai bowt.14Nakhowk khe CHAKRAMANG kowh lümla dow Sawl kowi powtta khai bowt, now CHAKRAMANG uang chinah mih lümla ngak dow uangah hanow Sawl kowi lainowmma uang towkah ngare khai.15Nami khita hanow aia kowh naruüa tek pe Sawl mih, “Thurai uang chinah mih lümla ngak uangah now lainowmma uang towk en ngare khai.16Naiawng rakowi aw anging kowh chakramang, taraw tep akiakma mih maru kowi nakrawi cham en lowk ia kownkow pe anging ana diah. Thurai uang chinah mih lümla ngak uang towk en ngare mih khin khe aia dow pacham tep en taraw lah. Nahanow en naiung kown towbowt,” pakhai.17Nakhowk khe anaruüa kowi Sawl tek pe mih, “Naiawng now taraw tep akiakma mih maru kowi krawi cham büa diah, now aia kowi dow ang tut-e uang pawla büa diah,” pape khai.18Nakhowk khe anaruüa pungmadawng hownia lowk ia mih tek mih, “Bethlehem marow kowi Jese kowh chapa taraw tep akiakma mih ang tuk lowk ia. Aia dow sakkraingma mih siphai chekhai, now sangprowk laitek paw atukma. Nami klen kowi aia dow apowm paw klangiungma, now CHAKRAMANG paw aia tut-e tawi uowi chekhai,” pakhai.19Naiawng rakowi Sawl dow Jese tut-e kowchin maru hanow krawi tek pe mih, “En kowh chapa ruapur thing mih David kowi ang tut-e uang krawi chin ang diah,” pakhai.20Nami satang tata now Jese mih chak pik im kowi grep tui pa-im, rua chah papum hai kawm sangrumchow kawrngaramchük luk kowi krawi tang pe hanow achapa David kowi Sawl tut-e kowchinah khai.21Sawl tut-e kowting hanow David dow Sawl kowh lup mih uown chang pe khai bowt. Aia kowi dow lainowmma Sawl sakrauah khai, now aia dow Sawl kowh tasen müa rutchün khawkleng kawt mih chowng khai.22Akung kowi Sawl mih Jese tut-e kowchin pe maru hanow krawi tek pe mih, “David luk kowi lainowmma ang sak-ih chekhai. Naiawng rakowi sakrauma hown en chapa David kowi ang tut-e pe uowiah towbowt,” pakhai.23Now Thurai uang chinah mih lümla ngak Sawl luk kowi uang ting mih khin khe David dow tep pe taraw reng chekhai. Nahanow nami lümla ngak dow Sawl hownia powt reng chekhai, now Sawl dow kutplan iung reng chekhai.
The Seed Company