1 Samuel15
1Akat khe Sawl kowi Samuel tek pe mih, “CHAKRAMANG mih aia kowh maru Israeluüa luk kowi nape chowm en mang kownkow nanümnap en kown mih uang chin ang khai. Naiawng rakowi kawmat mih CHAKRAMANG kowh laiklow sünta diah.2Lang kri lang kraing mih CHAKRAMANG tek mih, ‘Aigupta pren hownia Israeluüa uang lawt mih khin khe Amalekuüa dow Israeluüa kowi hawt kingküaah khai. Naiawng rakowi Amalekuüa kowi dow ang naripah kown.3Kawmat mih Amalekuüa kowi kowsenah diah, now amatni kowh uowi mih srui piakta pe diah. Amatni kowi dow masiuüa hai kachakuüa, kham iawn reng tak mih ngeu-uüa, chia hai ruapur, ut hai kawrngaramchük ün saila pe bowk diah,’ pakhai,” pape khai.4Nami laiklow tata now Sawl dow maru kawmuüa kowi Telaim marow kowi kuaah now rüaah khai. Nakhowk khe Israel siphaiuüa dow 200,000 ia, now Juda krungchakuüa hownia kowh siphaiuüa dow 10,000 ia chekhai.5Now Sawl hai aia kowh siphaiuüa dow Amalekuüa kowh marow prakowi kowtarü khai bowt. Amatni dow Amalekuüa kowi nasenah kownkow marow re-e kowh lawngrawi kowi kowtapet khai.6Nakhowk khe Sawl mih Amalekuüa pungmadawng kowi kowh tawi uowi mih Kenuüa tut-e kowchin pe maru khai. Now aia krawi tek pe mih, “Aigupta pren hownia Israeluüa uang lawt khe enni dow kowbüah kowi hawt sanaah khai. Naiawng rakowi kawmat mih Amalekuüa hownia cham lang tahen büa diah; naiawng nadowi now Amalekuüa hown enni kowi paw ang napiakla enni kown chekhai,” pakhai. Naiawng rakowi Kenuüa dow Amalekuüa hownia cham lang tahen khai.7Nakhowk khe Sawl dow aia kowh siphaiuüa hown Havila marow hownia Sur marow mowr Amalekuüa kowi senah now nowng sumta khai. Sur marow dow Aigupta pren satlawt prakowi chekhai.8Aia dow Amalekuüa kowh mang Agag kowi asing khümah khai, now akeng miuüa kowi dow saila bowk chekhai.9Nachenganchepaw Sawl hai aia kowh siphaiuüa mih Amalekuüa kowh mang Agag kowi dow kowngta dowi chekhai, now chia hai ruapur paw kow iungma mih maten kowi dow kowngta dowi chekhai. Naiawngün kowi dow nakowngta büah kown mih nauta büah dowi. Tawkche kow ngakma hai arawngma mih chia hai ruapur maten dow saila büah bowk khai.10Nakhowk khe Samuel kowi CHAKRAMANG tek pe mih,11“Saul kowi ang pe chowmah mang mih ang kowh sak ngara chekhai. Tawngplawng kowchow panow aia dow ang hownia cham dang khai, now ang kowh ana pek chün dowi chekhai,” pakhai. Nami laiklow tata hanow Samuel dow Sawl luk kowi kunmarau khai, now aia dow uar prowt CHAKRAMANG tut-e awr kar khai.12Now Samuel dow auai rau murpa awr rü hanow Sawl hown kowtakrum kownkow tarü khai. Nakhowk khe Samuel kowi maru uang tek pe mih, “Saul mih aia nakala ringkawra kownkow Karmel hungh kowi kowchowk hua lowk khai. Nami kung kowi dow Sawl mih Gilgal marow kowi mang khai bowt,” pakhai.13Nakhowk khe Samuel mih Sawl tut-e kowkowi khai. Samuel kowi Sawl hawt tek pe mih, “CHAKRAMANG pacham pe en prasi lah. CHAKRAMANG kowh ana pek ang chün khowk,” pape khai.14Now Samuel tek pe mih, “Naiawng now tawngplawng kowchow ruapur plak klow ang param kowi uang tuk ting khai? Tawngplawng kowchow chia puk klow ang ta khai?” pakhai.15Sawl klangah mih, “Naiawngün dow Amalekuüa hownia kowh siphaiuüa uang pawla mih chowbowt. CHAKRAMANG en kowh Thurai vüi nachangla phuchua kownkow naiawngün kow iungma mih chia hai ruapur dow siphaiuüa towah mih chowbowt. Tawkche kow ngakma hai arawngma mih tawncher dow anging saila bowk khowk,” pape khai.16Nakhowk khe Sawl kowi Samuel tek pe mih, “Hauang tek ang tham bowt. Maiak kowh CHAKRAMANG tek ang mih phai sünta chaw,” pakhai. Sawl tek pe mih, “Sam tek madiah,” pape khai.17Samuel tek pe mih, “Akat khe dow en matia kowi achap sowmchow mih maru en tatuakla khai. Nachenganchepaw kawmat dow Israel krungchak maten kowi kowh aluchow nadowi bow en phaw? Israel pren kowi nape chowm en mang kownkow CHAKRAMANG dow nümnap en khai.18Aia dow nape chang en lup lowk kownkow cham chin en khai. Now aia tek en mih, ‘Kowkowiah now maru ngak Amalekuüa kowi kowsaita bowk dit. Amatni mih chum bowk dowi mowr kowsenah dit,’ pakhai.19Tawngplawng kowchow CHAKRAMANG kowh ana pek en chün dowi? Tawngplawng kowchow cham rupah mih uanh luk kowi en tuk lawpha khai? Tawngplawng kowchow CHAKRAMANG mik kowi angakma mih lup en tuk chang khai,” pakhai.20Nakhowk khe Sawl tek pe mih, “Nachenganchepaw CHAKRAMANG kowh ana pek ang chün khowk dow. CHAKRAMANG kowpe chang ang mih lup ang changla khowk dow. Amalekuüa kowi ang saila bowk khowk, now amatni kowh mang Agag kowi paw ang uang khümla khowk chekhai.21Tawkche napiakta kownkow khowmta bowkta mih uanh hownia aiuk akauma mih tawncher dow siphaiuüa uang pawla khai ne. Naiawngün dow Gilgal marow kowi CHAKRAMANG en kowh Thurai vüi naia changla phuchua kownkow siphaiuüa uang pawla mih chekhai,” pape khai.22Nakhowk khe Samuel tek pe mih,
“Aia kowh ana pek chün hanow CHAKRAMANG dow lainowmma awmrawm chekhai,tikah mih uanap hai tawncher hown kowh phuchua dow naiawng khowt aia awmrawm dowi.Tawncher phuchua lak-e aia ana pek chün mih lang iung,ruapur sau lak-e aia kowh lai chün mih lang iung chekhai.23CHAKRAMANG kowi kingküa mih dow mü hawra mih angak hown katsang chekhai,now chang bawri mih dow chup arup mih angak hown katsang chekhai.En dow CHAKRAMANG kowh ana pek en nuata khai.Naiawng rakowi aia paw en kowh mangra hownia nuata en khai bowt,” pakhai.24Nakhowk khe Sawl tek pe mih, “Ang changta angak khai. CHAKRAMANG kowh ana pek hai en kowh ana pek ang üata khai. Naiawngün lup dow maru kawmuüa kowi ang kram kowh amatni tek iawng ang changta khai.25Nachenganchepaw kawmat dow sakrauma hown ang kowh angak lawtta ang diah. Now CHAKRAMANG kowi ang naia chupiiala kownkow ang hown tawi diah,” pape khai.26Nakhowk khe Samuel tek pe mih, “En hown ang natawi kown nadowi. CHAKRAMANG kowh ana pek en nuata khai rakowi CHAKRAMANG paw Israeluüa luk kowi kowh en kowh mangra mih nuata en khai bowt,” pakhai.27Naiawng ki tekla now Samuel dow napowtta kownkow kung prakowi taplan khai. Nakhowk khe Sawl mih Samuel kowh kowrmow kowi krawi dowkah now krawi küngah khai, nahanow Samuel kowh kowrmow dow tathek khai.28Nakhowk khe Samuel tek pe mih, “Ani mih CHAKRAMANG dow Israeluüa kowh pren paw maiawng rupta en khai bowt. En kowh mangra dow en lak-e kowh iung mih en prenchak maru lowk ia kowi aia peta khai bowt.29Israeluüa kowh kri kraingra dow CHAKRAMANG chekhai. Aia dow katpaw tek dai lai dowi, now saktuak paw katpaw taklowi dowi chekhai. Aia dow lusa maru nadowi. Naiawng rakowi aia kowh saktuak dow katpaw nataklowi kown nadowi,” pakhai.30Now Sawl tek pe mih, “Ang changta angak khai. Nachenganchepaw sakrauma hown ang kowh chenchap lawngtang aluchowuüa hai Israeluüa pur kowi ang kowh ringkawra town ang diah. CHAKRAMANG en kowh Thurai kowi ang naia chupla kownkow ang hown tawi diah,” pape khai.31Naiawng rakowi Samuel dow Sawl hown kowtawi khai, now Sawl mih CHAKRAMANG kowi chupiiaah khai.32Akung kowi Samuel tek mih, “Amalekuüa kowh mang Agag kowi ang tut-e uang pawla madiah,” pakhai. Nami laiklow tata now Agag dow awmrawmma hown talek lawlaw se Samuel tut-e uang haimang khai. Nakhowk khe aia dow khalat kowng mih chowbowt padow ka tuak khai.33Nachenganchepaw Samuel tek pe mih, “En kowh saidawng mih maru akawmma kowi krawi saita khai. Masiuüa akawmma kowi chauüa khawma en changah khai. Nami powm iawng en u paw chauüa khawma nauowi kown,” pakhai. Nami laiklow ki tek pe hanow Samuel mih Gilgal marow kowi CHAKRAMANG pur kowi mang Agag kowi dungta naknak khai.34Nami kung kowi Samuel dow aia uowi rah Rama marow kowi uang plan khai, now Sawl paw aia uowi rah Gibeah marow kowi kowplan khai bowt.35Nami kung kowi dow Samuel mih aia sing uowi mowr Sawl hown katpaw kowtakrum dowi bowt chekhai. Nachenganchepaw Samuel dow Sawl rakowi lainowmma sak piak khai. Now CHAKRAMANG dow Israeluüa luk kowi Sawl kowi pe chowmah mang mih rakowi sak nga khai.
“Aia kowh ana pek chün hanow CHAKRAMANG dow lainowmma awmrawm chekhai,tikah mih uanap hai tawncher hown kowh phuchua dow naiawng khowt aia awmrawm dowi.Tawncher phuchua lak-e aia ana pek chün mih lang iung,ruapur sau lak-e aia kowh lai chün mih lang iung chekhai.23CHAKRAMANG kowi kingküa mih dow mü hawra mih angak hown katsang chekhai,now chang bawri mih dow chup arup mih angak hown katsang chekhai.En dow CHAKRAMANG kowh ana pek en nuata khai.Naiawng rakowi aia paw en kowh mangra hownia nuata en khai bowt,” pakhai.24Nakhowk khe Sawl tek pe mih, “Ang changta angak khai. CHAKRAMANG kowh ana pek hai en kowh ana pek ang üata khai. Naiawngün lup dow maru kawmuüa kowi ang kram kowh amatni tek iawng ang changta khai.25Nachenganchepaw kawmat dow sakrauma hown ang kowh angak lawtta ang diah. Now CHAKRAMANG kowi ang naia chupiiala kownkow ang hown tawi diah,” pape khai.26Nakhowk khe Samuel tek pe mih, “En hown ang natawi kown nadowi. CHAKRAMANG kowh ana pek en nuata khai rakowi CHAKRAMANG paw Israeluüa luk kowi kowh en kowh mangra mih nuata en khai bowt,” pakhai.27Naiawng ki tekla now Samuel dow napowtta kownkow kung prakowi taplan khai. Nakhowk khe Sawl mih Samuel kowh kowrmow kowi krawi dowkah now krawi küngah khai, nahanow Samuel kowh kowrmow dow tathek khai.28Nakhowk khe Samuel tek pe mih, “Ani mih CHAKRAMANG dow Israeluüa kowh pren paw maiawng rupta en khai bowt. En kowh mangra dow en lak-e kowh iung mih en prenchak maru lowk ia kowi aia peta khai bowt.29Israeluüa kowh kri kraingra dow CHAKRAMANG chekhai. Aia dow katpaw tek dai lai dowi, now saktuak paw katpaw taklowi dowi chekhai. Aia dow lusa maru nadowi. Naiawng rakowi aia kowh saktuak dow katpaw nataklowi kown nadowi,” pakhai.30Now Sawl tek pe mih, “Ang changta angak khai. Nachenganchepaw sakrauma hown ang kowh chenchap lawngtang aluchowuüa hai Israeluüa pur kowi ang kowh ringkawra town ang diah. CHAKRAMANG en kowh Thurai kowi ang naia chupla kownkow ang hown tawi diah,” pape khai.31Naiawng rakowi Samuel dow Sawl hown kowtawi khai, now Sawl mih CHAKRAMANG kowi chupiiaah khai.32Akung kowi Samuel tek mih, “Amalekuüa kowh mang Agag kowi ang tut-e uang pawla madiah,” pakhai. Nami laiklow tata now Agag dow awmrawmma hown talek lawlaw se Samuel tut-e uang haimang khai. Nakhowk khe aia dow khalat kowng mih chowbowt padow ka tuak khai.33Nachenganchepaw Samuel tek pe mih, “En kowh saidawng mih maru akawmma kowi krawi saita khai. Masiuüa akawmma kowi chauüa khawma en changah khai. Nami powm iawng en u paw chauüa khawma nauowi kown,” pakhai. Nami laiklow ki tek pe hanow Samuel mih Gilgal marow kowi CHAKRAMANG pur kowi mang Agag kowi dungta naknak khai.34Nami kung kowi Samuel dow aia uowi rah Rama marow kowi uang plan khai, now Sawl paw aia uowi rah Gibeah marow kowi kowplan khai bowt.35Nami kung kowi dow Samuel mih aia sing uowi mowr Sawl hown katpaw kowtakrum dowi bowt chekhai. Nachenganchepaw Samuel dow Sawl rakowi lainowmma sak piak khai. Now CHAKRAMANG dow Israeluüa luk kowi Sawl kowi pe chowmah mang mih rakowi sak nga khai.
The Seed Company