1 Samuel14
1Akat khe Sawl kowh chapa Jonathan mih aia kowh tasen müa rutchün khawkleng kawt mih klanguüa kowi tek pe mih, “Chu, paipra pown kowi kowh Filistinuüa tangbung khup rah kowi achi kowkowi madiah sik,” pakhai. Nachenganchepaw nami laiklow mih a-pa kowi aia tekla pe dowi chekhai.2Nami khin khe Sawl uowi mih dow Gibeah süng kowi kowh Mikrawn pami arah kowi dalim singh krüa kowi chekhai. Nakhowk khe aia hown siphaiuüa tawi uowi mih dow 600 ia chekhai.3Now amatni pungmadawng kowi Ahija paw tawi uowi khai. Ahija dow ephawd kowrmow khupma chekhai. Aia dow Ahitub kowh chapa, now Ahitub dow Ikabawd kowh tainau chekhai. Ikabawd dow Finehas kowh chapa, now Finehas dow Eli kowh chapa chekhai. Eli dow Silo marow kowi kowh CHAKRAMANG kowh uamow chekhai. Jonathan cham lawt mih dow miapaw tuk dowi chekhai.4Filistinuüa tangbung khup rah pra kowh Jonathan kowtek kowiah mih tiama dow thiabang takra iawng chekhai. Nami tiama dow mapra hai paipra thiabang kangowh chekhai. Mapra kowh thiabang ming dow Bozez, now paipra kowh thiabang ming dow Sene chekhai.5Mapra kowh thiabang dow tawngphak pra Mikmas marow pur kowi chekhai, now paipra kowh thiabang dow mrawkphak pra Geba marow pur kowi chekhai.6Now aia kowh tasen müa rutchün khawkleng kawt mih klanguüa kowi Jonathan tek pe mih, “Chu, paipra pown kowi kowh tuk Thurai dowi mih maru-uüa kowh tangbung khup rah kowi achi kowkowi lah. Kowbüah dow hiah khampha uanpik dowi mih chenchap chekhai. CHAKRAMANG pe awng achi tarawng. Tawngplawng kowchow panow aia dow aia nau now achi pre iachow taih chepaw nowng pe awng achi chekhai,” pakhai.7Nakhowk khe nami klanguüa klangah mih, “En sak kowi uowi iawng chang taih. En tek iawng ang chang sow,” pape khai.8Jonathan tek pe mih, “Naiawng now mang madiah. Paipra pown kowi achi kowkowi now kowbüah tut-e achi kowsam tatüng madiah sik.9Kowbüah che, ‘Iowng iüah, enchi tut-e anging uang sow,’ pahai tek achi khai hanow nami re-e achi naiowng kown towbowt; amatni tut-e achi kowpün dowi bowt tak.10Nachenganchepaw amatni che, ‘Anging re-e uang awr mang iüa diah,’ pahai tek achi khai hanow amatni tut-e achi nakowpün kown. Naiawng che phaw khai hanow nami dow achi rut kowi amatni kowi CHAKRAMANG apta mih chowbowt pami amatra naown kown,” pakhai.11Naiawng hai amatchi dow Filistinuüa khi bowk iawng hungh tut re-e kowiowng iüah khai. Nakhowk khe Filistin siphaiuüa hawt tatek mih, “Pai iow sam mü madiah, puk lak kowi kowh cham tapet mih Hebraiuüa uang lawt khowk,” pakhai.12Jonathan hai aia kowh tasen müa rutchün khawkleng kawt mih klanguüa kowi Filistin siphaiuüa tek pe mih, “Uang awr pün iüa diah, anging tüng enchi kown mih uowi pachap,” pakhai.
Nakhowk khe aia kowh tasen müa rutchün khawkleng kawt mih klanguüa kowi Jonathan tek pe mih, “Ang kung kowi uang krawi pün ba. Kowbüah kowi mih Israeluüa rut kowi CHAKRAMANG apta mih chowbowt,” pakhai.13Now Jonathan dow aia kowh pre rut pre khawk hown thiabang luk kowi awr pün khai bowt. Now aia kowh tasen müa rutchün khawkleng kawt mih klanguüa paw aia kung kowi awr tawi pün khai. Jonathan dow aia pur kowi kowh Filistinuüa kowi sai chamang krawi saiah khai, now aia kowh tasen müa rutchün khawkleng kawt mih klanguüa paw kung hownia kowh uang krawi sen mih Filistinuüa kowi sai chamang saiah khai.14Jonathan hai aia kowh tasen müa rutchün khawkleng kawt mih klanguüa iüah kowsenah khe kowh aklowk rawngchow mih laih kowi Filistinuüa kowng mih dow 20 ia ngia chekhai.15Tangbung khup rah kowi kowh siphaiuüa, kangchawng rah kowi kowh siphaiuüa hai tasenra kowi kowh uowi mih siphaiuüa maten luk kowi dow amaisang takrow takraira uang ting khai. Nami klen kowi nami khin khe lihowng paw tawi uang khai. Naiawngün takrow takraira dow Thurai hownia kowh uang pe tingah mih chekhai.16Now Benjaminuüa süng kowi kowh Gibeah marow kowi uowi mih Sawl kowh siphaiuüa dow Filistin siphaiuüa cham taset plawt mih khita khai.17Nami khin khe aia hown kowh tawi uowi mih siphaiuüa kowi Sawl tek pe mih, “Siphaiuüa kowi kuaah hanow sam müah madiah. Amia chow a-i pungmadawng hownia cham lawt mih uowi?” pakhai. Naiawng hai amatni dow takua talawm hanow Jonathan hai aia kowh tasen müa rutchün khawkleng kawt mih siphai uowi dowi mih dow tuk büah khai.18Nakhowk khe Ahija kowi Sawl tek pe mih, “Thurai kowh sangbowk laitawm tawkpla kowpaw madiah,” pakhai. (Nami khin khe sangbowk laitawm tawkpla uowi mih dow Israeluüa tut-e chekhai).19Now Sawl mih uamow hown taklang mih khin khe Filistinuüa kowh tangbung khup rah kowi takhowk taran klow uang hu ngamlam khai. Naiawng rakowi Sawl plan tek pe uamow iawk mih, “Kowpaw lakke dowi bowt,” pakhai.20Nami kung kowi Sawl hai aia kowh siphaiuüa dow Filistinuüa kowi kowsenah kownkow kowtarü khai. Nakhowk khe amatni dow Filistinuüa amatni lala tatu tasawtla prung mih kowkhi büah khai.21Nami dowi rawn khe kowh Filistin tut-e tawi tabawng mih Hebraiuüa dow uang plan hanow Sawl hai Jonathan iüah pachowh hown kowh Israeluüa hown uang tawi tabawng khai.22Now Efraim hungma mawngma süng kowi kowh tapet mih Israeluüa paw Filistinuüa powt mih satang tata now uang lawt khai. Now amatni paw amatni Israeluüa hown uang tawi tabawng hanow Filistinuüa kowi uang tawi senah büah khai.23Amatni dow Bet-Aven marow klen kowi pat krawi senla khai. Naiawng hai CHAKRAMANG dow nami ni khe Filistinuüa rut hownia Israeluüa kowi lawngah khai.24Naiawng tasen büah mih ni khe Israeluüa dow lainowmma bowm khai. Tawngplawng kowchow panow sat kup dowi mowr, ransu-uüa kowi nowngta dowi mowr tawng chap paw nacha nakham dowi kownkow amatni kowi Sawl pe takhamah khai. Nami dowi rawn cha chakkham mih maru luk kowi dow piati pacham kla lah pami Sawl pe takhamah sawi khai. Naiawng rakowi nami ni dow miapaw cha dowi kham dowi chekhai.25Akung kowi amatni dow singh rüm kauche dawng kowi kowkup bowk khai. Nakhowk khe amatni dow nakowi kowkhi kuaiba büah sangrum khai.26Naiawngün kuaiba hownia kuai tui iu iat daplap mih khi büah khai. Nachenganchepaw napiakta sawi kham kown mih kram büah rakowi miapaw uam cha kuai tui dowi chekhai.27Tawkchedow maru kawmuüa kowi naiawng a-pa pe khamah sawi mih Jonathan tawi tuk dowi chekhai. Naiawng rakowi aia dow aia kowh raitua chem hown nami kuaiba kowi awr sawtah khai, now nami kuaiba dow aia awr pawah hanow cha kuai tui khai. Nahanow aia kowh dow kür uang ting khai.28Nakhowk khe siphai lowk ia tek pe Jonathan mih, “Siphaiuüa kowi maiawng akhawtma en pa pe khamah sawi khai. En pa tek mih, ‘Ani kowh cha chakkham mih luk kowi dow piati pacham kla lah,’ pakhai. Maru kawmuüa naiawng khowt bowm mih dow naiawng rakowi chekhai,” pape khai.29Nakhowk khe Jonathan klangah mih, “Apa dow maru kawmuüa kowi towkah ngare mih chekhai. Mü madiah, mami kuai tui ang chata ditchow pache ang plan ka kür khai.30Ransu-uüa hownia kowh kaah mih chakkham che ani maru kawmuüa cha panü dow mün khowt chow iung kown, now Filistinuüa paw nakowng küng tak diah,” pakhai.31Nami ni khe Israeluüa mih Mikmas marow hownia Aijalawn marow mowr Filistinuüa kowi krawi senah khai. Naiawng rakowi Israeluüa mih lainowmma bowm khai bowt.32Amatni dow sat kup hown krowksang ransu-uüa hownia kowh kaah mih chia, chia chah hai ruapur ün krawi ngen büah hanow avi hailawm chata büah khai.33Nakhowk khe amatni pungmadawng hownia maru pre sum ia dow nami satang Sawl kowi kowphowng pe khai. Sawl kowi kowtek pe büah mih, “Mü madiah, kowbüah bowkbowk dow avi hailawm cha chaknga hanow CHAKRAMANG kowi kingküala mih lup ngak chang büah khai,” pakhai.
Nakhowk khe Sawl tek pe mih, “CHAKRAMANG kowh ana pek enni chün dowi chekhai. Kawmat huaklu aiukma mih alenma uang lünla now mami re-e uang pawla büah lowk diah,” pape khai.34Nami kung kowi Sawl plan tek pe iawk mih, “Maru kawmuüa tut-e kowkowiah now kowtek pe büa diah. Amatni kowh chia, chia chah hai ruapur mih makowi uang pawla now mami huaklu luk kowi pacham ngenah lah, now nami kung kowi phai pacham cha büa lah. Avi hailawm chata chaknga kowh mia iawng mih maru paw CHAKRAMANG kowi kingküala mih angak hang pacham chang lah,” pape khai.
Naiawng rakowi nami iak khe maru kawmuüa dow chowlowkkow kaah mih tawncher uang pawla now nami huaklu luk kowi uang ngenah büah khai.35Now nakowi dow Sawl mih CHAKRAMANG vüi kowi thawp phuchuara lowk khai. Nami dow CHAKRAMANG vüi kowi kowh aia rik thawpah mih phuchuara chekhai.36Nami kung kowi Sawl tek mih, “Chu, Filistinuüa kowi uar prowt a-i krawi senah lah, now uar thowi dowi mowr amatni kowi a-i krawi saiah lah. Now amatni kowh uanh maten a-i krawi pawta pe bowk lah,” pakhai.
Nakhowk khe maru kawmuüa klangah mih, “En tut-e iung iawng chang diah,” pape khai.
Nachenganchepaw uamow tek pe mih, “Chu diah, Thurai tut-e a-i rik lüntaah diah sik,” pakhai.37Nakhowk khe Thurai kowi Sawl lüntaah mih, “Filistinuüa kowi ang krawi sen kown bow? Amatni kowi dow Israeluüa rut kowi en naap-ah kown bow?” pakhai. Nachenganchepaw nami ni dow aia kowi mih Thurai klangah dowi chekhai.38Naiawng rakowi Sawl tek mih, “Siphai aluchowuüa low, mami re-e uang büa diah. Ani kowh angak tawng iawng chow phaw mih a-i sam chetah madiah sik.39Israeluüa kowh lawng miia masing CHAKRAMANG ming hown ang takham khowk. Mami angak chang mih che ang kowh chapa Jonathan chekhai chepaw aia dow nakowng ngengche kown takla,” pakhai. Nachenganchepaw maru kawmuüa dow rarimma uowi khai.40Nakhowk khe Israeluüa maten kowi Sawl tek pe mih, “Enni bowkbowk paipra kowi iowng büa diah, now ang hai ang chapa Jonathan mih mapra kowi angching naiowng kown,” pakhai.
Now maru kawmuüa klangah mih, “En tut-e iung iawng chang diah,” pape khai.41Nakhowk khe Sawl chup Thurai mih, “Aw CHAKRAMANG Israeluüa kowh Thurai, sakrauma hown mia chow chang ngak mih hai mia chow chang ngak dowi mih uang tüng anging diah. Ang hai Jonathan che changta angak khai hanow Urim pami hua pacham tatüng lah, now Israeluüa che changta angak hanow Thumim pami hua pacham tatüng lah,” pakhai. Nami kung kowi Urim hua uang tatüng hanow Sawl hai Jonathan iüah pachowh kowi dowkah khai, now akeng miuüa dow khalat khai.42Nami kung kowi Sawl plan tek mih, “Ang hai ang chapa Jonathan angching kowi kuak angching plang madiah,” pakhai. Now nakhe kowh plang cha mih dow Jonathan ming kowi chekhai.43Nakhowk khe Sawl tek pe Jonathan mih, “Tawng chow en changta mih tek ang madiah?” pakhai.
Now Jonathan tek pe a-pa mih, “Ang kowh raitua chem hown ang awr sawt kuaiba now ang chata kuai tui khai ditchow. Naiawng rakowi ang nakowng kown takla khai bow?” pape khai.44Now Sawl tek pe mih, “Ow Jonathan, en nakowng ngengche kown takla. En che kowng dowi now Thurai mih pacham kowngta ang ngengche lah,” pakhai.45Nachenganchepaw Sawl kowi maru kawmuüa tek pe mih, “Tawngplawng kowchow Jonathan nakowng kown? Ani kowh Israeluüa ka lawngra mih Jonathan rakowi nadowi bow? Masing CHAKRAMANG ming hown anging takham khowk, mapaw Jonathan nakowng kown nadowi; aia kowh sam paiangchow khowm padow krawng kowi nadowh kown nadowi. Tawngplawng kowchow panow ani kowh aia changah mih maten dow Thurai tawi uowila kowh aia chang mih chekhai,” pabüah khai. Naiawng hai maru kawmuüa dow Jonathan kowi lawngah khai, now Jonathan kowi dow kowngta dowi chekhai.46Nami kung kowi dow Sawl mih Filistinuüa kowi krawi senah dowi bowt, now Filistinuüa paw amatni pren prakowi plan khai bowt.47Sawl dow Israeluüa luk kowi uown chowm mang kung kowi amatni kowh pren riaret kowi kowh ransu-uüa maten hown krawi tasenla khai. Naiawng aia krawi senah mih ransu-uüa dow Moabuüa, Amawnuüa, Edawmuüa, Zoba marow manguüa hai Filistinuüa chekhai. Nakhowk khe aia cham krawi senah mih ransu-uüa maten kowi aia nowngta reng chekhai.48Aia dow tasen akiakma mih iawng Amalekuüa kowi senah now nowngta khai. Now amatni kowh ransu-uüa maten hownia Israeluüa kowi lawngah khai.49Sawl kowh dow Jonathan, Isboset hai Malkisua pami chapa uowi sum ia, now chama paw uowi pre ia chekhai. Achama ta ming dow Merab, now achama sawi ming dow Mikal chekhai.50Now aia kowh masi ming dow Ahinoam chekhai. Ahinoam dow Ahimaz kowh chama chekhai. Now Sawl kowh siphai aluchowuüa kowh lang kri mih ming dow Abner chekhai. Abner dow Sawl kowh pahi Ner kowh chapa chekhai.51Sawl kowh pa Kis hai Abner kowh pa Ner iüah dow Abiel kowh chapa chekhai.52Aia chowm mang mih khin khe Sawl dow Filistinuüa hown lainowmma tasenla khai. Nami khin khe akürma mih maru hai sakkraingma mih maru kowi khi hanow Sawl mih aia kowh siphai changla khai.
Nakhowk khe aia kowh tasen müa rutchün khawkleng kawt mih klanguüa kowi Jonathan tek pe mih, “Ang kung kowi uang krawi pün ba. Kowbüah kowi mih Israeluüa rut kowi CHAKRAMANG apta mih chowbowt,” pakhai.13Now Jonathan dow aia kowh pre rut pre khawk hown thiabang luk kowi awr pün khai bowt. Now aia kowh tasen müa rutchün khawkleng kawt mih klanguüa paw aia kung kowi awr tawi pün khai. Jonathan dow aia pur kowi kowh Filistinuüa kowi sai chamang krawi saiah khai, now aia kowh tasen müa rutchün khawkleng kawt mih klanguüa paw kung hownia kowh uang krawi sen mih Filistinuüa kowi sai chamang saiah khai.14Jonathan hai aia kowh tasen müa rutchün khawkleng kawt mih klanguüa iüah kowsenah khe kowh aklowk rawngchow mih laih kowi Filistinuüa kowng mih dow 20 ia ngia chekhai.15Tangbung khup rah kowi kowh siphaiuüa, kangchawng rah kowi kowh siphaiuüa hai tasenra kowi kowh uowi mih siphaiuüa maten luk kowi dow amaisang takrow takraira uang ting khai. Nami klen kowi nami khin khe lihowng paw tawi uang khai. Naiawngün takrow takraira dow Thurai hownia kowh uang pe tingah mih chekhai.16Now Benjaminuüa süng kowi kowh Gibeah marow kowi uowi mih Sawl kowh siphaiuüa dow Filistin siphaiuüa cham taset plawt mih khita khai.17Nami khin khe aia hown kowh tawi uowi mih siphaiuüa kowi Sawl tek pe mih, “Siphaiuüa kowi kuaah hanow sam müah madiah. Amia chow a-i pungmadawng hownia cham lawt mih uowi?” pakhai. Naiawng hai amatni dow takua talawm hanow Jonathan hai aia kowh tasen müa rutchün khawkleng kawt mih siphai uowi dowi mih dow tuk büah khai.18Nakhowk khe Ahija kowi Sawl tek pe mih, “Thurai kowh sangbowk laitawm tawkpla kowpaw madiah,” pakhai. (Nami khin khe sangbowk laitawm tawkpla uowi mih dow Israeluüa tut-e chekhai).19Now Sawl mih uamow hown taklang mih khin khe Filistinuüa kowh tangbung khup rah kowi takhowk taran klow uang hu ngamlam khai. Naiawng rakowi Sawl plan tek pe uamow iawk mih, “Kowpaw lakke dowi bowt,” pakhai.20Nami kung kowi Sawl hai aia kowh siphaiuüa dow Filistinuüa kowi kowsenah kownkow kowtarü khai. Nakhowk khe amatni dow Filistinuüa amatni lala tatu tasawtla prung mih kowkhi büah khai.21Nami dowi rawn khe kowh Filistin tut-e tawi tabawng mih Hebraiuüa dow uang plan hanow Sawl hai Jonathan iüah pachowh hown kowh Israeluüa hown uang tawi tabawng khai.22Now Efraim hungma mawngma süng kowi kowh tapet mih Israeluüa paw Filistinuüa powt mih satang tata now uang lawt khai. Now amatni paw amatni Israeluüa hown uang tawi tabawng hanow Filistinuüa kowi uang tawi senah büah khai.23Amatni dow Bet-Aven marow klen kowi pat krawi senla khai. Naiawng hai CHAKRAMANG dow nami ni khe Filistinuüa rut hownia Israeluüa kowi lawngah khai.24Naiawng tasen büah mih ni khe Israeluüa dow lainowmma bowm khai. Tawngplawng kowchow panow sat kup dowi mowr, ransu-uüa kowi nowngta dowi mowr tawng chap paw nacha nakham dowi kownkow amatni kowi Sawl pe takhamah khai. Nami dowi rawn cha chakkham mih maru luk kowi dow piati pacham kla lah pami Sawl pe takhamah sawi khai. Naiawng rakowi nami ni dow miapaw cha dowi kham dowi chekhai.25Akung kowi amatni dow singh rüm kauche dawng kowi kowkup bowk khai. Nakhowk khe amatni dow nakowi kowkhi kuaiba büah sangrum khai.26Naiawngün kuaiba hownia kuai tui iu iat daplap mih khi büah khai. Nachenganchepaw napiakta sawi kham kown mih kram büah rakowi miapaw uam cha kuai tui dowi chekhai.27Tawkchedow maru kawmuüa kowi naiawng a-pa pe khamah sawi mih Jonathan tawi tuk dowi chekhai. Naiawng rakowi aia dow aia kowh raitua chem hown nami kuaiba kowi awr sawtah khai, now nami kuaiba dow aia awr pawah hanow cha kuai tui khai. Nahanow aia kowh dow kür uang ting khai.28Nakhowk khe siphai lowk ia tek pe Jonathan mih, “Siphaiuüa kowi maiawng akhawtma en pa pe khamah sawi khai. En pa tek mih, ‘Ani kowh cha chakkham mih luk kowi dow piati pacham kla lah,’ pakhai. Maru kawmuüa naiawng khowt bowm mih dow naiawng rakowi chekhai,” pape khai.29Nakhowk khe Jonathan klangah mih, “Apa dow maru kawmuüa kowi towkah ngare mih chekhai. Mü madiah, mami kuai tui ang chata ditchow pache ang plan ka kür khai.30Ransu-uüa hownia kowh kaah mih chakkham che ani maru kawmuüa cha panü dow mün khowt chow iung kown, now Filistinuüa paw nakowng küng tak diah,” pakhai.31Nami ni khe Israeluüa mih Mikmas marow hownia Aijalawn marow mowr Filistinuüa kowi krawi senah khai. Naiawng rakowi Israeluüa mih lainowmma bowm khai bowt.32Amatni dow sat kup hown krowksang ransu-uüa hownia kowh kaah mih chia, chia chah hai ruapur ün krawi ngen büah hanow avi hailawm chata büah khai.33Nakhowk khe amatni pungmadawng hownia maru pre sum ia dow nami satang Sawl kowi kowphowng pe khai. Sawl kowi kowtek pe büah mih, “Mü madiah, kowbüah bowkbowk dow avi hailawm cha chaknga hanow CHAKRAMANG kowi kingküala mih lup ngak chang büah khai,” pakhai.
Nakhowk khe Sawl tek pe mih, “CHAKRAMANG kowh ana pek enni chün dowi chekhai. Kawmat huaklu aiukma mih alenma uang lünla now mami re-e uang pawla büah lowk diah,” pape khai.34Nami kung kowi Sawl plan tek pe iawk mih, “Maru kawmuüa tut-e kowkowiah now kowtek pe büa diah. Amatni kowh chia, chia chah hai ruapur mih makowi uang pawla now mami huaklu luk kowi pacham ngenah lah, now nami kung kowi phai pacham cha büa lah. Avi hailawm chata chaknga kowh mia iawng mih maru paw CHAKRAMANG kowi kingküala mih angak hang pacham chang lah,” pape khai.
Naiawng rakowi nami iak khe maru kawmuüa dow chowlowkkow kaah mih tawncher uang pawla now nami huaklu luk kowi uang ngenah büah khai.35Now nakowi dow Sawl mih CHAKRAMANG vüi kowi thawp phuchuara lowk khai. Nami dow CHAKRAMANG vüi kowi kowh aia rik thawpah mih phuchuara chekhai.36Nami kung kowi Sawl tek mih, “Chu, Filistinuüa kowi uar prowt a-i krawi senah lah, now uar thowi dowi mowr amatni kowi a-i krawi saiah lah. Now amatni kowh uanh maten a-i krawi pawta pe bowk lah,” pakhai.
Nakhowk khe maru kawmuüa klangah mih, “En tut-e iung iawng chang diah,” pape khai.
Nachenganchepaw uamow tek pe mih, “Chu diah, Thurai tut-e a-i rik lüntaah diah sik,” pakhai.37Nakhowk khe Thurai kowi Sawl lüntaah mih, “Filistinuüa kowi ang krawi sen kown bow? Amatni kowi dow Israeluüa rut kowi en naap-ah kown bow?” pakhai. Nachenganchepaw nami ni dow aia kowi mih Thurai klangah dowi chekhai.38Naiawng rakowi Sawl tek mih, “Siphai aluchowuüa low, mami re-e uang büa diah. Ani kowh angak tawng iawng chow phaw mih a-i sam chetah madiah sik.39Israeluüa kowh lawng miia masing CHAKRAMANG ming hown ang takham khowk. Mami angak chang mih che ang kowh chapa Jonathan chekhai chepaw aia dow nakowng ngengche kown takla,” pakhai. Nachenganchepaw maru kawmuüa dow rarimma uowi khai.40Nakhowk khe Israeluüa maten kowi Sawl tek pe mih, “Enni bowkbowk paipra kowi iowng büa diah, now ang hai ang chapa Jonathan mih mapra kowi angching naiowng kown,” pakhai.
Now maru kawmuüa klangah mih, “En tut-e iung iawng chang diah,” pape khai.41Nakhowk khe Sawl chup Thurai mih, “Aw CHAKRAMANG Israeluüa kowh Thurai, sakrauma hown mia chow chang ngak mih hai mia chow chang ngak dowi mih uang tüng anging diah. Ang hai Jonathan che changta angak khai hanow Urim pami hua pacham tatüng lah, now Israeluüa che changta angak hanow Thumim pami hua pacham tatüng lah,” pakhai. Nami kung kowi Urim hua uang tatüng hanow Sawl hai Jonathan iüah pachowh kowi dowkah khai, now akeng miuüa dow khalat khai.42Nami kung kowi Sawl plan tek mih, “Ang hai ang chapa Jonathan angching kowi kuak angching plang madiah,” pakhai. Now nakhe kowh plang cha mih dow Jonathan ming kowi chekhai.43Nakhowk khe Sawl tek pe Jonathan mih, “Tawng chow en changta mih tek ang madiah?” pakhai.
Now Jonathan tek pe a-pa mih, “Ang kowh raitua chem hown ang awr sawt kuaiba now ang chata kuai tui khai ditchow. Naiawng rakowi ang nakowng kown takla khai bow?” pape khai.44Now Sawl tek pe mih, “Ow Jonathan, en nakowng ngengche kown takla. En che kowng dowi now Thurai mih pacham kowngta ang ngengche lah,” pakhai.45Nachenganchepaw Sawl kowi maru kawmuüa tek pe mih, “Tawngplawng kowchow Jonathan nakowng kown? Ani kowh Israeluüa ka lawngra mih Jonathan rakowi nadowi bow? Masing CHAKRAMANG ming hown anging takham khowk, mapaw Jonathan nakowng kown nadowi; aia kowh sam paiangchow khowm padow krawng kowi nadowh kown nadowi. Tawngplawng kowchow panow ani kowh aia changah mih maten dow Thurai tawi uowila kowh aia chang mih chekhai,” pabüah khai. Naiawng hai maru kawmuüa dow Jonathan kowi lawngah khai, now Jonathan kowi dow kowngta dowi chekhai.46Nami kung kowi dow Sawl mih Filistinuüa kowi krawi senah dowi bowt, now Filistinuüa paw amatni pren prakowi plan khai bowt.47Sawl dow Israeluüa luk kowi uown chowm mang kung kowi amatni kowh pren riaret kowi kowh ransu-uüa maten hown krawi tasenla khai. Naiawng aia krawi senah mih ransu-uüa dow Moabuüa, Amawnuüa, Edawmuüa, Zoba marow manguüa hai Filistinuüa chekhai. Nakhowk khe aia cham krawi senah mih ransu-uüa maten kowi aia nowngta reng chekhai.48Aia dow tasen akiakma mih iawng Amalekuüa kowi senah now nowngta khai. Now amatni kowh ransu-uüa maten hownia Israeluüa kowi lawngah khai.49Sawl kowh dow Jonathan, Isboset hai Malkisua pami chapa uowi sum ia, now chama paw uowi pre ia chekhai. Achama ta ming dow Merab, now achama sawi ming dow Mikal chekhai.50Now aia kowh masi ming dow Ahinoam chekhai. Ahinoam dow Ahimaz kowh chama chekhai. Now Sawl kowh siphai aluchowuüa kowh lang kri mih ming dow Abner chekhai. Abner dow Sawl kowh pahi Ner kowh chapa chekhai.51Sawl kowh pa Kis hai Abner kowh pa Ner iüah dow Abiel kowh chapa chekhai.52Aia chowm mang mih khin khe Sawl dow Filistinuüa hown lainowmma tasenla khai. Nami khin khe akürma mih maru hai sakkraingma mih maru kowi khi hanow Sawl mih aia kowh siphai changla khai.
The Seed Company