1 Samuel13
1Sawl dow 30 ning khe Israeluüa pren kowi chowm mang khai. Aia chowm mang mih pre sum ning kung kowi Sawl dow Israeluüa pungmadawng hownia 3,000 ia maru kowi ruiah khai. Naiawngünuüa pungmadawng hownia 2,000 ia maru dow Mikmas hai Bethel marow re-e kowh hungma mawngma süng kowi aia hown tawi uowi khai. Now 1,000 ia mih maru dow Benjaminuüa süng kowi kowh Gibeah pami arah kowi Jonathan hown tawi uowi khai. Now akeng mih Israeluüa maten kowi dow chowlowkkow kim prakowi aia chinta khai.3Now Geba kowi kowh khup tangbung mih Filistin siphaiuüa kowi dow Jonathan thumchakuüa mih kowsenah hanow kownowngta khai, now nami satang dow akeng mih Filistinuüa tawi ta khai bowt. Now Filistinuüa nauang senah kown chekhai pami rakowi Sawl dow Israel pren kowi kowh arah maten kowi krawi chin satang phowng mih khai. Naiawngün maru-uüa kowi Sawl mih krawi pe tumah baw khai, now krawi pe tekah mih, “Hebrai maten sünta büa diah. Filistinuüa hown nadowk tasen kownkow uang tawi tarü büa diah,” pakhai.4Nahanow Filistinuüa kowh tangbung khup rah Sawl kowsen hanow nowngta mih dow Israeluüa tukta khai bowt, now amatni kowi Filistinuüa lainowmma suiah mih paw tuk büah khai bowt. Naiawng rakowi maru kawmuüa dow krawi tahaw talai hanow Gilgal kowi Sawl tut-e uang takua talawm khai.5Nami khin khe Israeluüa kowi nauang senah kownkow Filistinuüa paw takua talawm khai. Amatni tut-e kowh uowi mih dow kawrnga kari 30,000, kawrnga luk kowi kowh chowm mih siphai 6,000 ia, now khawk hown kowh mang mih siphaiuüa nget sata pang kowi kowh sema nowng rüaah dowi mih iawng chekhai. Amatni dow Bet-Aven marow satlawt pra kowh Mikmas marow kowi uang khup tangbung büah khai.6Naiawng khowt mih maru kawm Israel siphaiuüa khita hanow amatni dow kla phih mih chowbowt pami tuk büah khai. Naiawng rakowi amatni dow kram kowh puk kowi ne, ruih mung kowi ne, hua pheng kowi ne, now kuam kowi ne cham krawi tapet büah khai.7Now tawngbak mih Hebraiuüa dow haipown Jawrdan aw hanow Gad hai Gilead süng kowi kowpowt khai. Nachenganchepaw Sawl dow Gilgal kowi ta uowi khai. Nakhowk khe aia hown kowh tawi uowi mih siphaiuüa dow kram kowh chürla kluk khai.8Sawl dow Samuel towla pe akhin iawng ranit ni mowr Samuel kowi hawt chawngah khai. Nachenganchepaw Samuel mih Gilgal kowi uang dowi chekhai. Now Sawl kowh siphaiuüa dow cham powt bowk khai.9Naiawng rakowi Sawl dow tikah mih uanap hai taking tasangra uanap chang müa uanh mih aia tut-e nauang pawla kownkow aia maru-uüa kowi tek pe khai. Nami kung kowi aia matia mih tikah mih uanap pawi changah khai.10Now aia ki changta uanap pawi hown krowksang Samuel dow Gilgal marow kowi uang ting khai. Nakhowk khe Sawl mih Samuel kowi nahawt chumah kownkow kowtarü khai.11Nakhowk khe Samuel tek pe Sawl mih, “Tawngplawng kowchow naiawng en tuk chang khai?” pakhai.
Now Sawl klangah mih, “Ang kowh maru-uüa mih towla ang hüah now powtta ang bowk khowk, now en paw akhin khe uang ting dowi chekhai. Nami klen kowi Filistinuüa paw Mikmas kowi uang takua talawm thüm khowk chekhai.12Now Filistinuüa dow Gilgal marow kowi nauang sen ang kown chowbowt. Tawkchedow CHAKRAMANG hownia nakala saksing sanara kownkow tawngpaw ang chang dowi tak chekhai padow ang ka tuak khai. Naiawng rakowi chang kown ang nau dowi chepaw tikah mih uanap pawi mih ang changta khai,” pape khai.13Nakhowk khe Samuel tek pe mih, “Tawngplawng kowchow bualama mih maru iawng en tuk chang lup khai? CHAKRAMANG en kowh Thurai pe en mih ana en chün dowi chekhai. En che chün panü dow Israeluüa luk kowi kowh en kowh mangra chowngchowng saksakma aia mih natow en kown taih diah.14Nachenganchepaw kawmat dow en kowh mangra mih nalüa chur kown chowbowt. CHAKRAMANG mih aia naukrang iawng mang mih maru kowi kata lowk ia khowk. Nami maru kowi dow aia maru-uüa vüi aia thawpta aluchow khowk chekhai. Tawngplawng kowchow panow en dow aia kowh ana pek chün dowi chekhai,” pakhai.15Nami kung kowi dow Samuel mih Gilgal hownia mang khai bowt. Nachenganchepaw akeng miuüa dow siphaiuüa hown nakowtakrum kownkow Benjaminuüa süng kowi kowh Gibeah marow kowi Sawl hown kowtawi khai. Aia tut-e kowh ta uowi miuüa kowi rüaah now maru iun 600 iachow taih Sawl ta ka khai.16Nami kung kowi Sawl hai achapa Jonathan dow amatchi hown kowh tawi uowi miuüa hown Benjaminuüa süng kowi kowh Geba marow kowi kowkowi now kowuowi khai. Now Filistinuüa dow Mikmas kowi uang khup tangbung now uang uowi khai.17Now Filistinuüa tangbung khup rah hownia kowh siphaiuüa dow uang lawt sum thum khai. Amatni pungmadawng kowi pathum mih dow Ofra marow pra kowh tiama kowi Sawl süng kowi kowkowi khai,18alowk mih thumchak dow Bet-Hawrawn prakowi kowkowi khai, now alowk mih thumchak dow süngrüp süngkangma kowi kowh Zebawim lawngrawi hown tatingtang klowk mih hungma mawngma süng kowi kowkowi khai.19Nami khin khe Israeluüa pren kowi dow plamphai uowi dowi chekhai. Tawngplawng kowchow panow Hebraiuüa tut-e plamphai che uowi now amatni matia mih saidawng chepaw, reh chepaw nathawp büah kown chekhai padow Filistinuüa mih ka tuak kowh towah dowi chekhai.20Naiawng rakowi laithawn tim ün, parpa ün, marek ün, sarai hai tangchen ün nasükah kownkow Hebraiuüa mih Filistinuüa tut-e kowkowi takla reng chekhai.21Israeluüa mih laithawn tim hai parpa sük sung tai tali gram, now marek, sarai hai tangchen sük sung tai tangka pre gram chi Filistinuüa kowi apek takla khai.22Naiawng rakowi cham tasen mih khin khe Sawl hai Jonathan iüah pachow tut-e klen kowi mia iawng mih siphaiuüa tut-e paw reh hai saidawng uowi dowi chekhai.23Now Filistinuüa tangbung khup rah kowi kowh siphaiuüa dow uang lawt hanow Mikmas kowi kowkowi büah khai.
Now Sawl klangah mih, “Ang kowh maru-uüa mih towla ang hüah now powtta ang bowk khowk, now en paw akhin khe uang ting dowi chekhai. Nami klen kowi Filistinuüa paw Mikmas kowi uang takua talawm thüm khowk chekhai.12Now Filistinuüa dow Gilgal marow kowi nauang sen ang kown chowbowt. Tawkchedow CHAKRAMANG hownia nakala saksing sanara kownkow tawngpaw ang chang dowi tak chekhai padow ang ka tuak khai. Naiawng rakowi chang kown ang nau dowi chepaw tikah mih uanap pawi mih ang changta khai,” pape khai.13Nakhowk khe Samuel tek pe mih, “Tawngplawng kowchow bualama mih maru iawng en tuk chang lup khai? CHAKRAMANG en kowh Thurai pe en mih ana en chün dowi chekhai. En che chün panü dow Israeluüa luk kowi kowh en kowh mangra chowngchowng saksakma aia mih natow en kown taih diah.14Nachenganchepaw kawmat dow en kowh mangra mih nalüa chur kown chowbowt. CHAKRAMANG mih aia naukrang iawng mang mih maru kowi kata lowk ia khowk. Nami maru kowi dow aia maru-uüa vüi aia thawpta aluchow khowk chekhai. Tawngplawng kowchow panow en dow aia kowh ana pek chün dowi chekhai,” pakhai.15Nami kung kowi dow Samuel mih Gilgal hownia mang khai bowt. Nachenganchepaw akeng miuüa dow siphaiuüa hown nakowtakrum kownkow Benjaminuüa süng kowi kowh Gibeah marow kowi Sawl hown kowtawi khai. Aia tut-e kowh ta uowi miuüa kowi rüaah now maru iun 600 iachow taih Sawl ta ka khai.16Nami kung kowi Sawl hai achapa Jonathan dow amatchi hown kowh tawi uowi miuüa hown Benjaminuüa süng kowi kowh Geba marow kowi kowkowi now kowuowi khai. Now Filistinuüa dow Mikmas kowi uang khup tangbung now uang uowi khai.17Now Filistinuüa tangbung khup rah hownia kowh siphaiuüa dow uang lawt sum thum khai. Amatni pungmadawng kowi pathum mih dow Ofra marow pra kowh tiama kowi Sawl süng kowi kowkowi khai,18alowk mih thumchak dow Bet-Hawrawn prakowi kowkowi khai, now alowk mih thumchak dow süngrüp süngkangma kowi kowh Zebawim lawngrawi hown tatingtang klowk mih hungma mawngma süng kowi kowkowi khai.19Nami khin khe Israeluüa pren kowi dow plamphai uowi dowi chekhai. Tawngplawng kowchow panow Hebraiuüa tut-e plamphai che uowi now amatni matia mih saidawng chepaw, reh chepaw nathawp büah kown chekhai padow Filistinuüa mih ka tuak kowh towah dowi chekhai.20Naiawng rakowi laithawn tim ün, parpa ün, marek ün, sarai hai tangchen ün nasükah kownkow Hebraiuüa mih Filistinuüa tut-e kowkowi takla reng chekhai.21Israeluüa mih laithawn tim hai parpa sük sung tai tali gram, now marek, sarai hai tangchen sük sung tai tangka pre gram chi Filistinuüa kowi apek takla khai.22Naiawng rakowi cham tasen mih khin khe Sawl hai Jonathan iüah pachow tut-e klen kowi mia iawng mih siphaiuüa tut-e paw reh hai saidawng uowi dowi chekhai.23Now Filistinuüa tangbung khup rah kowi kowh siphaiuüa dow uang lawt hanow Mikmas kowi kowkowi büah khai.
The Seed Company