1 Samuel12
1Nami kung kowi Israeluüa maten kowi Samuel tek pe mih, “Enni tek ang mih srui ang sünta enni khowk. Now enni tekah iawng mang paw ang tow enni lowk ia khowk.2Kawmat hownia now nakruitown enni kownkow enni kowh mang uowi lowk ia khowk. Ang dow klanguüa krowngchow hownia ani mowr pat ang kruitownla enni khowk. Kawmat dow ang lawngtang khai bowt, now ang kowh dow sam paw pau bowk khowk chekhai. Nachenganchepaw ang kowh chapauüa dow nachang enni lup reng kown taih.3Kawmat makowi ang uowi reng tak khe ang luk kowi enni tek kown nau mih uowi khai hanow CHAKRAMANG hai aia nümnapah mih mang pur kowi tek büa diah. Enni kowh chiala chepaw, kawrngaramchük chepaw kür hown ang pawta enni mih uowi ne bow? Ang chang enni anowng apowng mih uowi ne bow? Ang kuanta enni mih uowi ne bow? Ang paw bümsua kowh ang chet enni tara nowm dowi mih uowi ne bow? Naiawng mih angak ang changta mih uowi khai hanow tek ang büa diah; ang nape paw enni aklai kown taih,” pakhai.4Maru kawmuüa tek pe Samuel mih, “Chang dowi chow, en chang anging anowng apowng mih paw uowi dowi, now en kuanta anging mih paw uowi dowi chow. Nami klen kowi en pawta anging uanh mih paw uowi dowi chekhai,” pape khai.5Now Samuel tek pe mih, “Enni luk kowi tawng iawng mih angak paw ang chang dowi pami ani enni tek khowk chekhai. Naiawng enni tek mih hownia dow ang kowh aprek uowi dowi pami saksi CHAKRAMANG hai aia phawk pe sau kowh nümnapah mih mang chowbowt,” pakhai.
Nakhowk khe maru kawmuüa klangah mih, “Ow, CHAKRAMANG dow saksi chekhai,” pape khai.6Nami klen kowi Samuel plan tek pe maru kawmuüa mih, “Ow, CHAKRAMANG chowtaih saksi. Aia dow Mosi hai Arawn iüah kowi thawpah aluchow khai, now aia dow enni kowh pipu-uüa kowi Aigupta pren hownia uang lawtla khai.7Kawmat dow CHAKRAMANG pur kowi iowng se ririmma sünta büa diah. Enni hai enni kowh pipu-uüa vüi CHAKRAMANG changah mih kraingra lup maten ang nachia enni kown.8“Jakawb mih aia kimchakuüa hailawm Aigupta pren kowi kowkowi khai, now Aigupta maru-uüa mih amatni kowi dow hawt changah anowng apowng khai. Nami khin khe amatni dow CHAKRAMANG tut-e kar se lü khowng büah khai. Nahanow CHAKRAMANG dow amatni kowi nauang lawngah kownkow Mosi hai Arawn iüah kowi uang chin pe khai. Mosi hai Arawn iüah dow enni kowh pipu-uüa kowi Aigupta pren hownia uang lawtla hanow mami pren kowi pe uowiah khai.9Nachenganchepaw amatni dow CHAKRAMANG amatni kowh Thurai kowi tamata khai. Naiawng rakowi CHAKRAMANG dow amatni kowi cham pe uowiah nar kownkow Hazawr marow kowi kowh siphai aluchow Sisera rut kowi, Filistinuüa rut kowi hai Moabuüa kowh mang rut kowi amatni kowi ap-ah khai. Naiawngün ransu-uüa dow enni kowh pipu-uüa hown uang tadowk tasen khai.10Nakhowk khe enni kowh pipu-uüa dow CHAKRAMANG tut-e awr kar mih, ‘Anging changta angak khai bowt; CHAKRAMANG kowi powtta now Baal thuraiuüa kowi hai Astarte thuraiuüa kowi anging cham tawi chupiia khai. Nachenganchepaw kawmat mih ransu-uüa rut hownia lawng anging diah. Nahanow en kowh lup anging nachang kown towbowt,’ pakhai.11Nami khin khe CHAKRAMANG dow Gideawn, Barak, Jeftha hai Samuel büah kowi uang chin enni khai, now amatni dow enni riaret kowi kowh ransu-uüa rut hownia uang lawng enni khai. Nami kung kowi dow athaulangma hown enni uowi khai.12“Nachenganchepaw Amawnuüa kowh mang Nahas uang sen enni mih enni tuk khe dow enni kowh mang CHAKRAMANG enni kowh Thurai uowi khowk chepaw enni uang tek ang mih, ‘Naiawng anging nauta dowi. Anging luk kowi tow anging mang lowk ia diah,’ enni pah ang khai.13“Kawmat dow nami chowbowt enni kowh mang. Aia dow enni lüah mih hai enni kloah mih mang chowbowt. Aia dow enni vüi CHAKRAMANG tow enni mih mang chowbowt.14Enni che CHAKRAMANG kowi ringkawma hown kram khai, aia kowi che enni chupiia khai, aia kowh ana pek che enni chün khai, now enni kowh mang hailawm CHAKRAMANG enni kowh Thurai nau iawng che enni uowi khai hanow enni vüi naiung kown.15Tawkchedow CHAKRAMANG tek iawng che enni chün dowi, now aia kowh ana pek paw enni che kingküa khai hanow aia dow enni pipu-uüa kowi kowh ripah iawng enni kowi hai enni kowh mang kowi paw narip enni kown.16“Kawmat dow mami re-e iowng büa rimrim diah. Enni pur kowi kowh CHAKRAMANG nachangah kown mih kraingra lup mü büa diah.17Kawmat dow püm ngen khin chowbowt; uang khin nadowi bowt nadowi bow? Nachenganchepaw CHAKRAMANG kowi ang naawr tek pe kown, now aia dow muk tün hai uangchak mih nauang pe uangah kown. Nahanow enni lü mang mih dow CHAKRAMANG tut-e mün khowt chow nga khai mih enni natuk kown towbowt,” pakhai.18Nami kung kowi Samuel dow chup Thurai khai bowt. Now CHAKRAMANG mih nami ni khe muk tün hai uangchak uang chin pe khai. Nakhowk khe dow maru maten mih CHAKRAMANG hai Samuel kowi kramah khai bowt.19Nakhowk khe maru maten tek pe Samuel mih, “Anging lü mang mih angak dow anging kowh akeng mih angak maten hown tawi tabawng khai bowt. Naiawng rakowi en kowh naruüa anging nakowngla dowi kownkow chup anging Thurai diah,” pakhai.20Samuel klangah mih, “Hangkow kram büah. Naiawngün lup ngak enni changta khowk chepaw CHAKRAMANG hownia hang cham powt büa diah. Aia kowh lup phai towsak towtaima hown chang büa diah.21Asung uowi dowi mih arup aren kowi hang cham chupiia büah diah. Naiawngün dow enni vüi tawngpaw mrawkra uowi dowi, now lawng paw nowng lawng enni kown nadowi.22CHAKRAMANG dow aia kowh ming kri kraingma mih rakowi aia maru-uüa kowi tawng nam khe paw nanuata hüah kown nadowi. Tawngplawng kowchow panow aia sak nau hown kowh aia maru aia changla enni mih chekhai.23Enni vüi chupla Thurai reng mih taingta hai CHAKRAMANG kowi kingküala mih angak dow ang mih hang pacham chang lah. Aiungma hai anowmma mih tiama kowi enni namang kownkow ang natüngsang enni reng kown taih.24CHAKRAMANG kowi chowtaih ringkawma hown kramah büa diah, now sak maiow hown kaah sakowm iawng aia kowi chupiiaah büa diah. Enni vüi mün khowt chow kraingra uowi mih lup aia chang enni mih tuakah büa diah.25Nachenganchepaw enni che chang lup ngak rengreng hanow enni kowh mang hailawm enni mih napiak bowk kown towbowt,” pakhai.
Nakhowk khe maru kawmuüa klangah mih, “Ow, CHAKRAMANG dow saksi chekhai,” pape khai.6Nami klen kowi Samuel plan tek pe maru kawmuüa mih, “Ow, CHAKRAMANG chowtaih saksi. Aia dow Mosi hai Arawn iüah kowi thawpah aluchow khai, now aia dow enni kowh pipu-uüa kowi Aigupta pren hownia uang lawtla khai.7Kawmat dow CHAKRAMANG pur kowi iowng se ririmma sünta büa diah. Enni hai enni kowh pipu-uüa vüi CHAKRAMANG changah mih kraingra lup maten ang nachia enni kown.8“Jakawb mih aia kimchakuüa hailawm Aigupta pren kowi kowkowi khai, now Aigupta maru-uüa mih amatni kowi dow hawt changah anowng apowng khai. Nami khin khe amatni dow CHAKRAMANG tut-e kar se lü khowng büah khai. Nahanow CHAKRAMANG dow amatni kowi nauang lawngah kownkow Mosi hai Arawn iüah kowi uang chin pe khai. Mosi hai Arawn iüah dow enni kowh pipu-uüa kowi Aigupta pren hownia uang lawtla hanow mami pren kowi pe uowiah khai.9Nachenganchepaw amatni dow CHAKRAMANG amatni kowh Thurai kowi tamata khai. Naiawng rakowi CHAKRAMANG dow amatni kowi cham pe uowiah nar kownkow Hazawr marow kowi kowh siphai aluchow Sisera rut kowi, Filistinuüa rut kowi hai Moabuüa kowh mang rut kowi amatni kowi ap-ah khai. Naiawngün ransu-uüa dow enni kowh pipu-uüa hown uang tadowk tasen khai.10Nakhowk khe enni kowh pipu-uüa dow CHAKRAMANG tut-e awr kar mih, ‘Anging changta angak khai bowt; CHAKRAMANG kowi powtta now Baal thuraiuüa kowi hai Astarte thuraiuüa kowi anging cham tawi chupiia khai. Nachenganchepaw kawmat mih ransu-uüa rut hownia lawng anging diah. Nahanow en kowh lup anging nachang kown towbowt,’ pakhai.11Nami khin khe CHAKRAMANG dow Gideawn, Barak, Jeftha hai Samuel büah kowi uang chin enni khai, now amatni dow enni riaret kowi kowh ransu-uüa rut hownia uang lawng enni khai. Nami kung kowi dow athaulangma hown enni uowi khai.12“Nachenganchepaw Amawnuüa kowh mang Nahas uang sen enni mih enni tuk khe dow enni kowh mang CHAKRAMANG enni kowh Thurai uowi khowk chepaw enni uang tek ang mih, ‘Naiawng anging nauta dowi. Anging luk kowi tow anging mang lowk ia diah,’ enni pah ang khai.13“Kawmat dow nami chowbowt enni kowh mang. Aia dow enni lüah mih hai enni kloah mih mang chowbowt. Aia dow enni vüi CHAKRAMANG tow enni mih mang chowbowt.14Enni che CHAKRAMANG kowi ringkawma hown kram khai, aia kowi che enni chupiia khai, aia kowh ana pek che enni chün khai, now enni kowh mang hailawm CHAKRAMANG enni kowh Thurai nau iawng che enni uowi khai hanow enni vüi naiung kown.15Tawkchedow CHAKRAMANG tek iawng che enni chün dowi, now aia kowh ana pek paw enni che kingküa khai hanow aia dow enni pipu-uüa kowi kowh ripah iawng enni kowi hai enni kowh mang kowi paw narip enni kown.16“Kawmat dow mami re-e iowng büa rimrim diah. Enni pur kowi kowh CHAKRAMANG nachangah kown mih kraingra lup mü büa diah.17Kawmat dow püm ngen khin chowbowt; uang khin nadowi bowt nadowi bow? Nachenganchepaw CHAKRAMANG kowi ang naawr tek pe kown, now aia dow muk tün hai uangchak mih nauang pe uangah kown. Nahanow enni lü mang mih dow CHAKRAMANG tut-e mün khowt chow nga khai mih enni natuk kown towbowt,” pakhai.18Nami kung kowi Samuel dow chup Thurai khai bowt. Now CHAKRAMANG mih nami ni khe muk tün hai uangchak uang chin pe khai. Nakhowk khe dow maru maten mih CHAKRAMANG hai Samuel kowi kramah khai bowt.19Nakhowk khe maru maten tek pe Samuel mih, “Anging lü mang mih angak dow anging kowh akeng mih angak maten hown tawi tabawng khai bowt. Naiawng rakowi en kowh naruüa anging nakowngla dowi kownkow chup anging Thurai diah,” pakhai.20Samuel klangah mih, “Hangkow kram büah. Naiawngün lup ngak enni changta khowk chepaw CHAKRAMANG hownia hang cham powt büa diah. Aia kowh lup phai towsak towtaima hown chang büa diah.21Asung uowi dowi mih arup aren kowi hang cham chupiia büah diah. Naiawngün dow enni vüi tawngpaw mrawkra uowi dowi, now lawng paw nowng lawng enni kown nadowi.22CHAKRAMANG dow aia kowh ming kri kraingma mih rakowi aia maru-uüa kowi tawng nam khe paw nanuata hüah kown nadowi. Tawngplawng kowchow panow aia sak nau hown kowh aia maru aia changla enni mih chekhai.23Enni vüi chupla Thurai reng mih taingta hai CHAKRAMANG kowi kingküala mih angak dow ang mih hang pacham chang lah. Aiungma hai anowmma mih tiama kowi enni namang kownkow ang natüngsang enni reng kown taih.24CHAKRAMANG kowi chowtaih ringkawma hown kramah büa diah, now sak maiow hown kaah sakowm iawng aia kowi chupiiaah büa diah. Enni vüi mün khowt chow kraingra uowi mih lup aia chang enni mih tuakah büa diah.25Nachenganchepaw enni che chang lup ngak rengreng hanow enni kowh mang hailawm enni mih napiak bowk kown towbowt,” pakhai.
The Seed Company