1 Samuel10
1Nami kung kowi dow Samuel mih sau palang pawah hanow Sawl kowh lu kowi klai pe sau khai. Aia dow Sawl kowi nam pe awm hanow tek pe mih, “CHAKRAMANG mih aia maru-uüa luk kowi nape chowng en aluchow kownkow nümnap en mih chowbowt.2Ani mih ang pur hownia en powt hanow Benjaminuüa kowh sünghi kowi en kowting khe Zelza pami arah kowi Rahel kowh tadupra re-e maru pre ia hown en natakrum kown. Amatchi dow natek en kown mih, ‘En krawi chamah mih kawrngaramchükma hawmh kowi kata khowk. Nachenganchepaw kawmat dow kawrngaramchükma hawmh rakowi tuak krat mih towta now en pa mih en rakowi tuak krat thüm khowk. En pa tek mih: Ang chapa rakowi tawng chow ang nachang kown?’ pakhai.3“Nami kung kowi dow nami hownia en namang iawk hanow Tabawr süng kowi kowh singh chimsaima mih re-e en kowting khe en nakrum maru sum ia kown. Amatni dow nacham chup Thurai kownkow Bethel marow kowi kowkowi mih chekhai. Amatni pungmadawng kowi lowk ia mih tut-e dow rua chah nauowi sum pum kown, lowk ia mih tut-e dow aiukma mih kawm nauowi sum buk kown, now alowk mih tut-e dow grep tui nauowi pakawng kown.4Amatni dow nahawt howr en kown, now nape en kawm pre pah kown. Now nami kawmpah dow amatni rut hownia en napaw pe kown.5“Nami kung kowi dow Gibeah marow kowi kowh Thurai chupra hungh kowi en nakowkowi kown. Nami marow kowi dow Filistin siphaiuüa kowh tangbung khupra uowi lowk chekhai. Now tekla Thurai lai se Thurai chupra hungh hownia uang iu dowm mih risiuüa kowi en nakrum pathum kown. Nami risiuüa pur kowi dow tepla tingteng, sawkchow, taraw hai tumla prui se maru narik mang ne kown.6Nakhowk khe CHAKRAMANG kowh lümla dow nakruitown en kown. Nahanow en paw nami risiuüa hown natawi tek Thurai lai kown. Nakhowk khe dow maru sar iawng en nachowng kown.7Naiawngün ang tek en mih matra maten uang tachi khe dow achang takla mih iawng en nachang kown. Tawngplawng kowchow panow Thurai dow en tut-e natawi uowi kown.8“Ang dowi rawn Gilgal kowi kowrik kowi diah. Tikah mih uanap hai taking tasangra uanap nachang kownkow en tut-e ang nauang kown taih. Ang uang towm dowi mowr nakowi ranit ni mowr en nahawt chawng ang kown takla. Tawng chow en nachang kown mih dow nakowi ang uang ting khe ang natek en kown taih,” pape khai.9Now Samuel hownia napowt bowt kownkow Sawl haitaplan khe dow Sawl kowi Thurai peah saktuak sar khai. Sawl kowi kowh Samuel tek pe mih amatra laiklow maten dow nami ni khe uang tachi khai.10Sawl hai aia kowh nar mih Gibeah marow kowi kowting khe amatchi dow risi pathum kowi kowkrum iüah khai. Nakhowk khe Thurai kowh lümla dow Sawl kowi kruitownah khai bowt. Naiawng rakowi Sawl dow naiawngün risiuüa hown tawi tek Thurai lai khai.11Sawl tawi tek Thurai lai mih khita hanow Sawl kowi tuk mat miuüa dow maiawng tatek khai, “Kis kowh chapa Sawl tawng chow own? Sawl paw risi chekhai bow?” pabüah khai.12Nakhowk khe nami re-e kowh maru-uüa pungmadawng hownia maru lowk ia tek mih, “Naiawng now pai iawngün risiuüa kowh pa mia chekhai chow? Tawngplawng kowchow Sawl paw nowng phaw risi dowi kown?” pakhai. Naiawng rakowi, “Saul paw risi chekhai bow?” pami dow lai lawt uang chowng lowk chekhai.13Thurai pe tekah mih lai ki tekla now Sawl dow Thurai chupra hungh kowi kowpün khai.14Now Sawl hai anar kowi Sawl kowh pahi lüntaah mih, “Tawng hownia chow enchi uang mang?” pakhai.
Nakhowk khe Sawl klangah mih, “Angching cham krawi cham kawrngaramchükma hawmh chowdiah. Tawng kowi paw angching cham krum dowi. Naiawng rakowi Samuel tut-e angching kowkowi mih chowdiah,” pape khai.15Now Sawl kowi apahi tek pe mih, “Tawng ngai chow Samuel tek enchi? Sam tek ang iüa madiah,” pakhai.16Now apahi kowi Sawl klangah mih, “Kawrngaramchükma hawmh kowi kata khowk padow achima aia tek angching khai,” pape khai. Nachenganchepaw aia nachowm mang kown mih lawnguan kowi kowh Samuel tek pe mih laiklow dow apahi kowi Sawl tekla pe dowi chekhai.17Akung kowi Samuel dow Mizpa marow kowi CHAKRAMANG pur kowi Israeluüa kowi kuaah lawmah khai.18Now Samuel tek pe mih, “CHAKRAMANG Israeluüa kowh Thurai tek mih, ‘Aigupta pren hownia uang lawtla enni mih dow ang chekhai, now Aigupta maru-uüa rut hownia hai chang enni nowng miuüa rut hownia lawng enni mih paw ang chowtaih,’ pakhai.19Nachenganchepaw kawmat dow enni kowh Thurai mih phih maten hai ngarera maiow hownia lawng enni mih kowi enni nuata khai. Now enni tek mih, ‘Rui anging mang lowk ia diah,’ pakhai. Naiawng rakowi kawmat enni mih chowlowkkow chenchap hai krungchak iawng CHAKRAMANG pur kowi uang büa diah,” pakhai.20Now Samuel dow Israel krungchak maten kowi atawnchow hawah khai. Now kuak pe plang hanow Israel chen hownia Benjamin krungchak kowi ruiah büah khai.21Nami kung kowi Benjamin krungchak maten kowi hawah khai. Now amatni pungmadawng kowi kuak pe plang hanow Matri machak kowi ruiah büah khai. Naiawng hown achur kowi dow Kis kowh chapa Sawl kowi ruiah büah khai. Nachenganchepaw Sawl kowi Samuel chetah khe Sawl kowi dow kaah dowi chekhai.22Nakhowk khe CHAKRAMANG kowi maru kawmuüa lüntaah mih, “Tawng kowi chow Saul?” pakhai.
Nakhowk khe CHAKRAMANG tek pe mih, “Pai iow, uanh thup dawng kowi pai Sawl cham tapet khai,” pape khai.23Nakhowk khe maru kawmuüa dow kowiowmah now uanh dawng hownia Sawl kowi uang pawla khai. Aia kowi dow maru kawmuüa pur kowi pe iowngah now aia dow maru maten lak-e lang kro khai.24Nakhowk khe maru maten kowi Samuel tek pe mih, “CHAKRAMANG kloah mih maru kowi enni khi khowk bow? A-i pungmadawng kowi aia iawng miapaw uowi dowi chekhai,” pakhai. Nakhowk khe maru kawmuüa tek mih, “Mangkri dow chowngdawng sakklangma pauowi lah,” pape khai.25Nami khin khe Samuel dow maru kawmuüa vüi kowi kowh mang achang takla mih hai nowng changra lawnguan maru kawmuüa kowi phuang pe khai. Now nami ari aiang dow charam tua kowi ruiah hanow CHAKRAMANG pur kowi aia towah khai. Nami kung kowi dow maru maten kowi chowlowkkow kim prakowi aia pe mangta khai bowt.26Now Sawl paw Gibeah kowi kowh aia kim kowi kowplan khai bowt. Nami khin khe saktuak kowi kowh Thurai chang pe lup mih tasen kiakma mih siphaiuüa paw Sawl tut-e kowtawi khai.27Nachenganchepaw asung uowi dowi mih maru pre sum ia tek mih, “Nami maru tawng iawng chow naia lawng a-i kown?” pakhai. Amatni dow Sawl kowi nüah klowkah dowi chekhai, now tawng iawng mih awmrawm sung paw Sawl kowi tawi pe büah dowi chekhai. Nachenganchepaw Sawl dow tawngpaw tek dowi chekhai.
Nakhowk khe Sawl klangah mih, “Angching cham krawi cham kawrngaramchükma hawmh chowdiah. Tawng kowi paw angching cham krum dowi. Naiawng rakowi Samuel tut-e angching kowkowi mih chowdiah,” pape khai.15Now Sawl kowi apahi tek pe mih, “Tawng ngai chow Samuel tek enchi? Sam tek ang iüa madiah,” pakhai.16Now apahi kowi Sawl klangah mih, “Kawrngaramchükma hawmh kowi kata khowk padow achima aia tek angching khai,” pape khai. Nachenganchepaw aia nachowm mang kown mih lawnguan kowi kowh Samuel tek pe mih laiklow dow apahi kowi Sawl tekla pe dowi chekhai.17Akung kowi Samuel dow Mizpa marow kowi CHAKRAMANG pur kowi Israeluüa kowi kuaah lawmah khai.18Now Samuel tek pe mih, “CHAKRAMANG Israeluüa kowh Thurai tek mih, ‘Aigupta pren hownia uang lawtla enni mih dow ang chekhai, now Aigupta maru-uüa rut hownia hai chang enni nowng miuüa rut hownia lawng enni mih paw ang chowtaih,’ pakhai.19Nachenganchepaw kawmat dow enni kowh Thurai mih phih maten hai ngarera maiow hownia lawng enni mih kowi enni nuata khai. Now enni tek mih, ‘Rui anging mang lowk ia diah,’ pakhai. Naiawng rakowi kawmat enni mih chowlowkkow chenchap hai krungchak iawng CHAKRAMANG pur kowi uang büa diah,” pakhai.20Now Samuel dow Israel krungchak maten kowi atawnchow hawah khai. Now kuak pe plang hanow Israel chen hownia Benjamin krungchak kowi ruiah büah khai.21Nami kung kowi Benjamin krungchak maten kowi hawah khai. Now amatni pungmadawng kowi kuak pe plang hanow Matri machak kowi ruiah büah khai. Naiawng hown achur kowi dow Kis kowh chapa Sawl kowi ruiah büah khai. Nachenganchepaw Sawl kowi Samuel chetah khe Sawl kowi dow kaah dowi chekhai.22Nakhowk khe CHAKRAMANG kowi maru kawmuüa lüntaah mih, “Tawng kowi chow Saul?” pakhai.
Nakhowk khe CHAKRAMANG tek pe mih, “Pai iow, uanh thup dawng kowi pai Sawl cham tapet khai,” pape khai.23Nakhowk khe maru kawmuüa dow kowiowmah now uanh dawng hownia Sawl kowi uang pawla khai. Aia kowi dow maru kawmuüa pur kowi pe iowngah now aia dow maru maten lak-e lang kro khai.24Nakhowk khe maru maten kowi Samuel tek pe mih, “CHAKRAMANG kloah mih maru kowi enni khi khowk bow? A-i pungmadawng kowi aia iawng miapaw uowi dowi chekhai,” pakhai. Nakhowk khe maru kawmuüa tek mih, “Mangkri dow chowngdawng sakklangma pauowi lah,” pape khai.25Nami khin khe Samuel dow maru kawmuüa vüi kowi kowh mang achang takla mih hai nowng changra lawnguan maru kawmuüa kowi phuang pe khai. Now nami ari aiang dow charam tua kowi ruiah hanow CHAKRAMANG pur kowi aia towah khai. Nami kung kowi dow maru maten kowi chowlowkkow kim prakowi aia pe mangta khai bowt.26Now Sawl paw Gibeah kowi kowh aia kim kowi kowplan khai bowt. Nami khin khe saktuak kowi kowh Thurai chang pe lup mih tasen kiakma mih siphaiuüa paw Sawl tut-e kowtawi khai.27Nachenganchepaw asung uowi dowi mih maru pre sum ia tek mih, “Nami maru tawng iawng chow naia lawng a-i kown?” pakhai. Amatni dow Sawl kowi nüah klowkah dowi chekhai, now tawng iawng mih awmrawm sung paw Sawl kowi tawi pe büah dowi chekhai. Nachenganchepaw Sawl dow tawngpaw tek dowi chekhai.
The Seed Company