1 Manguüa22
1Siriauüa hai Israeluüa dow sum ning mowr mih tasen büah dowi chekhai.2Now sum ning mih ning khe dow Juda pren mang Jehosafat mih Israel pren mang Ahab hown kowtakrum khai.3Nami khin khe aia kowh maru iukuüa kowi Israel mang tek pe mih, “Ramawt-Gilead süng a-i kowh pami enni tuk tak bow? Tawkchedow nami süng mih Siria pren mang hownia nakala kownkow tawngpaw a-i chang dowi chekhai,” pakhai.4Nakhowk khe Jehosafat kowi aia tek pe mih, “Ramawt-Gilead kowi kowsen kown mih ang hown en tawi tak ü?” pakhai.
Nakhowk khe Jehosafat klangah mih, “Tawng tawi dowi chow? Ang kowh maru-uüa hai ang kowh kawrnga hawmh dow en kowh iawng tuakah towbowt. Nachenganchepaw CHAKRAMANG tut-e rik paw prengia diah sik,” pape khai.6Naiawng rakowi Ahab mih risi maten kowi kuaah lawmah khai. Nakhowk khe risiuüa uang takua talawm mih dow maru iun 400 ia ngia chekhai. Now naiawngün risiuüa kowi Ahab lüntaah mih, “Ramawt-Gileaduüa kowi ang kowsen kown bow, kowsen dowi bow?” pakhai.
Nakhowk khe risiuüa klangah mih, “Kowsen bowt. Tawngplawng kowchow panow nami süng dow en rut kowi CHAKRAMANG naap en kown towbowt,” pape khai.7Nachenganchepaw Jehosafat tek pe mih, “Nami lawnguan CHAKRAMANG tut-e naia lüntaah kownkow mami re-e CHAKRAMANG kowh risi uowi dowi bowt bow?” pakhai.8Nakhowk khe Jehosafat kowi Ahab klangah mih, “CHAKRAMANG tut-e naia lüntala kownkow risi uowi lowk ia tak. Tawkchedow nami risi kowi ang sui chekhai. Tawngplawng kowchow panow nami risi mih ang nangala kown mih lawnguan kangowh tek; aia mih katpaw ang iung müa laiklow tek dowi. Aia ming dow Mikha, now a-pa ming dow Imla chekhai,” pakhai.
Nakhowk khe Jehosafat klangah mih, “Mangkri, naiawng mih laiklow hang tek snow,” pape khai.9Nakhowk khe aia kowh maru iuk lowk ia kowi hawah now Ahab tek pe mih, “Kawmat alenma Imla kowh chapa risi Mikha kowi kowhaw madiah,” pakhai.10Now Israel pren mang Ahab hai Juda pren mang Jehosafat iüah mih khupla mang tawnguat now Samari marow tapplawt re-e kowh püm thuara kowi kowh mang chowm rah kowi chowm iüah khai, now risiuüa dow amatchi pur kowi pur pra kowh naphaw kown mih laiklow tekla prung khai.11Nakhowk khe Kenana kowh chapa Zedekia mih lawngha hown thawp nang lowk hanow tek mih, “CHAKRAMANG tek Siriauüa chum bowk dowi mowr maiawngün lawngha nang hown en nakrawi tingah rengreng kown pe,” pakhai.12Nakhowk khe akeng mih risiuüa paw nami laiklow powm iawng tawi tek khai. Naiawngün risiuüa tek mih, “Ramawt-Gilead marow kowi kowsenah bowt, en awng kown taih. Tawngplawng kowchow panow nami marow dow CHAKRAMANG mih naap en kown taih,” pakhai.13Now Mikha kowi kowhaw mih maru tek pe Mikha mih, “Sünta, akeng mih risiuüa dow mangkri iung müa lawnguan kowi tek bowk chekhai. Naiawng rakowi en paw kowbüah iawng natawi tek kown takla; mangkri iung müa lawnguan chowtaih en natawi tek kown,” pakhai.14Nachenganchepaw Mikha tek pe mih, “Masing CHAKRAMANG ming hown takham se ang tek khowk. CHAKRAMANG tek mih chowtaih ang natek kown,” pape khai.15Now Mikha uang ting khe mang Ahab hawt lüntaah mih, “Mikha, tek ang madiah. Ramawt-Gilead marow kowi ang kowsen kown bow, kowsen dowi bow?” pakhai.
Nakhowk khe Mikha klangah mih, “Ow, kowsen bowt, kowsen bowt, en awng kown taih. Nami marow dow en rut kowi CHAKRAMANG apta khowk chekhai,” pape khai.16Nakhowk khe Ahab tek pe mih, “CHAKRAMANG ming hown takham se lainowm chowtaih en natek kown pami mün kat tak chow ang natek en kown?” pakhai.17Mikha klangah mih, “Mukmang kowi ang khi mih, Israel siphaiuüa dow athing mih uowi dowi mih ruapur hawmh iawng hungh kowi cham tauet plawt khai. Naiawng rakowi CHAKRAMANG tek mih, ‘Naiawngün siphaiuüa kowh aluchow uowi dowi chekhai. Naiawng rakowi amatni mih chowlowkkow kim kowi pacham mang lah,’ pakhai,” pape khai.18Nakhowk khe Jehosafat kowi Ahab tek pe mih, “Khi bow kow! Nami risi dow ang nangala kown mih laiklow klen kowi tawngpaw tek dowi pami ang tek en khowk nadowi bow kow?” pakhai.19Now Mikha plan tek iawk mih, “CHAKRAMANG laiklow sünta diah. Mukmang kowi ang khi mih, aia kowh mang chowm rah kowi CHAKRAMANG chowm phülü khai, now aia hawmlawm hai lakuai pra dow kramamu-uüa maten iowngla rim khai.20Nakhowk khe CHAKRAMANG tek mih, ‘Ahab kowi kuanla now Ramawt-Gilead marow kowi nakowngta kownkow amia chow nakowkuanah kown?’ pakhai. Nakhowk khe kramamu-uüa mih lowk ia e achap chi CHAKRAMANG kowi tek pe khai.21Nachenganchepaw achur kowi lümla lowk mih CHAKRAMANG pur kowi uangah now uang tek pe mih, ‘Ang kowkuanah now ang kowpawla sow,’ pakhai.22Nakhowk khe CHAKRAMANG lüntaah mih, ‘Tawng iawng chow en nachangah kown?’ pakhai.
“Nami lümla klangah mih, ‘Ang kowkowiah now aia kowh risiuüa tut-e nadaila kown mih lümla ang nakowchowng pe kown,’ pape khai.
“Now CHAKRAMANG tek pe mih, ‘En naia nowm kown, kowkowi now kowkuanah dit,’ pape khai.23“Naiawng rakowi CHAKRAMANG mih kawmat en kowh naiawngün risi maten nawr kowi natek dai lai kown mih lümla peah mih chekhai. En napiak kownkow CHAKRAMANG phuangta khai bowt,” pape khai.24Nakhowk khe Kenana kowh chapa Zedekia mih Mikha kowi phekah pawp now tek pe mih, “En hown nauang taklang kownkow ang hownia CHAKRAMANG kowh Lümla powt mih tawng khe chowbowt chow?” pakhai.25Now Mikha klangah mih, “Natapet kownkow kim lak kowi en cham kup mih khin khe nami dow en natuk kown taih,” pape khai.26Nakhowk khe aia kowh maru iukuüa kowi mang Ahab peah ana mih, “Marow kowi kowh kruitown mih Amawn hai mang chapa Joas tut-e Mikha kowi kowsaah dit.27Now enni natek pe kown mih, ‘Mangkri tek mami maru kowi thawng kowi towah dit pe, now tasenra hownia klangiungma mangkri uang plan dowi mowr mami maru kowi mih kawm hai tui ditchowchi klen kowi tawngpaw hangkow peah pe,’ pape diah,” pakhai.28Nakhowk khe mang Ahab kowi Mikha tek pe mih, “En che klangiungma uang ia plan khai hanow ang hownia CHAKRAMANG tek lai dowi pami tukah diah,” pape khai. Nami klen kowi maru kawmuüa kowi Mikha plan tek pe mih, “Enni bowkbowk ang kowh laiklow matah büa diah,” pakhai.29Nami kung kowi dow Israel pren mang hai Juda pren mang mih Ramawt-Gilead marow kowi kowsenah kownkow tarü khai bowt.30Nakhowk khe Jehosafat kowi Ahab tek pe mih, “Maru natuk matla ang dowi kownkow tasenra kowi iawngpa mih tawnguat khupma ang natawi kown. Nachenganchepaw en dow mang tawnguat khupla diah,” pakhai. Now Israel mang dow iawngpa mih tawnguat khupma tasenra kowi tawi tarü khai.31Now kawrnga kari kowi kowh chowm mih aia kowh siphai aluchow 32 ia kowi Siriauüa kowh mang peah ana mih, “Israel mang hown klen kowi aiuk asowm mia hown paw enni naia tasen kown nadowi,” pakhai.32Now tasen thüm khe Jehosafat kowi Siriauüa kowh siphai aluchowuüa khita kowh Israel mang chowbowt padow ka tuak büah khai. Naiawng rakowi amatni dow Jehosafat kowi kowsenah khai. Nakhowk khe Jehosafat dow atünma hawt tüng klow khai.33Nahanow Israel mang nadowi pami Siriauüa kowh siphai aluchowuüa tukta khai. Naiawng rakowi amatni dow Jehosafat kowi krawi senah dowi bowt chekhai.34Nachenganchepaw Siriauüa kowh siphai lowk ia dow tawngah kaneu dowi kowi aia kowh leba vüiah now plawtta suat khai. Now nami leba sek dow Ahab sakmowr dakchow kowi kowtatawng khai. Nakhowk khe aia kowh kawrnga kari te mih kowi Ahab tek pe mih, “Ang ka arau khai bowt. Naiawng rakowi kawrnga kari planah now tasenra hownia powtla ang bowt,” pape khai.35Naiawng hown Siriauüa hai Israeluüa dow ni chut tasen khai. Now mang Ahab kowi dow Siriauüa hown tatang klowk kawrnga kari kowi chowmta hüah khai. Nami khin khe aia kowh leba sek kakra hownia vi hawk kowh kawrnga kari phai kowi tachun hüah khai, now iak prakowi dow mang Ahab mih kowng khai bowt.36Now sat kup kown chowbowt khe siphaiuüa tek mih, “A-i chowlowkkow kim prakowi a-i mang towbowt,” pakhai.37Naiawng hai Israel mang Ahab dow kowng khai. Now aia kowh uak dow Samari marow kowi uang pawla hanow nakowi maru dupah khai.38Aia kowh kawrnga kari dow Samari marow kowi kowh kanh kowi sauah khai. Now CHAKRAMANG tekta khowk iawng aia kowh vi dow kui hawmh mih bia pe khai, now chawkkrawmauüa mih nami kanh kowi tasawk tasau büah reng khai.39Ahab kowh akeng mih lup lawnguan maten, ngasai sa hown kowh aia thawpah mih kim lawnguan hai akhawtma aia thawpla mih marow lawnguan dow “Israel Manguüa Lawnguan” pami bowih kowi arui uowi bowk chekhai.40Ahab kowng kung kowi dow aia takcha achapa Ahazia mih ta chowm mang khai.41Juda pren kowi Asa kowh chapa Jehosafat chowm mang mih dow Israel pren kowi Ahab chowm mang mih tali ning khe chekhai.42Jehosafat dow 35 ning khe uown chowm mang khai, now 25 ning mowr Jerusalem marow kowi chowmla mang khai. Aia kowh u ming dow Azuba chekhai, now Azuba kowh u ming dow Silhi chekhai.43Jehosafat dow lowra tia kowi a-pa Asa iawng chekhai. Aia dow katpaw a-pa changah mih sia nuata dowi. Aia dow CHAKRAMANG mik kowi aiungma mih lup chang khai. Nachenganchepaw arah kroma mih kowi kowh chupiiara aia krawi piakta dowi tak chekhai. Naiawngün arah kowi dow maru kawmuüa mih tawncher hown chang phuchua reng chekhai, now nam iungma mih maikhük paw towk reng chekhai.44Aia dow Israel mang Ahab hown taking tasangra paw thawp khai.45Jehosafat kowh akeng mih lup lawnguan maten hai aia awng tasen mih lawnguan dow “Juda Manguüa Lawnguan” pami bowih kowi arui uowi bowk chekhai.46Aia dow a-pa Asa chowm mang kung kowi phuchuara kowi chang chawkkrawma lup mih maten kowi pren hownia prütta bowk khai.47Nami khin khe Edawm pren kowi mang uowi dowi chekhai. Nakowi kowh kruitown pren mih dow mang kowh maru iuk chekhai.48Nami klen kowi Ofir süng hownia nauang pawla kuh kownkow Jehosafat mih thawp chawnlawng sangrum chekhai. Nachenganchepaw naiawngün chawnlawng dow Eziawn-Geber pami arah kowi piak kowh cham nowng paw kuh dowi bowt chekhai.49Nakhowk khe Jehosafat kowi Ahab kowh chapa Ahazia tek pe mih, “Ang kowh maru-uüa mih en kowh chawnlawng hown pacham tawi mang lah,” pakhai. Nachenganchepaw Jehosafat nauta pe dowi chekhai.50Akung kowi Jehosafat dow kowng hanow David kowh marow kowi maru dupah khai. Now aia takcha kowi aia kowh chapa Jehoram mih ta chowm mang khai.51Israel pren kowi Ahab kowh chapa Ahazia chowm mang mih dow Juda pren kowi Jehosafat chowm mang mih lairanit ning khe chekhai. Aia dow Israeluüa luk kowi pre ning mowr chowmla mang khai.52Aia dow CHAKRAMANG mik kowi angakma mih lup chang khai. Aia dow a-u Jezebel iawng, a-pa Ahab iawng hai Nebat kowh chapa Jeroboam iawng rowprowp chekhai. Aia dow Jeroboam iawng rowprowp Israeluüa kowi pe changah angak khai.53Aia dow Baal thurai pur kowi tabawk reng chekhai, now chupiia paw chupiiaah reng chekhai. Nami klen kowi aia paw a-pa chang iawng rowprowp tawi chang hanow CHAKRAMANG Israeluüa kowh Thurai kowi towkah kunmarau khai.
Nakhowk khe Jehosafat klangah mih, “Tawng tawi dowi chow? Ang kowh maru-uüa hai ang kowh kawrnga hawmh dow en kowh iawng tuakah towbowt. Nachenganchepaw CHAKRAMANG tut-e rik paw prengia diah sik,” pape khai.6Naiawng rakowi Ahab mih risi maten kowi kuaah lawmah khai. Nakhowk khe risiuüa uang takua talawm mih dow maru iun 400 ia ngia chekhai. Now naiawngün risiuüa kowi Ahab lüntaah mih, “Ramawt-Gileaduüa kowi ang kowsen kown bow, kowsen dowi bow?” pakhai.
Nakhowk khe risiuüa klangah mih, “Kowsen bowt. Tawngplawng kowchow panow nami süng dow en rut kowi CHAKRAMANG naap en kown towbowt,” pape khai.7Nachenganchepaw Jehosafat tek pe mih, “Nami lawnguan CHAKRAMANG tut-e naia lüntaah kownkow mami re-e CHAKRAMANG kowh risi uowi dowi bowt bow?” pakhai.8Nakhowk khe Jehosafat kowi Ahab klangah mih, “CHAKRAMANG tut-e naia lüntala kownkow risi uowi lowk ia tak. Tawkchedow nami risi kowi ang sui chekhai. Tawngplawng kowchow panow nami risi mih ang nangala kown mih lawnguan kangowh tek; aia mih katpaw ang iung müa laiklow tek dowi. Aia ming dow Mikha, now a-pa ming dow Imla chekhai,” pakhai.
Nakhowk khe Jehosafat klangah mih, “Mangkri, naiawng mih laiklow hang tek snow,” pape khai.9Nakhowk khe aia kowh maru iuk lowk ia kowi hawah now Ahab tek pe mih, “Kawmat alenma Imla kowh chapa risi Mikha kowi kowhaw madiah,” pakhai.10Now Israel pren mang Ahab hai Juda pren mang Jehosafat iüah mih khupla mang tawnguat now Samari marow tapplawt re-e kowh püm thuara kowi kowh mang chowm rah kowi chowm iüah khai, now risiuüa dow amatchi pur kowi pur pra kowh naphaw kown mih laiklow tekla prung khai.11Nakhowk khe Kenana kowh chapa Zedekia mih lawngha hown thawp nang lowk hanow tek mih, “CHAKRAMANG tek Siriauüa chum bowk dowi mowr maiawngün lawngha nang hown en nakrawi tingah rengreng kown pe,” pakhai.12Nakhowk khe akeng mih risiuüa paw nami laiklow powm iawng tawi tek khai. Naiawngün risiuüa tek mih, “Ramawt-Gilead marow kowi kowsenah bowt, en awng kown taih. Tawngplawng kowchow panow nami marow dow CHAKRAMANG mih naap en kown taih,” pakhai.13Now Mikha kowi kowhaw mih maru tek pe Mikha mih, “Sünta, akeng mih risiuüa dow mangkri iung müa lawnguan kowi tek bowk chekhai. Naiawng rakowi en paw kowbüah iawng natawi tek kown takla; mangkri iung müa lawnguan chowtaih en natawi tek kown,” pakhai.14Nachenganchepaw Mikha tek pe mih, “Masing CHAKRAMANG ming hown takham se ang tek khowk. CHAKRAMANG tek mih chowtaih ang natek kown,” pape khai.15Now Mikha uang ting khe mang Ahab hawt lüntaah mih, “Mikha, tek ang madiah. Ramawt-Gilead marow kowi ang kowsen kown bow, kowsen dowi bow?” pakhai.
Nakhowk khe Mikha klangah mih, “Ow, kowsen bowt, kowsen bowt, en awng kown taih. Nami marow dow en rut kowi CHAKRAMANG apta khowk chekhai,” pape khai.16Nakhowk khe Ahab tek pe mih, “CHAKRAMANG ming hown takham se lainowm chowtaih en natek kown pami mün kat tak chow ang natek en kown?” pakhai.17Mikha klangah mih, “Mukmang kowi ang khi mih, Israel siphaiuüa dow athing mih uowi dowi mih ruapur hawmh iawng hungh kowi cham tauet plawt khai. Naiawng rakowi CHAKRAMANG tek mih, ‘Naiawngün siphaiuüa kowh aluchow uowi dowi chekhai. Naiawng rakowi amatni mih chowlowkkow kim kowi pacham mang lah,’ pakhai,” pape khai.18Nakhowk khe Jehosafat kowi Ahab tek pe mih, “Khi bow kow! Nami risi dow ang nangala kown mih laiklow klen kowi tawngpaw tek dowi pami ang tek en khowk nadowi bow kow?” pakhai.19Now Mikha plan tek iawk mih, “CHAKRAMANG laiklow sünta diah. Mukmang kowi ang khi mih, aia kowh mang chowm rah kowi CHAKRAMANG chowm phülü khai, now aia hawmlawm hai lakuai pra dow kramamu-uüa maten iowngla rim khai.20Nakhowk khe CHAKRAMANG tek mih, ‘Ahab kowi kuanla now Ramawt-Gilead marow kowi nakowngta kownkow amia chow nakowkuanah kown?’ pakhai. Nakhowk khe kramamu-uüa mih lowk ia e achap chi CHAKRAMANG kowi tek pe khai.21Nachenganchepaw achur kowi lümla lowk mih CHAKRAMANG pur kowi uangah now uang tek pe mih, ‘Ang kowkuanah now ang kowpawla sow,’ pakhai.22Nakhowk khe CHAKRAMANG lüntaah mih, ‘Tawng iawng chow en nachangah kown?’ pakhai.
“Nami lümla klangah mih, ‘Ang kowkowiah now aia kowh risiuüa tut-e nadaila kown mih lümla ang nakowchowng pe kown,’ pape khai.
“Now CHAKRAMANG tek pe mih, ‘En naia nowm kown, kowkowi now kowkuanah dit,’ pape khai.23“Naiawng rakowi CHAKRAMANG mih kawmat en kowh naiawngün risi maten nawr kowi natek dai lai kown mih lümla peah mih chekhai. En napiak kownkow CHAKRAMANG phuangta khai bowt,” pape khai.24Nakhowk khe Kenana kowh chapa Zedekia mih Mikha kowi phekah pawp now tek pe mih, “En hown nauang taklang kownkow ang hownia CHAKRAMANG kowh Lümla powt mih tawng khe chowbowt chow?” pakhai.25Now Mikha klangah mih, “Natapet kownkow kim lak kowi en cham kup mih khin khe nami dow en natuk kown taih,” pape khai.26Nakhowk khe aia kowh maru iukuüa kowi mang Ahab peah ana mih, “Marow kowi kowh kruitown mih Amawn hai mang chapa Joas tut-e Mikha kowi kowsaah dit.27Now enni natek pe kown mih, ‘Mangkri tek mami maru kowi thawng kowi towah dit pe, now tasenra hownia klangiungma mangkri uang plan dowi mowr mami maru kowi mih kawm hai tui ditchowchi klen kowi tawngpaw hangkow peah pe,’ pape diah,” pakhai.28Nakhowk khe mang Ahab kowi Mikha tek pe mih, “En che klangiungma uang ia plan khai hanow ang hownia CHAKRAMANG tek lai dowi pami tukah diah,” pape khai. Nami klen kowi maru kawmuüa kowi Mikha plan tek pe mih, “Enni bowkbowk ang kowh laiklow matah büa diah,” pakhai.29Nami kung kowi dow Israel pren mang hai Juda pren mang mih Ramawt-Gilead marow kowi kowsenah kownkow tarü khai bowt.30Nakhowk khe Jehosafat kowi Ahab tek pe mih, “Maru natuk matla ang dowi kownkow tasenra kowi iawngpa mih tawnguat khupma ang natawi kown. Nachenganchepaw en dow mang tawnguat khupla diah,” pakhai. Now Israel mang dow iawngpa mih tawnguat khupma tasenra kowi tawi tarü khai.31Now kawrnga kari kowi kowh chowm mih aia kowh siphai aluchow 32 ia kowi Siriauüa kowh mang peah ana mih, “Israel mang hown klen kowi aiuk asowm mia hown paw enni naia tasen kown nadowi,” pakhai.32Now tasen thüm khe Jehosafat kowi Siriauüa kowh siphai aluchowuüa khita kowh Israel mang chowbowt padow ka tuak büah khai. Naiawng rakowi amatni dow Jehosafat kowi kowsenah khai. Nakhowk khe Jehosafat dow atünma hawt tüng klow khai.33Nahanow Israel mang nadowi pami Siriauüa kowh siphai aluchowuüa tukta khai. Naiawng rakowi amatni dow Jehosafat kowi krawi senah dowi bowt chekhai.34Nachenganchepaw Siriauüa kowh siphai lowk ia dow tawngah kaneu dowi kowi aia kowh leba vüiah now plawtta suat khai. Now nami leba sek dow Ahab sakmowr dakchow kowi kowtatawng khai. Nakhowk khe aia kowh kawrnga kari te mih kowi Ahab tek pe mih, “Ang ka arau khai bowt. Naiawng rakowi kawrnga kari planah now tasenra hownia powtla ang bowt,” pape khai.35Naiawng hown Siriauüa hai Israeluüa dow ni chut tasen khai. Now mang Ahab kowi dow Siriauüa hown tatang klowk kawrnga kari kowi chowmta hüah khai. Nami khin khe aia kowh leba sek kakra hownia vi hawk kowh kawrnga kari phai kowi tachun hüah khai, now iak prakowi dow mang Ahab mih kowng khai bowt.36Now sat kup kown chowbowt khe siphaiuüa tek mih, “A-i chowlowkkow kim prakowi a-i mang towbowt,” pakhai.37Naiawng hai Israel mang Ahab dow kowng khai. Now aia kowh uak dow Samari marow kowi uang pawla hanow nakowi maru dupah khai.38Aia kowh kawrnga kari dow Samari marow kowi kowh kanh kowi sauah khai. Now CHAKRAMANG tekta khowk iawng aia kowh vi dow kui hawmh mih bia pe khai, now chawkkrawmauüa mih nami kanh kowi tasawk tasau büah reng khai.39Ahab kowh akeng mih lup lawnguan maten, ngasai sa hown kowh aia thawpah mih kim lawnguan hai akhawtma aia thawpla mih marow lawnguan dow “Israel Manguüa Lawnguan” pami bowih kowi arui uowi bowk chekhai.40Ahab kowng kung kowi dow aia takcha achapa Ahazia mih ta chowm mang khai.41Juda pren kowi Asa kowh chapa Jehosafat chowm mang mih dow Israel pren kowi Ahab chowm mang mih tali ning khe chekhai.42Jehosafat dow 35 ning khe uown chowm mang khai, now 25 ning mowr Jerusalem marow kowi chowmla mang khai. Aia kowh u ming dow Azuba chekhai, now Azuba kowh u ming dow Silhi chekhai.43Jehosafat dow lowra tia kowi a-pa Asa iawng chekhai. Aia dow katpaw a-pa changah mih sia nuata dowi. Aia dow CHAKRAMANG mik kowi aiungma mih lup chang khai. Nachenganchepaw arah kroma mih kowi kowh chupiiara aia krawi piakta dowi tak chekhai. Naiawngün arah kowi dow maru kawmuüa mih tawncher hown chang phuchua reng chekhai, now nam iungma mih maikhük paw towk reng chekhai.44Aia dow Israel mang Ahab hown taking tasangra paw thawp khai.45Jehosafat kowh akeng mih lup lawnguan maten hai aia awng tasen mih lawnguan dow “Juda Manguüa Lawnguan” pami bowih kowi arui uowi bowk chekhai.46Aia dow a-pa Asa chowm mang kung kowi phuchuara kowi chang chawkkrawma lup mih maten kowi pren hownia prütta bowk khai.47Nami khin khe Edawm pren kowi mang uowi dowi chekhai. Nakowi kowh kruitown pren mih dow mang kowh maru iuk chekhai.48Nami klen kowi Ofir süng hownia nauang pawla kuh kownkow Jehosafat mih thawp chawnlawng sangrum chekhai. Nachenganchepaw naiawngün chawnlawng dow Eziawn-Geber pami arah kowi piak kowh cham nowng paw kuh dowi bowt chekhai.49Nakhowk khe Jehosafat kowi Ahab kowh chapa Ahazia tek pe mih, “Ang kowh maru-uüa mih en kowh chawnlawng hown pacham tawi mang lah,” pakhai. Nachenganchepaw Jehosafat nauta pe dowi chekhai.50Akung kowi Jehosafat dow kowng hanow David kowh marow kowi maru dupah khai. Now aia takcha kowi aia kowh chapa Jehoram mih ta chowm mang khai.51Israel pren kowi Ahab kowh chapa Ahazia chowm mang mih dow Juda pren kowi Jehosafat chowm mang mih lairanit ning khe chekhai. Aia dow Israeluüa luk kowi pre ning mowr chowmla mang khai.52Aia dow CHAKRAMANG mik kowi angakma mih lup chang khai. Aia dow a-u Jezebel iawng, a-pa Ahab iawng hai Nebat kowh chapa Jeroboam iawng rowprowp chekhai. Aia dow Jeroboam iawng rowprowp Israeluüa kowi pe changah angak khai.53Aia dow Baal thurai pur kowi tabawk reng chekhai, now chupiia paw chupiiaah reng chekhai. Nami klen kowi aia paw a-pa chang iawng rowprowp tawi chang hanow CHAKRAMANG Israeluüa kowh Thurai kowi towkah kunmarau khai.
The Seed Company