2 Manguüa1
1Israel mang Ahab kowng kung kowi Moab prenchakuüa dow Israeluüa kowi kingküaah khai.2Akat khe Samari marow kowi kowh Israel mang sar Ahazia dow aia kowh kim aluk krowng kowi kowh towklak chawn hownia iu dowh khai, now aia dow lainowmma ka arau khai. Naiawng rakowi aia dow aia kowh maru-uüa kowi cham chinah pre sum ia khai. Naiawngün maru-uüa kowi aia krawi tek pe mih, “Filistinuüa kowh Ekrawn marow kowi kowkowi büa diah. Now ang kowh mami arau iung tak chünchü mih Baal-Zebub thurai kowi kowlünta ang büah madiah,” pakhai.3Nachenganchepaw Tisbe marow kowi kowh Elija kowi CHAKRAMANG kowh kramamu tek pe mih, “Samari marow kowi kowh mang uang chinah mih maru-uüa hown kowtakrum diah. Now amatni kowi en natek pe kown mih, ‘Israeluüa pungmadawng kowi Thurai uowi dowi bow? Tawngplawng kowchow nakowpaw prengia kownkow Ekrawn marow kowi kowh Baal-Zebub thurai tut-e enni kowtuk kowi khai?4Naiawng rakowi CHAKRAMANG tek aia kowh arau naiung kown nadowk pe; aia nakowng ngengche kown pe,’ pape diah,” pakhai. Nahanow Elija dow nami laiklow nakowtek kownkow kowkowi khai bowt.5Nami kung kowi dow naiawngün maru-uüa mih mang tut-e uang plan büah khai bowt. Nakhowk khe amatni kowi mang hawt lüntaah mih, “Tawngplawng kowchow enni uang lüa plan khai?” pakhai.6Amatni klangah mih, “Anging hown maru uang takrum lowk ia. Aia mih en tut-e nauang plan kownkow tek anging khai. Now maiawng natek en kownkow CHAKRAMANG tek mih, ‘Israeluüa pungmadawng kowi Thurai uowi dowi bow? Tawngplawng kowchow nakowpaw prengia kownkow Ekrawn marow kowi kowh Baal-Zebub thurai tut-e en kowtuk chin maru-uüa khai? Naiawng rakowi en kowh arau naiung kown nadowk; en nakowng ngengche kown!’ pakhai,” pape khai.7Mang tek pe amatni mih, “Enni hown uang takrum now naiawng uang tek enni mih maru powm tawng iawng chow?” pakhai.8Amatni klangah mih, “Aia dow ut pawi tawnguat khupma chekhai, now kelang kowi dow chak pik hown kowh kekawm sükma chekhai,” pape khai.
Mang tek pe mih, “Aia dow Tisbe marow kowi kowh Elija chowtaih!” pakhai.9Nami kung kowi siphai 50 ia hai amatni kowh siphai aluchow kowi Elija tut-e mang mih kowchinah khai. Nakhowk khe Elija dow chut luk kowi chowm phülü chekhai. Nami aluchow dow Elija tut-e kowkowiah now tek pe mih, “Aw Thurai maru, mangkri tek iu dowm diah pe,” pakhai.10Nachenganchepaw siphai aluchow kowi Elija klangah mih, “Ang che Thurai maru na khai hanow mukuang hownia maih pacham uang klaah, now en hai en kowh siphai 50 ia kowi pacham uang kamah lah,” pakhai. Nahanow mukuang hownia maih uang kla hanow nami siphai aluchow hai siphai 50 ia kowi uang kamta bowk khai.11Nami laiklow tata hanow akeng mih siphai 50 ia hai amatni kowh siphai aluchow kowi Elija tut-e mang mih kowplan chinah khai. Nami aluchow tek pe Elija mih, “Aw Thurai maru, mangkri tek kawmat mat iu dowm diah pe,” pakhai.12Nachenganchepaw siphai aluchow kowi Elija klangah mih, “Ang che Thurai maru na khai hanow mukuang hownia maih pacham uang klaah, now en hai en kowh siphai 50 ia kowi pacham uang kamah lah,” pakhai. Nahanow mukuang hownia maih uang kla hanow nami siphai aluchow hai siphai 50 ia kowi uang kamta bowk khai.13Nami kung kowi paw akeng mih siphai 50 ia hai amatni kowh siphai aluchow kowi Elija tut-e mang mih kowplan chinah khai iawk. Nachenganchepaw nami leng dow nami siphai aluchow mih hungh kowi kowpünah now Elija pur kowi kowtabawk krawm khai. Now aia tek pe Elija mih, “Aw Thurai maru, sakrauma hown ang hai mami siphai 50 ia kowi hauang saita anging diah.14Uang rik uang pre thum mih siphai aluchow pre ia kowi hai amatchi kowh siphaiuüa kowi dow mukuang hownia maih uang kla hanow kamta bowk khai. Nachenganchepaw khaleng dow sakrauma hown pe sing ang diah,” pakhai.15Nakhowk khe CHAKRAMANG kowh kramamu tek pe Elija mih, “Iu dowm now aia hown kowtawi diah. Aia kowi hangkow kram diah,” pape khai. Naiawng rakowi nami maru hown Elija dow mang tut-e kowtawi khai.16Nakowi kowting khe Elija tek pe mang mih, “CHAKRAMANG tek mih, ‘Israeluüa pungmadawng kowi Thurai uowi dowi bow? Tawngplawng kowchow nakowpaw prengia kownkow Ekrawn marow kowi kowh Baal-Zebub thurai tut-e en kowtuk chin maru-uüa khai? Naiawng mih lup en chang rakowi en kowh arau naiung kown nadowk; en nakowng ngengche kown!’ pakhai,” pape khai.17Naiawng rakowi Elija tut-e kowh CHAKRAMANG laiklow iawng mang Ahazia dow kowng khai.
Ahazia kowh dow lowk iachow paw chapa uowi dowi chekhai. Naiawng rakowi aia kowh naumow Joram mih chowm mang khai. Naiawng Joram chowm mang mih dow Juda kowi kowh Jehosafat kowh chapa Jehoram chowm mang mih pre ning khe chekhai.18Ahazia changah mih lup maten dow “Israel Manguüa Lawnguan” pami bowih kowi arui uowi bowk chekhai.
Mang tek pe mih, “Aia dow Tisbe marow kowi kowh Elija chowtaih!” pakhai.9Nami kung kowi siphai 50 ia hai amatni kowh siphai aluchow kowi Elija tut-e mang mih kowchinah khai. Nakhowk khe Elija dow chut luk kowi chowm phülü chekhai. Nami aluchow dow Elija tut-e kowkowiah now tek pe mih, “Aw Thurai maru, mangkri tek iu dowm diah pe,” pakhai.10Nachenganchepaw siphai aluchow kowi Elija klangah mih, “Ang che Thurai maru na khai hanow mukuang hownia maih pacham uang klaah, now en hai en kowh siphai 50 ia kowi pacham uang kamah lah,” pakhai. Nahanow mukuang hownia maih uang kla hanow nami siphai aluchow hai siphai 50 ia kowi uang kamta bowk khai.11Nami laiklow tata hanow akeng mih siphai 50 ia hai amatni kowh siphai aluchow kowi Elija tut-e mang mih kowplan chinah khai. Nami aluchow tek pe Elija mih, “Aw Thurai maru, mangkri tek kawmat mat iu dowm diah pe,” pakhai.12Nachenganchepaw siphai aluchow kowi Elija klangah mih, “Ang che Thurai maru na khai hanow mukuang hownia maih pacham uang klaah, now en hai en kowh siphai 50 ia kowi pacham uang kamah lah,” pakhai. Nahanow mukuang hownia maih uang kla hanow nami siphai aluchow hai siphai 50 ia kowi uang kamta bowk khai.13Nami kung kowi paw akeng mih siphai 50 ia hai amatni kowh siphai aluchow kowi Elija tut-e mang mih kowplan chinah khai iawk. Nachenganchepaw nami leng dow nami siphai aluchow mih hungh kowi kowpünah now Elija pur kowi kowtabawk krawm khai. Now aia tek pe Elija mih, “Aw Thurai maru, sakrauma hown ang hai mami siphai 50 ia kowi hauang saita anging diah.14Uang rik uang pre thum mih siphai aluchow pre ia kowi hai amatchi kowh siphaiuüa kowi dow mukuang hownia maih uang kla hanow kamta bowk khai. Nachenganchepaw khaleng dow sakrauma hown pe sing ang diah,” pakhai.15Nakhowk khe CHAKRAMANG kowh kramamu tek pe Elija mih, “Iu dowm now aia hown kowtawi diah. Aia kowi hangkow kram diah,” pape khai. Naiawng rakowi nami maru hown Elija dow mang tut-e kowtawi khai.16Nakowi kowting khe Elija tek pe mang mih, “CHAKRAMANG tek mih, ‘Israeluüa pungmadawng kowi Thurai uowi dowi bow? Tawngplawng kowchow nakowpaw prengia kownkow Ekrawn marow kowi kowh Baal-Zebub thurai tut-e en kowtuk chin maru-uüa khai? Naiawng mih lup en chang rakowi en kowh arau naiung kown nadowk; en nakowng ngengche kown!’ pakhai,” pape khai.17Naiawng rakowi Elija tut-e kowh CHAKRAMANG laiklow iawng mang Ahazia dow kowng khai.
Ahazia kowh dow lowk iachow paw chapa uowi dowi chekhai. Naiawng rakowi aia kowh naumow Joram mih chowm mang khai. Naiawng Joram chowm mang mih dow Juda kowi kowh Jehosafat kowh chapa Jehoram chowm mang mih pre ning khe chekhai.18Ahazia changah mih lup maten dow “Israel Manguüa Lawnguan” pami bowih kowi arui uowi bowk chekhai.
The Seed Company