1 Manguüa18
1Pren kowi uang uang dowi mih sum ning nga khe Elija kowi CHAKRAMANG tek pe mih, “En mih Ahab hown kowtakrum diah, now pren kowi ang nape uangah uang kown mih kowtek pe diah,” pakhai.2Naiawng rakowi Elija dow mang Ahab hown kowtakrum kownkow tarü khai bowt.
Nami khin khe Samari marow kowi dow nachaah kown mih chakkham mapaw uowi dowi bowt chekhai.3Akat khe mang Ahab mih Obadia kowi hawah now tek pe mih, “Pren kowi kowh awchawng hai lawngrawi maten kowi krawi kowi madiah. Now kawrnga hai kawrngaramchük hawmh nachaah kown mih pram uowi ne chünchü krawi sam mü madiah. Naiawng nadowi now kawrnga hai kawrngaramchük hawmh kowi a-i nakowngta bowk kown chekhai,” pakhai. (Nami khin khe Obadia dow mang kim mingkhet mih chekhai. Aia dow CHAKRAMANG kowi lainowmma ringkaw hai owm mih maru chekhai. CHAKRAMANG kowh risiuüa kowi Ahab kowh masi Jezebel saiah mih khin khe aia dow CHAKRAMANG kowh risi 100 ia kowi cham petah khai. Aia dow naiawngün risiuüa kowi 50 ia chi bakah now puk pre buk kowi cham petah khai. Now naiawngün risiuüa kowi mih chakkham paw aia peah khai).6Now Ahab hai Obadia iüah dow nakrawi cham pram uowi rah kownkow cham tarü iüah khai. Amatchi dow pren mih tabakah iüah hanow mapra lowk ia paipra lowk ia cham tarü iüah khai.7Now Obadia dow mang mang hanow tiama rawng kowi Elija hown takrum khai. Elija kowi khita now aia dow krawng kowi tabawkah krawm se chupah khai. Now aia tek pe mih, “Ang kowh chakramang Elija chowbowt nadowi bow en?” pakhai.8Elija klangah mih, “Ow, Elija chowbowt ang. En kowh mangkri tut-e kowkowiah now mami re-e ang uowi mih kowtek pe diah,” pape khai.9Nakhowk khe Obadia tek pe mih, “Tawng angak chow ang changta khai? Tawng rakowi chow nakowngta ang kownkow ang kowh mangkri rut kowi en tuk ap ang khai?10CHAKRAMANG en kowh masing Thurai ming hown takham se ang tek khowk. Nasaita en kownkow ang kowh mangkri krawi cham en dowi mih pren hai arah uowi dowi bowt. Now pren towng kowi kowh manguüa maten kowi paw amatni pren kowi en uowi dowi mih ang kowh mangkri pe takhamah khai.11Nami luk kowi ang kowh mangkri tut-e kowkowiah now mami re-e en uowi mih satang tak ü ang kowphowng pe kown?12Mami hownia ang powt hanow CHAKRAMANG kowh lümla tawng pra chow nacham pawla en kown mih mia chow tuk? Ang kowh mangkri kowi ang kowtek pe now ang kowh mangkri dow nauang mü en kown. Nakhowk khe ang kowh mangkri uang khi en dowi now kowngta ang dowi tham pabow? Nachenganchepaw ang dow asowmchow hownia CHAKRAMANG kowi ringkawma hown kram mih maru chekhai.13CHAKRAMANG kowh risiuüa kowi Jezebel saiah mih khin khe tawng ngai chow ang chang mih en tuk nadowi bow? CHAKRAMANG kowh risiuüa 100 ia kowi changah pre bak now 50 ia chi puk kowi ang cham petah now ang peah chakkham mih en tuk nadowi bow?14Nami pache kawmat ang kowh mangkri tut-e kowkowi now mami re-e en uowi mih satang tak en kowpe phowng ang. Ang kowh mangkri saita ang dowi tham pabow?” pakhai.15Nakhowk khe Elija klangah mih, “Ang chang pe lup reng mih CHAKRAMANG ang kowh masing Thurai ming hown takham se ang tek khowk. Ani dow Ahab pur kowi ang natatüng tangtang kown,” pape khai.16Nahanow Obadia dow mang Ahab tut-e kowkowiah now risi Elija hown natakrum kown mih laiklow kowtek pe khai. Now mang Ahab dow Elija hown kowtakrum khai bowt.17Elija kowi khita now Ahab tek pe mih, “Israeluüa kowi towkah akrat pusa reng mih en chowbowt lownow!” pakhai.18Elija klangah mih, “Israeluüa kowi towkah akrat pusa mih ang nadowi. Israeluüa kowi towkah akrat pusa mih dow en hai en pa krungchakuüa chowtaih. Enni dow CHAKRAMANG kowh ana pek nuata hanow akeng thuraiuüa kung cham krawi khai.19Kawmat mih kowchin maru hanow Israeluüa maten kowi Karmel hungh kowi nauang takua talawm kownkow krawi pe satang diah. Now Jezebel pawitang kowi kowh tawi cha tawi kham mih risiuüa 450 ia hai Asera thuraima kowh risiuüa 400 ia kowi paw uang hawla diah,” pape khai.20Naiawng rakowi Ahab mih Israeluüa maten hai Baal thurai kowh risiuüa hai Asera thuraima kowh risiuüa maten kowi kuaah lawmah now Karmel hungh kowi Elija tut-e kowkowi khai.21Nakhowk khe maru kawmuüa kowi Elija tek pe mih, “Mün ni tak chow lawng pre buk kowi enni nachawp kown? CHAKRAMANG che Thurai chekhai hanow CHAKRAMANG kowi phai chup büa diah, now Baal thuraiuüa che Thurai chekhai hanow Baal thuraiuüa kowi phai chup büa diah,” pakhai. Nachenganchepaw maru kawmuüa dow miapaw lai dowi chekhai.22Nakhowk khe naiawngün maru-uüa kowi Elija tek pe mih, “CHAKRAMANG kowh risiuüa maten kowi ang taih bowt ta lat mih uowi. Tawkche Baal thurai kowh risiuüa dow 450 ia tak chekhai.23Kawmat mih anging vüi uang pawla chiala pre pum büa diah. Now Baal thuraiuüa mih chiala pre pum hownia amatni vüi naruiah apum hanow anga tawp ia phuchuara kowi kowh sawp luk kowi pacham towah büah lah. Tawkchedow nami sawp kowi maih hown hang pacham towkah büah lah. Now alowk mih chiala dow ang nangenah hanow anga tawp ia mih phuchuara kowi kowh sawp luk kowi ang natowah kown. Tawkchedow ang paw maih hown ang natowkah kown nadowi.24Nami kung kowi dow amatni mih amatni kowh thuraiuüa kowi nahaw kown, now ang paw ang kowh CHAKRAMANG kowi ang nahaw kown. Now amia kowh Thurai chow uang iu chin maih khai, nami Thurai chowtaih Thurai ching,” pakhai.
Nami laiklow tata hanow maru kawmuüa tek mih, “En tek mih lainowmma iung,” pakhai.25Now Baal thurai kowh risiuüa kowi Elija tek pe mih, “Enni dow maru iun lang kawm chedow chiala mih rik rui büah hanow phuchua müa rik kamrüt büah madiah. Now enni kowh thuraiuüa kowi haw büa diah. Tawkchedow maih hown enni naia towkah kown nadowi,” pakhai.26Now amatni ruiah mih chiala mih ngenah büah hanow changla phuchua kownkow kamrüt büah khai. Nami kung kowi dow rauchow hownia sat downg mowr amatni kowh Baal thurai kowi haw büah khai bowt. Amatni dow atün atünma tek mih, “Aw Baal thurai, uang klang anging diah,” pakhai. Nachenganchepaw miapaw uang klangah dowi chekhai. Nakhowk khe amatni dow amatni thawpah mih phuchuara ria kowi tapat lut plaila sawm khai.27Sat downg khe Elija kowkowiah now Baal risiuüa kowi khareah se tek pe mih, “Atünma hawah büa diah! Aia dow thurai nadowi bow? Akeng mih lawnguan kowi aia cham tuak thüm nadowi ü? Nadowi now cham uat thüm nadowi ü? Nadowi now tiama kowi cham mang thüm nadowi ü? Nadowi now aia dow amüi thüm nadowi ü? Aia che müi thüm hanow enni akrüng takla,” pakhai.28Naiawng rakowi amatni dow atün atünma kutplan hawah khai. Nami klen kowi amatni kowh ari kowi uowi iawng amatni buk kowi vi lawt pat saidawng hai saichow hown tata büah khai.29Naiawng hai amatni dow sat downg kowh iak pra kowh phuchua khin mowr chang büah khai. Nachenganchepaw amatni kowi dow tawng iawng paw miapaw uang klangah dowi chekhai.30Nakhowk khe maru maten kowi Elija tek pe mih, “Ang re-e uang büa diah,” pakhai. Nahanow maru kawmuüa mih Elija re-e kowkowi khai. Now CHAKRAMANG kowh phuchuara apiakma mih dow Elija plan rawah khai.31Aia dow Jakawb kowh chapauüa krungchak maten vüi lowk chi paw hua laipre buk khai. “En ming Israel naown kown,” pahai CHAKRAMANG tek pe mih nami Jakawb kowi chowbowt.32Now naiawngün hua hown Elija mih CHAKRAMANG vüi thawp phuchuara lowk khai, now nami phuchuara tapat lut tui takowi laitali set mowr krawi thai pe kuam khai.33Nami kung kowi dow phuchuara luk kowi aia tang pe sawp hanow nami luk kowi tang pe chiala nga tawp ia khai. Now maru kawmuüa kowi aia tek pe mih, “Tuikawng tali klüng hown cham towng tui büah hanow mami phuchua müa chaknga hai sawp luk kowi uang thut büa madiah,” pakhai. Now maru kawmuüa dow Elija tek iawng chang khai.34Nami kung kowi aia tek pe mih, “Thut büa iawk diah,” pakhai. Now maru kawmuüa dow Elija tek iawng chang khai. Now aia tek pe mih, “Plan thut büa iawk diah,” pakhai. Now maru kawmuüa dow Elija tek pe iawng plan chang khai iawk.35Nakhowk khe phuchuara kowi kowh thutah mih tui dow ariaret kowi kowh thaiah mih kuam kowi iu hawk hanow tek mawp khai.36Now iak pra kowh phuchua khin uang ting khe dow risi Elija mih chup Thurai khai bowt. Aia awr tek mih, “Aw CHAKRAMANG, Abraham, Isak hai Israeluüa kowh Thurai. Israeluüa pungmadawng kowi en chowtaih Thurai pami, ang dow en kowh nar pami hai maiawng ang chang mih dow en kowh ana pek chekhai pami maru kawmuüa kowi ani uang pe tukah diah.37Uang klang ang diah, aw CHAKRAMANG, uang klang ang diah. Aw CHAKRAMANG, en chowtaih Thurai pami hai amatni kowh sak uang pe taplanah mih dow en chowtaih pami maiawngün maru maten natukla kownkow uang klang ang diah,” pakhai.38Nakhowk khe mukuang hownia CHAKRAMANG kowh maih uang iu dowh hanow phuchuara kowi kowh chaknga, sawp, hua hai bawn ün uang kamta bowk khai, now phuchuara ria kowi kowh thaiah mih kuam kowi kowh tui paw kang bowk khai.39Nami khita hanow maru kawmuüa dow krawng kowi tabawkah krawm se atünma tek mih, “CHAKRAMANG chowtaih Thurai, CHAKRAMANG chowtaih Thurai,” pakhai.40Nakhowk khe maru kawmuüa kowi Elija tek pe mih, “Baal thurai kowh risiuüa kowi khüm büa madiah. Amatni kowi lowk ia paw hangkow pe powtah büah,” pakhai. Naiawng rakowi maru kawmuüa dow naiawngün risiuüa kowi khümta bowk khai. Now naiawngün risiuüa kowi mih Kisawn lawngrawi kowi kowpawla now Elija kowsaita bowk khai.41Nami kung kowi Ahab kowi Elija tek pe mih, “Uangchak mang tün ang ta khowk. Naiawng rakowi rü now cham cha cham kham bowt,” pakhai.42Naiawng rakowi Ahab dow rü now cham cha cham kham khai bowt. Nachenganchepaw Elija dow Karmel hungh luk kowi kowpün khai, now tua kung se tabawkah krawm now chup Thurai khai.43Nami kung kowi aia kowh nar kowi Elija tek pe mih, “Kowkowiah now sata pra kowsam mü madiah,” pakhai. Naiawng rakowi Elija kowh nar dow sata prakowi kowmü khai. Now Elija kowi uang tek pe mih, “Tawngpaw ang khi dowi,” pape khai. Naiawng hai anar kowi mih ranit kat mowr Elija kowpe müah khai.44Now ranit kat khe dow ki müla now Elija kowi anar uang tek pe mih, “Sata hownia rutpha khowtchow uangnim awr taken iek mih uowi lowk,” pape khai.
Nakhowk khe Elija tek pe mih, “Ahab tut-e kowkowiah now aia kowh kawrnga kari hown kim kowi namang kownkow kowtek pe diah, nadowi now uangchak hown aia takhang kown chekhai,” pakhai.45Nakhowk khe kuang dawng kowi uangnim akringma uang tatüng khai bowt, li paw uang tarowng uang khai bowt, now uangchak mang mih uang khai bowt. Now Ahab dow kawrnga kari hown Jezrel marow prakowi tarowng mang khai.46Nakhowk khe Thurai hownia kowh kür mih Elija tut-e uang ting khai. Aia dow aia kowh tawnguat mih kelang kowi sükla now Ahab dowi rawn kowrik iowm hanow Jezrel marow kowi kowkowi khai.
Nami khin khe Samari marow kowi dow nachaah kown mih chakkham mapaw uowi dowi bowt chekhai.3Akat khe mang Ahab mih Obadia kowi hawah now tek pe mih, “Pren kowi kowh awchawng hai lawngrawi maten kowi krawi kowi madiah. Now kawrnga hai kawrngaramchük hawmh nachaah kown mih pram uowi ne chünchü krawi sam mü madiah. Naiawng nadowi now kawrnga hai kawrngaramchük hawmh kowi a-i nakowngta bowk kown chekhai,” pakhai. (Nami khin khe Obadia dow mang kim mingkhet mih chekhai. Aia dow CHAKRAMANG kowi lainowmma ringkaw hai owm mih maru chekhai. CHAKRAMANG kowh risiuüa kowi Ahab kowh masi Jezebel saiah mih khin khe aia dow CHAKRAMANG kowh risi 100 ia kowi cham petah khai. Aia dow naiawngün risiuüa kowi 50 ia chi bakah now puk pre buk kowi cham petah khai. Now naiawngün risiuüa kowi mih chakkham paw aia peah khai).6Now Ahab hai Obadia iüah dow nakrawi cham pram uowi rah kownkow cham tarü iüah khai. Amatchi dow pren mih tabakah iüah hanow mapra lowk ia paipra lowk ia cham tarü iüah khai.7Now Obadia dow mang mang hanow tiama rawng kowi Elija hown takrum khai. Elija kowi khita now aia dow krawng kowi tabawkah krawm se chupah khai. Now aia tek pe mih, “Ang kowh chakramang Elija chowbowt nadowi bow en?” pakhai.8Elija klangah mih, “Ow, Elija chowbowt ang. En kowh mangkri tut-e kowkowiah now mami re-e ang uowi mih kowtek pe diah,” pape khai.9Nakhowk khe Obadia tek pe mih, “Tawng angak chow ang changta khai? Tawng rakowi chow nakowngta ang kownkow ang kowh mangkri rut kowi en tuk ap ang khai?10CHAKRAMANG en kowh masing Thurai ming hown takham se ang tek khowk. Nasaita en kownkow ang kowh mangkri krawi cham en dowi mih pren hai arah uowi dowi bowt. Now pren towng kowi kowh manguüa maten kowi paw amatni pren kowi en uowi dowi mih ang kowh mangkri pe takhamah khai.11Nami luk kowi ang kowh mangkri tut-e kowkowiah now mami re-e en uowi mih satang tak ü ang kowphowng pe kown?12Mami hownia ang powt hanow CHAKRAMANG kowh lümla tawng pra chow nacham pawla en kown mih mia chow tuk? Ang kowh mangkri kowi ang kowtek pe now ang kowh mangkri dow nauang mü en kown. Nakhowk khe ang kowh mangkri uang khi en dowi now kowngta ang dowi tham pabow? Nachenganchepaw ang dow asowmchow hownia CHAKRAMANG kowi ringkawma hown kram mih maru chekhai.13CHAKRAMANG kowh risiuüa kowi Jezebel saiah mih khin khe tawng ngai chow ang chang mih en tuk nadowi bow? CHAKRAMANG kowh risiuüa 100 ia kowi changah pre bak now 50 ia chi puk kowi ang cham petah now ang peah chakkham mih en tuk nadowi bow?14Nami pache kawmat ang kowh mangkri tut-e kowkowi now mami re-e en uowi mih satang tak en kowpe phowng ang. Ang kowh mangkri saita ang dowi tham pabow?” pakhai.15Nakhowk khe Elija klangah mih, “Ang chang pe lup reng mih CHAKRAMANG ang kowh masing Thurai ming hown takham se ang tek khowk. Ani dow Ahab pur kowi ang natatüng tangtang kown,” pape khai.16Nahanow Obadia dow mang Ahab tut-e kowkowiah now risi Elija hown natakrum kown mih laiklow kowtek pe khai. Now mang Ahab dow Elija hown kowtakrum khai bowt.17Elija kowi khita now Ahab tek pe mih, “Israeluüa kowi towkah akrat pusa reng mih en chowbowt lownow!” pakhai.18Elija klangah mih, “Israeluüa kowi towkah akrat pusa mih ang nadowi. Israeluüa kowi towkah akrat pusa mih dow en hai en pa krungchakuüa chowtaih. Enni dow CHAKRAMANG kowh ana pek nuata hanow akeng thuraiuüa kung cham krawi khai.19Kawmat mih kowchin maru hanow Israeluüa maten kowi Karmel hungh kowi nauang takua talawm kownkow krawi pe satang diah. Now Jezebel pawitang kowi kowh tawi cha tawi kham mih risiuüa 450 ia hai Asera thuraima kowh risiuüa 400 ia kowi paw uang hawla diah,” pape khai.20Naiawng rakowi Ahab mih Israeluüa maten hai Baal thurai kowh risiuüa hai Asera thuraima kowh risiuüa maten kowi kuaah lawmah now Karmel hungh kowi Elija tut-e kowkowi khai.21Nakhowk khe maru kawmuüa kowi Elija tek pe mih, “Mün ni tak chow lawng pre buk kowi enni nachawp kown? CHAKRAMANG che Thurai chekhai hanow CHAKRAMANG kowi phai chup büa diah, now Baal thuraiuüa che Thurai chekhai hanow Baal thuraiuüa kowi phai chup büa diah,” pakhai. Nachenganchepaw maru kawmuüa dow miapaw lai dowi chekhai.22Nakhowk khe naiawngün maru-uüa kowi Elija tek pe mih, “CHAKRAMANG kowh risiuüa maten kowi ang taih bowt ta lat mih uowi. Tawkche Baal thurai kowh risiuüa dow 450 ia tak chekhai.23Kawmat mih anging vüi uang pawla chiala pre pum büa diah. Now Baal thuraiuüa mih chiala pre pum hownia amatni vüi naruiah apum hanow anga tawp ia phuchuara kowi kowh sawp luk kowi pacham towah büah lah. Tawkchedow nami sawp kowi maih hown hang pacham towkah büah lah. Now alowk mih chiala dow ang nangenah hanow anga tawp ia mih phuchuara kowi kowh sawp luk kowi ang natowah kown. Tawkchedow ang paw maih hown ang natowkah kown nadowi.24Nami kung kowi dow amatni mih amatni kowh thuraiuüa kowi nahaw kown, now ang paw ang kowh CHAKRAMANG kowi ang nahaw kown. Now amia kowh Thurai chow uang iu chin maih khai, nami Thurai chowtaih Thurai ching,” pakhai.
Nami laiklow tata hanow maru kawmuüa tek mih, “En tek mih lainowmma iung,” pakhai.25Now Baal thurai kowh risiuüa kowi Elija tek pe mih, “Enni dow maru iun lang kawm chedow chiala mih rik rui büah hanow phuchua müa rik kamrüt büah madiah. Now enni kowh thuraiuüa kowi haw büa diah. Tawkchedow maih hown enni naia towkah kown nadowi,” pakhai.26Now amatni ruiah mih chiala mih ngenah büah hanow changla phuchua kownkow kamrüt büah khai. Nami kung kowi dow rauchow hownia sat downg mowr amatni kowh Baal thurai kowi haw büah khai bowt. Amatni dow atün atünma tek mih, “Aw Baal thurai, uang klang anging diah,” pakhai. Nachenganchepaw miapaw uang klangah dowi chekhai. Nakhowk khe amatni dow amatni thawpah mih phuchuara ria kowi tapat lut plaila sawm khai.27Sat downg khe Elija kowkowiah now Baal risiuüa kowi khareah se tek pe mih, “Atünma hawah büa diah! Aia dow thurai nadowi bow? Akeng mih lawnguan kowi aia cham tuak thüm nadowi ü? Nadowi now cham uat thüm nadowi ü? Nadowi now tiama kowi cham mang thüm nadowi ü? Nadowi now aia dow amüi thüm nadowi ü? Aia che müi thüm hanow enni akrüng takla,” pakhai.28Naiawng rakowi amatni dow atün atünma kutplan hawah khai. Nami klen kowi amatni kowh ari kowi uowi iawng amatni buk kowi vi lawt pat saidawng hai saichow hown tata büah khai.29Naiawng hai amatni dow sat downg kowh iak pra kowh phuchua khin mowr chang büah khai. Nachenganchepaw amatni kowi dow tawng iawng paw miapaw uang klangah dowi chekhai.30Nakhowk khe maru maten kowi Elija tek pe mih, “Ang re-e uang büa diah,” pakhai. Nahanow maru kawmuüa mih Elija re-e kowkowi khai. Now CHAKRAMANG kowh phuchuara apiakma mih dow Elija plan rawah khai.31Aia dow Jakawb kowh chapauüa krungchak maten vüi lowk chi paw hua laipre buk khai. “En ming Israel naown kown,” pahai CHAKRAMANG tek pe mih nami Jakawb kowi chowbowt.32Now naiawngün hua hown Elija mih CHAKRAMANG vüi thawp phuchuara lowk khai, now nami phuchuara tapat lut tui takowi laitali set mowr krawi thai pe kuam khai.33Nami kung kowi dow phuchuara luk kowi aia tang pe sawp hanow nami luk kowi tang pe chiala nga tawp ia khai. Now maru kawmuüa kowi aia tek pe mih, “Tuikawng tali klüng hown cham towng tui büah hanow mami phuchua müa chaknga hai sawp luk kowi uang thut büa madiah,” pakhai. Now maru kawmuüa dow Elija tek iawng chang khai.34Nami kung kowi aia tek pe mih, “Thut büa iawk diah,” pakhai. Now maru kawmuüa dow Elija tek iawng chang khai. Now aia tek pe mih, “Plan thut büa iawk diah,” pakhai. Now maru kawmuüa dow Elija tek pe iawng plan chang khai iawk.35Nakhowk khe phuchuara kowi kowh thutah mih tui dow ariaret kowi kowh thaiah mih kuam kowi iu hawk hanow tek mawp khai.36Now iak pra kowh phuchua khin uang ting khe dow risi Elija mih chup Thurai khai bowt. Aia awr tek mih, “Aw CHAKRAMANG, Abraham, Isak hai Israeluüa kowh Thurai. Israeluüa pungmadawng kowi en chowtaih Thurai pami, ang dow en kowh nar pami hai maiawng ang chang mih dow en kowh ana pek chekhai pami maru kawmuüa kowi ani uang pe tukah diah.37Uang klang ang diah, aw CHAKRAMANG, uang klang ang diah. Aw CHAKRAMANG, en chowtaih Thurai pami hai amatni kowh sak uang pe taplanah mih dow en chowtaih pami maiawngün maru maten natukla kownkow uang klang ang diah,” pakhai.38Nakhowk khe mukuang hownia CHAKRAMANG kowh maih uang iu dowh hanow phuchuara kowi kowh chaknga, sawp, hua hai bawn ün uang kamta bowk khai, now phuchuara ria kowi kowh thaiah mih kuam kowi kowh tui paw kang bowk khai.39Nami khita hanow maru kawmuüa dow krawng kowi tabawkah krawm se atünma tek mih, “CHAKRAMANG chowtaih Thurai, CHAKRAMANG chowtaih Thurai,” pakhai.40Nakhowk khe maru kawmuüa kowi Elija tek pe mih, “Baal thurai kowh risiuüa kowi khüm büa madiah. Amatni kowi lowk ia paw hangkow pe powtah büah,” pakhai. Naiawng rakowi maru kawmuüa dow naiawngün risiuüa kowi khümta bowk khai. Now naiawngün risiuüa kowi mih Kisawn lawngrawi kowi kowpawla now Elija kowsaita bowk khai.41Nami kung kowi Ahab kowi Elija tek pe mih, “Uangchak mang tün ang ta khowk. Naiawng rakowi rü now cham cha cham kham bowt,” pakhai.42Naiawng rakowi Ahab dow rü now cham cha cham kham khai bowt. Nachenganchepaw Elija dow Karmel hungh luk kowi kowpün khai, now tua kung se tabawkah krawm now chup Thurai khai.43Nami kung kowi aia kowh nar kowi Elija tek pe mih, “Kowkowiah now sata pra kowsam mü madiah,” pakhai. Naiawng rakowi Elija kowh nar dow sata prakowi kowmü khai. Now Elija kowi uang tek pe mih, “Tawngpaw ang khi dowi,” pape khai. Naiawng hai anar kowi mih ranit kat mowr Elija kowpe müah khai.44Now ranit kat khe dow ki müla now Elija kowi anar uang tek pe mih, “Sata hownia rutpha khowtchow uangnim awr taken iek mih uowi lowk,” pape khai.
Nakhowk khe Elija tek pe mih, “Ahab tut-e kowkowiah now aia kowh kawrnga kari hown kim kowi namang kownkow kowtek pe diah, nadowi now uangchak hown aia takhang kown chekhai,” pakhai.45Nakhowk khe kuang dawng kowi uangnim akringma uang tatüng khai bowt, li paw uang tarowng uang khai bowt, now uangchak mang mih uang khai bowt. Now Ahab dow kawrnga kari hown Jezrel marow prakowi tarowng mang khai.46Nakhowk khe Thurai hownia kowh kür mih Elija tut-e uang ting khai. Aia dow aia kowh tawnguat mih kelang kowi sükla now Ahab dowi rawn kowrik iowm hanow Jezrel marow kowi kowkowi khai.
The Seed Company