1 Manguüa12
1Rehoboam kowi nathawpah mang kownkow Israeluüa maten mih Sekem marow kowi kowkowi khai. Naiawng rakowi Rehoboam paw Sekem kowi kowkowi khai.2Rehoboam chowm mang kown mih satang tata hown krowksang Nebat kowh chapa Jeroboam mih Aigupta pren hownia uang plan khai bowt. (Aigupta pren kowi Jeroboam cham uowi mih dow Sawlawmawn hownia cham powt rakowi chekhai).3Tawngphak pra kowh Israeluüa dow Jeroboam kowi kowhawah khai, now amatni bowkbowk dow mang Rehoboam tut-e kowkowiah hanow tek pe mih,4“En pa Sawlawmawn dow sing uowi reng tak khe lup akratma mih kür hown pe chang anging reng chekhai. Nachenganchepaw en dow anging luk kowi kowh akratma mih lup eta anging nown diah. Nahanow anging nachang en lup reng kown taih,” pabüah khai.5Nakhowk khe Rehoboam klangah mih, “Pe ang khin büah sum ni diah, ang paw pe tuak tak. Sum ni kowh ni khe uang büah iawk,” pape khai. Naiawng rakowi maru kawmuüa dow plan mang khai.6Now Rehoboam mih a-pa Sawlawmawn chowng khe kowh prengia pek mih lawngtang aluchowuüa tut-e krawi paw prengia khai. Lawngtanguüa kowi aia lüntaah mih, “Maru kawmuüa kowi tawng iawng chow ang naklangah kown? Pe ang prengia büa madiah,” pakhai.7Nakhowk khe lawngtang aluchowuüa tek pe mih, “En che amatni kowh lup chang mih chekhai, now amatni kowi che klangiungma klowpah klangah khai hanow amatni mih atungma nachang en nar lup kown towbowt,” pape khai.8Nachenganchepaw Rehoboam dow lawngtang aluchowuüa kowh prengia laiklow chün dowi chekhai. Aia dow aia hown asawn sang mih aia kowh prengia pek mih auiuauüa tut-e krawi paw prengia khai.9Aia kowh prengia pek mih klanguüa hawmh kowi aia tek pe mih, “Maru kawmuüa tek ang mih, ‘En pa pe chang anging mih lup akratma mih eta anging nown diah,’ pakhai. Nami lawnguan kowi tawng iawng chow enni pe ang prengia kown? Maru kawmuüa kowi tawng iawng chow a-i naklangah kown?” pakhai.10Nakhowk khe klanguüa hawmh tek pe mih, “Naiawngün maru-uüa kowi en natek pe kown mih, ‘Apa kowh kelang lak-e ang kowh rut chah lang iuk.11Apa pe chang enni mih lup klen kowi ahuma tak ang pe chang enni kown. Apa dow leng hown taih tak hup enni. Tawkche ang dow lawngha chuh leng hown ang nahup enni kown,’ pape bowt,” pakhai.12Now mang kowh laiklow iawng sum ni kowh ni dow Jeroboam hai Israeluüa maten mih Rehoboam tut-e kowkowi khai iawk.13Nakhowk khe mang Rehoboam dow lawngtang aluchowuüa kowh prengia pek nuata hanow maru kawmuüa kowi angakma klangah khai.14Aia dow klanguüa hawm kowh prengia pek iawng tek pe maru kawmuüa mih, “Apa pe chang enni mih lup klen kowi ahuma tak ang nape chang enni kown. Apa dow leng hown taih tak hup enni. Tawkche ang dow lawngha chuh leng hown ang nahup enni kown,” pakhai.15Naiawng hai mang Rehoboam dow maru kawmuüa kowh laiklow sünta pe dowi chekhai. Naiawng phaw mih dow CHAKRAMANG pe phawah kowh chekhai. Nami dow Nebat chapa Jeroboam lawnguan kowi kowh Silo marowchak risi Ahija tut-e kowh CHAKRAMANG laiklow iawng uang tachih mih chekhai.16Mang Rehoboam mih amatni kowh laiklow sünta pe kown nadowi pami tukta hanow Israeluüa tek mih,
“David luk kowi tawngpaw a-i kowh alow uowi dowi,Jese chapa tut-e tawngpaw a-i kowh kakbak uowi dowi.Aw Israeluüa, chowlowkkow kim kowi plan büa diah!Aw Rehoboam, en matia krungchakuüa kowi ta kruitown bowt!” pabüah khai.Naiawng rakowi Israeluüa dow chowlowkkow kim kowi plan bowk khai.17Rehoboam nimkrüa kowi ta uowi mih dow Juda krungchakuüa marow kowi kowh Israeluüa krowngchow towbowt.18Adoniram dow kür hown maru kawmuüa kowi pe changah lup mih kowi kowh aluchow chekhai. Israeluüa kowi nauang planla kownkow Adoniram kowi mang Rehoboam kowchinah chowdiah. Tawkche Adoniram kowi mih kowng pat hua hown maru kawmuüa hawt kuakah khai. Naiawng rakowi mang Rehoboam dow alenma aia kowh kawrnga kari kowi pün now Jerusalem marow kowi powt khai.19Naiawng hai tawngphak pra kowh Israeluüa dow ani mowr David krungchakuüa kowi kingküaah reng chekhai.20Now Aigupta pren hownia Jeroboam uang plan khowk pami Israeluüa tuk bowk khe dow takua talawmra kowi Jeroboam kowi hawah khai, now Israeluüa maten luk kowi amatni dow Jeroboam kowi pe chowmah mang khai. David krungchak luk kowi kaah sakowmma hown uowi mih dow Juda krungchakuüa krowngchow towbowt chekhai.21Rehoboam dow Jerusalem marow kowi kowting hanow Juda krungchakuüa hai Benjamin krungchakuüa maten kowi kuaah khai. Now siphai lang iung miuüa kowi 180,000 ia aia lang ruiah khai. Naiawng aia chang mih dow tawngphak pra kowh Israeluüa kowi senah hanow amatni kowh pren aia powngta pe kown nau rakowi chekhai.22Nachenganchepaw risi Semaia kowi Thurai uang tek pe mih,23“Juda pren mang Sawlawmawn kowh chapa Rehoboam, Juda krungchakuüa, Benjamin krungchakuüa maten hai akeng miuüa maten kowi en natek pe kown mih,24‘Enni kowh tainau Israeluüa hown nakowtasen kownkow hangkow tarü büa diah; enni mih chowlowkkow kim kowi plan büa diah. Tawngplawng kowchow panow maiawng phaw mih dow ang nauah kowh chekhai,’ pape diah,” pakhai. Naiawng rakowi amatni dow CHAKRAMANG kowh ana pek iawng kim prakowi plan bowk khai.25Akung kowi Israel kowi kowh mang Jeroboam dow Efraimuüa süng kowi kowh Sekem marow mih akhawtma kowplan thawpah khai, now nakowi kowuowi khai. Nami kung kowi dow nami hownia powt now Penuel marow mih khawtma kowplan thawp khai.26Jeroboam ka tuak mih, “Ang che tawngpaw chang dowi reng hanow maru kawmuüa mih CHAKRAMANG kowi nakowphuchua kownkow Jerusalem marow kowi kowh taklowp taklangra te kowi nakowkowi reng kown lowmow. Nahanow maru kawmuüa dow mang Rehoboam krüa kowi nauowi kown mih nau büah iawk kown lowmow. Pren mih dow David krungchak rut kowi napowt iawk kown chekhai. Now ang kowi dow nasaita ang büah kown chekhai,” pakhai.28Naiawng rakowi mang Jeroboam mih aia kowh maru-uüa tut-e paw prengia hanow kuh hown thawp chia chah rup pre buk khai. Nami kung kowi dow maru kawmuüa kowi aia tek pe mih, “Aw Israeluüa, sünta. CHAKRAMANG kowi nachup kownkow Jerusalem marow kowi enni kowkowi kla dowi bowt. Mami chowbowt enni kowh thurai. Mami chowbowt Aigupta pren hownia kowh uang lawtla enni mih thurai,” pape khai.29Lowk mih chia chah rup dow Bethel marow kowi aia towah khai, now alowk mih dow Dan marow kowi aia towah khai.30Naiawng rakowi maru kawmuüa dow Bethel hai Dan marow kowi kowh arup kowi chup hai chang lup ngak khai.31Jeroboam mih arah kroma mih kowi kowh chupiiara kowi thawp pe thurai chup kim khai, now Levi krungchak nadowi miuüa kowi ruiah hanow pe changah uamow lup khai.32Now Juda süng kowi kowh kawngmu pawi phaw reng iawng raiat la kowi kowh laitanga ni khe Bethel marow kowi aia paw chang pawi lowk khai. Nakhowk khe aia thawpah mih chia chah rup vüi phuchuara luk kowi aia mih chang tawncher phuchua khai. Now Bethel marow kowi arah kroma mih kowi kowh chupiiara kowi aia thawpah mih thurai chup kim kowi aia tow pe uamow khai.33Bethel kowi kowh aia thawpah mih phuchuara kowi raiat la kowi kowh 15 ni mih ni khe aia dow tawncher phuchua chang pe khai. Naiawng nachang kown mih pawi ni dow aiamat hownia kowh ruiah mih chekhai. Naiawng hai aia dow Israeluüa vüi kamrüt pe pawi khai, now aiamat ngengche mih phuchuara luk kowi chang tawncher phuchua khai.
“David luk kowi tawngpaw a-i kowh alow uowi dowi,Jese chapa tut-e tawngpaw a-i kowh kakbak uowi dowi.Aw Israeluüa, chowlowkkow kim kowi plan büa diah!Aw Rehoboam, en matia krungchakuüa kowi ta kruitown bowt!” pabüah khai.Naiawng rakowi Israeluüa dow chowlowkkow kim kowi plan bowk khai.17Rehoboam nimkrüa kowi ta uowi mih dow Juda krungchakuüa marow kowi kowh Israeluüa krowngchow towbowt.18Adoniram dow kür hown maru kawmuüa kowi pe changah lup mih kowi kowh aluchow chekhai. Israeluüa kowi nauang planla kownkow Adoniram kowi mang Rehoboam kowchinah chowdiah. Tawkche Adoniram kowi mih kowng pat hua hown maru kawmuüa hawt kuakah khai. Naiawng rakowi mang Rehoboam dow alenma aia kowh kawrnga kari kowi pün now Jerusalem marow kowi powt khai.19Naiawng hai tawngphak pra kowh Israeluüa dow ani mowr David krungchakuüa kowi kingküaah reng chekhai.20Now Aigupta pren hownia Jeroboam uang plan khowk pami Israeluüa tuk bowk khe dow takua talawmra kowi Jeroboam kowi hawah khai, now Israeluüa maten luk kowi amatni dow Jeroboam kowi pe chowmah mang khai. David krungchak luk kowi kaah sakowmma hown uowi mih dow Juda krungchakuüa krowngchow towbowt chekhai.21Rehoboam dow Jerusalem marow kowi kowting hanow Juda krungchakuüa hai Benjamin krungchakuüa maten kowi kuaah khai. Now siphai lang iung miuüa kowi 180,000 ia aia lang ruiah khai. Naiawng aia chang mih dow tawngphak pra kowh Israeluüa kowi senah hanow amatni kowh pren aia powngta pe kown nau rakowi chekhai.22Nachenganchepaw risi Semaia kowi Thurai uang tek pe mih,23“Juda pren mang Sawlawmawn kowh chapa Rehoboam, Juda krungchakuüa, Benjamin krungchakuüa maten hai akeng miuüa maten kowi en natek pe kown mih,24‘Enni kowh tainau Israeluüa hown nakowtasen kownkow hangkow tarü büa diah; enni mih chowlowkkow kim kowi plan büa diah. Tawngplawng kowchow panow maiawng phaw mih dow ang nauah kowh chekhai,’ pape diah,” pakhai. Naiawng rakowi amatni dow CHAKRAMANG kowh ana pek iawng kim prakowi plan bowk khai.25Akung kowi Israel kowi kowh mang Jeroboam dow Efraimuüa süng kowi kowh Sekem marow mih akhawtma kowplan thawpah khai, now nakowi kowuowi khai. Nami kung kowi dow nami hownia powt now Penuel marow mih khawtma kowplan thawp khai.26Jeroboam ka tuak mih, “Ang che tawngpaw chang dowi reng hanow maru kawmuüa mih CHAKRAMANG kowi nakowphuchua kownkow Jerusalem marow kowi kowh taklowp taklangra te kowi nakowkowi reng kown lowmow. Nahanow maru kawmuüa dow mang Rehoboam krüa kowi nauowi kown mih nau büah iawk kown lowmow. Pren mih dow David krungchak rut kowi napowt iawk kown chekhai. Now ang kowi dow nasaita ang büah kown chekhai,” pakhai.28Naiawng rakowi mang Jeroboam mih aia kowh maru-uüa tut-e paw prengia hanow kuh hown thawp chia chah rup pre buk khai. Nami kung kowi dow maru kawmuüa kowi aia tek pe mih, “Aw Israeluüa, sünta. CHAKRAMANG kowi nachup kownkow Jerusalem marow kowi enni kowkowi kla dowi bowt. Mami chowbowt enni kowh thurai. Mami chowbowt Aigupta pren hownia kowh uang lawtla enni mih thurai,” pape khai.29Lowk mih chia chah rup dow Bethel marow kowi aia towah khai, now alowk mih dow Dan marow kowi aia towah khai.30Naiawng rakowi maru kawmuüa dow Bethel hai Dan marow kowi kowh arup kowi chup hai chang lup ngak khai.31Jeroboam mih arah kroma mih kowi kowh chupiiara kowi thawp pe thurai chup kim khai, now Levi krungchak nadowi miuüa kowi ruiah hanow pe changah uamow lup khai.32Now Juda süng kowi kowh kawngmu pawi phaw reng iawng raiat la kowi kowh laitanga ni khe Bethel marow kowi aia paw chang pawi lowk khai. Nakhowk khe aia thawpah mih chia chah rup vüi phuchuara luk kowi aia mih chang tawncher phuchua khai. Now Bethel marow kowi arah kroma mih kowi kowh chupiiara kowi aia thawpah mih thurai chup kim kowi aia tow pe uamow khai.33Bethel kowi kowh aia thawpah mih phuchuara kowi raiat la kowi kowh 15 ni mih ni khe aia dow tawncher phuchua chang pe khai. Naiawng nachang kown mih pawi ni dow aiamat hownia kowh ruiah mih chekhai. Naiawng hai aia dow Israeluüa vüi kamrüt pe pawi khai, now aiamat ngengche mih phuchuara luk kowi chang tawncher phuchua khai.
The Seed Company