1 Manguüa11
1Mang Sawlawmawn dow Faraw kowh chama klen kowi paw prenlang masiuüa kowi naukhila mih akawmma tak chekhai. Naiawngün masiuüa hawmh dow Moabuüa, Amawnuüa, Edawmuüa hai Hit chenchapuüa chekhai.2Naiawngün chenchap masiuüa lawnguan kowi alai hownia CHAKRAMANG tek pe Israeluüa mih, “Amatni kowi enni naia chawng kown nadowi. Tawngplawng kowchow panow amatni dow enni kowh saktuak klowita enni hanow amatni kowh thuraiuüa kowi nape chupiiala enni ngengche kown chekhai,” pakhai. Nachenganchepaw mang Sawlawmawn dow naiawngün masiuüa hawmh kowi hing naukhita chenchen khai.3Aia kowh dow masi uowi 700 ia chekhai. Naiawngün masiuüa hawmh dow mang chama kangowh chekhai. Nami klen kowi aia changla masi mih narma paw uowi 300 ia chekhai. Naiawngün aia kowh masi hawmh dow aia kowh saktuak mih Thurai hownia plengta pe khai.4Sawlawmawn lawngtang mih khin khe aia kowh saktuak dow amasi hawmh mih amatni kowh thuraiuüa prakowi pawla khai. Naiawng rakowi mang Sawlawmawn kowh saktuak dow apa David kowh saktuak iawng Thurai tut-e kaah sakowm dowi chekhai. Apa David dow CHAKRAMANG aia kowh Thurai kowi ringkawma chekhai.5Sawlawmawn dow Sidawnuüa kowh thuraima Astarawt hai Amawnuüa kowh suiiai kaniaima mih thurai Milkawma kowi tawi chupiia khai.6Naiawng hai aia dow CHAKRAMANG mik kowi angakma mih lup chang khai. Aia dow CHAKRAMANG kowi apa David ringkaw iawng sak maiow hown ringkaw dowi chekhai.7Sawlawmawn dow Jerusalem marow satlawt prakowi kowh hungh kowi arah kroma mih kowi thawp phuchuara lowk khai. Nami phuchuara dow Moabuüa kowh suiiai kaniaima mih thurai Kemaws vüi hai Amawnuüa kowh suiiai kaniaima mih thurai Molek vüi chekhai.8Prenlang hownia kowh aia kowh masi maten dow amatni chowlowkkow thurai vüi nam iungma mih maikhük towk reng chekhai, now tawncher hown paw chang phuchua reng chekhai. Naiawng rakowi aia dow amatni bowkbowk vüi thawp pe phuchuara khai.9Nahanow CHAKRAMANG dow mang Sawlawmawn luk kowi lainowmma sak-hiah kawm khai. Tawngplawng kowchow panow aia tut-e kowh uang tatüng pre kat mih CHAKRAMANG Israeluüa kowh Thurai hownia aia kowh saktuak cham tapleng khai.10Akeng mih thuraiuüa kowi nachupiia dowi kown mih CHAKRAMANG dow Sawlawmawn kowi hangah khowk chowdiah. Nachenganchepaw Sawlawmawn dow CHAKRAMANG kowh ana pek chün dowi chekhai.11Naiawng rakowi CHAKRAMANG tek pe Sawlawmawn mih, “En dow akiang ngakma chekhai, now ang kowh sangbowk laitawm hai ari arow paw en chün dowi chekhai. Naiawng rakowi pren mih dow en hownia ang narupta en ngengche kown, now nami pren dow en kowh nar lowk ia mih kowi ang napeah kown.12En pa David tut-e kowh ang kowh laikham rakowi en sing uowi sak uowi mowr dow nami pren mih ang narupta en kown nadowi tak. Nachenganchepaw en chapa rut hownia nami pren dow ang narupta kown.13Tawkche nami pren dow aia kowi ang narupta pe bowk kown nadowi. Ang kowh nar David tut-e kowh ang kowh laikham rakowi hai ang kloah mih Jerusalem marow rakowi en kowh chapa kowi mih ang napeah krungchak lowk kown,” pakhai.14Nami kung kowi dow CHAKRAMANG mih mang Sawlawmawn kowi nakingküaah kownkow awr iowng pe ransu lowk ia khai. Nami maru dow Edawm prenchak Hadad chekhai. Aia dow Edawm pren kowi kowh mang krungchak hownia kowh uang dia mih maru chekhai.15Edawm pren kowi mang David kowsen mih khin khe aia kowh siphai aluchow Joab dow Israel siphaiuüa uak nakowtawi dup kownkow Edawm pren kowi kowtawi khai. Nakowi aia uowi mih khin khe aia dow Edawm chenchap kachakuüa maten kowi saita bowk khai.16Joab hai Israeluüa kowh siphai maten dow taruk la mowr Edawm pren kowi uowi khai, now amatni dow nami pren kowi kowh kachakuüa maten kowi saita bowk khai.17Nachenganchepaw Hadad mih Edawm pren kowi kowh a-pa kowh maru iukuüa kowi pawla pre sum ia now Aigupta pren kowi ku powt khai. Nami khin khe aia dow sowm reng tak chekhai.18Amatni dow Midian pren hownia lawt hanow Paran pren kowi kowkowi khai. Nami kung kowi nami pren hownia pawla maru sangrum now Aigupta pren mang Faraw tut-e kowkowi büah khai. Mang Faraw dow Hadad kowi mih kim, krawng bawn hai chakkham peah khai.19Faraw mih Hadad kowi lainowmma sak-ihah khai. Naiawng rakowi Hadad kowi mih aia kowh masi Tapenes kowh naumow hown Faraw pe tachawngah khai. Tapenes dow masiuüa mang chekhai.20Now Hadad kowh masi dow kum nau hanow pen chapa lowk ia khai. Achapa ming dow Genubat chekhai. Now Genubat kowi dow iawn kham towng dowi mowr Tapenes mih mang kim kowi towah khai. Now Genubat dow nakowi Faraw kowh chauüa hawmh hown tawi taiua uowi khai.21Mang David kowng khai bowt pami satang hai aia kowh siphai aluchow Joab kowng khai bowt mih satang dow Aigupta pren kowi uowi reng tak khe Hadad mih ta khai. Nakhowk khe Faraw kowi Hadad tek pe mih, “Khaleng dow ang matia pren kowi pe mang ang diah,” pakhai.22Now Hadad kowi Faraw lüntaah mih, “Tawngplawng kowchow en matia pren kowi en naplan kown en nau khai? Makowi tawng akhawr chow en kowh uowi khai?” pakhai.
Nakhowk khe Hadad klangah mih, “Tawng akhawr paw uowi dowi chow. Nachenganchepaw pe mang ang diah,” pape khai.23Thurai dow Sawlawmawn kowi nakingküaah kownkow uang plan iowng pe ransu lowk ia khai iawk. Nami dow Eliada chapa Rezawn chekhai. Aia dow Zoba pren mang Hadadezer hownia ku powt mih chekhai. Mang Hadadezer dow aia kowh kim iah chekhai.24Zoba prenchak siphaiuüa kowi mang David saita mih kung kowi Rezawn dow kua maru sangrum hanow thawp damra pathum khai, now aia dow nami damra thum kowi aluchow chekhai. Amatni dow Damaska marow powngta pe khai, now Rezawn dow nami pren kowi chowm mang khai.25Mang Sawlawmawn sing uowi sak uowi mowr Rezawn dow Israeluüa kowi kingküaah khai. Nami khin khe Hadad paw Israeluüa kowi kingküaah khai. Rezawn dow Israeluüa kowi lainowmma suiah khai, now aia dow Siria pren kowi chowm mang khai.26Nebat kowh chapa Jeroboam paw mang Sawlawmawn kowi kingküaah khai. Jeroboam dow mang Sawlawmawn kowh maru iuk chekhai. Aia dow Zereda marow kowi kowh Efraim chenchap chekhai. A-u dow Zerua chekhai; aia dow mamaimow chekhai.27Mang Sawlawmawn kowi Jeroboam kingküaah mih auan dow maiawng. Akat khe Jerusalem marow satlawt pra kowh arema mih arah maten kowi mang Sawlawmawn mih krawi thia pe bawn khai, now David marow tap tapiak mih arah dow aia mih krawi rawah khai.28Nami khin khe Jeroboam dow nakowi tawi chang lup khai, now lup iung rakowi aia dow ming nang apawma chekhai. Klanguüa Jeroboam klangiungma tuk chang lup mih dow mang Sawlawmawn khita khai. Naiawng rakowi aia dow Jeroboam kowi mih Josef krungchakuüa hownia kowh sukkri kowi miuüa luk kowi naming nakhet kown mih kurdik peah khai.29Pani khe Jeroboam mih Jerusalem marow uat kowi cham kowi pakat khai. Nakhowk khe aia dow tiama rawng kowi mih Silo marow hownia kowh risi Ahija hown takrum khai. Nami tiama kowi dow amatchi pre ia klen kowi miapaw uowi dowi chekhai. Ahija buk kowi dow uanpowngchow sar uowi lowk chekhai.30Nakhowk khe Ahija dow aia buk kowi kowh uanpowngchow pawah hanow thekah laipre thek khai.31Nami kung kowi aia dow Jeroboam kowi tek pe mih, “Naiawngün uan sek iu pawah hamüt sek diah. Tawngplawng kowchow panow CHAKRAMANG Israeluüa kowh Thurai tek en mih, ‘Sünta diah, mang Sawlawmawn hownia pren mih ang nasekta pe kown, now en kowi mih hamüt chenchap ang nape en kown.32Nachenganchepaw ang kowh nar David tut-e kowh ang kowh laikham rakowi hai Israel krungchak maten kowh arah hownia ang kloah mih Jerusalem marow rakowi Sawlawmawn tut-e nauowi pakrungchak kown.33Aia kowi dow naiawng ang nape phawah kown. Tawngplawng kowchow panow aia dow ang kowi nuata ang hanow Sidawnuüa kowh thuraima Astarawt, Moabuüa kowh thurai Kemaws hai Amawnuüa kowh thurai Milkawma kowi cham chupiia khai. Aia dow apa David chang iawng chang dowi chekhai: Aia dow ang tiama kowi mang dowi, aia dow ang mik kowi angakma mih lup chang khai, now ang kowh ari arow hai ana pek paw chün dowi chekhai.34Nachenganchepaw mang Sawlawmawn hownia mih pren maten ang napawta pe kown nadowi. Tawngplawng kowchow panow ang kloah mih ang kowh nar David dow ang kowh ana pek hai ang kowh ari arow maten chün khai. Naiawng rakowi mang Sawlawmawn kowi dow chownglawng prat ang nape chowmah mang kown.35Tawkche achapa hownia dow hamüt chenchap ang napawta kown. Now naiawngün chenchapuüa kowi dow ang nape en kown.36Ang kowh uowi rah iawng hai ang kloah mih Jerusalem marow kowi dow ang kowh nar David kowh chapa mih maibu iawng ang pur kowi atungma pacham uowi lowk ia lah. Achapa kowi dow ang napeah pachenchap kown.37Now Israel pren kowi ang nape chowm en mang kown; now nakowi mih en sak nau iawng en nachowm mang kown.38En che ang kowh nar David iawng ang ana pek chün khai, ang tiama kowi mang khai, ang kowh ari arow hai ana pek chün khai, now ang mik mük kowi iung iawng chang khai hanow ang natawi uowila en reng kown taih. Now mang David kowi kowh ang chang pe iawng en krungchakuüa kowi dow mangra mih anikma ang nachangah kown. Now Israel kowi dow en kowi ang nape en kown.39Sawlawmawn kowh ngak rakowi David krungchakuüa kowi dow ang napeah ripra kown. Nachenganchepaw nami ripra dow chowngchowng saksakma vüi nadowi chekhai,’ pape khai,” pakhai.40Naiawng rakowi mang Sawlawmawn dow Jeroboam kowi nasaita kownkow sangkrang khai. Tawkchedow naiawng nasaiah kown mih tuk hanow Jeroboam mih Aigupta pren mang Sisak tut-e kowpowt khai. Now aia dow mang Sawlawmawn kowng dowi mowr nakowi uowi khai.41Sawlawmawn chowm mang mih khin khe kowh aia kowh changah mih lup lawnguan hai prengia laiklow aia tekla mih maten dow “Sawlawmawn chowm mang mih lawnguan” pami bowih kowi arui uowi bowk chekhai.42Mang Sawlawmawn dow Jerusalem marow kowi kowh Israel chenchap maten luk kowi 40 ning mowr chowmla mang khai.43Nami kung kowi aia dow kowng hanow a-pa David marow kowi maru dupah khai. Aia takcha kowi dow achapa Rehoboam mih ta chowm mang khai.
Nakhowk khe Hadad klangah mih, “Tawng akhawr paw uowi dowi chow. Nachenganchepaw pe mang ang diah,” pape khai.23Thurai dow Sawlawmawn kowi nakingküaah kownkow uang plan iowng pe ransu lowk ia khai iawk. Nami dow Eliada chapa Rezawn chekhai. Aia dow Zoba pren mang Hadadezer hownia ku powt mih chekhai. Mang Hadadezer dow aia kowh kim iah chekhai.24Zoba prenchak siphaiuüa kowi mang David saita mih kung kowi Rezawn dow kua maru sangrum hanow thawp damra pathum khai, now aia dow nami damra thum kowi aluchow chekhai. Amatni dow Damaska marow powngta pe khai, now Rezawn dow nami pren kowi chowm mang khai.25Mang Sawlawmawn sing uowi sak uowi mowr Rezawn dow Israeluüa kowi kingküaah khai. Nami khin khe Hadad paw Israeluüa kowi kingküaah khai. Rezawn dow Israeluüa kowi lainowmma suiah khai, now aia dow Siria pren kowi chowm mang khai.26Nebat kowh chapa Jeroboam paw mang Sawlawmawn kowi kingküaah khai. Jeroboam dow mang Sawlawmawn kowh maru iuk chekhai. Aia dow Zereda marow kowi kowh Efraim chenchap chekhai. A-u dow Zerua chekhai; aia dow mamaimow chekhai.27Mang Sawlawmawn kowi Jeroboam kingküaah mih auan dow maiawng. Akat khe Jerusalem marow satlawt pra kowh arema mih arah maten kowi mang Sawlawmawn mih krawi thia pe bawn khai, now David marow tap tapiak mih arah dow aia mih krawi rawah khai.28Nami khin khe Jeroboam dow nakowi tawi chang lup khai, now lup iung rakowi aia dow ming nang apawma chekhai. Klanguüa Jeroboam klangiungma tuk chang lup mih dow mang Sawlawmawn khita khai. Naiawng rakowi aia dow Jeroboam kowi mih Josef krungchakuüa hownia kowh sukkri kowi miuüa luk kowi naming nakhet kown mih kurdik peah khai.29Pani khe Jeroboam mih Jerusalem marow uat kowi cham kowi pakat khai. Nakhowk khe aia dow tiama rawng kowi mih Silo marow hownia kowh risi Ahija hown takrum khai. Nami tiama kowi dow amatchi pre ia klen kowi miapaw uowi dowi chekhai. Ahija buk kowi dow uanpowngchow sar uowi lowk chekhai.30Nakhowk khe Ahija dow aia buk kowi kowh uanpowngchow pawah hanow thekah laipre thek khai.31Nami kung kowi aia dow Jeroboam kowi tek pe mih, “Naiawngün uan sek iu pawah hamüt sek diah. Tawngplawng kowchow panow CHAKRAMANG Israeluüa kowh Thurai tek en mih, ‘Sünta diah, mang Sawlawmawn hownia pren mih ang nasekta pe kown, now en kowi mih hamüt chenchap ang nape en kown.32Nachenganchepaw ang kowh nar David tut-e kowh ang kowh laikham rakowi hai Israel krungchak maten kowh arah hownia ang kloah mih Jerusalem marow rakowi Sawlawmawn tut-e nauowi pakrungchak kown.33Aia kowi dow naiawng ang nape phawah kown. Tawngplawng kowchow panow aia dow ang kowi nuata ang hanow Sidawnuüa kowh thuraima Astarawt, Moabuüa kowh thurai Kemaws hai Amawnuüa kowh thurai Milkawma kowi cham chupiia khai. Aia dow apa David chang iawng chang dowi chekhai: Aia dow ang tiama kowi mang dowi, aia dow ang mik kowi angakma mih lup chang khai, now ang kowh ari arow hai ana pek paw chün dowi chekhai.34Nachenganchepaw mang Sawlawmawn hownia mih pren maten ang napawta pe kown nadowi. Tawngplawng kowchow panow ang kloah mih ang kowh nar David dow ang kowh ana pek hai ang kowh ari arow maten chün khai. Naiawng rakowi mang Sawlawmawn kowi dow chownglawng prat ang nape chowmah mang kown.35Tawkche achapa hownia dow hamüt chenchap ang napawta kown. Now naiawngün chenchapuüa kowi dow ang nape en kown.36Ang kowh uowi rah iawng hai ang kloah mih Jerusalem marow kowi dow ang kowh nar David kowh chapa mih maibu iawng ang pur kowi atungma pacham uowi lowk ia lah. Achapa kowi dow ang napeah pachenchap kown.37Now Israel pren kowi ang nape chowm en mang kown; now nakowi mih en sak nau iawng en nachowm mang kown.38En che ang kowh nar David iawng ang ana pek chün khai, ang tiama kowi mang khai, ang kowh ari arow hai ana pek chün khai, now ang mik mük kowi iung iawng chang khai hanow ang natawi uowila en reng kown taih. Now mang David kowi kowh ang chang pe iawng en krungchakuüa kowi dow mangra mih anikma ang nachangah kown. Now Israel kowi dow en kowi ang nape en kown.39Sawlawmawn kowh ngak rakowi David krungchakuüa kowi dow ang napeah ripra kown. Nachenganchepaw nami ripra dow chowngchowng saksakma vüi nadowi chekhai,’ pape khai,” pakhai.40Naiawng rakowi mang Sawlawmawn dow Jeroboam kowi nasaita kownkow sangkrang khai. Tawkchedow naiawng nasaiah kown mih tuk hanow Jeroboam mih Aigupta pren mang Sisak tut-e kowpowt khai. Now aia dow mang Sawlawmawn kowng dowi mowr nakowi uowi khai.41Sawlawmawn chowm mang mih khin khe kowh aia kowh changah mih lup lawnguan hai prengia laiklow aia tekla mih maten dow “Sawlawmawn chowm mang mih lawnguan” pami bowih kowi arui uowi bowk chekhai.42Mang Sawlawmawn dow Jerusalem marow kowi kowh Israel chenchap maten luk kowi 40 ning mowr chowmla mang khai.43Nami kung kowi aia dow kowng hanow a-pa David marow kowi maru dupah khai. Aia takcha kowi dow achapa Rehoboam mih ta chowm mang khai.
The Seed Company