1 Manguüa13
1Akat khe Jeroboam mih nachang tawncher phuchua kownkow phuchuara re-e iowng dawnglawng khai. Nami khin khe CHAKRAMANG kowh ana pek iawng Juda süng hownia kowh risi mih Bethel kowi aia re-e uang ting khai.2Nami risi dow CHAKRAMANG kowh ana pek iawng phuchuara kowi kingküala mih laiklow atünma uang tek khai. Aia tek mih, “Aw phuchuara! Aw phuchuara! CHAKRAMANG tek en mih, ‘David krungchak hownia Josia pami kachakuüa chah nauang dia lowk ia kown. Aia dow en luk kowi uamowuüa kowi nanawmah kown. Naiawngün uamowuüa dow arah kroma mih kowi kowh chupiiara kowi chang lup miuüa chekhai. Kawmat dow en luk kowi amatni mih chang tawncher phuchua khai. Nachenganchepaw Josia dow en luk kowi mih maru hut nanawm en kown,’ pape khai,” pakhai.3Nami khin khe nami risi plan tek pe mih, “Mami dow CHAKRAMANG tekah mih laiklow chekhai pami amatra maiawng en nakhi kown: Mami phuchuara mih natalak phak kown, now aluk kowi kowh plawi ün dow nadowh bowk kown,” pakhai.4Nami laiklow tata hanow mang Jeroboam dow phuchuara hownia nami maru prakowi haichawk se tek mih, “Nami maru kowi dowk büa madiah,” pakhai. Nachenganchepaw mang haichawkah mih rut dow haichawk hown krowksang hing keu khai. Aia dow aia kowh rut mih hing nowng chü dowi bowt chekhai.5Nami klen kowi Thurai risi tekah mih CHAKRAMANG laiklow iawng phuchuara paw talak phak khai, now phuchuara luk kowi kowh plawi ün paw dowh bowk khai.6Nakhowk khe Thurai risi kowi mang tek pe mih, “Chup ang Thurai diah. Sakrauma hown ang kowh rut mih CHAKRAMANG en kowh Thurai pacham iungta ang iawk lah,” pakhai. Naiawng rakowi Thurai risi mih chup Thurai hanow mang kowh rut dow aiawng uowi khe kowh iawng plan iung khai iawk.7Now Thurai risi kowi mang tek pe mih, “Ang kim kowi uang tawi hanow tawi cha tawi khamla diah, now en kowh lup rakowi awmrawm sung paw ang nape en lowk kown,” pakhai.8Nachenganchepaw Thurai risi klangah mih, “En kowh dawngthawnguan dawnglang mowr en pe ang chepaw en tut-e ang natawi kown nadowi, now chakkham paw ang tawi cha kown nadowi.9Tawngplawng kowchow panow tawngpaw nacha nakhamla dowi kown mih hai ang uang tarüla mih tiama iawng naplan dowi kown mih CHAKRAMANG pe ang ana khai,” pape khai.10Naiawng rakowi aia dow aia uang tarüla mih tiama iawng plan dowi bowt kowi akeng mih tiama iawng cham mang khai.11Nami khin khe Bethel marow kowi risi lawngtang uowi lowk ia chekhai. Nami ni khe kowh tawng ngai chow Thurai risi chang mih risi lawngtang kowi achapauüa uang tek pe khai. Now mang kowi kowh Thurai risi tekla pe mih paw risi lawngtang kowi achapauüa tek pe khai.12Nakhowk khe achapauüa kowi a-pa lüntaah mih, “Tawng pra chow nami Thurai risi cham mang?” pakhai. Now achapauüa dow nami Thurai risi tawng pra chow mang mih a-pa lawngtang kowi tek pe büah khai.13Nakhowk khe achapauüa kowi risi lawngtang tek pe mih, “Kawrngaramchük luk kowi dau ang uan büa madiah,” pakhai. Now aia tek iawng achapauüa chang pe kung kowi dow aia mih kawrngaramchük luk kowi phüt khai bowt.14Now aia dow Thurai maru kowi nakrawi cham kownkow tarü khai bowt. Aia dow Thurai maru kowi sasua singh tut kowi chowm phülü mih kowkhi khai. Nakhowk khe aia lüntaah mih, “En chowbowt bow Juda süng hownia kowh uang mih risi?” pakhai.
Nakhowk khe Thurai maru klangah mih, “Ow, ang chowbowt,” pape khai.15Now risi lawngtang tek pe mih, “Chu, ang kim kowi tawi cha tawi khamla diah,” pakhai.16Nakhowk khe aia klangah mih, “En tut-e paw ang tawi ia tawi dowi tham, now chakkham paw mami süng kowi ang tawi ia cha tawi ia kham dowi tham.17Tawngplawng kowchow panow tawng iawng mih chakkham paw nacha dowi kown mih hai ang uang tarüla mih tiama iawng naplan dowi kownkow CHAKRAMANG pe ang ana khai,” pape khai.18Now risi lawngtang tek pe mih, “Ang paw en iawng mih risi taih. Ang kim kowi napawla en hanow nape cha en chakkham kownkow CHAKRAMANG laiklow iawng kramamu lowk ia mih uang tek ang khai,” pape khai. Tawkchedow nami laiklow dai lai chowtaih chekhai.19Naiawng rakowi nami risi dow aia tut-e kowtawi plan khai, now nami risi lawngtang kim kowi aia kowtawi cha tawi kham khai.20Now nacha nakham kownkow pawitang re-e chowm büah thüm khe risi lawngtang tut-e CHAKRAMANG kowh laiklow uang ting khai.21Juda süng hownia kowh uang mih risi kowi atünma risi lawngtang tek pe mih, “CHAKRAMANG tek mih maiawng: CHAKRAMANG kowh laiklow en üata khai, now CHAKRAMANG en kowh Thurai pe en mih ana en chün dowi chekhai.22Aia hang en mih arah kowi en tawi cha tawi kham khai. Naiawng rakowi en pipu-uüa tadupra kowi en natawi ka tadupra kown nadowi,” pakhai.23Now ki cha ki kham kung kowi dow risi lawngtang mih Thurai maru vüi aia kowh alowk mih kawrngaramchük luk kowi dau pe uan khai.24Now aia mih nami hownia lawt hanow tiama rawng kowi aia kowi dow krangsi hawt makah hanow kowngta khai. Aia kowh uak dow tiama kowi takuak hüah khai, now aia uak ria kowi dow kawrngaramchük hai krangsi mih iowngla phu khai.25Nami tiama iawng cham lang mang mih maru-uüa dow uak takuak hüah mih hai aria kowi krangsi iowng dawnglawng mih khila bowk khai. Nami khita now amatni dow risi lawngtang uowi rah Bethel marow kowi kowphowng satang khai.26Nami satang tata now risi lawngtang tek mih, “Nami uak dow Juda süng hownia kowh uang mih Thurai maru uak tangtang. Thurai kowh ana pek aia chün dowi rakowi Thurai tekta iawng krangsi rut kowi aia kowng mih chowbowt,” pakhai.27Nami kung kowi achapauüa kowi risi lawngtang tek pe mih, “Ang kowh kawrngaramchük luk kowi kowdau ang uan büa madiah,” pakhai. Nahanow achapauüa dow a-pa tek pe iawng chang pe khai.28Now aia mih lawt hanow tiama kowi uak takuak hüah mih hai aria kowi kawrngaramchük hown krangsi iowngla dawng mih kowkhi khai. Nami krangsi dow Thurai risi uak mih chaah dowi chekhai, now kawrngaramchük kowi paw tawngpaw changah dowi chekhai.29Now aia dow nami risi uak nadupah kownkow hai nauowila uiting uangtak kownkow aia kowh kawrngaramchük luk kowi tangla hanow Bethel marow kowi kowplan khai.30Aia dow aia vüi kowi kowh thawpah mih tadupra kowi nami risi uak mih dupah khai. Now achapauüa hown aia dow maiawng hai uowila uiting uangtak khai, “Aw, ang tainau le!” pakhai.31Nami risi uak ki dupta kung kowi achapauüa kowi risi lawngtang tek pe mih, “Ang kowng khowk khe ang kowh uak mih nami Thurai maru tadupra kowi dup ang büah ba. Ang kowh hut mih nami risi hut ria kowi towah büah ba.32Tawngplawng kowchow panow Bethel marow kowi kowh phuchuara hai Samari marow kowi kowh arah kroma mih kowi kowh chupiiara kowi kingküala mih laiklow CHAKRAMANG kowh ana pek iawng aia phuangah mih dow nauang tachih ngengche kown chekhai,” pakhai.33Nami kung kowi paw Jeroboam dow aia kowh lup ngak hownia uang plan dowi reng tak chekhai. Uang plan lak dow arah kroma mih kowi kowh chupiiara vüi natow pe uamow kownkow plan rui maru rengreng khai. Aia dow chang uamow lup kown nau mih maru maten kowi pe changah uamow lup khai.34Nami lup ngak dow Jeroboam krungchakuüa mih piak hanow lusa hownia natamala kown mih müa chekhai.
Nakhowk khe Thurai maru klangah mih, “Ow, ang chowbowt,” pape khai.15Now risi lawngtang tek pe mih, “Chu, ang kim kowi tawi cha tawi khamla diah,” pakhai.16Nakhowk khe aia klangah mih, “En tut-e paw ang tawi ia tawi dowi tham, now chakkham paw mami süng kowi ang tawi ia cha tawi ia kham dowi tham.17Tawngplawng kowchow panow tawng iawng mih chakkham paw nacha dowi kown mih hai ang uang tarüla mih tiama iawng naplan dowi kownkow CHAKRAMANG pe ang ana khai,” pape khai.18Now risi lawngtang tek pe mih, “Ang paw en iawng mih risi taih. Ang kim kowi napawla en hanow nape cha en chakkham kownkow CHAKRAMANG laiklow iawng kramamu lowk ia mih uang tek ang khai,” pape khai. Tawkchedow nami laiklow dai lai chowtaih chekhai.19Naiawng rakowi nami risi dow aia tut-e kowtawi plan khai, now nami risi lawngtang kim kowi aia kowtawi cha tawi kham khai.20Now nacha nakham kownkow pawitang re-e chowm büah thüm khe risi lawngtang tut-e CHAKRAMANG kowh laiklow uang ting khai.21Juda süng hownia kowh uang mih risi kowi atünma risi lawngtang tek pe mih, “CHAKRAMANG tek mih maiawng: CHAKRAMANG kowh laiklow en üata khai, now CHAKRAMANG en kowh Thurai pe en mih ana en chün dowi chekhai.22Aia hang en mih arah kowi en tawi cha tawi kham khai. Naiawng rakowi en pipu-uüa tadupra kowi en natawi ka tadupra kown nadowi,” pakhai.23Now ki cha ki kham kung kowi dow risi lawngtang mih Thurai maru vüi aia kowh alowk mih kawrngaramchük luk kowi dau pe uan khai.24Now aia mih nami hownia lawt hanow tiama rawng kowi aia kowi dow krangsi hawt makah hanow kowngta khai. Aia kowh uak dow tiama kowi takuak hüah khai, now aia uak ria kowi dow kawrngaramchük hai krangsi mih iowngla phu khai.25Nami tiama iawng cham lang mang mih maru-uüa dow uak takuak hüah mih hai aria kowi krangsi iowng dawnglawng mih khila bowk khai. Nami khita now amatni dow risi lawngtang uowi rah Bethel marow kowi kowphowng satang khai.26Nami satang tata now risi lawngtang tek mih, “Nami uak dow Juda süng hownia kowh uang mih Thurai maru uak tangtang. Thurai kowh ana pek aia chün dowi rakowi Thurai tekta iawng krangsi rut kowi aia kowng mih chowbowt,” pakhai.27Nami kung kowi achapauüa kowi risi lawngtang tek pe mih, “Ang kowh kawrngaramchük luk kowi kowdau ang uan büa madiah,” pakhai. Nahanow achapauüa dow a-pa tek pe iawng chang pe khai.28Now aia mih lawt hanow tiama kowi uak takuak hüah mih hai aria kowi kawrngaramchük hown krangsi iowngla dawng mih kowkhi khai. Nami krangsi dow Thurai risi uak mih chaah dowi chekhai, now kawrngaramchük kowi paw tawngpaw changah dowi chekhai.29Now aia dow nami risi uak nadupah kownkow hai nauowila uiting uangtak kownkow aia kowh kawrngaramchük luk kowi tangla hanow Bethel marow kowi kowplan khai.30Aia dow aia vüi kowi kowh thawpah mih tadupra kowi nami risi uak mih dupah khai. Now achapauüa hown aia dow maiawng hai uowila uiting uangtak khai, “Aw, ang tainau le!” pakhai.31Nami risi uak ki dupta kung kowi achapauüa kowi risi lawngtang tek pe mih, “Ang kowng khowk khe ang kowh uak mih nami Thurai maru tadupra kowi dup ang büah ba. Ang kowh hut mih nami risi hut ria kowi towah büah ba.32Tawngplawng kowchow panow Bethel marow kowi kowh phuchuara hai Samari marow kowi kowh arah kroma mih kowi kowh chupiiara kowi kingküala mih laiklow CHAKRAMANG kowh ana pek iawng aia phuangah mih dow nauang tachih ngengche kown chekhai,” pakhai.33Nami kung kowi paw Jeroboam dow aia kowh lup ngak hownia uang plan dowi reng tak chekhai. Uang plan lak dow arah kroma mih kowi kowh chupiiara vüi natow pe uamow kownkow plan rui maru rengreng khai. Aia dow chang uamow lup kown nau mih maru maten kowi pe changah uamow lup khai.34Nami lup ngak dow Jeroboam krungchakuüa mih piak hanow lusa hownia natamala kown mih müa chekhai.
The Seed Company