1 Krungchakuüa29
1Nami kung kowi maru maten kowi mang David tek pe mih, “Nathawp Thurai chup kim kownkow ang chapa Sawlawmawn kowi Thurai ruiah khai. Thurai chup kim lup chang dow kri kraingma chekhai. Tawngplawng kowchow panow nami kim dow CHAKRAMANG Thurai vüi chekhai; maru vüi nadowi. Nachenganchepaw Sawlawmawn kowh dow ning diachow taih tak, now tukra paw a-echow taih tak chekhai.2Naiawng rakowi ang ia mowr dow ang kowh Thurai chup kim chang müa kowi kuh, tai, kri, lawngha hai singh ün ang kramla pe khowk. Naiawngün klen kowi asung khakma mih hua paw achap ahuma ang kamrütta pe hüah khowk.3Naiawngün uanh ang kramla pe mih klen kowi paw ang kowh Thurai chup kim kowi ang matia kowh kuh hai tai paw ang pe sangrum khowk.4Nami Thurai chup kimbang kowi natawngla kown mih vüi hai kim chang sarauüa nachangla akeng mih lup kown mih vüi Ofir süng hownia kowh kuh 2,830 mawn ngia hai tai achangma mih 6,640 mawn ngia ang peta khowk. Now enni pungmadawng hownia mia ngai chow tawi pe kown nau mih kawmat uowi ne bow?” pakhai.6Nakhowk khe chowlowkkow krungchak kowi kowh aluchowuüa, chowlowkkow machak kowi kowh aluchowuüa, 100 ia siphai luk kowi kowh aluchowuüa, 1,000 ia siphai luk kowi kowh aluchowuüa hai mang kowh maru iukuüa mih awmrawmma hown tawi pe uanh khai.7Nachangla Thurai chup kim kown mih vüi amatni dow kuh 4,760 mawn hai pawisa iawng thawpah mih 10,000 iun, tai 9,500 mawn, kri 17,100 mawn, lawngha 95,000 mawn tawi pe khai.8Now asung khakma mih hua uowi miuüa dow CHAKRAMANG kim kowi kowh dawngthawnguan towk rah kowi natowah kownkow Levi chenchap Gersawn machak Jehiel rut kowi appe khai.9Amatni dow awmrawmma hai saktuak iungma CHAKRAMANG kowi nowng pe rakowi lainowmma piaw khai. Now mang David paw lainowmma awmrawm khai.10Naiawng rakowi maru kawmuüa pur kowi maiawng David rowsi Thurai khai,
“Aw CHAKRAMANG, anging pipu Israeluüa kowh Thurai,en dow chowngchowng saksakma rowsi hai akiow pauowi reng lah.11Aw CHAKRAMANG, kraingra ün, kürra ün, klangiungra ün,awngra hai rowsira ün en kowh chekhai.Mukuang hai lusa kowi kowh uowi mih maten en kowh chowtaih,lowra luk kowi chowm mang mih hai alow uowi mih dow en chowtaih chekhai.12Kurengra hai ringkawra uang ting mih dow en hownia chekhai,lowra chap kowi kruitown mih dow en chowtaih chekhai.En rut kowi dow kür hai nowng changra uowi chekhai,maru kowi iukra hai kürra napela kown mih alow uowi mih dow en tut-e chowtaih.13Aw CHAKRAMANG, anging kowh Thurai,anging awr tek en awmrawm lai,en kowh ming rowsira uowima mih rakowi anging kiow en.14“Nachenganchepaw aw CHAKRAMANG, maiawng awmrawmma hown nape en uanh kown mih ang hai ang maru-uüa dow tawngpaw nadowi chekhai. Tawngplawng kowchow panow lowra sia dow en hownia kowh uang ting mih chowtaih; anging pe en mih dow en hownia kowh anging kaah mih kangowh chowtaih.15Anging hai anging pipu-uüa dow lusa kowi prenlang maru iawng chowtaih mih en tuk chekhai. Lusa kowi anging uang uowi mih khin dow nawngchow now tama mih nim iawng chowtaih. Kowngra kowi dow miapaw ia ria dowi chekhai.16“Aw CHAKRAMANG anging kowh Thurai, en kowh ming chimsaima mih vüi nachang kim lowk kownkow ahuma anging uang pawla uanh mih dow en hownia kowh anging kaah mih kangowh chekhai.17Aw Thurai, en dow chaing maru sak reng, now anowm kowi en awmrawm reng pami ang tuk. Maiawngün uanh maten dow awmrawmma hai saktuak anowmma hown ang uang pe mih chekhai. Nami klen kowi kawmat kowh mami re-e uowi mih en maru-uüa paw awmrawmma hown pe en uanh khai.18“Aw CHAKRAMANG, anging pipu Abraham, Isak hai Israel büah kowh Thurai, en maru-uüa kowh saktuak kowi maiawng mih saktuak chowngchowng saksakma tow pe reng diah, now amatni kowh saktuak mih en kaah sakowm iawng tow pe reng diah.19Now en kowh laiklow hai en kowh ari aiang nanowng chünla kownkow hai nathawp en kim kownkow ang kamrütta khowk mih nanowng changla kownkow ang chapa Sawlawmawn kowi saktuak anikma chang pe diah,” pakhai.20Nami kung kowi dow maru kawmuüa kowi David tek pe mih, “CHAKRAMANG enni kowh Thurai kowi rowsi kiowri büa diah,” pakhai. Nakhowk khe amatni dow CHAKRAMANG amatni pipu-uüa kowh Thurai kowi rowsiah khai, now CHAKRAMANG hai amatni kowh mang kowi tabawk krawm se chupah büah khai.21Now auai ni dow CHAKRAMANG vüi tawncher uanap hai tikah mih uanap pawi chang büah khai. Amatni dow Israeluüa maten vüi chiala 1,000 pum, ruapur 1,000 pum hai ruapur chah 1,000 pum hown chang phuchua khai. Now naiawngün uanap klen kowi paw khowmta bowkta mih hüngah mih uanap hai tawncher ahuma hown akeng mih uanap pawi paw chang büah khai.22Nami ni dow amatni mih CHAKRAMANG pur kowi apiaw apama hown cha büah kham büah khai.
Nakhowk khe amatni dow Sawlawmawn kowi mih mang chowbowt pahai plan phuangah khai iawk. Now aia kowi ap pe mangra kownkow hai Zadawk kowi ap pe uamow rah kownkow CHAKRAMANG pur kowi nümnapah khai.23Nakhowk khe Sawlawmawn dow a-pa David takcha CHAKRAMANG ruiah mih mang iawng hai mang chowm rah kowi chowm khai bowt. Aia dow lowra lup kowi chawn reng chekhai, now Israeluüa maten mih aia laiklow iawng chang reng chekhai.24Now aluchowuüa maten, siphaiuüa maten hai mang David kowh akeng mih chapauüa maten dow Sawlawmawn nimkrüa kowi nauowi kownkow takham khai bowt.25Now Sawlawmawn kowi dow Israeluüa maten mik kowi kri kraingma CHAKRAMANG changah khai, now aia kowi dow aia dowi rawn kowh manguüa kaah dowi mih rowsira ün CHAKRAMANG peah khai.26Israeluüa maten luk kowi Jese kowh chapa David chowmla mang mih dow 40 ning chekhai.27Aia chowmla mang mih dow Hebrawn marow kowi ranit ning, now Jerusalem marow kowi 33 ning chekhai.28Aia dow dawngthawnguan hai ringkawra ahuma kala khai, now lawngtangma khowk khe kowng khai. Aia takcha kowi dow achapa Sawlawmawn mih ta chowm mang khai.29David chowm mang mih lawnguan dow auown hownia achur pat Risi Samuel Kowh Chownglawng Lawnguan bowih kowi, Risi Nathan Kowh Chownglawng Lawnguan bowih kowi hai Risi Gat Kowh Chownglawng Lawnguan bowih kowi arui uowi bowk chekhai.30Aia chowm mang khe kowh aia kowh nowng changra lawnguan, aiamat lawnguan, Israeluüa lawnguan hai akeng pren lawnguan maten paw naiawngün bowih kowi arui uowi bowk chekhai.
“Aw CHAKRAMANG, anging pipu Israeluüa kowh Thurai,en dow chowngchowng saksakma rowsi hai akiow pauowi reng lah.11Aw CHAKRAMANG, kraingra ün, kürra ün, klangiungra ün,awngra hai rowsira ün en kowh chekhai.Mukuang hai lusa kowi kowh uowi mih maten en kowh chowtaih,lowra luk kowi chowm mang mih hai alow uowi mih dow en chowtaih chekhai.12Kurengra hai ringkawra uang ting mih dow en hownia chekhai,lowra chap kowi kruitown mih dow en chowtaih chekhai.En rut kowi dow kür hai nowng changra uowi chekhai,maru kowi iukra hai kürra napela kown mih alow uowi mih dow en tut-e chowtaih.13Aw CHAKRAMANG, anging kowh Thurai,anging awr tek en awmrawm lai,en kowh ming rowsira uowima mih rakowi anging kiow en.14“Nachenganchepaw aw CHAKRAMANG, maiawng awmrawmma hown nape en uanh kown mih ang hai ang maru-uüa dow tawngpaw nadowi chekhai. Tawngplawng kowchow panow lowra sia dow en hownia kowh uang ting mih chowtaih; anging pe en mih dow en hownia kowh anging kaah mih kangowh chowtaih.15Anging hai anging pipu-uüa dow lusa kowi prenlang maru iawng chowtaih mih en tuk chekhai. Lusa kowi anging uang uowi mih khin dow nawngchow now tama mih nim iawng chowtaih. Kowngra kowi dow miapaw ia ria dowi chekhai.16“Aw CHAKRAMANG anging kowh Thurai, en kowh ming chimsaima mih vüi nachang kim lowk kownkow ahuma anging uang pawla uanh mih dow en hownia kowh anging kaah mih kangowh chekhai.17Aw Thurai, en dow chaing maru sak reng, now anowm kowi en awmrawm reng pami ang tuk. Maiawngün uanh maten dow awmrawmma hai saktuak anowmma hown ang uang pe mih chekhai. Nami klen kowi kawmat kowh mami re-e uowi mih en maru-uüa paw awmrawmma hown pe en uanh khai.18“Aw CHAKRAMANG, anging pipu Abraham, Isak hai Israel büah kowh Thurai, en maru-uüa kowh saktuak kowi maiawng mih saktuak chowngchowng saksakma tow pe reng diah, now amatni kowh saktuak mih en kaah sakowm iawng tow pe reng diah.19Now en kowh laiklow hai en kowh ari aiang nanowng chünla kownkow hai nathawp en kim kownkow ang kamrütta khowk mih nanowng changla kownkow ang chapa Sawlawmawn kowi saktuak anikma chang pe diah,” pakhai.20Nami kung kowi dow maru kawmuüa kowi David tek pe mih, “CHAKRAMANG enni kowh Thurai kowi rowsi kiowri büa diah,” pakhai. Nakhowk khe amatni dow CHAKRAMANG amatni pipu-uüa kowh Thurai kowi rowsiah khai, now CHAKRAMANG hai amatni kowh mang kowi tabawk krawm se chupah büah khai.21Now auai ni dow CHAKRAMANG vüi tawncher uanap hai tikah mih uanap pawi chang büah khai. Amatni dow Israeluüa maten vüi chiala 1,000 pum, ruapur 1,000 pum hai ruapur chah 1,000 pum hown chang phuchua khai. Now naiawngün uanap klen kowi paw khowmta bowkta mih hüngah mih uanap hai tawncher ahuma hown akeng mih uanap pawi paw chang büah khai.22Nami ni dow amatni mih CHAKRAMANG pur kowi apiaw apama hown cha büah kham büah khai.
Nakhowk khe amatni dow Sawlawmawn kowi mih mang chowbowt pahai plan phuangah khai iawk. Now aia kowi ap pe mangra kownkow hai Zadawk kowi ap pe uamow rah kownkow CHAKRAMANG pur kowi nümnapah khai.23Nakhowk khe Sawlawmawn dow a-pa David takcha CHAKRAMANG ruiah mih mang iawng hai mang chowm rah kowi chowm khai bowt. Aia dow lowra lup kowi chawn reng chekhai, now Israeluüa maten mih aia laiklow iawng chang reng chekhai.24Now aluchowuüa maten, siphaiuüa maten hai mang David kowh akeng mih chapauüa maten dow Sawlawmawn nimkrüa kowi nauowi kownkow takham khai bowt.25Now Sawlawmawn kowi dow Israeluüa maten mik kowi kri kraingma CHAKRAMANG changah khai, now aia kowi dow aia dowi rawn kowh manguüa kaah dowi mih rowsira ün CHAKRAMANG peah khai.26Israeluüa maten luk kowi Jese kowh chapa David chowmla mang mih dow 40 ning chekhai.27Aia chowmla mang mih dow Hebrawn marow kowi ranit ning, now Jerusalem marow kowi 33 ning chekhai.28Aia dow dawngthawnguan hai ringkawra ahuma kala khai, now lawngtangma khowk khe kowng khai. Aia takcha kowi dow achapa Sawlawmawn mih ta chowm mang khai.29David chowm mang mih lawnguan dow auown hownia achur pat Risi Samuel Kowh Chownglawng Lawnguan bowih kowi, Risi Nathan Kowh Chownglawng Lawnguan bowih kowi hai Risi Gat Kowh Chownglawng Lawnguan bowih kowi arui uowi bowk chekhai.30Aia chowm mang khe kowh aia kowh nowng changra lawnguan, aiamat lawnguan, Israeluüa lawnguan hai akeng pren lawnguan maten paw naiawngün bowih kowi arui uowi bowk chekhai.
The Seed Company