1 Krungchakuüa14
1Nami kung kowi dow Sur pren mang mih David tut-e kowchin maru sangrum khai. Now naiawngün maru-uüa kung kowi David kowh kim chang müa vüi sidar singh, kim chang sarauüa hai hua hown kowh uanh thawp sarauüa kowi aia krawi sa pe khai.2Nahanow CHAKRAMANG mih Israeluüa luk kowi aia kowh mangra pe nikah mih chowbowt pami hai Israeluüa iung müa kowi aia kowh pren lainowmma pe iuksownah mih chowbowt pami David tuk khai bowt.3Jerusalem marow kowi uowi khe David dow plan paw masi ne tak chekhai, now chapa hai chama paw plan ka küng tak chekhai.4Jerusalem marow kowi uowi khe kowh David kaah mih chauüa dow Samua, Sobab, Nathan, Sawlawmawn,5Ibhar, Elisua, Elpelet,6Noga, Nefek, Jafia,7Elisama, Beliada hai Elifelet büah chekhai.8Now Israeluüa maten luk kowi nape chowmah mang kownkow David kowi nümnapah mih satang tata hanow Filistinuüa dow siphai maten hown nauang senah kownkow uang tarü khai. Nami tata hanow David paw Filistinuüa kowi nauang senah kownkow uang lawt khai.9Nami khin khe Filistin siphaiuüa dow Refaim lawngrawi kowi uang khup tangbung khai, now nami hownia aria aret kowi kowh kua kowi krawi tarowng dowk tasen hanow krawi paw uanh büah khai.10Nakhowk khe Thurai kowi David lüntaah mih, “Filistinuüa kowi ang kowsenah kown bow? Amatni kowi ang rut kowi en naap ang kown bow?” pakhai.
Nakhowk khe Thurai klangah mih, “Kowsen bowt. Amatni kowi en rut kowi ang naapta en kown,” pape khai.11Nahanow David dow aia kowh siphaiuüa hown Filistin siphaiuüa kowi kowsenah hanow nowngta khai. Naiawng rakowi aia tek mih, “Thurai dow tui owng takhue khe kowh iawng ang kowh ransu-uüa kowi ang rut hown piakah khai,” pakhai. Now nami re-e kowh arah ming dow Baal-Perazim pahai chap pe khai. (Baal-Perazim pami auan dow “Thurai piakah mih” pami chekhai).12Filistin siphaiuüa dow powt khe nami tasenra re-e amatni kowh thuraiuüa rup ta lawtla khai. Naiawngün arup dow David kowh ana pek hown siphaiuüa mih tikta bowk khai.13Nami kung kowi paw Filistinuüa dow nami lawngrawi kowi uang dowk tasen khai iawk.14Nakhowk khe paw David dow Thurai tut-e rik lüntaah khai. Nakhowk khe dow Thurai klangah mih, “Khaleng dow amatni purdowng hownia hangkow kowi büah tham; amatni kung hownia phai kowkowi büa diah. Now ‘Balsam’ singh rüm re-e umta lut hanow senah büa diah.15Painglang singh plawng kowi dow siphai mang tün iawng en nata kown. Naiawng en ta hown krowksang amatni kowi en nasenah kown. Tawngplawng kowchow panow Filistin siphai hawmh kowi nasenah kownkow CHAKRAMANG dow en pur kowi rik mang mih chowbowt,” pape khai.16Nahanow David dow Thurai ana pek iawng rowprowp chang khai. Nami khin khe amatni dow Gibeawn hownia Gezer marow mowr patiama rawng Filistin siphaiuüa kowi saiah khai.17Naiawng hai David kowh aming anang dow arah maten kowi krawi tauet khai, now David kowi nakram kown mih saktuak pren maten kowi CHAKRAMANG uang pawla khai.
Nakhowk khe Thurai klangah mih, “Kowsen bowt. Amatni kowi en rut kowi ang naapta en kown,” pape khai.11Nahanow David dow aia kowh siphaiuüa hown Filistin siphaiuüa kowi kowsenah hanow nowngta khai. Naiawng rakowi aia tek mih, “Thurai dow tui owng takhue khe kowh iawng ang kowh ransu-uüa kowi ang rut hown piakah khai,” pakhai. Now nami re-e kowh arah ming dow Baal-Perazim pahai chap pe khai. (Baal-Perazim pami auan dow “Thurai piakah mih” pami chekhai).12Filistin siphaiuüa dow powt khe nami tasenra re-e amatni kowh thuraiuüa rup ta lawtla khai. Naiawngün arup dow David kowh ana pek hown siphaiuüa mih tikta bowk khai.13Nami kung kowi paw Filistinuüa dow nami lawngrawi kowi uang dowk tasen khai iawk.14Nakhowk khe paw David dow Thurai tut-e rik lüntaah khai. Nakhowk khe dow Thurai klangah mih, “Khaleng dow amatni purdowng hownia hangkow kowi büah tham; amatni kung hownia phai kowkowi büa diah. Now ‘Balsam’ singh rüm re-e umta lut hanow senah büa diah.15Painglang singh plawng kowi dow siphai mang tün iawng en nata kown. Naiawng en ta hown krowksang amatni kowi en nasenah kown. Tawngplawng kowchow panow Filistin siphai hawmh kowi nasenah kownkow CHAKRAMANG dow en pur kowi rik mang mih chowbowt,” pape khai.16Nahanow David dow Thurai ana pek iawng rowprowp chang khai. Nami khin khe amatni dow Gibeawn hownia Gezer marow mowr patiama rawng Filistin siphaiuüa kowi saiah khai.17Naiawng hai David kowh aming anang dow arah maten kowi krawi tauet khai, now David kowi nakram kown mih saktuak pren maten kowi CHAKRAMANG uang pawla khai.
The Seed Company