O MATIUS27
1O de-dewelano, o imam ma hae-hae'e moi-moi de o Yahudio'a manga balu-baluhu yomalomu yodiai o butuhu mangale Witooma o Yesusi'a.2Ona Wi puhu'u, de wiaha Wihigiama ma hoata o Pilatusi'a, nage o Roma'a manga gubernur.3Wa'utu o Yudas nage o Yesusi'a wihigiama ma hoa-hoata, woihene na'o o Yesus wihu'umu wiho-honenge, una duru womanyahala. Geena'a de una wohigilio o pipi o hala'a moruange geena o imam ma hae-hae'i'a, de o yahudi manga balu-baluhi'a.4Una wotemo ona'a, <<Ngoi tobaradoha'au mangale towihigiama ma hoata o nyawa nage awi hala o iwa!>> Ma ona yopaluhu: <<Geena ngomi amiana'owau, geena ana uruhi'au!>>5O Yudas wohi'aweli ma pipi geena ma Jou Awi woa ma doda'a de aha wotagi womali'o.6O imam ma hae-hae'e yalomu ma pipi geena de yotemo: <<O pipi neena 'aidadiwau pohiohama o hada'a ma no-noa'u, hababu neena o aunu ma pipi.>>7Iduangino yoma'aaturu, ona yohigoo'o ma pipi geena o tona'a, nage ihironga o tona'a ma aunu. La ma tona'a geena yapa'e o nyawa ma homoano manga bo-boohu'u ma ngii.8Geenau ma hababu ho, hiadono o oraha neena ma tona'a geena ihironga: <<O aunu ma tona'a.>>9De o geena idadi, la ihitotomo o 'iau nage o nabi Yeremia watehongo'au: <<Ona yaehe ma pipi o hala'a o ngodumu moruange geena, Geenau nage o Israel ma nyawa ihitatapuo'au to Una awi ija,10de ma tiwi geena yohigo'o o tona'a, mangale o bohu'u yodidiai, harage 'a ma Jou wohulo'o'au ngoino.>>11Geena'a de o Yesus wihitaalioli o Pilatusi'a, o gubernur geena ma deara'a ge, o Pilatus wohano, <<Ngona neena o Yahudio'a manga 'Oana?>> O Yesus wopaluhu, <<Ngona mahirete na tehongo'au.>>12Ma wa'utu o imam ma hae-hae'e de o Yahudio'a ma balu-baluhu witae o Yesusi'a, ao ngale moi ma Una 'awopaluhua.13Ho o Pilatus wote Una'a: <<Ee bote geena 'anoihenua nage ona nitae ma gudai Ngona'a de?>>14Ma o Yesus 'ao demo o ngale moi ma awopaluhua hiadono ma Gubernur guuna duru woheranga.15O taunu ihinoimi, wa'utu o wange ma amo'o ihironga o Paska, o gubernur, biaha wo'ihihupu womatengo o buino imote'e o nyawa ma gilepe manga mau.16Wa'utu geena, o buio'a naga womatengo nage wina'o'au duru wotingi'ai, awi ronga o Yesus Barabas.17Ho wa'utu o nyawa yolepe-lepe yomatoomuno'au o Pilatus wo'ihano ona'a, <<Niomau naguunau ngoi towihihupu ngini'a, o Yesus Barabas bolo o Yesus nage witehongo ma Kristus?>>18O Pilatus wana'o'au, ona wihigiama ma hoata o Yesus una'a, mangale wibuhulu.19Wa'utu o pilatus wogogelu'u, o ha'imi ma go-gogelo'a, ma we'ata mohidingoto o behehongo una'a: <<Uwa nocapuru o nyawa woti-tiai guuna awi haala, hababu mangale Una ngoi duru tohangihara 'ai nanele ma doda'a 'awutu'a>>20Ma o imam ma hae-hae'e de o Yahudio'a ma balu-baluhu 'ai tauri'au yo'ibaja o nyawa yolepe-lepe'a la yogaaho'o o pilatusi'a la o barabas wihihupu de o Yesus Wi hu'umu Wihohonenge.21Ho o gubernur Pilatus wo'ihanoli o nyawa yolepe-lepe goona, <<Noona yamididio'a naguunau niomau ngoi towihihupu?>>
Ona yopaluhu, <<O Barabasa!>>22O Pilatus wohanoli, <<Ho na'o 'ogeena o'iau nage halingou ngoi tadiai de ma Yesusu nuuna nage onyawa Witehongo ma Kristus?>>
De ona moi-moi yoma orehe, <<Una niwi hideli'au!>>23Ho o Pilatus wohanoli ona'a, <<Una o howono o'iau Wodiai ho?>>
Ma onyawa yolepe-lepe 'age'au i'ua'tie yomaorehe, <<Una niwi hideli'au!>>24Wa'utu geena o gubernur o pilatus 'awomadodoawau, de geena'a imulaengo'au irua. Ho una waehe oa'ele de waiho'o awi giama onyawa yolepe-lepe manga biono'a la idadi o dudu'ngu, una awa halawa, ma una awa mote'e onyawa yolepe-lepe manga mau. Una wote une, <<Ngoi ato tangunjawapuau e. Na'o ma Nyawa Nuuna Wohonenge, nginiou moi-moi nio tangunjawa'pa!>>25De onyawa yolepe-lepe goona yote, <<Iolo, ngaro ngomi de amia ngoa-ngoa'u'u mia tanggo ma hu'umu mangale ma Nyawa Guuna Awi honenge.>>26Wogiihene geena, o Pilatus wa mote'e onyawa yolepe-lepe manga mau, ho una wihihupu o barabas. Ma o Yesusi'a, wo'ihulo'o o hurudado la wipoha Una'a de o gumini ge ma doe'a naga deo iani idoto-doto 'a. Geena iduangino Pilatus wihigiama ma hoata o Yesus ona'a la Wihidele.27Geena iduangino ho yo'iaho'o manga ma-manai yo hu-hurudado moi-moi yomatoomu wi higilolitino Ma Yesus.28Ona yataai'i o Yesus Awi baju de wihinoa Una'a ma baju i'a'a'ulu'u ma ungu harage o 'oa-oana jaga yapa'e.29Ona yadiai o mahkota moi o jaga-jagano nage ihihihi'a de yohinoa o Yesus Awi Hae'i'a. De aha ona yodonoa o papadi ma dobi'i Awi giama o guida'o'a, de yatilabu'u Awibiono'a de Wi hohedu Una'a. Yote, <<Tabea o Yahudi ma nyawa manga Oana>>.30Ona Wiobili Una'a, de ya ehe ma papadi geena, de Wihipoha Awi hae'i'a.31Iduangino wihigugu'ule Una'a, ona yata'ai'i ma baju i'a'a'ulu'u nage ma ungu geena de wihinoali Awi baju to Una mahirete. De aha Una Wiaha Wihihupu la Wihidele.32O nge'omo ma gorona'a, ona yoma'a ma'e de womatengo o kirene ma nyawa awi ronga o simon. Ona wipa'iha ma nyawa guuna wamo'u o Yesus awi saliipi.33Geena'a de ona yomahiadono o dii'ngi moi'a nage ma ronga o golgota, ma mangariti <<O 'obongo ma ngi>>.34Geena'a ona Wi'ula o Yesusi'a la wao'ele o angguru nage ya ganuo'au de o 'aewani ma milingi. Ma iduangino o Yesus Wataili ma angguru geena, Una awoolu'u wao'ele.35Geena'a de ona Wihidele Una'a, de yohi'a ado'ua to Una awi pa'eanga de o undiana.36Geena iduangino ona yogogelu'u geena la wigoana Una'a.37Awi hae'e ma de'u'de ihituliho'o ho'iau ona Witae ge geenala: Nuunau o Yesusu, o Yahudi ma nyawa manga Oana.38Yamididi yotitingi'ai ma yo'ihidihedele de Una; womatengo awi guida'a ma hononga'a, womatengoli awi gubali ma hononga'a.39O nyawa-nyawa nage yatoa'a geenano ayagiwi-giwi manga hae'e, de Wihohedu o Yesusi'a.40Ona yote, <<Ngona nage nomau naluba ma Jou ma Dutu awiwoa, de Nohigo'oli ao wange haange'a! Na'o Ngona ma Jou ma Dutu awi Ngoa'a, Noutiou ma saliipu'u geena, de Ngona mahirete Nomahilamata!>>41Ugeenali de o imam ma hae-hae'e de o agama'a yodoto-doto'o aha de o Yahudio'a yo'ihibalu-baluhu Wihohedu o Yesusi'a. Ona yote,42Una Wo'ihihalamata o nyawa ma homoa, ena momongo Una mahirete awa dadiwa Womahihalamata! Na'o Una o Israelo'a manga Oana, iholoi yaowa Una o oraha neena Wouti o saliipu'u geena, aha de ngomi mio mode'e mio nga'u Una'a.43Una Wonga'u ma Jou ma Dutu'a, de Wotemo Una ma Jou ma Dutu Awi Ngoa'a. Ho, ino ngone pagelelo ma Jou ma Dutu Wo mode'e Wihilamata bolo ouwa o oraha neena.44Yamididi yotitingi'ai nage yo'ihididihidele de Una goona ma a'ugeena Wihohedu Una'a.45Wa'utu o wange i'orona, moi-moi ma daera geena'a 'ai taluhu'u, ma daao o ta'o haangeno.46O ta'o haange o wange i'umulu'u, de o Yesus Womaorehe Wapau-paude wa pa'e o Aram ma demo. Wotemo, Eli, Eli lama Sabakhtani? Nage mangariti, <<Jou ma Dutu 'ai Jou, idodoau ho Noimada'a?>>47Yamuluo o nyawa geena yoihene womaorehe geena, de yote, <<E, Una Wiaho'o ma nabi Elia!>>48Ho geenau ma wa'utu, naga womatengo o onano nage awomataiti woehe o sponso, ho wohitabu o angguru ma cu'a'u. De aha ma sponso geena wohi topo'o o gota'a ho wohitigi o Yesusu awi ulude la Wa wiwihi.49Ma maregu nage yotemo, <<Uwahi! La powigelelohi, iani bote o nabi Elia Wihihalamata Una'a.>>50Deaha o Yesus Womaoreheoli Wapau-paude, de Awi Ngomaha itoa'a.51Geena'a de ma Jou ma Dutu awi woa ma dadato'o nage ihidelu'u ma iracanga modidio'a da'uu'u hiadono dau'u'u. O ohu de o de'u iheheleo ma ipela'a.52O boboohu'u ma ipelenga, de manga lepe ma Jou ma Dutu awi umati nage yohone-honengo'au ma yo wangoli.53Ona yohupu boboohu'ino iduangino o Yesusu Wowango o honengino, de ona yoohama o yerusalem ma bendari'a. De do'a onyawa manga lepe yo'ima'e ona'a.54Ma 'Apita de o hu-hurudado nage magigiria'a Wigoana o Yesus durue de yohawanau wa'utu yamao o tona'a itiwiwili, de moi-moi nage idadi geena. De ona yotemo, <<Igoungu, Una nuuna ma Jou ma Dutu Awi Ngoa'a!>>55Geena'a ma manga lepe o ngewe'a nage magigiria'a yagelelo maga'ulo'a de yaino. Onau noona nage ma Yesus winii'o'au mangale wileleani Una'a nage ao galilea'ahi de yaino.56Ona goona geenala o ngo maria o Magdalano, o ngo maria o yakobus de o yusuf ma eha de o zebedeus awi ngoa-ngoa'a manga eha.57Ma wutu geena waino womatengo wo a'ya-a'ya o arimateano nage awi ronga o Yusuf. Una guuna ma o Yesus awi ninii'i.58Una wotagi o pilatusi'a, de wogaaho'o o Yesus awi maiyeti. Geena'a de o pilatus wo'i hulo'o la o Yesus awi maiyeti yo u'la una'a.59Ho Yusuf waehe ma maiyeti geena, de wa hao de o maiyeti ma ha-hao nage yohironga o linene ge ma hungi.60Ho una wa noa'u o Yesus awi maiyeti o boohu'u ma doda'a touna mahirete awi boohu'u nage o aru'o'a ma doda. Geena iduangino una wodululu'a o heleo iamo-amo'i moi wohi tamunu ma boohu'u ma ngoana geena. Aha de wotagi.61Ongo maria o Magdalano de o ngo maria mareguoli ayo gogelu'ou geena'a yodaali'a ma boohu'u geena.62De ma dewelano, o sabat ma wange'u, imam ma hae-hae'e de o Farisio'a ma nyawa-nyawa yotagi o Pilatusi'a63de yotemo, <<Tuanga, ngomi 'a mio danganonohi wa'utu ma tabaelu'u Guuna awo wangohi, Una wotema'a, <O wange haange ipaha Ngoi aha to momi'i.>64Mangale geena, no'ihulo'i'a o nyawa yagoana ma boohu'u geena yohidi-diai hiadono o wange haange, uwa hiadono awi ni-nii'i yatohi'i awi maiyeti de yote o nyawa-nyawa'a bali Una wihimomi'o'au o honengino. De ma dengelu'u nage ituuluno nage iholoi itiiha de nage ididihila'a.>>65Woihene geena, o pilatus wotemo, <<ni'iahau 'ai hurudado ya muluo naga, de nio goana nihidiai ma boohu'u geena.>>66Geena iduangino, ona yotagi ma boohu'i'a. De ona yohidunguu'a ma heleo'a nage ihi tamunu ma boohu'u geena ma ngoana, geena'a de yogoana geena'a.
Ona yopaluhu, <<O Barabasa!>>22O Pilatus wohanoli, <<Ho na'o 'ogeena o'iau nage halingou ngoi tadiai de ma Yesusu nuuna nage onyawa Witehongo ma Kristus?>>
De ona moi-moi yoma orehe, <<Una niwi hideli'au!>>23Ho o Pilatus wohanoli ona'a, <<Una o howono o'iau Wodiai ho?>>
Ma onyawa yolepe-lepe 'age'au i'ua'tie yomaorehe, <<Una niwi hideli'au!>>24Wa'utu geena o gubernur o pilatus 'awomadodoawau, de geena'a imulaengo'au irua. Ho una waehe oa'ele de waiho'o awi giama onyawa yolepe-lepe manga biono'a la idadi o dudu'ngu, una awa halawa, ma una awa mote'e onyawa yolepe-lepe manga mau. Una wote une, <<Ngoi ato tangunjawapuau e. Na'o ma Nyawa Nuuna Wohonenge, nginiou moi-moi nio tangunjawa'pa!>>25De onyawa yolepe-lepe goona yote, <<Iolo, ngaro ngomi de amia ngoa-ngoa'u'u mia tanggo ma hu'umu mangale ma Nyawa Guuna Awi honenge.>>26Wogiihene geena, o Pilatus wa mote'e onyawa yolepe-lepe manga mau, ho una wihihupu o barabas. Ma o Yesusi'a, wo'ihulo'o o hurudado la wipoha Una'a de o gumini ge ma doe'a naga deo iani idoto-doto 'a. Geena iduangino Pilatus wihigiama ma hoata o Yesus ona'a la Wihidele.27Geena iduangino ho yo'iaho'o manga ma-manai yo hu-hurudado moi-moi yomatoomu wi higilolitino Ma Yesus.28Ona yataai'i o Yesus Awi baju de wihinoa Una'a ma baju i'a'a'ulu'u ma ungu harage o 'oa-oana jaga yapa'e.29Ona yadiai o mahkota moi o jaga-jagano nage ihihihi'a de yohinoa o Yesus Awi Hae'i'a. De aha ona yodonoa o papadi ma dobi'i Awi giama o guida'o'a, de yatilabu'u Awibiono'a de Wi hohedu Una'a. Yote, <<Tabea o Yahudi ma nyawa manga Oana>>.30Ona Wiobili Una'a, de ya ehe ma papadi geena, de Wihipoha Awi hae'i'a.31Iduangino wihigugu'ule Una'a, ona yata'ai'i ma baju i'a'a'ulu'u nage ma ungu geena de wihinoali Awi baju to Una mahirete. De aha Una Wiaha Wihihupu la Wihidele.32O nge'omo ma gorona'a, ona yoma'a ma'e de womatengo o kirene ma nyawa awi ronga o simon. Ona wipa'iha ma nyawa guuna wamo'u o Yesus awi saliipi.33Geena'a de ona yomahiadono o dii'ngi moi'a nage ma ronga o golgota, ma mangariti <<O 'obongo ma ngi>>.34Geena'a ona Wi'ula o Yesusi'a la wao'ele o angguru nage ya ganuo'au de o 'aewani ma milingi. Ma iduangino o Yesus Wataili ma angguru geena, Una awoolu'u wao'ele.35Geena'a de ona Wihidele Una'a, de yohi'a ado'ua to Una awi pa'eanga de o undiana.36Geena iduangino ona yogogelu'u geena la wigoana Una'a.37Awi hae'e ma de'u'de ihituliho'o ho'iau ona Witae ge geenala: Nuunau o Yesusu, o Yahudi ma nyawa manga Oana.38Yamididi yotitingi'ai ma yo'ihidihedele de Una; womatengo awi guida'a ma hononga'a, womatengoli awi gubali ma hononga'a.39O nyawa-nyawa nage yatoa'a geenano ayagiwi-giwi manga hae'e, de Wihohedu o Yesusi'a.40Ona yote, <<Ngona nage nomau naluba ma Jou ma Dutu awiwoa, de Nohigo'oli ao wange haange'a! Na'o Ngona ma Jou ma Dutu awi Ngoa'a, Noutiou ma saliipu'u geena, de Ngona mahirete Nomahilamata!>>41Ugeenali de o imam ma hae-hae'e de o agama'a yodoto-doto'o aha de o Yahudio'a yo'ihibalu-baluhu Wihohedu o Yesusi'a. Ona yote,42Una Wo'ihihalamata o nyawa ma homoa, ena momongo Una mahirete awa dadiwa Womahihalamata! Na'o Una o Israelo'a manga Oana, iholoi yaowa Una o oraha neena Wouti o saliipu'u geena, aha de ngomi mio mode'e mio nga'u Una'a.43Una Wonga'u ma Jou ma Dutu'a, de Wotemo Una ma Jou ma Dutu Awi Ngoa'a. Ho, ino ngone pagelelo ma Jou ma Dutu Wo mode'e Wihilamata bolo ouwa o oraha neena.44Yamididi yotitingi'ai nage yo'ihididihidele de Una goona ma a'ugeena Wihohedu Una'a.45Wa'utu o wange i'orona, moi-moi ma daera geena'a 'ai taluhu'u, ma daao o ta'o haangeno.46O ta'o haange o wange i'umulu'u, de o Yesus Womaorehe Wapau-paude wa pa'e o Aram ma demo. Wotemo, Eli, Eli lama Sabakhtani? Nage mangariti, <<Jou ma Dutu 'ai Jou, idodoau ho Noimada'a?>>47Yamuluo o nyawa geena yoihene womaorehe geena, de yote, <<E, Una Wiaho'o ma nabi Elia!>>48Ho geenau ma wa'utu, naga womatengo o onano nage awomataiti woehe o sponso, ho wohitabu o angguru ma cu'a'u. De aha ma sponso geena wohi topo'o o gota'a ho wohitigi o Yesusu awi ulude la Wa wiwihi.49Ma maregu nage yotemo, <<Uwahi! La powigelelohi, iani bote o nabi Elia Wihihalamata Una'a.>>50Deaha o Yesus Womaoreheoli Wapau-paude, de Awi Ngomaha itoa'a.51Geena'a de ma Jou ma Dutu awi woa ma dadato'o nage ihidelu'u ma iracanga modidio'a da'uu'u hiadono dau'u'u. O ohu de o de'u iheheleo ma ipela'a.52O boboohu'u ma ipelenga, de manga lepe ma Jou ma Dutu awi umati nage yohone-honengo'au ma yo wangoli.53Ona yohupu boboohu'ino iduangino o Yesusu Wowango o honengino, de ona yoohama o yerusalem ma bendari'a. De do'a onyawa manga lepe yo'ima'e ona'a.54Ma 'Apita de o hu-hurudado nage magigiria'a Wigoana o Yesus durue de yohawanau wa'utu yamao o tona'a itiwiwili, de moi-moi nage idadi geena. De ona yotemo, <<Igoungu, Una nuuna ma Jou ma Dutu Awi Ngoa'a!>>55Geena'a ma manga lepe o ngewe'a nage magigiria'a yagelelo maga'ulo'a de yaino. Onau noona nage ma Yesus winii'o'au mangale wileleani Una'a nage ao galilea'ahi de yaino.56Ona goona geenala o ngo maria o Magdalano, o ngo maria o yakobus de o yusuf ma eha de o zebedeus awi ngoa-ngoa'a manga eha.57Ma wutu geena waino womatengo wo a'ya-a'ya o arimateano nage awi ronga o Yusuf. Una guuna ma o Yesus awi ninii'i.58Una wotagi o pilatusi'a, de wogaaho'o o Yesus awi maiyeti. Geena'a de o pilatus wo'i hulo'o la o Yesus awi maiyeti yo u'la una'a.59Ho Yusuf waehe ma maiyeti geena, de wa hao de o maiyeti ma ha-hao nage yohironga o linene ge ma hungi.60Ho una wa noa'u o Yesus awi maiyeti o boohu'u ma doda'a touna mahirete awi boohu'u nage o aru'o'a ma doda. Geena iduangino una wodululu'a o heleo iamo-amo'i moi wohi tamunu ma boohu'u ma ngoana geena. Aha de wotagi.61Ongo maria o Magdalano de o ngo maria mareguoli ayo gogelu'ou geena'a yodaali'a ma boohu'u geena.62De ma dewelano, o sabat ma wange'u, imam ma hae-hae'e de o Farisio'a ma nyawa-nyawa yotagi o Pilatusi'a63de yotemo, <<Tuanga, ngomi 'a mio danganonohi wa'utu ma tabaelu'u Guuna awo wangohi, Una wotema'a, <O wange haange ipaha Ngoi aha to momi'i.>64Mangale geena, no'ihulo'i'a o nyawa yagoana ma boohu'u geena yohidi-diai hiadono o wange haange, uwa hiadono awi ni-nii'i yatohi'i awi maiyeti de yote o nyawa-nyawa'a bali Una wihimomi'o'au o honengino. De ma dengelu'u nage ituuluno nage iholoi itiiha de nage ididihila'a.>>65Woihene geena, o pilatus wotemo, <<ni'iahau 'ai hurudado ya muluo naga, de nio goana nihidiai ma boohu'u geena.>>66Geena iduangino, ona yotagi ma boohu'i'a. De ona yohidunguu'a ma heleo'a nage ihi tamunu ma boohu'u geena ma ngoana, geena'a de yogoana geena'a.
The Seed Company