O MATIUS26
1Wa'utu iduangino o Yesus Wo'ihidoto'o o haala moi-moi geena, Una Wotemo Awi ni-nii'i'a,2<<Ngini nia na'o'au to, ao wange modidiohi ngone o yahudi ma nyawa podiai owange maamo'o o paska mangale po hininga wa'utu ma Jou ma Dutu Wo'ihihupu tongone nanga Balu-baluhu ma hila o Mesir ma bangihano nage yo'i hahangihara ona'a. Ho wa'utu owange maamo'o geena, naga onyawa wohigiamamahoatou o Nyawa ma Ngoa'a nage o horogano la Wi hidelee.>>3Geena ma wa'utu, o yahudi ma nyawa manga imam ma hae-hae'e yomatoomu ma imam maamo'o o Kayafas awi 'adato'a.4Ona yoma'a aturu la yohibongonino Witago'o de Witooma o Yesusi'a5ma ona yoma'atemo, <<uwa powitago'o Una'a ipahi o wange maamo'u'u, uwa hiadono onyawa magilepe nage wiigo Una'a yodiai o ributu.>>6Wa'utu o Yesus o Betania ma hoano'a, Wotulu o simon awiwoa'a. O simon neena ma hila wopanya'e nage yote o pado.7Wa'utu o Yesus magigiria'a wogogelu'u woodomo, naga momatengo o ngewe'a maino moaha ogooro ma bounu ihemo-hemo nage ihali-hali o botolo moi. De ma ngewe'a gumuna moduragi de ma gooro geena mohimemeneoho o Yesus Awi hae'uu.8Ma wa'utu o Yesus Awi ninii'i migelelo muna madiai 'ogeena, ona ayohanangua. Ho ona yotemo, <<O gooro ma bounu ihemo-hemo 'ogeena ma hali de muna amohiguguule de!9Na'o iwu'unu ma ija duru aohali, de ma pipi geena 'aidadi mo'ula onyawa yohuhuha'a.>>10Ma o Yesus Wana'o manga hininga'a goona, ho Una Wotemo ona'a, <<Dodoau ho nimi ngamo ma ngewe'a numuna? Muna modiaio'au iani nage ya owa Ngoino.11O nyawa yohuhuha halalu naga dedengini ma Ngoi 'ahiado-adoni'awa dedengini.12Hababu, moduragi ogooro ma bounu ihemo-hemo 'ai roehu'u, geena 'imatero de muna mohidiaio'au 'ai maiyeti wa'utu ipoohu'ou aha.13Nio danganono nihididiai nage Ngoi totemo neena, ia'a naga yohingahu o habari ma owa ma Jou ma Dutuno neena o dunia'a moi-moi, marai ona yohiade-ade o'iau nage o ngewe'a numuna modiaio'au Ngoino, hiadono o nyawa-nyawa aha mihininga muna'a aitauri'a.>>14Naga womatengo yamogio'ode yamididino o Yesus awi ninii'i, awi ronga o Yudas iskariot. Una wotagi o imam ma hae-hae'i'a.15Womahiadoni'a wohano ona'a, <<Na'o ngoi towihigima ma hoata o Yesus ngini'a o'iau ni'ula ngoino?>> Ho ona wi'ula o pipi o hala'a moruange o yudasi'a.16Geena'a de o yudasa wohali'i ma oraha yaowa-owa la wihigiama ma hoata o Yesus ona'a.17O wange madidihila'a o wange maamo'o o roti 'ai ragi-ragiwa, o Yesus awi ninii'i yo'aia Una'a de yohano, <<Guru, ia'a Guru nomau Ngomi mihidiai o inomo o wange maamo'o nage yohironga o paskah la pomahidoomo?>>18De o Yesus Wotemo ona'a, <<Nio'ai'a o Yerusalem ma bendari'a, do'a ngini aha nima'ama'e de o nyawa womatengo. Niotemo ma nyawa guuna'a une, <Ma Guru Wotemo, Awi wa'utu 'ai taaowau. Ho nanga wange ma amo'o'a nage yohironga o paskah Womahidoomo de Awi ninii'i ani woa'a baba.> >>19Yoihene iduanga o Yesus Wote 'ogeena, awi ninii'i yadiai 'imatero de nage Wo'ihulo'o goona'a ge. Geena'a de ona yohidiai mainomo owange maamo'o nage yohironga o paska geena.20Wa'utu italuho'au o Yesus de Awi ninii'i ya mogio'o de yamididi yogogelu'u yamahidoomo.21Magigiria'a ona yoodomo, o Yesus Wotemo, <<Niodanganono nihididiai nage Ngoi tinitemo neena, naga o nyawa womatengo dedengini nage aha wopali Ngoino.>>22Yogiihene geena, ona manga hininga duru ihuha. Ho moi de moi yomademo Una'a, <<Jou angoiwa to?>>23O Yesus wopaluhu ona'a, <<Ma nyawa guuna womatengo naga de de ngini nage ao hawo'o moi de Ngoi mihitabu o roti. Guunau nage aha woihigiama ma hoata.24'Igoungu onyawa ma Ngoa'a nage o horogano aha Wohonenge harage de nage ma Jou ma Dutu Watatapuo'au ma hila. O nabi-nabi ya tuliho'au 'ogeena o bo'u iofi-ofi'u. Ma wobodito'au onyawa nage wohigiama ma hoata onyawa ma Ngoa'i'a, una aha wa ohana o hu'umu nage aodubuho! Ma nyawa guuna iholoi yaowa uwau womaboa o dunia'a neena.>>25De o yudasa nage wihigiama ma hoatou ge wote o Yesusi'a, <<Guru, ma nyawa nage Guru nowitehongo'au guuna angoiwa to?>>
<<Ngona mahirete nage notemo 'au 'ogeena.>>26Wa'utu o Yesus de Awininii'i magigiria'a yoodomo, o Yesus Waehe o roti de Wotemo amaowa'a ma Jou ma Dutu'a. Geena ipaha'a, Una wapela-pela'a o roti geena de Wo u'la ona'a, Wotemo, o roti neena 'ai roehe, ho nia odomou.27Geena ipaha'a o Yesus Waehe o cawan de Wotemo amaowa'a ma Jou ma Dutude. De aha Woula ona'a de Wotemo, <<Ngini moi-moi niooe'le o angguru ao cawaninou neena.28Hababu to Ngoi 'ai aunnu. Wa'utu Ngoi tohenenge, 'ai aunnu aha i'poa mangale ihitatapu ma Jou ma Dutu Awi jaji o nyawa'a. De to Ngoi 'ai aunnu ipoas nage geena mangale yatuu'hu onyawa yolepe-lepe manga baradoha.29Nioihene nihididiai nage Ngoi totemo ngini'a e, neena deimahi'ai'a, Ngoi atoo'elluwau o angguru. Ma aha wa'utu ma Jou ma Dutu Wo uaha iani ma 'oana a'wi awaha'a, aha de Ngoi tao'eloli o angguru nage ma hungi de de ngini.>>30Geena'a de ona yohinyanyi o nyanyi moi ma Jou ma Dutu wihilamo'o. De geena iduangino ona yotagi o zaitun ma de'ude.31De o Yesus Wotemo Awi ni-nii'i'a, <<Neenau ma wutu'u ngini moi-moi aha nio loa nidugumada'a; hababu o bo'u ma doda'u ituliho'au: ma Jou ma Dutu Wotemo, <Ngoi aha Towitooma o duba ma tutuda guuna, de Awi duba o duono'a aha ipilingana yai'a yaino.>32Ma iduangino Ngoi tomomi'oli, Ngoi aha totagi tinihoboo'o o galilea'a.>>33O petrus wotemo o Yesusi'a, <<Ngaro moi-moi de ma reguohi nage nimada'a Aba, ma ngoi a'ouwa.>>34De o Yesus Wotemo o Petrusi'a, <<Noihene nohidi-diai e nage totemo ngona'a, neena ma wutu'u onamo 'aiholenuwahi, ngona ma haangeu nomahipongono, note ngona anoi na'owa Ngoino.>>35Ma o Petrus wotemo Una'a une, <<Geena ngaro ngoi halingou tohonenge dede Ngona Guru ma ngoi 'a tomahipongonua Ngona'a Guru.>> De o Yesus Awi ninii'i ma regu nage ma yotemo 'ogeena.36Iduangino geena O Yesus de Awi ninii'i yotagi o dingii moi'a nage ma ronga o Getsemani. Geena'a do'a Una Wotemo ona'a, niogogelu'ohi neena e jai-jai Ngoi totagi to haubayanga.37Ma o Yesus wo'iaha o Petrus, Yakobus de oa Yohanis, zebedeus awi ngoa'a yamididi goona Winii'i Una'a. Geena ma wa'utu, Awi hininga imulaenge ihuha de Awi roehe ma ito-towoworo.38Una Wotemo Awi ni-nii'i'a, <<'ai hininga duru ihuha, Ta'mao iani ge de a'tohonengou. Neena'ahi ngini e, de ngini ma nimagoa-goana de de Ngoi.>>39Geena iduangino o Yesus Wotagi maube i'a'uli'a, de Una Watilabu'u hiadono Awi biona ma yaadono o tona'uu de Wohaubayanga wotemo, <<Aba o, na'o 'ai dadi de tanu uwa taohana ma hangihara neena. Ma uwa imote'e to Ngoi 'ai mau, ma imote'e Aba to Ngona ani mau.>>40Geena iduangino o Yesus Woma'ilio Awi ni-nii'i'a yahaange goona, de Wo'igelelo ena ona yonihu'o'a. De Una Wo'i tumomi'i de Wotemo o Petrusi'a, 'ae, ngona 'aidadiwa nomatongohono ngaro ao da'o moi la nimagoa-goana de de Ngoi?41Nima goa-goana de nimadahaubayanga la uwa nia ohana o da-daili. Igoungo'au niahininga'a niomau nio diai nage iti-tiai ma ania roehe ayaohonua.42Ma moiohi o Yesus Wo tagi Wohaubayanga, Awidemo, <<Aba na'o ma hangihara neena halingou Ngoi ta Ohana, de 'aidadiwau ihitinga'a imadaua imote'e to Ngona Aba ani mau.>>43Geena iduangino o Yesus Woma'ilioli de Wo'igelelo Awi ninii'i 'ayomaiduo'ahi mangale ona ayonihu'oli.44Ma moi ohi o Yesus, ona Wo'i mada'a de Wohidigali ma haange haubayanga de Awi haubayanga ma demo-demo aimatero.45Geena iduangino Una Woma'ilioli Awi ni-nii'i'a de Wotemo, <<Ngini nimaidu de animihiano'ali? Nia gelelo ya adono'au Awi wa'utu onyawa ma Ngoa'a Wihigiama ma hoata onyawa yo babaradoha manga uaha'a.46Nio momi'i la potagi. Niagelelo onyawa nage woihigiama ma hoata woboa'au.>>47Magigiria'a o Yesus 'a Woma ade-adehi, o Yudasa, womatengo nage yamogio'o deyamididino Awi ninii'i guuna woboa. Una woboa yoma'anii'i de o duono moi maamo'o, maregu yoaha ohumaranga de mareguohi yoaha o gota ma dobi'i. Ma nyawa-nyawa goona o imam ma hae-hae'e de oyahudio'a ma balu-baluhu yo'ihulo'o.48O Yudasa nage wihigiama ma hoata o Yesusi'a wo'ihingahuoau ma dudunguu, una wotemo one, <<O nyawa nage ngoi aha towi ame, Guunau nage ngini halingou niwitago'o.>>49Wa'utu yaadono ma dingii'a geena, o Yudasa awi digila-gila widagi o Yesusi'a de wote <<Tabea, Aba Guru!>> De una wiame o Yesusi'a.50O Yesus Wopaluhu, <<E manai, nodiaiou o 'iau nage nomau nodiai.>> Geena'a de o nyawa yolepe-lepe goona yo'ai'a de witago'o o Yesusi'a.51Ma womatengo o Yesus awi ni-nii'ino, wahiata awi humaranga de wihumaranga o imam ma amo'o awi gilaongo awi ngau'i'a hiadono awi ngau'u ma itoa'a.52De Yesus Wotemo ma nyawa'a guuna, <<Nohiohamou ani humaranga geena! Mangale na'o o nyawa yo'ihitooma deo humaranga una ma wohonenge de o humaranga.53Uwa nia mongo, Ngoi 'ai dadi togaaho'o 'ai Aba de la Una aigila-gila Woihidingoto o malai'ata de ma ribuhu mangale Ngoi iduhunu.54Ma na'o Ngoi tadiai 'ogeena, geena mangariti, moi-moi nage 'ituliho'au o bo'u iofi-ofi'u mangale Ngoi neena naga, 'ai dadi awa.>>55De o Yesus Wotemo o nyawa yolepe-lepe'a nage yoboa witago'ou Una'a, <<Niotemo bote Ngoi neena o nyawa totitingi'ai, hiadono nioboa nioaha o humaranga de o gota ma dobi'i la nitago'o Ngoino? Ena momongo Tohiwange moi tohingahu ma Jou ma Dutu Awi Habari ma Owa ma Jou ma Dutu awi woa'a, ma ngini ani tago'ua Ngoino geena'a56Ma imada'au, mangale igoungu moi-moi geena iani idadi, 'imatero de nage ma Jou ma Dutu Wotemo'au ama hilahi o nabi-nabi'a nage 'itulihu'u'au o bo'u iofi-ofi'u.
Geena'a de, moi-moi Awi ninii'i Wida'aloa o Yesusi'a.57O nyawa-nyawa nage Witago'o o Yesusi'a, Una wiaha o imam ma amo'o o Kayafas awi woa'a. Do'a naga yomalomuno'au o agama'a yodoto-doto'o de o yahudio'a ma balu-baluhu.58Wa'utu o Yesus Wiaha geena'a, o petrus ma wonii'i ma womahihori'awa hiadono una wo ohama o imam maamo'o awi woa ma bibino'a. Geena'a wai'a una wogogele womahiganu deo huru-hurudado geena'a nage la witaila'o o'i'au nage idadiou o Yesusi'a.59Geena'a, o imam ma hae-hae'e de moi-moi agama ma ha'imi yo'ihibalu-baluhu ona yo'ihali'i o nyawa-nyawa nage yo ha'i'hi aitiaiwa la yo maiti o Yesus Awi hala, la ona Wihu'umu Wihohonenge Una'a.60Ma ona ayohi'ama'ewa Awi hala, geena ngaro ma wa'utu onyawa manga lepeu nage yo boa la yoha'i'hi aitiaiwa mangale o Yesus. Ma baha'u, onyawa ya mididi nage yo ha'i'hi une,61ma nyawa Nuuna ma hila Wotemo'a, Una aha wa horoma ma Jou ma Dutu awi woa de ao wange haange'a Una aha Wohigo'o au oli.>>62Geena'a o imam maamo'o Woma goa'a de wote o Yesusi'a, <<O nyawa manga lepe yohingahuo'au to Ngona ani hala, de Ngona anomaade-ada'ewa?>>63Ma o Yesus 'a Womaliililo'a. De o imam ma amo'o wotemoli Una'a, ho nanga Jou ma Dutu nage wowango-wango, be'a natehongino 'igoungu Ngona ma 'Oana Wohiha-halamata, ma Jou ma Dutu Awi Ngoa'a bolo 'a Ngonawa?64O Yesus Wopaluhu, ngona mahirete natehongo'au 'ogeena. Ma Ngoi totemo ngini'a, neena'a de imahi'ai'a ngini aha niwima'e o nyawa ma Ngoa'a Wogogele nage Awi Uaha i amo-amo'o Awi guida'o'a de Woboa o a'mo-a'mo ma de'uno o diwango'a.65De yo ihene o Yesus Wotemo 'ogeena, imam ma amo'o, duru de wongamo hiadono awi baju i'a-'a'ulu'u ma waracanga dewote une, <<We, ma nyawa Nuuna wihohedu ma Jou ma Dutu'a! Ho, ngone ngaro uwau pohali'i o ha'ihi! Ngini mahirete nio iheno'au, to?66Neena imote'e ngini icara'iau?>>
De ona yo paluhu, <<Una halingou Wama'e o hu'umu Wihohonenge.>>67Geena iduangino, ona yaobili o Yesus Awi biono'o de Una ma Wi poha. De maregu ma Wipo'a68de yo temo bee'a no'ita-taana nagoonau nage Ngona Nipo'a.69Wa'utu geena, o petrus wogogelu'u o bibini ma date'o'a. De o ngewe'a mo'a-'arajanga momatengo maino, de motemo o petrusi'a, <<ngona neena ma ikade nima'a-'anii'i de o Yesus o Galilea ma nyawa Guuna to?>>70Ma o petrus womahipongono o nyawa yolepe-lepe manga biono'a moi-moi de wotemo, <<Ngoi atomahina'owa o'iau ani ma'uhuutu!>>71Geena'a de una wo'aia o bibini ma ngoani'a. O ngewe'a mo'a-'arajanga womatengoli mima'e o Petrusi'a, de motemo ma nyawa-nyawa geena'a, <<Ma nyawa nuuna 'aano ma ikade yoma'anii'i de o Yesus o Nazaretino ge.>>72Ma o petrus womahipongonoli de woo'boto, <<Nanga Jouo'au! Ngoi atowina'owa ma nyawa Guuna.>>73Geena iduangino, aitaowa ena, o nyawa-nyawa nage yomahigo'o-go'ono geena'a yomahidutu'u o petrusi'a de yotemo, <<Marai ngonao ma moi'ani toona manga nyawa. 'A ani demohi ena panana'o au.>>74Geena'a de o Petrus wo'obo-o'boto de wotemo, <<Ngoi atowina'owa ma nyawa Guuna.>>
'Ageena'a ena ma namo iholeno'au.75De o Petrus womadanganono geenalaho Yesus Wotemo'au una'a, o namo 'aiholenuwahi ena ngona ma haange noma pongono Ngoino. De o Petrus wohupu, de woali awo hohowonou.
<<Ngona mahirete nage notemo 'au 'ogeena.>>26Wa'utu o Yesus de Awininii'i magigiria'a yoodomo, o Yesus Waehe o roti de Wotemo amaowa'a ma Jou ma Dutu'a. Geena ipaha'a, Una wapela-pela'a o roti geena de Wo u'la ona'a, Wotemo, o roti neena 'ai roehe, ho nia odomou.27Geena ipaha'a o Yesus Waehe o cawan de Wotemo amaowa'a ma Jou ma Dutude. De aha Woula ona'a de Wotemo, <<Ngini moi-moi niooe'le o angguru ao cawaninou neena.28Hababu to Ngoi 'ai aunnu. Wa'utu Ngoi tohenenge, 'ai aunnu aha i'poa mangale ihitatapu ma Jou ma Dutu Awi jaji o nyawa'a. De to Ngoi 'ai aunnu ipoas nage geena mangale yatuu'hu onyawa yolepe-lepe manga baradoha.29Nioihene nihididiai nage Ngoi totemo ngini'a e, neena deimahi'ai'a, Ngoi atoo'elluwau o angguru. Ma aha wa'utu ma Jou ma Dutu Wo uaha iani ma 'oana a'wi awaha'a, aha de Ngoi tao'eloli o angguru nage ma hungi de de ngini.>>30Geena'a de ona yohinyanyi o nyanyi moi ma Jou ma Dutu wihilamo'o. De geena iduangino ona yotagi o zaitun ma de'ude.31De o Yesus Wotemo Awi ni-nii'i'a, <<Neenau ma wutu'u ngini moi-moi aha nio loa nidugumada'a; hababu o bo'u ma doda'u ituliho'au: ma Jou ma Dutu Wotemo, <Ngoi aha Towitooma o duba ma tutuda guuna, de Awi duba o duono'a aha ipilingana yai'a yaino.>32Ma iduangino Ngoi tomomi'oli, Ngoi aha totagi tinihoboo'o o galilea'a.>>33O petrus wotemo o Yesusi'a, <<Ngaro moi-moi de ma reguohi nage nimada'a Aba, ma ngoi a'ouwa.>>34De o Yesus Wotemo o Petrusi'a, <<Noihene nohidi-diai e nage totemo ngona'a, neena ma wutu'u onamo 'aiholenuwahi, ngona ma haangeu nomahipongono, note ngona anoi na'owa Ngoino.>>35Ma o Petrus wotemo Una'a une, <<Geena ngaro ngoi halingou tohonenge dede Ngona Guru ma ngoi 'a tomahipongonua Ngona'a Guru.>> De o Yesus Awi ninii'i ma regu nage ma yotemo 'ogeena.36Iduangino geena O Yesus de Awi ninii'i yotagi o dingii moi'a nage ma ronga o Getsemani. Geena'a do'a Una Wotemo ona'a, niogogelu'ohi neena e jai-jai Ngoi totagi to haubayanga.37Ma o Yesus wo'iaha o Petrus, Yakobus de oa Yohanis, zebedeus awi ngoa'a yamididi goona Winii'i Una'a. Geena ma wa'utu, Awi hininga imulaenge ihuha de Awi roehe ma ito-towoworo.38Una Wotemo Awi ni-nii'i'a, <<'ai hininga duru ihuha, Ta'mao iani ge de a'tohonengou. Neena'ahi ngini e, de ngini ma nimagoa-goana de de Ngoi.>>39Geena iduangino o Yesus Wotagi maube i'a'uli'a, de Una Watilabu'u hiadono Awi biona ma yaadono o tona'uu de Wohaubayanga wotemo, <<Aba o, na'o 'ai dadi de tanu uwa taohana ma hangihara neena. Ma uwa imote'e to Ngoi 'ai mau, ma imote'e Aba to Ngona ani mau.>>40Geena iduangino o Yesus Woma'ilio Awi ni-nii'i'a yahaange goona, de Wo'igelelo ena ona yonihu'o'a. De Una Wo'i tumomi'i de Wotemo o Petrusi'a, 'ae, ngona 'aidadiwa nomatongohono ngaro ao da'o moi la nimagoa-goana de de Ngoi?41Nima goa-goana de nimadahaubayanga la uwa nia ohana o da-daili. Igoungo'au niahininga'a niomau nio diai nage iti-tiai ma ania roehe ayaohonua.42Ma moiohi o Yesus Wo tagi Wohaubayanga, Awidemo, <<Aba na'o ma hangihara neena halingou Ngoi ta Ohana, de 'aidadiwau ihitinga'a imadaua imote'e to Ngona Aba ani mau.>>43Geena iduangino o Yesus Woma'ilioli de Wo'igelelo Awi ninii'i 'ayomaiduo'ahi mangale ona ayonihu'oli.44Ma moi ohi o Yesus, ona Wo'i mada'a de Wohidigali ma haange haubayanga de Awi haubayanga ma demo-demo aimatero.45Geena iduangino Una Woma'ilioli Awi ni-nii'i'a de Wotemo, <<Ngini nimaidu de animihiano'ali? Nia gelelo ya adono'au Awi wa'utu onyawa ma Ngoa'a Wihigiama ma hoata onyawa yo babaradoha manga uaha'a.46Nio momi'i la potagi. Niagelelo onyawa nage woihigiama ma hoata woboa'au.>>47Magigiria'a o Yesus 'a Woma ade-adehi, o Yudasa, womatengo nage yamogio'o deyamididino Awi ninii'i guuna woboa. Una woboa yoma'anii'i de o duono moi maamo'o, maregu yoaha ohumaranga de mareguohi yoaha o gota ma dobi'i. Ma nyawa-nyawa goona o imam ma hae-hae'e de oyahudio'a ma balu-baluhu yo'ihulo'o.48O Yudasa nage wihigiama ma hoata o Yesusi'a wo'ihingahuoau ma dudunguu, una wotemo one, <<O nyawa nage ngoi aha towi ame, Guunau nage ngini halingou niwitago'o.>>49Wa'utu yaadono ma dingii'a geena, o Yudasa awi digila-gila widagi o Yesusi'a de wote <<Tabea, Aba Guru!>> De una wiame o Yesusi'a.50O Yesus Wopaluhu, <<E manai, nodiaiou o 'iau nage nomau nodiai.>> Geena'a de o nyawa yolepe-lepe goona yo'ai'a de witago'o o Yesusi'a.51Ma womatengo o Yesus awi ni-nii'ino, wahiata awi humaranga de wihumaranga o imam ma amo'o awi gilaongo awi ngau'i'a hiadono awi ngau'u ma itoa'a.52De Yesus Wotemo ma nyawa'a guuna, <<Nohiohamou ani humaranga geena! Mangale na'o o nyawa yo'ihitooma deo humaranga una ma wohonenge de o humaranga.53Uwa nia mongo, Ngoi 'ai dadi togaaho'o 'ai Aba de la Una aigila-gila Woihidingoto o malai'ata de ma ribuhu mangale Ngoi iduhunu.54Ma na'o Ngoi tadiai 'ogeena, geena mangariti, moi-moi nage 'ituliho'au o bo'u iofi-ofi'u mangale Ngoi neena naga, 'ai dadi awa.>>55De o Yesus Wotemo o nyawa yolepe-lepe'a nage yoboa witago'ou Una'a, <<Niotemo bote Ngoi neena o nyawa totitingi'ai, hiadono nioboa nioaha o humaranga de o gota ma dobi'i la nitago'o Ngoino? Ena momongo Tohiwange moi tohingahu ma Jou ma Dutu Awi Habari ma Owa ma Jou ma Dutu awi woa'a, ma ngini ani tago'ua Ngoino geena'a56Ma imada'au, mangale igoungu moi-moi geena iani idadi, 'imatero de nage ma Jou ma Dutu Wotemo'au ama hilahi o nabi-nabi'a nage 'itulihu'u'au o bo'u iofi-ofi'u.
Geena'a de, moi-moi Awi ninii'i Wida'aloa o Yesusi'a.57O nyawa-nyawa nage Witago'o o Yesusi'a, Una wiaha o imam ma amo'o o Kayafas awi woa'a. Do'a naga yomalomuno'au o agama'a yodoto-doto'o de o yahudio'a ma balu-baluhu.58Wa'utu o Yesus Wiaha geena'a, o petrus ma wonii'i ma womahihori'awa hiadono una wo ohama o imam maamo'o awi woa ma bibino'a. Geena'a wai'a una wogogele womahiganu deo huru-hurudado geena'a nage la witaila'o o'i'au nage idadiou o Yesusi'a.59Geena'a, o imam ma hae-hae'e de moi-moi agama ma ha'imi yo'ihibalu-baluhu ona yo'ihali'i o nyawa-nyawa nage yo ha'i'hi aitiaiwa la yo maiti o Yesus Awi hala, la ona Wihu'umu Wihohonenge Una'a.60Ma ona ayohi'ama'ewa Awi hala, geena ngaro ma wa'utu onyawa manga lepeu nage yo boa la yoha'i'hi aitiaiwa mangale o Yesus. Ma baha'u, onyawa ya mididi nage yo ha'i'hi une,61ma nyawa Nuuna ma hila Wotemo'a, Una aha wa horoma ma Jou ma Dutu awi woa de ao wange haange'a Una aha Wohigo'o au oli.>>62Geena'a o imam maamo'o Woma goa'a de wote o Yesusi'a, <<O nyawa manga lepe yohingahuo'au to Ngona ani hala, de Ngona anomaade-ada'ewa?>>63Ma o Yesus 'a Womaliililo'a. De o imam ma amo'o wotemoli Una'a, ho nanga Jou ma Dutu nage wowango-wango, be'a natehongino 'igoungu Ngona ma 'Oana Wohiha-halamata, ma Jou ma Dutu Awi Ngoa'a bolo 'a Ngonawa?64O Yesus Wopaluhu, ngona mahirete natehongo'au 'ogeena. Ma Ngoi totemo ngini'a, neena'a de imahi'ai'a ngini aha niwima'e o nyawa ma Ngoa'a Wogogele nage Awi Uaha i amo-amo'o Awi guida'o'a de Woboa o a'mo-a'mo ma de'uno o diwango'a.65De yo ihene o Yesus Wotemo 'ogeena, imam ma amo'o, duru de wongamo hiadono awi baju i'a-'a'ulu'u ma waracanga dewote une, <<We, ma nyawa Nuuna wihohedu ma Jou ma Dutu'a! Ho, ngone ngaro uwau pohali'i o ha'ihi! Ngini mahirete nio iheno'au, to?66Neena imote'e ngini icara'iau?>>
De ona yo paluhu, <<Una halingou Wama'e o hu'umu Wihohonenge.>>67Geena iduangino, ona yaobili o Yesus Awi biono'o de Una ma Wi poha. De maregu ma Wipo'a68de yo temo bee'a no'ita-taana nagoonau nage Ngona Nipo'a.69Wa'utu geena, o petrus wogogelu'u o bibini ma date'o'a. De o ngewe'a mo'a-'arajanga momatengo maino, de motemo o petrusi'a, <<ngona neena ma ikade nima'a-'anii'i de o Yesus o Galilea ma nyawa Guuna to?>>70Ma o petrus womahipongono o nyawa yolepe-lepe manga biono'a moi-moi de wotemo, <<Ngoi atomahina'owa o'iau ani ma'uhuutu!>>71Geena'a de una wo'aia o bibini ma ngoani'a. O ngewe'a mo'a-'arajanga womatengoli mima'e o Petrusi'a, de motemo ma nyawa-nyawa geena'a, <<Ma nyawa nuuna 'aano ma ikade yoma'anii'i de o Yesus o Nazaretino ge.>>72Ma o petrus womahipongonoli de woo'boto, <<Nanga Jouo'au! Ngoi atowina'owa ma nyawa Guuna.>>73Geena iduangino, aitaowa ena, o nyawa-nyawa nage yomahigo'o-go'ono geena'a yomahidutu'u o petrusi'a de yotemo, <<Marai ngonao ma moi'ani toona manga nyawa. 'A ani demohi ena panana'o au.>>74Geena'a de o Petrus wo'obo-o'boto de wotemo, <<Ngoi atowina'owa ma nyawa Guuna.>>
'Ageena'a ena ma namo iholeno'au.75De o Petrus womadanganono geenalaho Yesus Wotemo'au una'a, o namo 'aiholenuwahi ena ngona ma haange noma pongono Ngoino. De o Petrus wohupu, de woali awo hohowonou.
The Seed Company