O MATIUS25
1<<Na'o o nyawa ma Ngoa'a woboa de wodadi o 'Oana, geena ma jarita harage 'ao hi'atero neena: Ya mogio'o o moholehe o modo'a ma ni-nii'i borimo-moi yomagehe o poci, de yotagi wihobo'o nage womo-modo'a.2Geena'adau, yamotoa yohuma-huma, de yamotoa yopade-pade.3O mo-moholehe nage yohuma-huma yamotoa goona yoaha manga poci, ma manga gooro yohidogo-dogo 'ayoahawa.4Ma yamotoa nage yopade-pade, yoaha'a manga poci de manga gooro yohidogo-dogo yadua-duangu'ou.5Womo-modo'a guuna ma daao woboa ho o mo-moholehe goona yonihu'u de ayodiidu'a.6O wutu go-goronano, de yogiihene o nyawa yomaorehe! Womo-modo'a woboa'au! Niaino powihobo'o!7O mo-moholehe yamogio'o goona yoihene egeena, yomomi'i, de ona yohi'adiai manga poci.8Geena'a de ma mo-moholehe nage yohuma-huma goona yotemo ma mo-moholehe yopade-pade'a, <E tanu nimi u'lano ania gooro ma ube-ubewa, hababu mia poci i'honengou ho!>9Ma o mo-moholehe nage yopade-pade goona yotemo onane, <'Aidadiwa! Hababu done pomidagaadonua!. Iholoi yaowa niotagi la nio goo'o o nyawa'a nage yomawu'u-wu'unu.>10Geena de, ma mo-moholehe nage yohuma-huma goona yotagi yogoo'o o gooro. Ma ma gigiria'a ona yotagi yogo'o o gooro, ma womo-modo'a ge woboa. Ho ma mo-moholehe nage yo pade-pade ge yomahidi- diai mongau yoohama o rame ma ngii'a yoma'ani'i de ma modo'a o naulu guuna de ma ngoana ma yabeno.11Geena'a de, ma mo-moholehe nage yohuma-huma goona yoboa, yagelelo o ngoana 'ibeno'au, ho ona yoaho'o, Aba! E Aba! Tanu o ngoana nimi depelenga'ahi.12Ma wowomo-modo'a guuna wopaluhu, <Ngoi 'atini na'owa.> >>13Iduangino Wohijarita ma hi'atero geena, o Yesus wotemoli, <<Mangale geena, nimagoa-goanou, hababu ngini ania na'owa muluo'a Ngoi toboali.>>14O Yesus Wotemoli, <<Na'o o nyawa ma Ngoa'a nage o horoga'a Woboali de Wo'uaha harage Ma Oana, geena ma jarita idadi harage de 'aohi'atero neena: Naga o nyawa womatengo nage wotagi o diingi i'a-'a'u'li'a. Wa'utu una wotagiou, una wo'iaho'o awi nyawa yo'a'arajaanga moi-moi yomatoomu, ho una wo'ihiataha awi arata ona'a la yomahidaila'o de awi pipi la yama'e ma utumu.15Una awi nyawa yo'a'arajaanga nage womatengo una wo'ula o pipi o hala'a o ngai motoa. Una awi nyawa yo'a-arajanga nage womatengo'ali wo'ula o pipi o hala'a o ngai modidi. De una awi nyawa yo'a'arajaanga nage maregu oli, una wo'ula o pipi o hala'a o ngai moi. Una wo'ihiataha o pipi o hala'a geena ona'a, imote'e toona manga goga'unu moi-moi. Geena iduangino, una wotagi.16Geena'a de, wo'a-arajanga nage wa dawongo o pipi o hala'a o ngi motoa geena'a 'awohi'gila-gila'a womahidaila'o de ma pipi geena, ho wama'e ma utumu o pipi o hala'a o ngi motoali.17Ugeenali de o nyawa yo'a'arajaanga nage wadawongo o pipi o hala'a o ngai modidi. Una womahidaila'o de ma pipi geena, ho una waehe o pipi o hala'a o ribuhu modidioli.18Ma o nyawa yo'a-'arajaanga nage wadawongo o pipi o hala'a o ngai moi, una wotagi wopaiti o guhu o tona'u'u, de waiyunu awi tuanga awi pipi geena'a.19Duru 'aodaao de aha manga tuanga wolio. Wa'utu woliono, una wo'i polu awi nyawa yo a'-arajaanga de wo'i hulo'o awi nyawa yo'a-'arajaanga goona yohingahu una'a, icara'iau de awi pipi nage wo'ihiataho'au ona'a.20O nyawa yo'a-'arajaanga nage wadawongo o pipi o hala'a o ngai motoa geena wo'ai'a awi tuangi'a de wo'ula o pipi o hala'a o ngai mogio'o awi tuangi'a. De o nyawa wo'a-'arajaanga guuna wotemo awi tuangi'a, Aba, aba nohiataho'au ngoino ma ani pipi o hala'a o ngai motoa, ho oraha neena nagelelo, ngoi tama'e ma utumu o ngai motoali.21Ho awi tuanga wotemo una'a, duru yaowa o'iau nage nodiai geena. Ngona ma 'ai nyawa yo 'a-'arajaanga nage yaowa de notongohono. Ngona notongohono'au o haa-haala ile-leete'e, ho ngoi aha toni hiataha ngona'a o ha-haa'la 'ila-laagomo. Ho noohama de noini'i Ngoino la nomaha-hanaanga de-de Ngoi.22Geena iduangino, o nyawa yo 'a-'arajaanga nage wadawongo o pipi o hala'a o ngai modidi wo'ai'a awi tuangi'a. Ma nyawa guuna wotemo awi tuangi'a, Aba, aba noihia'taha ngoino ani pipi o hala'a o ngai modidi, ho o oraha neena nagelelo, ngoi tama'e ma utumu o pipi o hala'a o ngai modidioli.23Ho awi tuanga guuna wotemo una'a, <Duru yaowa o'iau nage nodiai geena. Ngona ma 'ai nyawa yo'a-'arajaanga nage yaowa de notongohono. Hababu, Ngona notongohono'au o haa-haala ile-leete'e, ho ngoi aha tonihi'ataha ngona'a o ha'haala 'ila-laagomo. Ho noohama de noinii'i. Naino la pomaha-hanaanga dede ngoi.>24Geena iduangino, o nyawa wo'a'arajanga nage wadawongo o pipi o hala'a o ngai moi ma wo'ai'a awi tuangi'a. De wotemo awi tuangi'a onane, <Ngoi ta na'o, aba ani hininga iopini. Aba ngona ika de noutu'u o dingi nage aba ngona o maiwa nohibarihi o gihihi, de aba ma ika de nomagehe ma howo'o o dingi nage ngona ma o maiwahi nodutudu'u.25Mangale geena, wa'utu aba no'ula ma ani pipi neena, ngoi tohawana, uwa hiadono ma ani pipi neena iihanga. Ho iholoi yaowa ngoi topaiti o guhu o tona'u'u, de taiyunu aba ani pipi. Ho naeheu ma ani pipi neena.>26Geena'a de awi tuanga wotemo una'a, <We, ngona neena o nyawa yo 'a-'arajanga nage yoti-tingi'ai de yotuudu'u. Ngona nana'o'au, Ngoi ika de tomadugutu'u o dingi nage ngoi o maiwa tohibarihi o gihihi, de ngoi ma ikade to magehe ma howo'o o dingii nage ngoi o maiwa todutudu'u.27Na'o o geena, halingou ngona naiyunu 'ai pipi geena o baangi'a, la wa'utu ngoi tolio, 'aidadi tadawongoli 'ai pipi geena de ma utumo'a.>28Ho ma tuanga guuna wotemo ma nyawa yo'a-arajanga ma regu'a, <Niaehe'au ma pipi o hala'a o ngai moi geena una'a, de niwi 'ula'a o nyawa wo'a-'arajaanga nage awi pipi o hala'a o ngi mogio'o'a.29Hababu, to nagonau de ma ena aha, geena aha yo'i'ulali iholi ilepe, ho duru yoholoi'u. Ma to nagonau 'a'oiwa aha yaehe ngaro ama ube-ube'awau ma.30De o gilaongo ge o iwa awi faeda niwiumo ma duduni'a ge italu-taluhi'a. Geena'a aha wohingihara de woali.> >>31<<Na'o o Nyawa ma Ngoa'a nage o horogano Woboauoli de to Una awi uaha nage i'u'umati de moi-moi o malai'ata de-de Una, ho Una Wogogele o 'Oana ma go-gogelu'u nage i'u'umati.32Hagala bangiha aha Wo'ihi'a'toomu Awi biono'a. De aha Una aha Wo'ihi'a'tinga'a imadadi o doomu modidi harage ao aewani ma go-goana wohi'a'tinga'a o duba de o a'bingi.33O nyawa-nyawa nage yamote'o'au ma Jou Awi mau, ona goona harage de o duba-duba, ho Una wo'i polu to Una awi guida'o'a. De aha o nyawa-nyawa nage 'a yamote'ua ma Jou awi mau, ona goona harage de ao abi-abingi, ho wo'i polu to Una awigubalio'a.34Wa'utu geena, o nyawa ma Ngoa'a guuna Wo oano'au Wotemo'au ma nyawa-nyawa nage naga awi guida'o'a, <Nengo'a niaino ngini nage 'ai Aba niwihiba-baraati! Nia ainou o dingi nage Ngoi to'uaha hala'u o'oana, Ngoi tohi'adiaio'au o dingi duga ngini geena'a amadi-dihilahi wa'utu o dunia neena idadi.35Hababu, wa'utu Ngoi i'hawini, ngini nihiodomo Ngoino. Wa'utu 'ai i'biti idudungu, ngini nihio'ele Ngoino. Wa'utu Ngoi idadi onyawa ma homoano, ngini nidawongo niawoa'a.36Wa'utu 'ai pa'eanga oiwa, ngini ni'ula o pa'eanga Ngoino. Wa'utu I'gogama, nileleani Ngoino. Wa'utu Ngoi o boio'a nioboa nitaila'o Ngoino.>37De o nyawa-nyawa nage yadiai o'iani nage yaowa-owa yotemo Una'a uune, <Jou, a'wuluou ngomi miwima'e ma Jou wihawiini de ngomi miwihiodomo ma Jou'a, e'ola ma Jou awi i'biti idudungu de ngomi miwihio'ele ma Jou'a?38Awuluou miwima'e ma'e ma Jou wodadi onyawa ma homoano amia deara'a de ngomi miwidawongo ma Jou amia woa'a? E'ola awuluo miwima'e ma Jou oiwa awi pa'eanga de ngomi miwi'u'la o pa'eanga ma Jou'a?39De awuluo miwima'e ma Jou wigogama ho mioboa miwileleani ma Jou'a?>40Ho aha ma 'Oana guuna wotemo ona'a one, <Nia hininga nihididiai nage Ngoi totemo ngini'a neena, moi-moi nage niodiai la niwiduhunu naga womatengo nage 'ai riadodoto nage onyawa awi bare'eni'awa, geena 'imatero de ngini nio diai Ngoino.>41De aha, Una wotemo o nyawa-nyawa'a nage naga awi gubalio'a une, <Niotagi'au neena'a de niai'a ngini o nyawa-nyawa nage ma Jou wohilolaio'au, de nio'ai'au nioohama o u'u'a nage 'aihone-honengua ge, nage ihidiaio'au mangale o ibilihi de ma ni-nii'i.42Hababu wa'utu Ngoi ihawini, ngini ani u'lawa o inomo la toodomo. Wa'utu Ngoi 'ai ngomaha idudungu, ngini ani'ulawa o a'ele la tao'ele.43Ugeenali, wa'utu Ngoi todadi onyawa ma homoa tingini ania daera'a, ngini ani dawongua ania woa'a. Wa'utu 'ai pa'eanga oiwa, ngini ani ulawa o pa'eanga. Wa'utu topanya'e ngini aniuruhua, de wa'utu ngoi naga o gugurunga'a, ngini ani taila'onowa.>44De aha o nyawa-nyawa gogona ma yotemo onane, Jou, awuluou ngomi miwima'e ma'e ma Jou Wihawini, Awi i'biti idudungu, wodadi o nyawa ma homoano, Awi pa'eanga oiwa, Wopanya'e e'ola naga o gugurunga'a de ngomi amiwileleaniwa ma Jou'a?45De Una aha wopaluhu Ona'a une, <Nia hininga nihididiai nage, Ngoi totemo ngini'a neena, moi-moi nage niodiai de anioolu'u niwiduhunu naga womatengo nage 'ai riadodoto nage onyawa awi bare'eni'awa, geena 'imatero de ngini a'nio olu'u niodiai Ngoino.> >>46De o Yesus wotemoli, <<O nyawa-nyawa nage yotitingi'ai geena aha yotagi ou'u'a nage 'aihone-honengua 'aihiado-adoni'a. Ma o nyawa nage manga wowango iti-tiai, aha yowango de ma Jou ma Dutu 'ahiado-adoni'a.>>
The Seed Company