O MATIUS22
1O Yesus womaade-adeli ona'a de o hi'atero,2wotemo, <<Ma Jou ma Dutu awi pareta geena ma jarita harage 'ao hi'atero neena: Ma 'oana womatengo wodiai awi ngoa'a o naulu, awi modo'a ma rame.3Ma 'oana guuna wohulo'o awi gi-gilaongi'a, la yotagi yo'ihobo'o o nyawa-nyawa nage yo'iaho-aho'o o rame'a geena. Ma ma nyawa-nyawa goona ayoolu'u ya'aino.4Ni'ihingahu'a ma nyawa-nyawa'a goona, <Na'o o inomo ma rame mihidiai'u'au. 'Ai hapi de ma ngoa-ngoa'a ge ya owa-owa mia toa'o'au. Moi-moi mihidiai'u'au ho nio'ainou ma modo'a ma rame'a!>5Ma nyawa-nyawa nage yo'iaho-aho'o goona ayodaali'awa. Ona moi-moi yoboritagio'au manga baili'a yo'arajaanga, ma regu yomawu'uno'au;6Ma reguoli yo'itago'o ma 'oana awi gi-gilaongo goona de yo'ipoha de yo'itooma.7Wa'utu ma 'oana woihene ma haala geena, una duru wongamo. Ho wo'ihulo awi hu-hurudado'a yotagi la yo'itooma ge yoto-tooma goona de manga bendara yatuu'u.8Geena iduangino, ma 'oana wohulo'o la yo'iaho'o awi gi-gilaongo ma reguoli, de wotemo ona'a, <O modo'a ma rame ihidiai'u'au, ma o nyawa-nyawa ge toi'aho-aho'o, ayadaenua yoohama 'ai modo'a ma rame'a.9Ho o oraha neena, nio tagi o tapa'i'a, la ni'iaho'o o nyawa ni'ilepe-lepeno o modo'a ma rameno neena.>10Geena'a de awi gi-gilango goona ma yotagi. Ona yotagi o tapa'i'a, de yo'ilomu nagonau hona yo'ma'ama'e, o nyawa ma owa de o nyawa manga hininga iti-tiiha. Hiadono o modo'a ma rame ma dingii geena yaomanga.11Geena'a de ma 'oana woohama o dingii nage o modo'a ma rame'a mangale woma'ama'e de awi nyawa-nyawa. Geena'a una wima'e womatengo awi baju 'una awomahinoawa o rame ma baju.12Ho ma 'oana wihano una'a, <Ee manai, idodoau ho noohama neenano de anomahino'uwa o rame ma baju?> Ma ma nyawa guuna awomalii-liilo'a.13Geena'a de ma 'oana wotemo awi gi-gilaongi'a, <Nia li'o ma nyawa nuuna awi giama de awi dou, de niwiumo ma duduni'a o ngii italu-taluhi'a. Geena'au do'a o gali de o hangihara.> >>14Geena'a de o Yesus awi jarita wohibobaha, de wotemo 'onane, <<Manga lepe ma Jou ma Dutu wo'iaho'o, ma ayo lepewa wo'iili'i.>>15Ma moi geena o Farisio'a yotagi yomaaturu, mangale icara'iau widaa'ala o Yesus de manga ha-hano.16Ho ona yo'ihulo'o manga ni-nii'i de o Herodes awi ni-nii'i yamuluo naga, la yotagi o Yesusi'a, la yotemo 'onane. <<Aba guru, ngomi miana'o Ngona geena notiai. Ngona nodoto'o nohito-tongotino, mangale ma Jou awi mau o nyawano, amoiwa manga di-dibanga nodinii'i hababu Ngona 'ano'idomodongua nagoona'au ngaro.17Mangale genau ho; Bee'a nimihingahu ngomino, imote'e nanga agama ma autoranga, bote 'aidadi mio hangu o balahiteenge ma kaisari'a, bolo 'ai daiwa?>>18O Yesus wana'o manga ma'uhuutu ma diiha geena, ho Una wotemo, <<Ee ngelu-ngelu'u! Dodoau ho nio mau nitaili?19Bee'a nihimaitino nia tiwi, ge nihi hangu-hangu o balahiteenge!>> Geena'a de ona yo'ula Una'a, o tiwi o hala'a o ngodumu moi.20O Yesus wohano ona'a, <<Tonagonau manga dulada de manga ronga neena?>>21Ona yopaluhu, <<To ma kaisar.>>
Ho o Yesus wotemo ona'a, <<Na'o o geena, nio'ula ma Kaisar o 'iau nage to una, de ma Jou ma Dutu'a o 'iau nage toma Jou ma Dutu.>>22Wa'utu ona yoihene o Yesus awi demo geena, ona duru yoheranga. Ho geena'a de ona yotagi wimada o Yesus.23'ageena ma wange ena, o Sadukio'a ma nyawa yamuluo naga yoboa o Yesusino. Ona goona manga do-doto'o, bali na'o o nyawa yohonengo'au geena ayomomi'uau.24Ona yotemo, <<Aba guru, o Musa wodoto'o 'onane: Na'o o naulu womatengo womodo'a'au de wohonenge awi ngoa'a 'a'o iwahi, geena halingou awi dodoto mimodo'a, wohone-honenge awi bao gumuna, la wohone-honenge ma awi guti'u de ma ena.25Ma hila imadadio'au ngomio'a yatumudingo'a yoriadodoto. Ma lia'a womodo'a, de wohonenge awi ngoa'a 'a'o iwahi. Geena halingou awi bao gumuna widamada awi dodotu'u.26Ma ma dodotoli guuna wohonenge awi ngoa'a o iwahi. Aimatero idadi awi dodotu'oli yahaange, hitigi yatumudingihona ona ma manga ngoa'a 'a'oiwahi de yohonengo'au.27Ma baha'u ma ngewe'a gumuna ma mohonenge.28Ho, wa'utu o nyawa yohone-honenge yomomi'oli, ma ngewe'a gumuna to nagoonau awi we'ata? Hababu yatumudingihona mimodo'a'a.>>29O Yesus wopaluhu, <<Ngini duru niahala, hababu ngini animamangaritiiwa o bo'u Ibe-berehi, e'ola ma Jou ma Dutu awi 'uaha.30Hababu na'o o nyawa yohonengo'au aha yomomi'oli, geena 'aidadiwau yomodo'a, hababu ona yowango harage 'ao malai'ata da'u o horoga'a.31Marai ngini niabaca'au, o'iau ma Jou ma Dutu wotemo mangale o nyawa yohone-honengo'au yomomi'oli? Ma Jou wotemo,32<Ngoi neena ma Jou ma Dutu, nage o Abraham, o Isak, de o Yakub ihuba-huba,> Ma Jou ma Dutu guuna ayohone-honengua manga Jou, ma yowango-wango manga Jou!>>33Wa'utu ona yoihene o Yesus awi demo geena, ona duru yoheranga de awi dodoto'o geena.34Wa'utu o Farisio'a ma nyawa-nyawa'a yoihene, na'o Yesus wo'idiao'au o Sadukio'a ma nyawa ayadadiwau yomaade-ade, ho ona yomalomu.35Ho manga agama'a yodoto-doto'o womatengo witaili o Yesusi'a de o ha-hano.36Wotemo, <<Aba guru, nanga agama hu'umu, o hu'umu ia'aenahi iholoi 'i'a'ulie?>>37O Yesus wopaluhu, <<Nowidora ma Jou ma Dutu'a de ani hininga ma ngodumu, de ani guata, ani a'ala moi-moi.38Neena o hu'umu i'a-'a'ulie, de iba-baraguna!39De o hu'umu ma modidi'a, aimatero de ididihila'a: Ni'idora nimahinyawa-nyawa'a, harage nia dora nia roehe ma hirete.40Moi-moi o agama ma hu'umu, niwi'ula o Musa, de o nabi-nabi manga dodoto'o, geena moi-moi matiti o hu'umu modidino neena.>>41Wa'utu o Farisio'a ma nyawa-nyawa ayomalomunohi geena'a, o Yesus wohano ona'a,42<<Icara'iau nia ma-ma'e mangale ma 'oana wonahiha-halamata? De Una geena nogoonau manga guti'u?>>
Ona yopaluhu, <<Ma 'oana o Daut awi guti'u.>>43O Yesus wohano, <<Na'o o geena, idodoau ho, ngomaha Iofi-ofi widongohami'a, de wotemo ma 'Oana Wohiha-halamata, geena ma <Jou>? Hababu o Daut wotemo,44<Ma Jou wotemo, 'ai Jou'a,Nogogelu'u 'ai guida'o'aHiadono ani ha-haturuu to'idiai yoihene ngona'a.>45Ho na'o o Daut wotemo, ma 'Oana Wohiha-halamata geena ma Jou, de icara'iau Una geena o Daut awi guti'u?>>46Amoiwa yadadi wipaluhu o Yesusi'a. De ma wange geena de imahi'ai'a, 'amoiwau yohano o iani Una'a.
Ho o Yesus wotemo ona'a, <<Na'o o geena, nio'ula ma Kaisar o 'iau nage to una, de ma Jou ma Dutu'a o 'iau nage toma Jou ma Dutu.>>22Wa'utu ona yoihene o Yesus awi demo geena, ona duru yoheranga. Ho geena'a de ona yotagi wimada o Yesus.23'ageena ma wange ena, o Sadukio'a ma nyawa yamuluo naga yoboa o Yesusino. Ona goona manga do-doto'o, bali na'o o nyawa yohonengo'au geena ayomomi'uau.24Ona yotemo, <<Aba guru, o Musa wodoto'o 'onane: Na'o o naulu womatengo womodo'a'au de wohonenge awi ngoa'a 'a'o iwahi, geena halingou awi dodoto mimodo'a, wohone-honenge awi bao gumuna, la wohone-honenge ma awi guti'u de ma ena.25Ma hila imadadio'au ngomio'a yatumudingo'a yoriadodoto. Ma lia'a womodo'a, de wohonenge awi ngoa'a 'a'o iwahi. Geena halingou awi bao gumuna widamada awi dodotu'u.26Ma ma dodotoli guuna wohonenge awi ngoa'a o iwahi. Aimatero idadi awi dodotu'oli yahaange, hitigi yatumudingihona ona ma manga ngoa'a 'a'oiwahi de yohonengo'au.27Ma baha'u ma ngewe'a gumuna ma mohonenge.28Ho, wa'utu o nyawa yohone-honenge yomomi'oli, ma ngewe'a gumuna to nagoonau awi we'ata? Hababu yatumudingihona mimodo'a'a.>>29O Yesus wopaluhu, <<Ngini duru niahala, hababu ngini animamangaritiiwa o bo'u Ibe-berehi, e'ola ma Jou ma Dutu awi 'uaha.30Hababu na'o o nyawa yohonengo'au aha yomomi'oli, geena 'aidadiwau yomodo'a, hababu ona yowango harage 'ao malai'ata da'u o horoga'a.31Marai ngini niabaca'au, o'iau ma Jou ma Dutu wotemo mangale o nyawa yohone-honengo'au yomomi'oli? Ma Jou wotemo,32<Ngoi neena ma Jou ma Dutu, nage o Abraham, o Isak, de o Yakub ihuba-huba,> Ma Jou ma Dutu guuna ayohone-honengua manga Jou, ma yowango-wango manga Jou!>>33Wa'utu ona yoihene o Yesus awi demo geena, ona duru yoheranga de awi dodoto'o geena.34Wa'utu o Farisio'a ma nyawa-nyawa'a yoihene, na'o Yesus wo'idiao'au o Sadukio'a ma nyawa ayadadiwau yomaade-ade, ho ona yomalomu.35Ho manga agama'a yodoto-doto'o womatengo witaili o Yesusi'a de o ha-hano.36Wotemo, <<Aba guru, nanga agama hu'umu, o hu'umu ia'aenahi iholoi 'i'a'ulie?>>37O Yesus wopaluhu, <<Nowidora ma Jou ma Dutu'a de ani hininga ma ngodumu, de ani guata, ani a'ala moi-moi.38Neena o hu'umu i'a-'a'ulie, de iba-baraguna!39De o hu'umu ma modidi'a, aimatero de ididihila'a: Ni'idora nimahinyawa-nyawa'a, harage nia dora nia roehe ma hirete.40Moi-moi o agama ma hu'umu, niwi'ula o Musa, de o nabi-nabi manga dodoto'o, geena moi-moi matiti o hu'umu modidino neena.>>41Wa'utu o Farisio'a ma nyawa-nyawa ayomalomunohi geena'a, o Yesus wohano ona'a,42<<Icara'iau nia ma-ma'e mangale ma 'oana wonahiha-halamata? De Una geena nogoonau manga guti'u?>>
Ona yopaluhu, <<Ma 'oana o Daut awi guti'u.>>43O Yesus wohano, <<Na'o o geena, idodoau ho, ngomaha Iofi-ofi widongohami'a, de wotemo ma 'Oana Wohiha-halamata, geena ma <Jou>? Hababu o Daut wotemo,44<Ma Jou wotemo, 'ai Jou'a,Nogogelu'u 'ai guida'o'aHiadono ani ha-haturuu to'idiai yoihene ngona'a.>45Ho na'o o Daut wotemo, ma 'Oana Wohiha-halamata geena ma Jou, de icara'iau Una geena o Daut awi guti'u?>>46Amoiwa yadadi wipaluhu o Yesusi'a. De ma wange geena de imahi'ai'a, 'amoiwau yohano o iani Una'a.
The Seed Company