O MATIUS21
1Wa'utu o Yesus de awi ni-nii'i yomahiadonou o Yerusalem ma bendari'a, ona yaadono o Betfage ma hoani'a o Saitun ma de'uo'a. Geena'a de o Yesus wo'ihulo'o awi ni-nii'i yamididi la yotagi yohila.2De wobehehongo onane: <<Niotagi o hoana ge nia bioni'a. Do'a aha nia ma'e o 'eledei moi ma bede'a ihili'o'a de ma ngoa'o'a. Nia hohe ma lili'o de niaahano modidihona Ngoino.3De na'o o nyawa nitaaele, niotemo 'onane, <Ma Jou waparalu.> Geena de aha ma nyawa guuna wohigumada nia aha ma 'eledei geena. 'Aitaaowa de wohigilio'au.>>4Moi-moi ma haala geena idadi la harage de o'iau o nabi-nabi ihingahu'o'au:5<<Nihingahu o Sion ma nyawa-nyawa'a, nia 'oana naga niwidoboa.Una awi hininga 'itipo'o'u de wobalenu'u o 'eledei'u, o 'eledei ma ngoa'a moi ma goo'a.>>6Geena'a de awi ni-nii'i yamididi goona ya'ai'a, de yadiai harage 'ao Yesus awi behehongo.7Geena'a de ona yaaha ma 'eledei ma eha de ma ngoa'a. Geena'a de manga baju i'a'a'ulu'u yohinao ma 'eledei ma poretiha. De aha o Yesus wobalene ma 'eledei de geena.8Manga lepehi o nyawa yohinao manga baju i'a'a'ulu'u o nge'omiha, de ma regu yoehe o gota ma jaga-jaga de yodonoa o nge'omiha.9O nyawa manga lepe yomadagi awi bioniha de awi duduniha, yomaore-orehe, <<Powi puji Una'a, nage ma 'oana o Dautu awi guti'u! Powi puji nage ma Jou ma Dutu wihulo'oau woboa! Powi puji ma Jou ma Dutu ge awi ngii i'a-'a'ulie!>>10Wa'utu o Yesus woohamou o Yerusalem ma bendari'a, ma Bendara geena irua, ho ma nyawa-nyawa geena ge yoma'ahano, <<Nuuna naguunau?>>11Geena'a de o nyawa yolepe-lepe ge wini-nii'i yopaluhu, <<Una geena o Yesus, o nabi ge o Nasaretino, o Galilea ma daera'a.>>12Geena'a de o Yesus woohama ma Jou ma Dutu awi woa ma bibini'a, de wo'iginii'i moi-moi yomawu'u-wu'unu geena'a. Una wapaga leoto, o tiwi ihiali-aliti manga ama'a, de o namo dara yowu'u-wu'unu manga go-gogele.13De Una wotemo ona'a, <<O Bo'u 'Ibe-berehi ma doda'u itulihu'u'au, ma Jou ma Dutu wotemo, <'ai woa geena o haubayanga ma dingii.> Ma ngini niadiai harage o yoora-ora ma dingii!>>14Geena'a de o nyawa yoli-pilo'o, de yopa-paluga yoboa o Yesusi'a ma Jou ma Dutu awi woano, ho o Yesus wo'ihiai'i.15Ma wa'utu o imam ma hae-hae'e de o agama'a yodoto-doto yama'e o Yesus wodiai o haala ihera-heranga geena de duru yongamo Una'a. De ona 'age'au yongamo wa'utu yoihene o ngoa-ngoa'a yomaore-orehe ma Jou ma Dutu awi woa'a, <<Powi puji Una nage ma oana o Dautu awi gutino!>>16Ona yotemo o Yesusi'a, <<Ngona noihene? O 'iau naga yotemo?>>
O Yesus wopaluhu, <<Iolo, toihe-ihene, Marai niabaca'au o Bo'u Ibe-berehii'u itemo onane: <'A o ngoa-ngoa'ohi de 'ao ngoa'a ma giauohi ena ma Jou wo'idoto'o'au la ona wipuji Una'a?> >>17Geena'a de Una wamada ma bendara geena, de wotagi o Betania'a de womatuwutu geena'a.18Ma dewela o dedewelano, o Yesus woma'ilioli o Yerusalemi'a, o nge'omo ma goronano Una wamoa wihawini.19O nge'omo ma date'o'a geena Una wama'e o ara ma gota o utu moi. Geena'a de Una wa'ai'a ma gota'a geena, ma ma howo'o 'amoio ma 'oiwa duga ama ho'a imare-ree'a. Geena'a de o Yesus wotemo ma gota'a geena, <<O oraha neena de imahi'ai'a ngona ano howo'uau 'ahiado-adoni'a!>> 'Ageena ena ma gota geena i'toolengo'au.20Wa'utu o Yesus awi ni-nii'i yama'e geena moi-moi, ona duru yoheranga, de yohano Una'a <<Woolo icara'iau ho 'ai todo'anino ma gota geena itoolengo'au?>>21O Yesus wopaluhu, <<Igoungu, na'o ngini igou-goungu nio nga'u, de ania hininga uwa itawa-iatawara, ngini 'ania dadi nio diai harage o 'iau tadiaio'au o gota'a geena. De 'ageenawa bato, ma ngini ma, ngaro 'ania temo o de'u'a neena, <Nomaapu'u de nomahibaiti o gahi'u!> Marai geena aha idadi.>>22O 'iau hona nio gaaho'o nia haubayanga ma doda'a, maraio'au nia dawongo, itigoo'o nio nga'u.23Ho de o Yesus Womahiadoni'a o Yerusalemi'a, Una woohama ma Jou ma Dutu awi woa'a de wo'idoto'o o nyawa-nyawa'a, wa'utu Una wodoto ma gigiria'a, geena'a de o imam ma hae-hae'e, de o Yahudio'a manga balu-baluhu yoboa de yo'ai'a o Yesusi'a, de yohano Una'a, <<De to nagonau manga 'uaha, ho nodiai moi-moi neena? De nagonau ni'ula o 'uaha ngona'a?>>24O Yesus wopaluhu, <<Ngoi ma tinihano ngini'a. Ho na'o niopaluhu, geena'a de aha Ngoi ma tatehongo ngini'a, de to nagonau manga 'uaha moi-moi to diai ma haala neena.25Ianou womadama'e o 'uaha o Yohanes woohi-ohi, la wo'iohi'i o nyawa ma Jou ma Dutuno e'ola o nyawano?>> Geena'a de o imam ma hae-hae'e yoma'adibanga, de yotemo, <<Na'o ngone potemo, <De to ma Jou awi 'uaha,> Ma ube Una wotemo, <Na'o o geena idodoau ho 'anio nga'uwa?>26Ma na'o potemo, <De o nyawa manga 'uaha> Ngone po'idomodongo o nyawa yolepe-lepe'a, hababu bali ona yotemo o Yohanes geena o nabi moi.>>27Ho ona yopaluhu, <<Ngomi 'amia na'owa.>>
Geena'a de o Yesus wotemo ona'a, <<Na'o o geena Ngoi ma 'atehongua ngini'a, nagonau i'ula o 'uaha, ho tadiai moi-moi geena.>>28Geena'a de o Yesus wotemo, <<Cara'iau na'o imote'e ngini niata'ihiri: Naga womatengo awi ngoa'a o naulu yamididio'a. Wa'ai'a awi ngoa'i'a o lia'a wotemo, <Ngoa'a notagi no'arajaanga 'ai anggur ma bailo'a neena ma wange.>29O ngoa'a guuna wopaluhu, <'atoolu'u aba>, ma ipaha de awi di-dibanga 'ingali, ho wotagi o anggur ma baili'a.30Geena'a de wo'ai'ali awi ngoa'a o dodoti'a wotemo harage de 'ogeenali. O ngoa'a guuna wopaluhu, <'Iyolo Aba,> ma 'awotagiwa.31O ngoa'a yamididi noona, nagoonau yodomote'e ma dea awi mau?>>
O imam ma hae-hae'e de o Yahudio'a manga balu-baluhu yopaluhu, <<O ngoa'a o lia'a.>>
Ho o Yesus wotemo, <<Ngoi tinitemo e, o balahiteenge yoga-gaaho'o de o nge-ngewe'a ihila yodadi ma Jou ma Dutu awi 'awaha de ngini neena ge.32Hababu o Yohanes woohi-ohi'i woboa, una wohimaiti o wowango nage imote'e ma Jou ma Dutu awi mau, ma awi do-doto'o 'anionga'uwa. Ma o balahiteenge yoga-gaaho'o de o nge-ngewe'a yohuda-hudala, ona yonga'u ma Jou'a. De ngini ngaro niama'e'au geena moi-moi geena ma niomangaliwa de nioolu'u nionga'u ma jou'a.>>33O Yesus wotemoli, <<Bee'a nioihene o hi'atero moioli neena. Womatengo o baili ma dutu awi angguru wotudu'u. Una wapagara wohiba'itino, de wopaiti o guhu nage o angguru yoteo-teo ma ngii, geena'a de wohigo'o yogoa-goana manga woa 'i'a-'a'ulie. Iduangino geena una wohihewa ma awi angguru ma baili geena, de wotagi o daera ma homoa'a.34Wa'utu yaadono'au ma oraha o angguru ma howo'o yotowi, ma baili ma dutu guuna wo'ihidingoto awi gi-gilaongo, ma baili yo'a'arajaangi'a, la waehe awi do'u.35Ma yo'a'arajaanga ge o bailo'a geena yo'itago'o, ma baili ma dutu awi gi-gilaongo: Womatengo wipoha, maregu yo'itooma, de mareguoli yo'iheleo.36Ma baili ma dutu guuna wo'ihidingotoli awi gi-gilaongo ma reguoli, de iholoiohi yolepe de yodi-dihila'a. Ma ona yo'idiai aimatero de yodi-dihila'a.37Ma baha'u ma baili ma dutu guuna wihidingoto awi ngoa'a ma hirete, watibangu'u, <Maraio'au, 'ai ngoa'a ho wihoromati,>38Ma wa'utu yo'a-'arajaanga ma bailio'a geena wima'e ma baili ma dutu awi ngoa'a, ona yoma'atemo moi de moi, yotemo, <Ee, nuunau o puha'a ma dutu. Niaino ngone powitooma, la ngone pama'e awi o puha'a!>39Geena'a de ma ngoa'a guuna witago'o de wiumo o baili ma duduni'a de witooma.>>40O Yesus wohano o Yahudio'a manga agama ma balu-baluhu, <<Ho, na'o ma baili ma dutu guuna woliono, icara'iau done aha wo'idiai nage yo'a'arajaangi'a goona?>>41Ona yopaluhu, <<Maraio'au aha wo'itooma ma nyawa yoti-tingi'ai goona, de aha wohihewali ma awi angguru ma baili geena, nage ma do'u yo'ula ma oraha yaadanono de.>>42Ho o Yesus wotemo ona'a, <<Marai niabaca'au, nage o bo'u ma doda'u itulihu'u'au,<O heleo nage ayapa'e-pa'ewa o woa yodi-diai,Idadi ma ba-bangini ma guata.Neena ma Jou wodiai;Duru 'a o rahai!> >>43O Yesus wotemoli ona'a, <<Ho nia ngano-nganono, moi-moi o haaka nage naga nginio'a ma Jou ma Dutu aha waeheu geena, de wo'i'ula o nyawa'a ge yadi-diai awi pareta.44[O nyawa nage yoota'a ma heleo'u geena, aha yowedele; de o nyawa ge yo'itapadu ma heleo geena, aha yo'idululu hitigi iholoioli yowedele.]>>45Wa'utu o imam ma hae-hae'e de o Farisio'a yoihene ma hi'atero geena, ona yomana'o awi demo geena ma dumutu ona'a.46Ho ona yohidaila'o la witago'o o Yesusi'a. Ma ona yo'idomodongo o nyawa yolepe-lepe'a, hababu o nyawa-nyawa yotemo o Yesus geena o nabi moi.
O Yesus wopaluhu, <<Iolo, toihe-ihene, Marai niabaca'au o Bo'u Ibe-berehii'u itemo onane: <'A o ngoa-ngoa'ohi de 'ao ngoa'a ma giauohi ena ma Jou wo'idoto'o'au la ona wipuji Una'a?> >>17Geena'a de Una wamada ma bendara geena, de wotagi o Betania'a de womatuwutu geena'a.18Ma dewela o dedewelano, o Yesus woma'ilioli o Yerusalemi'a, o nge'omo ma goronano Una wamoa wihawini.19O nge'omo ma date'o'a geena Una wama'e o ara ma gota o utu moi. Geena'a de Una wa'ai'a ma gota'a geena, ma ma howo'o 'amoio ma 'oiwa duga ama ho'a imare-ree'a. Geena'a de o Yesus wotemo ma gota'a geena, <<O oraha neena de imahi'ai'a ngona ano howo'uau 'ahiado-adoni'a!>> 'Ageena ena ma gota geena i'toolengo'au.20Wa'utu o Yesus awi ni-nii'i yama'e geena moi-moi, ona duru yoheranga, de yohano Una'a <<Woolo icara'iau ho 'ai todo'anino ma gota geena itoolengo'au?>>21O Yesus wopaluhu, <<Igoungu, na'o ngini igou-goungu nio nga'u, de ania hininga uwa itawa-iatawara, ngini 'ania dadi nio diai harage o 'iau tadiaio'au o gota'a geena. De 'ageenawa bato, ma ngini ma, ngaro 'ania temo o de'u'a neena, <Nomaapu'u de nomahibaiti o gahi'u!> Marai geena aha idadi.>>22O 'iau hona nio gaaho'o nia haubayanga ma doda'a, maraio'au nia dawongo, itigoo'o nio nga'u.23Ho de o Yesus Womahiadoni'a o Yerusalemi'a, Una woohama ma Jou ma Dutu awi woa'a de wo'idoto'o o nyawa-nyawa'a, wa'utu Una wodoto ma gigiria'a, geena'a de o imam ma hae-hae'e, de o Yahudio'a manga balu-baluhu yoboa de yo'ai'a o Yesusi'a, de yohano Una'a, <<De to nagonau manga 'uaha, ho nodiai moi-moi neena? De nagonau ni'ula o 'uaha ngona'a?>>24O Yesus wopaluhu, <<Ngoi ma tinihano ngini'a. Ho na'o niopaluhu, geena'a de aha Ngoi ma tatehongo ngini'a, de to nagonau manga 'uaha moi-moi to diai ma haala neena.25Ianou womadama'e o 'uaha o Yohanes woohi-ohi, la wo'iohi'i o nyawa ma Jou ma Dutuno e'ola o nyawano?>> Geena'a de o imam ma hae-hae'e yoma'adibanga, de yotemo, <<Na'o ngone potemo, <De to ma Jou awi 'uaha,> Ma ube Una wotemo, <Na'o o geena idodoau ho 'anio nga'uwa?>26Ma na'o potemo, <De o nyawa manga 'uaha> Ngone po'idomodongo o nyawa yolepe-lepe'a, hababu bali ona yotemo o Yohanes geena o nabi moi.>>27Ho ona yopaluhu, <<Ngomi 'amia na'owa.>>
Geena'a de o Yesus wotemo ona'a, <<Na'o o geena Ngoi ma 'atehongua ngini'a, nagonau i'ula o 'uaha, ho tadiai moi-moi geena.>>28Geena'a de o Yesus wotemo, <<Cara'iau na'o imote'e ngini niata'ihiri: Naga womatengo awi ngoa'a o naulu yamididio'a. Wa'ai'a awi ngoa'i'a o lia'a wotemo, <Ngoa'a notagi no'arajaanga 'ai anggur ma bailo'a neena ma wange.>29O ngoa'a guuna wopaluhu, <'atoolu'u aba>, ma ipaha de awi di-dibanga 'ingali, ho wotagi o anggur ma baili'a.30Geena'a de wo'ai'ali awi ngoa'a o dodoti'a wotemo harage de 'ogeenali. O ngoa'a guuna wopaluhu, <'Iyolo Aba,> ma 'awotagiwa.31O ngoa'a yamididi noona, nagoonau yodomote'e ma dea awi mau?>>
O imam ma hae-hae'e de o Yahudio'a manga balu-baluhu yopaluhu, <<O ngoa'a o lia'a.>>
Ho o Yesus wotemo, <<Ngoi tinitemo e, o balahiteenge yoga-gaaho'o de o nge-ngewe'a ihila yodadi ma Jou ma Dutu awi 'awaha de ngini neena ge.32Hababu o Yohanes woohi-ohi'i woboa, una wohimaiti o wowango nage imote'e ma Jou ma Dutu awi mau, ma awi do-doto'o 'anionga'uwa. Ma o balahiteenge yoga-gaaho'o de o nge-ngewe'a yohuda-hudala, ona yonga'u ma Jou'a. De ngini ngaro niama'e'au geena moi-moi geena ma niomangaliwa de nioolu'u nionga'u ma jou'a.>>33O Yesus wotemoli, <<Bee'a nioihene o hi'atero moioli neena. Womatengo o baili ma dutu awi angguru wotudu'u. Una wapagara wohiba'itino, de wopaiti o guhu nage o angguru yoteo-teo ma ngii, geena'a de wohigo'o yogoa-goana manga woa 'i'a-'a'ulie. Iduangino geena una wohihewa ma awi angguru ma baili geena, de wotagi o daera ma homoa'a.34Wa'utu yaadono'au ma oraha o angguru ma howo'o yotowi, ma baili ma dutu guuna wo'ihidingoto awi gi-gilaongo, ma baili yo'a'arajaangi'a, la waehe awi do'u.35Ma yo'a'arajaanga ge o bailo'a geena yo'itago'o, ma baili ma dutu awi gi-gilaongo: Womatengo wipoha, maregu yo'itooma, de mareguoli yo'iheleo.36Ma baili ma dutu guuna wo'ihidingotoli awi gi-gilaongo ma reguoli, de iholoiohi yolepe de yodi-dihila'a. Ma ona yo'idiai aimatero de yodi-dihila'a.37Ma baha'u ma baili ma dutu guuna wihidingoto awi ngoa'a ma hirete, watibangu'u, <Maraio'au, 'ai ngoa'a ho wihoromati,>38Ma wa'utu yo'a-'arajaanga ma bailio'a geena wima'e ma baili ma dutu awi ngoa'a, ona yoma'atemo moi de moi, yotemo, <Ee, nuunau o puha'a ma dutu. Niaino ngone powitooma, la ngone pama'e awi o puha'a!>39Geena'a de ma ngoa'a guuna witago'o de wiumo o baili ma duduni'a de witooma.>>40O Yesus wohano o Yahudio'a manga agama ma balu-baluhu, <<Ho, na'o ma baili ma dutu guuna woliono, icara'iau done aha wo'idiai nage yo'a'arajaangi'a goona?>>41Ona yopaluhu, <<Maraio'au aha wo'itooma ma nyawa yoti-tingi'ai goona, de aha wohihewali ma awi angguru ma baili geena, nage ma do'u yo'ula ma oraha yaadanono de.>>42Ho o Yesus wotemo ona'a, <<Marai niabaca'au, nage o bo'u ma doda'u itulihu'u'au,<O heleo nage ayapa'e-pa'ewa o woa yodi-diai,Idadi ma ba-bangini ma guata.Neena ma Jou wodiai;Duru 'a o rahai!> >>43O Yesus wotemoli ona'a, <<Ho nia ngano-nganono, moi-moi o haaka nage naga nginio'a ma Jou ma Dutu aha waeheu geena, de wo'i'ula o nyawa'a ge yadi-diai awi pareta.44[O nyawa nage yoota'a ma heleo'u geena, aha yowedele; de o nyawa ge yo'itapadu ma heleo geena, aha yo'idululu hitigi iholoioli yowedele.]>>45Wa'utu o imam ma hae-hae'e de o Farisio'a yoihene ma hi'atero geena, ona yomana'o awi demo geena ma dumutu ona'a.46Ho ona yohidaila'o la witago'o o Yesusi'a. Ma ona yo'idomodongo o nyawa yolepe-lepe'a, hababu o nyawa-nyawa yotemo o Yesus geena o nabi moi.
The Seed Company