O MATIUS20
1<<Na'o ma Jou ma Dutu wopareta, geena harage 'ao hi'atero neena: Womatengo o angguru ma baili ma dutu, wohupu wode-dewelah la wo'ihali'i o nyawa la yo'a'arajaanga awi angguru ma bailo'a.2Wa'utu, yoma'aputuho'au de o nyawa yo'a-'arajaanga goona mangale manga hewa, o wange moi manga hewa o nyawa moi o tiwi o hala'a o ngodumu moi, geena'a de wo'ihulo'o yo'arajaanga awi bailo'a.3O dedewelano o da-da'o hiwo una wotagioli, de wo'ima'e'a o paharo'a yamuluo naga o iwa manga 'arajaanga yogogelu'u geena'a.4Una wotemo ona'a, <E niotagi 'ai baili'a de nio'arajaanga, ngoi aha tini hewa de o hewa ipahi.>5Ona ma yotagi. O wange i'orona o da-da'o mogio'o de modidi'u, de o wange i'umulu'ou ipahi o dada'o hange'u, una wohupuoli de wodiai 'aima tero de 'aano ge.6Ho poeluadone o boboha motoa o wange i'umulu'u, una wohupuoli de wo'ima'eli o nyawa de maena'ahi o iwa manga 'arajaanga. Ho una wo'ihano ona'a, <Dodoau ho o wange moi 'animadadawaga, de 'anioolu'u nio'arajaanga?>7Ma nyawa goona yopaluhu, <Amoiwa mi'ula o arajaanga.> Ma baili ma dutu wotemo, <Na'o o geena, nio tagi 'ai angguru ma baili'a de nio 'arajaanga do'a.>8Wa'utu italuhou, ma baili ma dutu guuna wotemo awi mandori'a, <Notagi no'iaho'o moi-moi yo'a-'arajaanga, de nohangu moi-moi manga hewa ona'a, yoohama yotu-tuuluo'a de naino hitigi yoohama yohila-hila'a.>9Geena'a de yo'a'arajaanga ge yo'arajanga poelua o boboha motoa o wange i'umulu'u yoohama yoboa. Ona moi-moi yadawongo manga hewa o pipi o hala'a o ngodumu moi.10Geena'a de yoboa ge o dedewelano yoohama yo'arajaanga. Manga hininga'a yotemo bali ona manga hewa iholoi. Ena momongo ona ma 'a o hala'a o ngodumu moio'a.11Wa'utu ona yadawongo manga hewa geena, ona yotaiayana ma baili ma dutu'a.12Yotemo <Yotutuulu yoohama yo'arajaanga 'a o da-da'o moi. Ma na'o ngomi, o wange moi mia pahi, o wange ma midahau'u'u. De na'o tuanga nohangu aimatero ona dede ngomi!>13Ma ma bailima dutu guuna wotemo, nage yo'a'arajaanga womatengo'a, <E manai, ngoi atahalawa ngini'a, 'aano ge poma'aputuho'au ma nia hewa, o wange moi o hala'a o ngodumu moi.14Ho naeheu nedo'a ani hewa, la notagiou. Ngoi ma to'i'ulahi manga hewa ge yotu-tuulu yoohama yo'arajaanga 'ai ma tero de to ngona, nage toni 'ula-'ula ngona'a.15Bote tongoi 'ai pipi de 'aidadiwa todiai imote'e to ngoi 'ai hininga ma mau? Bolo 'ano bu'u, hababu ngoi 'ai hininga yaowa?> >>16O Yesus wotemoli ona'a, <<O geenali de o nyawa ayobabaragunawa o oraha neena, aha yobaraguna, de o nyawa yoba-baraguna o oraha neena, aha ayobaragunawau.>>17Wa'utu o Yesus de awi ni-nii'i manga dodagi ma hidogorona'a, manga dumutu o Yerusalemie, Una wo'iaho'o la yomatinga'a ma dudube, de Una wotemo ona'a.18<<Nioihene e! O oraha neena ngone nanga dumutu o Yerusalemie, ido'a o Nyawa ma Ngoa'a aha wihigiama ma hoata, o imam-imam ma hae-hae'e de o agama'a yodoto-doto'o. Geena'a de Una wihu'umu hitigi wohonenge.19De ona aha wihigiama ma hoata 'a o Yahudi ma nyawa'awa. Ona wihohedu, ona wihangihara, ona wisalipi. Ma 'ao wange haange ena womomi'o'au.>>20Geena'a de o Zebedus ma we'ata de ami ngoa-ngoa'a yo'aino o Yesusino. Muna ma tilabu'u'u o Yesus awi biono'a de mogaaho'o o 'iani moi.21O Yesus wohano muna'a, <<E bilanga o 'iau nogaaho'o?>>
Muna mopaluhu, <<Ngoi tomau 'ai ngoa'a noona yamidi yogogele, womatengo Ani gubalio'a, de wotengo Ani guida'o'a, Na'o ma duulu'a nodadio'au o oana.>>22Ma o Yesus wopaluhu wotemo, <<Ngini ania na'owa o 'iau nio nagaaho'o. Ngoi neena aha 'ao lepe toahana o hangihara. Bote 'ania au'unu nia mo'u o hangihara harage tamo'u-mo'u?>>
Ona yopaluhu, <<Amia mo'uo'a!>>23O Yesus wopaluhu, <<Itiaio'au ngini ania mo'uo'a. Duga mangale nagonau yogogele 'ai gubalio'a de 'ai guida'o'a, geena 'a Ngoiwa taputuhu. Ma diingi geena ato nyawa-nyawa nage 'ai Aba wohita-tapuo'au.>>24Wa'utu awi ni-nii'i ge ma reguohi yomogio'o, yoihene manga gaaho'o goona yaamididi, ona duru yo'ingamo o riado-doti'a ge.25Mangale geenau ho o Yesus wo'iaho'ino ona moi-moi, de wotemo, <<Ngini halingou nia na'o, o ba-bangiha manga balu-baluhu nage awi na'o-na'owa ma Jou ika de yo'i pareta o awaha de ma ga-gangamo'a, o genali de manga nyawa yola-laagomo ika de yo'ihangihara o'awaha.26Ma ngini! 'Ai dadiwa o geena. Ho nagonau neena'a naga nginio'a yomau iholoi yoamo'o, halingou yodadi 'ania gilaongo.27De nagonahi neena'a naga nginio'a yomau iholoi yo'a'ulie, halingou yodadi 'ania gilaongo.28Geena harage 'a o Nyawa ma Ngoa'a Una woboa o duniano neena mangale 'apole-leaniwa, ma duga 'awole-leani de wo'ula awi roehe wo'ula la watuuhu moi-moi o nyawa manga baradoha.>>29Wa'utu o Yesus de awi ni-nii'i yamada o Yerikho ma bendara, o nyawa manga lepe yo'inii'i ona'a.30Wa'utu geena o nyawa yamididi yopilo-pilo'o yogogelu'u o nge'omo ma date'o'a, geena'a de goona ma nyawa yamididi yoihene na'o o Yesus geenano waboa, ho ona yomaorehe, <<Aba ma 'oana o Dautu awi guti'u, tanu nimidora!>>31Ma o nyawa yolepe-lepe geena ge yo'i ngamo de yo'ihulo'o yomalili. Ma ona 'age'au yomaorehe ya'ua-'uatie, <<Aba ma 'oana o Dautu awi guti'u, tanu nimidora!>>32Geena'a de o Yesus womatogumu de wo'iaho'o goona ma nyawa yopilo-pilo'o yamididi, de wo'ihano ona'a, <<Niomau tinidodoau ngini'a?>>33Ona yopaluhu, <<Tuanga ngomi mio mau mimahima'e.>>34Geena'a de o Yesus duru wo'idora ona'a ho o Yesus wananauhu manga la'o. Ho 'ageena ena yomahima'e'au. Iduangino geena, ona winii'i o Yesusi'a.
Muna mopaluhu, <<Ngoi tomau 'ai ngoa'a noona yamidi yogogele, womatengo Ani gubalio'a, de wotengo Ani guida'o'a, Na'o ma duulu'a nodadio'au o oana.>>22Ma o Yesus wopaluhu wotemo, <<Ngini ania na'owa o 'iau nio nagaaho'o. Ngoi neena aha 'ao lepe toahana o hangihara. Bote 'ania au'unu nia mo'u o hangihara harage tamo'u-mo'u?>>
Ona yopaluhu, <<Amia mo'uo'a!>>23O Yesus wopaluhu, <<Itiaio'au ngini ania mo'uo'a. Duga mangale nagonau yogogele 'ai gubalio'a de 'ai guida'o'a, geena 'a Ngoiwa taputuhu. Ma diingi geena ato nyawa-nyawa nage 'ai Aba wohita-tapuo'au.>>24Wa'utu awi ni-nii'i ge ma reguohi yomogio'o, yoihene manga gaaho'o goona yaamididi, ona duru yo'ingamo o riado-doti'a ge.25Mangale geenau ho o Yesus wo'iaho'ino ona moi-moi, de wotemo, <<Ngini halingou nia na'o, o ba-bangiha manga balu-baluhu nage awi na'o-na'owa ma Jou ika de yo'i pareta o awaha de ma ga-gangamo'a, o genali de manga nyawa yola-laagomo ika de yo'ihangihara o'awaha.26Ma ngini! 'Ai dadiwa o geena. Ho nagonau neena'a naga nginio'a yomau iholoi yoamo'o, halingou yodadi 'ania gilaongo.27De nagonahi neena'a naga nginio'a yomau iholoi yo'a'ulie, halingou yodadi 'ania gilaongo.28Geena harage 'a o Nyawa ma Ngoa'a Una woboa o duniano neena mangale 'apole-leaniwa, ma duga 'awole-leani de wo'ula awi roehe wo'ula la watuuhu moi-moi o nyawa manga baradoha.>>29Wa'utu o Yesus de awi ni-nii'i yamada o Yerikho ma bendara, o nyawa manga lepe yo'inii'i ona'a.30Wa'utu geena o nyawa yamididi yopilo-pilo'o yogogelu'u o nge'omo ma date'o'a, geena'a de goona ma nyawa yamididi yoihene na'o o Yesus geenano waboa, ho ona yomaorehe, <<Aba ma 'oana o Dautu awi guti'u, tanu nimidora!>>31Ma o nyawa yolepe-lepe geena ge yo'i ngamo de yo'ihulo'o yomalili. Ma ona 'age'au yomaorehe ya'ua-'uatie, <<Aba ma 'oana o Dautu awi guti'u, tanu nimidora!>>32Geena'a de o Yesus womatogumu de wo'iaho'o goona ma nyawa yopilo-pilo'o yamididi, de wo'ihano ona'a, <<Niomau tinidodoau ngini'a?>>33Ona yopaluhu, <<Tuanga ngomi mio mau mimahima'e.>>34Geena'a de o Yesus duru wo'idora ona'a ho o Yesus wananauhu manga la'o. Ho 'ageena ena yomahima'e'au. Iduangino geena, ona winii'i o Yesusi'a.
The Seed Company