O MATIUS2
1O Yesus womaboa o Betlehemo'a o Yudea ma tona'o'a, wa'utu o Herodes wo'oana geena'a. Wa'utu geena, yamuluo naga yopade-pade o mamanga o diwango'a yataila'o ma mangariti dina o wange ma hihiwa'a de yao'o de yotagi o Yerusalemo'o.2Ona yo'a-'ahano o nyawa-nyawa'a, <<Ee 'iya'a e, o Yahudio'a manga 'oana nage aha womaboa'u? Hababu, ngomi miama'e'au o mamanga moi o wange ma hiwano ma dudunguu geena na'o Una womaboa'au. Ho o oraha neena ngomi mioboa miohuba Una'a.>>3Ma oraha ma 'oana o Herodes woihene ma habari geena, de witodo'ana, 'ogeenali ma awi 'awaha moi-moi o Yerusalemo'a.4Ho ma 'oana o Herodes wo'ihulo'o la yo'itoomu o 'imam ma hae-hae'e de o Yahudio'a manga agama'a yodoto-doto'o. De wohano ona'a. <<Bee'a nihingahu ngoino, 'Ia'a ma 'Oana wonahiha-halamata, nage ma Jou ma Dutu wohija-jajio'au ge aha womaboa?>>5Ona yopaluhu, <<Una womaboa'au o Betlehemo'a, o Yudea ma daera'a, hababu harage ge yatulihu'u'au o nabi awi bo'u'u onane,6<Ngini o Betlehem ma nyawa o Yudea ma tona'o'a.Ngaro nia bendara 'a iete'e, ma aha idadi o bendara ma amo'o.Hababu tingini nia bendarino geena aha womaboa womatengo wodadi baluhuge aha wopareta de wo'ipaliara 'ai awaha o Israelo'a.> >>7Woihene 'ogeena, de ma 'oana o Herodes 'a womahibongonino wo'iaho'o yopade-pade nage o mamanga yataila'o ma diai dinao'o o wange ma hiwa'o. De wo'ihano ona'a, <<'Awuluo niama'e o mamanga geena 'ipuda?>>8Geena'a de, wo'ihulo'o yotagi o Betlehemi'a de wo'ihibehehongo wotemo, <<Niotagi o Betlehemi'a, de niwihali'i ma Ngoa'a guuna. Na'o niwima'e'au, nima'ilio nihingahu ngoino la ngoi ma ta'ai'a towihuba Una'a.>>9'Iduangino yoihene o Herodes womaade-ade 'ogeena, ona yotagi. Wa'utu yotagi, 'itodo'anino o mamanga ge yama'e'au o wange ma hiwade itagi 'ihila-hila de 'imatogumu 'ipahi ma Ngoa'a geena awi dingiio'a ma de'ude.10Wa'utu yama'e o mamanga geena, de ona duru yohanaanga.11Ona yoohama ma woa'a geena de wima'e o Ngoa'a guuna de ma eha o ngo Maria, geena'a de, yatilabu'u'u de yohuba ma Ngoa'i'a geena, de yapelenga manga 'arata ma no-noa de yo'ula manga hu-huba geena la: O gurahi, o maingaana, de o gota ma titigono ma bounu 'ihemo-hemo ihironga o mur.12Geena iduangino, ma Jou ma Dutu wo'ihitiari manga nanelo'a, la uwa yoma'ilioli o Herodesi'a. Ho ona yolio manga tona'iha yaboa o nge'omo ma homoali.13Ma oraha yopade-pade o mamanga yataila'o ma mangariti goona yolio'a, de o Yusuf wonanele na'o ma Jou ma Dutu awi malai'ata 'iboa de 'itemo, <<Yusuf, nomomi'ou! Nowiaha ma Ngoa'a guuna de ani we'ata de nimahidiaato'o o Mesir ma tona'i'a. Doa'u nimanoa hiadono Tinihidemoli mangale niolio, hababu ma 'oana o Herodes wihali'i ma gigiria'a o Ngoa'a guuna la witooma Una'a.>>14Woihene 'ogeena, de o Yusuf womomi'i, ho 'ageena ma wutu, ena ma Ngoa'a guuna de ma eha wo'ihidiato'o o Mesiri'a.15Ona do'a yomanoa hiadono ma 'oana o Herodes wohonenge.
Moi-moi geena idadi harage de ma hila ma Jou ma Dutu wotemo'au o nabi'a wotemo, <<'Ai Ngoa'a towiaho'o o Mesirino.>>16Wa'utu o Herodes wana'o, o nyawa ge yopade-pade o mamanga yataila'o ma diai dinao'o o wange ma hiwa'o 'ayodinii'uwa o iau nage wotemo'au, de una durue witootaha. Ho wohulo'o yo'itooma o Betlehemo'a de ma date-date'i'a manga ngoa'a o naulu nage manga umuru o taunu modidi de 'ihi'au'u.17Wa'utu yo'itooma o ngoa-ngoa'a geena, ho 'iau ge ma hila ma Jou ma Dutu wotemo ma nabi Yeremia'a idadio'au, onane,18<<O Rama ma bendaro'a, yoihene o nyawa yomadodorade yohigalibetongo.Ongo Rahel mo'igali ami ngoa-ngoa'a,de milalu ma moolu'u hababu ami ngoa-ngoa'a yo'iiwau.>>19Wa'utu ma 'oana o Herodes wohonengo'au, ena o Yusuf o Mesiro'ahi, de wonanele ma Jou ma Dutu awi malai'ata moi 'iboa, de 'itemo una'a,20<<Yusuf, nomomi'ou. No'iaha o Ngoa'a geena de ma eha de nioliou o Israel ma tona'i'a, hababu ma 'oana o Herodes de o nyawa ge yomau witooma o Ngoa'a geena yohonengo'au.>>21Woihene 'ogeena, de o Yusuf womomi'i de wo'iaha o Ngoa'a geena de ma eha yolio o Israel ma tona'i'a.22Ma wa'utu o Yusuf woihene na'o o Arkhelaus wo'oano'au o Yudea ma daera'a wialiti ma dea o Herodes, o Yusuf wohawano'au wolio do'ai'a. Ho ma Jou ma Dutu awi malai'ata 'ihingahu o Yusufi'a awi nanelo'a, la uwa wotagi o Yudea'a ma wotagi o Galilea'a.23Wa'utu yomahiadono o Galilea ma daera'a, ona yomanoa o bendara moio'a ma ronga o Nazaret. Geena ma haala idadi ho'o'iau nage ma Jou ma Dutu wotemo'au ma hila o nabi-nabi'a onane, <<Una aha witehongo, o Nazaret ma Nyawa.>>
Moi-moi geena idadi harage de ma hila ma Jou ma Dutu wotemo'au o nabi'a wotemo, <<'Ai Ngoa'a towiaho'o o Mesirino.>>16Wa'utu o Herodes wana'o, o nyawa ge yopade-pade o mamanga yataila'o ma diai dinao'o o wange ma hiwa'o 'ayodinii'uwa o iau nage wotemo'au, de una durue witootaha. Ho wohulo'o yo'itooma o Betlehemo'a de ma date-date'i'a manga ngoa'a o naulu nage manga umuru o taunu modidi de 'ihi'au'u.17Wa'utu yo'itooma o ngoa-ngoa'a geena, ho 'iau ge ma hila ma Jou ma Dutu wotemo ma nabi Yeremia'a idadio'au, onane,18<<O Rama ma bendaro'a, yoihene o nyawa yomadodorade yohigalibetongo.Ongo Rahel mo'igali ami ngoa-ngoa'a,de milalu ma moolu'u hababu ami ngoa-ngoa'a yo'iiwau.>>19Wa'utu ma 'oana o Herodes wohonengo'au, ena o Yusuf o Mesiro'ahi, de wonanele ma Jou ma Dutu awi malai'ata moi 'iboa, de 'itemo una'a,20<<Yusuf, nomomi'ou. No'iaha o Ngoa'a geena de ma eha de nioliou o Israel ma tona'i'a, hababu ma 'oana o Herodes de o nyawa ge yomau witooma o Ngoa'a geena yohonengo'au.>>21Woihene 'ogeena, de o Yusuf womomi'i de wo'iaha o Ngoa'a geena de ma eha yolio o Israel ma tona'i'a.22Ma wa'utu o Yusuf woihene na'o o Arkhelaus wo'oano'au o Yudea ma daera'a wialiti ma dea o Herodes, o Yusuf wohawano'au wolio do'ai'a. Ho ma Jou ma Dutu awi malai'ata 'ihingahu o Yusufi'a awi nanelo'a, la uwa wotagi o Yudea'a ma wotagi o Galilea'a.23Wa'utu yomahiadono o Galilea ma daera'a, ona yomanoa o bendara moio'a ma ronga o Nazaret. Geena ma haala idadi ho'o'iau nage ma Jou ma Dutu wotemo'au ma hila o nabi-nabi'a onane, <<Una aha witehongo, o Nazaret ma Nyawa.>>
The Seed Company