O MATIUS1
1Ma Yesus Kristus geena ma 'oana o Daut de ma aba o Abraham manga guti'u. Neena Awi edete de awi dotumu manga ronga-ronga:2O Abraham awi ngoa'a o Ishak,o Ishak awi ngoa'a o Yakub,o Yakub awi ngoa'a o Yehuda de awi riadodoto.3O Yehuda awi ngoa'a o Peres de o Zerah manga eha o ngo Tamar,o Peres awi ngoa'a o Hezron,o Hezron awi ngo'a o Ram,4o Ram awi ngoa'a o Aminadab,o Aminadab awi ngoa'a o Nahason,o Nahason awi ngoa'a o Salmon,5o Salmon awi ngoa'a o Boas nage o ngo Rahapino awi we'ata,o Boas awi ngoa'a o Obed nage o ngo Ruutino awi we'ata,o Obed awi ngoa'a o Isai,6de o Isai awi ngoa'a o Daut.O Daut guuna, wodadi o Israelo'a manga 'oana.O Daut awi ngoa'a o Salomo ge ma we'ata o ngo Batsyebano. Ongo Batsyeba gumuna o Uria awi bao.7O Salomo awi ngoa'a o Rahabeam,o Rahabeam awi ngoa'a o Abia,o Abia awi ngoa'a o Asa,8o Asa awi ngoa'a o Yosafat,o Yosafat awi ngoa'a o Yoram,o Yoram awi ngoa'a o Uzia,9o Uzia awi ngoa'a o Yotam,o Yotam awi ngoa'a o Ahas,o Ahas awi ngoa'a o Hizkia,10o Hizkia awi ngoa'a o Manasye,o Manasye awi ngoa'a o Amon,o Amon awi ngoa'a o Yosia,11de o Yosia awi ngoa'a o Yekhonya de awi riadodotoli ma regu ma oraha o Israelo'a ma bangiha yo'iumo o Babeli'a de yo'ihangihara do'a.12Wa'utu, o Israelo'a ma bangiha yolio'au o Babelo'a de yaino hiadono o Yesus womaboa o duniano manga ronga-ronga onane:O Yekhonya awi ngoa'a o Sealtiel,o Sealtiel awi ngoa'a o Zerubabel,13o Zerubabel awi ngoa'a o Abihud,o Abihud awi ngoa'a o Elyakim,o Elyakim awi ngoa'a o Azor,14o Azor awi ngoa'a o Zadok,o Zadok awi ngoa'a o Akhim,o Akhim awi ngoa'a o Eliud,15o Eliud awi ngoa'a o Eleazar,o Eleazar awi ngoa'a o Matan,o Matan awi ngoa'a o Yakub,16de o Yakub awi ngoa'a o Yusuf.O Yusuf nuunau ge womodo'a de o ngo Maria,de o ngo Marianou o Yesus womaboa nage witehongo ma Kristus, nage ma Jou ma Dutu wiili-ili'i.17Ho o Abrahamo'a de yaino hiadono ma 'oana o Dautu'u, geena manga guti'u yamogio'o de yahoatu'ou. Ma 'oana o Dautino hiadono o Israel ma bangiha yo'iumo o Babeli'a, geena manga guti'u yamogio'o de yahoatu'oli. De ma oraha o Israelo'a yo'iumo o Babeli'a hiadono ma Yesus Kristus womaboa o duniano, geena manga guti'u yamogio'o de yahoatu'oli.18Ma Yesus Kristus womaboa, ma jarita onane: Ma oraha o ngo Maria o Yesus ma eha yoma'ajajio'au yoma'amodo'a de o Yusuf. Ongo Maria numuna o naulu 'amana'owahi, ena momongo mohiahano'au. Ongo Maria mohiaha hababu o Omaha 'iofi-ofi.19O Yusuf nuuna o nyawa woti-tiai ma Jou ma Dutu awi biono'a. Wa'utu wana'o na'o o ngo Maria mohiahano'au, una awi hininga ma doda'a womau o ngo Maria mimadau womahibongonino. Hababu, una 'awoolu'u mihiehe o mae'e o nyawa yolepe-lepe manga biono'a.20Ma wa'utu o Yusuf watiba-tibangohi ma haala geena, de wonanele na'o ma Jou ma Dutu awi malai'ata 'iboa de 'itemo, <<Yusuf ma 'oana Daut awi guti'u. Uwa nohawana nomimodo'a o ngo Maria, hababu ma ngoa'a ge 'ami po'o ma doda'a geena o Omaha 'Iofi-ofino.21De muna aha moma'ualenge de ami ngoa'a o naulu, de halingou nowihironga o Yesus, hababu duga Una aha watuuhu Awi 'awaha manga baradoha.>>22Geena moi-moi idadi la harage o 'iau nage o nabi womatengo wohidemo'au na'o,23<<O moholehe momatengo o naulu 'a ma na'owahi aha mohiaha de moma'ualenge ami ngoa'a o naulu, ma Ngoa'a guuna aha wihironga, o Imanuel.>> Ma mangariti, <<Ma Jou ma Dutu naga de-de ngone.>>24Ma oraha o Yusuf womomi'ino, una wadiai moi-moi nage ma Jou ma Dutu awi malai'ata wihidemo'au una'a. Una o ngo Maria mimodo'a.25Ma o Yusuf de o ngo Maria 'a yomahiiduwahi hiadono ma Ngoa'a guuna womaboa. Ma oraha ma Ngoa'a guuna womabo'au, de o Yusuf wihironga, o Yesus.
The Seed Company