O MARKUS9
1O Yesus wotemoli ona'a, <<Nioihene nihidi-diai, Neena'a naga niahidogorona'a, demaena 'a yohonengua na'o 'a wima'ewahi ma Jou ma Dutu wopareta de awi 'uaha!>>2O wange butanga iduangino, de o Yesus wo'iaha o Petrus de o Yakobus de awi dodoto o Yohanes, ona yohawu o de'u 'i'a'-'a'ulie moi. 'Amoiwa o nyawa ma homoa geena'a. Manga biono'a de o Yesus awi rupa 'ingali.3Awi pa'eanga ma 'iarehe 'ileto-letongo. O dunia'a neena 'amoiwa yadadi yodiai o pa'eanga ma garehe harage 'ogeena.4'Itodo'anino de ona yo'ima'e ma nabi Elia de ma nabi Musa yoma'a'ade-ade de o Yesus.5Yama'e 'ogeena de o Petrus wotemo o Yesusi'a, <<Aba guru, duru ma hanaango'a ngone neena'a! Ho 'iholoi yaowa pohigo'o o woa-woa o ngodumu haange: moi to ngona Aba, moi to ma nabi Musa de moi to ma nabi Elia.>>6O Petrus wotemo 'ogeena, hababu 'awohina'owau o 'iau halingou wotemo. Hababu ona duru yohawana.7Geena'a de o 'amo-'amo 'iuti yo'ihaono de do'a ma 'amo-'amono geena yoihene o ilingi 'itemo onane, <<Nuuna to Ngoi 'ai Ngoa'a towihiboho-bohono. Una'a nioihene!>>8'Itodo'anino de yomataila'o manga date-date'i'a, ena yamididi 'ayo'iiwau geena'a ho o Yesus womatengo'au.9Wa'utu ona youti geena ma de'uo'a de yau'u, de o Yesus wobehehongo ona'a, <<'Uwa nihija-jarita 'amoi'a ma, o 'iau ge 'aano niama'e'au. Na'o o Nyawa ma Ngoa'a womomi'uahi o hongenino.>>10Ho ona ma yodiniii ma behehongo geena, duga ona mahirete yahaange yoma'a-ahano, o 'iau o Yesus awi ma'uhuutu mangale wowangoli o hongenino.11Ho yohano o Yesusi'a, <<idodoau ho o agama'a yodoto-doto'o yotemo, halingou ma nabi Elia wohilano woboa?>>12Ho o Yesus wopaluhu, <<'Igoungu ma nabi Elia wohilano woboa, la wohi'adiai o hagala moi-moi. Ma naga 'itulihu'u o Bo'u 'Ibe-berehi'u mangale o Nyawa ma Ngoa'a aha waohana o hangihara ma lepe de o nyawa wihohedu.13Ma Ngoi tinitemo ngini'a, ma nabi Elia woboa'au, de o nyawa-nyawa widiai 'imote'e to ona manga mau, Harage de 'itulihu'u'au o Bo'u 'Ibe-berehi'u mangale una.>>14Wa'utu o Yesus, o Petrus, o Yakobus de o Yohanes yoma'ilioli yomalomu de to Una awi ni-nii'i ma reguoli, ona yo'ima'e manga lepe o nyawa geena'a. De yamuluo naga o agama'a yodoto-doto'o yoma'aributu de o Yesus awi ni-nii'i.15Ma oraha o nyawa yolepe-lepe wima'e o Yesusi'a de yotodo'ana ho yo'ai'a wijai-jai Una'a.16Geena'a de o Yesus wohano awi ni-nii'i'a, <<O 'iau ho nima'aributu de o agama'a yodoto-doto'o?>>17De o nyawa yolepe-lepe'a goona womatengo wopaluhu, <<Aba guru, 'ai ngoa'a towiaha ngonano. Una o to'ata widongohami'a ho una womouo'au.18Na'o o to'ata widongohami'a'au geena awi roehe wihiboha-boha o tona'u'u de awi ulu ma 'iabo-abo'a, awi ilingi ma wohi'a-agoli de awi roehe ma itiriho'a. Ho ngoi togaaho'o ani ni-nii'i'a la yaginii'i ma to'ata geena, duga ona 'ayaa'unua!>>19Ho o Yesus wotemo ona'a, <<Upalolo cara ngini neena 'a nionga'u-nga'uwa e! Halingou ma daao muluonohi Ngoi de-de ngini? De ma daao muluonohi Ngoi halingou tomatongohono ngini'a? Niwiahanou ma ngoa'a guuna neenano!>>20Ho ona ma ma ngoa'a guuna wiaha o Yesusino.
Ma oraha o to'ata ge wido-dongohami'a wima'e o Yesusi'a, de awi roehe ma ito-towo-woro de wihiboha-boha o tona'u'u ho awi uluha ma ihupu o abo-abo.21Geena'a de o Yesus wohano ma ngoa'a ma dea'a, <<Wotaaonou una 'oneena?>>
Ma dea wopaluhu, <<'A woete'inohi!22De aha ma to'ata geena ma, ika de wiaha o u'u'a, ika de o a'elu'u, 'imau wihohonenge. Ma na'o Aba guru 'anaa'unu nowihiai'i, tanu nimidora de nimiduhunu Aba!>>23O Yesus wopaluhu, <<Uwa notemo <na'o Aba naa'unu?> Moi-moi 'aidadi na'o o nyawa yonga'u Ngoino!>>24De 'a geena'a ena ma ngoa'a ma dea womaorehe wote, <<Jou, ngoi toninga'u, ma 'ai ngonga'u 'a i'urangohi. Ho noiduhunu la ngoi 'age'au tonga'u.>>25Wa'utu o Yesus wo'ima'e o nyawa 'age'au yolepe yoboa widolomu, ho Una wodorohu ma to'ati'a geena wotemo, <<E pongo de o mou ma to'ata, Ngoi tohulo'o nohupu ma ngoa'o'a neena de 'uwau nowidongohamoli!>>26O to'ata geena 'imaorehe, geena'a de widiai ma ngoa'a awi roehe 'itowoworo aha de 'ihupu ma ngoa'ino guuna. Ho o ngoa'a guuna harage 'ao honengou, ho o nyawa moi-moi yotemo onane, <<'Ayoyai, wohonengo'au!>>27Ma o Yesus wagagao ma ngoa'a guuna awi giami'a de wimomi'i, ho ma ngoa'a guuna 'a wogila-gila womomi'i womagoa'i'e.28Wa'utu o Yesus de awi ni-nii'i o yomahiadoni'a o woa'a. Wa'utu 'aonau geena'a, De awi ni-nii'i yohano Una'a, <<idodoau ho ngomi 'a idadiwa mia ginii'i o to'ata geena e?>>29De o Yesus wopaluhu, <<O to'ata geena 'aidadi 'ihupu 'a de o haubayanga.>>30Geena'a de o Yesus de awi ni-nii'i yamada ma dingii geena de yohigila-gila manga dodagi yaboa o Galilea ma daera'a. O Yesus 'awoolu'u o nyawa yana'o, na'o Una geena'a,31hababu wo'idoto'o ma gigiria'a Awi ni-nii'i'a. Wotemo 'onane, <<O Nyawa ma Ngoa'a aha wihigiama ma hoata o nyawa yoba-baradoha manga giama ma hoatia de aha witooma, ma 'ao wange haange'a de womomi'o'au!>>32O Yesus awi ni-nii'i 'ayomangaritiiwa o 'iau nage o Yesus wotemo geena, ma ona 'a yomooinua yohano Una'a.33Geena'a de, o Yesus de awi ni-nii'i yomahiadono o Kapernaum ma bendari'a. Wa'utu yomahiadoni'a o woa'a, de o Yesus wo'ihano awi ni-nii'i'a, <<'Aano, o 'iau nima'aributu o nge'omino?>>34Ona 'ayomalii-liilo'a, hababu 'aano manga dodagi ma hidogorona'a, ona yoma'aributu mangale nagoonau 'iholoi yoamo'o nage ona manga hidogorona'a.35Ho o Yesus wogogelu'u de wo'itoomuno de wotemo ona'a, <<Nagoonau yomau 'iholoi yoamo'o, ona halingou yomadiai 'iholoi yoete'e de yo'ileleani moi-moi o nyawa'a.>>36Geena'a de o Yesus waeheno o ngoa'a ma ete'e moi de winoa'u manga hidogorona'a. O Yesus wa'oo o ngoa'a geena, de wotemo ona'a onane,37<<Nagoonau yo'idawongo o nyawa biaha, harage 'ao ngoa'a ma ete'e neena, mangale o nyawa goona yonga'u Ngoino, geena harage 'idawongo'au Ngoi, de ona ma widawongo'au Una ge woihulo-hulo'o.>>38Geena'a de o Yohanes wotemo o Yesusi'a, <<Aba guru, ngomi mi'ima'e o nyawa moi o to'ata waginii'i de to Ngona ani ronga Aba. Ho ngomi miwitaaele hababu una 'ade-de ngonewa.>>39Ma o Yesus wotemo, <<Uwa, niwitaaele, hababu nagoonau yodiai o haala 'ihera-heranga de to Ngoi 'ai ronga, maraio'au 'awomalelowa woironga ma diihawa.40Nagoonau 'ainaributuwa, ona geena nanga manai.41Ho nioihene nihidi-diai e, Nagoonau nihio'ele o a'ele o galaaha moi hababu ngini ma 'Oana o Nyawa Wohiha-halamata awi ni-nii'i, ona maraio'au yama'e o hewa ma Jouno.>>42O Yesus wotemo ona'a 'onane, <<Nagoonau yodiai hiadono o nyawa biaha neena 'ayonga'uwauoli Ngoino, 'iholoi yaowa ma nyawa goona o tapu yohili'o'a manga toma'a de yo'iumo o ngootu'u.43Na'o nia giama ma hononga o baradoha 'idiai, niagiama geena niaoto'au! Hababu 'iholoi yaowa ngini niowango de ma Jou ma Dutu, de nia giama 'a ma hononga'a. 'Uwa hiadono nia giama modidi hona demaena ma nioohama 'ao naraka'a, nage o u'u 'aihone-honengua 'ahiado-adoni'a.44[Geena'a do'a o u'u 'aihone-honengua, de o gaaili ma 'aihonengua.]45'Ogeenali, na'o nia dou ma hononga o baradoha 'idiai, 'iholoi yaowa nia dou geena niaoto'au, hababu 'iholoi yaowa na'o niowango de ma Jou ma Dutu de nia dou 'a ma hononga'a. 'Uwa hiadono de niadouo'a modidi hona, ma niumo 'ao naraka'a.46[Geena'a do'a o u'u 'aihone-honengua, de o gaaili ma 'aihonengua.]47Na'o nia la'o ma hononga o baradoha 'idiai, ma nia la'o geena nia'uapeti'au! 'Iholoi yaowa nioohama ma Jou ma Dutu awi pareta'a de nia la'o 'a ma hononga'a, uwa hiadono de nia la'o modidio'a de ma Jou ma Dutu niwiumo 'ao naraka'a.48[Geena'a do'a o u'u 'aihone-honengua, de o gaaili ma 'aihonengua.]49O nyawa moi-moi aha yo'ihiberehi de o u'u, harage o huhuba o aewani 'ihiberehi de o gahi la ma Jou ma Dutu waigo.50O gahi geena yaowa, ma na'o ma gahi geena 'aigahiwau geena 'aidadiwau pohigahi. Ho ngini halingou o dunia'a neena halingou harage de o gahi yaowa-owa, geena la ngini niowango nima'ataila'o moi de moi.>>
Ma oraha o to'ata ge wido-dongohami'a wima'e o Yesusi'a, de awi roehe ma ito-towo-woro de wihiboha-boha o tona'u'u ho awi uluha ma ihupu o abo-abo.21Geena'a de o Yesus wohano ma ngoa'a ma dea'a, <<Wotaaonou una 'oneena?>>
Ma dea wopaluhu, <<'A woete'inohi!22De aha ma to'ata geena ma, ika de wiaha o u'u'a, ika de o a'elu'u, 'imau wihohonenge. Ma na'o Aba guru 'anaa'unu nowihiai'i, tanu nimidora de nimiduhunu Aba!>>23O Yesus wopaluhu, <<Uwa notemo <na'o Aba naa'unu?> Moi-moi 'aidadi na'o o nyawa yonga'u Ngoino!>>24De 'a geena'a ena ma ngoa'a ma dea womaorehe wote, <<Jou, ngoi toninga'u, ma 'ai ngonga'u 'a i'urangohi. Ho noiduhunu la ngoi 'age'au tonga'u.>>25Wa'utu o Yesus wo'ima'e o nyawa 'age'au yolepe yoboa widolomu, ho Una wodorohu ma to'ati'a geena wotemo, <<E pongo de o mou ma to'ata, Ngoi tohulo'o nohupu ma ngoa'o'a neena de 'uwau nowidongohamoli!>>26O to'ata geena 'imaorehe, geena'a de widiai ma ngoa'a awi roehe 'itowoworo aha de 'ihupu ma ngoa'ino guuna. Ho o ngoa'a guuna harage 'ao honengou, ho o nyawa moi-moi yotemo onane, <<'Ayoyai, wohonengo'au!>>27Ma o Yesus wagagao ma ngoa'a guuna awi giami'a de wimomi'i, ho ma ngoa'a guuna 'a wogila-gila womomi'i womagoa'i'e.28Wa'utu o Yesus de awi ni-nii'i o yomahiadoni'a o woa'a. Wa'utu 'aonau geena'a, De awi ni-nii'i yohano Una'a, <<idodoau ho ngomi 'a idadiwa mia ginii'i o to'ata geena e?>>29De o Yesus wopaluhu, <<O to'ata geena 'aidadi 'ihupu 'a de o haubayanga.>>30Geena'a de o Yesus de awi ni-nii'i yamada ma dingii geena de yohigila-gila manga dodagi yaboa o Galilea ma daera'a. O Yesus 'awoolu'u o nyawa yana'o, na'o Una geena'a,31hababu wo'idoto'o ma gigiria'a Awi ni-nii'i'a. Wotemo 'onane, <<O Nyawa ma Ngoa'a aha wihigiama ma hoata o nyawa yoba-baradoha manga giama ma hoatia de aha witooma, ma 'ao wange haange'a de womomi'o'au!>>32O Yesus awi ni-nii'i 'ayomangaritiiwa o 'iau nage o Yesus wotemo geena, ma ona 'a yomooinua yohano Una'a.33Geena'a de, o Yesus de awi ni-nii'i yomahiadono o Kapernaum ma bendari'a. Wa'utu yomahiadoni'a o woa'a, de o Yesus wo'ihano awi ni-nii'i'a, <<'Aano, o 'iau nima'aributu o nge'omino?>>34Ona 'ayomalii-liilo'a, hababu 'aano manga dodagi ma hidogorona'a, ona yoma'aributu mangale nagoonau 'iholoi yoamo'o nage ona manga hidogorona'a.35Ho o Yesus wogogelu'u de wo'itoomuno de wotemo ona'a, <<Nagoonau yomau 'iholoi yoamo'o, ona halingou yomadiai 'iholoi yoete'e de yo'ileleani moi-moi o nyawa'a.>>36Geena'a de o Yesus waeheno o ngoa'a ma ete'e moi de winoa'u manga hidogorona'a. O Yesus wa'oo o ngoa'a geena, de wotemo ona'a onane,37<<Nagoonau yo'idawongo o nyawa biaha, harage 'ao ngoa'a ma ete'e neena, mangale o nyawa goona yonga'u Ngoino, geena harage 'idawongo'au Ngoi, de ona ma widawongo'au Una ge woihulo-hulo'o.>>38Geena'a de o Yohanes wotemo o Yesusi'a, <<Aba guru, ngomi mi'ima'e o nyawa moi o to'ata waginii'i de to Ngona ani ronga Aba. Ho ngomi miwitaaele hababu una 'ade-de ngonewa.>>39Ma o Yesus wotemo, <<Uwa, niwitaaele, hababu nagoonau yodiai o haala 'ihera-heranga de to Ngoi 'ai ronga, maraio'au 'awomalelowa woironga ma diihawa.40Nagoonau 'ainaributuwa, ona geena nanga manai.41Ho nioihene nihidi-diai e, Nagoonau nihio'ele o a'ele o galaaha moi hababu ngini ma 'Oana o Nyawa Wohiha-halamata awi ni-nii'i, ona maraio'au yama'e o hewa ma Jouno.>>42O Yesus wotemo ona'a 'onane, <<Nagoonau yodiai hiadono o nyawa biaha neena 'ayonga'uwauoli Ngoino, 'iholoi yaowa ma nyawa goona o tapu yohili'o'a manga toma'a de yo'iumo o ngootu'u.43Na'o nia giama ma hononga o baradoha 'idiai, niagiama geena niaoto'au! Hababu 'iholoi yaowa ngini niowango de ma Jou ma Dutu, de nia giama 'a ma hononga'a. 'Uwa hiadono nia giama modidi hona demaena ma nioohama 'ao naraka'a, nage o u'u 'aihone-honengua 'ahiado-adoni'a.44[Geena'a do'a o u'u 'aihone-honengua, de o gaaili ma 'aihonengua.]45'Ogeenali, na'o nia dou ma hononga o baradoha 'idiai, 'iholoi yaowa nia dou geena niaoto'au, hababu 'iholoi yaowa na'o niowango de ma Jou ma Dutu de nia dou 'a ma hononga'a. 'Uwa hiadono de niadouo'a modidi hona, ma niumo 'ao naraka'a.46[Geena'a do'a o u'u 'aihone-honengua, de o gaaili ma 'aihonengua.]47Na'o nia la'o ma hononga o baradoha 'idiai, ma nia la'o geena nia'uapeti'au! 'Iholoi yaowa nioohama ma Jou ma Dutu awi pareta'a de nia la'o 'a ma hononga'a, uwa hiadono de nia la'o modidio'a de ma Jou ma Dutu niwiumo 'ao naraka'a.48[Geena'a do'a o u'u 'aihone-honengua, de o gaaili ma 'aihonengua.]49O nyawa moi-moi aha yo'ihiberehi de o u'u, harage o huhuba o aewani 'ihiberehi de o gahi la ma Jou ma Dutu waigo.50O gahi geena yaowa, ma na'o ma gahi geena 'aigahiwau geena 'aidadiwau pohigahi. Ho ngini halingou o dunia'a neena halingou harage de o gahi yaowa-owa, geena la ngini niowango nima'ataila'o moi de moi.>>
The Seed Company