O MARKUS8
1Wa'utu geena o nyawa duru manga lepe yomalomuoli o Yesusino. Mangale manga inomo o iwa, ho o Yesus wo'iaho'o awi ni-nii'i, de wotemo,2<<Neenado'a duru to'idora ma nyawa-nyawa noona! Ina nii'i o wange haangenou de manga inomo o iwa.3Na'o Ngoi to'ihulo'o yolio de manga hawino'a, tododato o nge'omo ma goronano de mangale yo'ihawini ho 'ayohidiota'u'u. Hababu ma regu o ga'ulo'a de yaino.>>4Awi ni-nii'i yopaluhu, <<Ma dingii neena 'ao ga'ulino imatinga'a, ho'ianou done po'idame'e o inomo o nyawa manga lepe neena?>>5O Yesus wohano ona'a, <<Muluo'a geena'a naga nia roti?>>
Ona yopaluhu, <<Tumudiingo'a>>.6Geena'a de o Yesus wohulo'o la moi-moi ma nyawa-nyawa goona yogogelu'u o tona'o'a, geena'a de o Yesus waehe o roti tumudingii de wotemo amaowa'a ma Jou ma Dutu'a. De wapela-pela'a ma roti geena de wo'ula awi ni-nii'i'a la yo'ihi'ado'u o nyawa-nyawa'a.7De manga nao'o ma o ngodumu muluo naga, o Yesus waehe ma nao'o geena de wotemo 'amaowa'a ma Jou ma Dutu'a. Una wo'ihulo'o ma na'o geena ma 'i'hi'ado'u.8Ona yoodomo hitigi yo'ipunuhu. Geena'a de awi ni-nii'i yalomu ma inomo ma holoi o rata tumudingohi. Moi-moi geena'a yoodomo poelua yaribuhu hoata, yoodomo iduangino o Yesus wo'ihulo'o yolio.10O Yesus de awi ni-nii'i yopalene o ngootilie de yotagi o Dalmanuta ma daera'a.11O Farisio'a ma nyawa yamumuluo naga yaino o Yesusino de yoma'a'ahano, ena awida'angelu'u. Ona yogaaho'o la o Yesus wohidumutu o haala moi ihera-heranga, la bali ona yana'o Una geena ma Jouo'a de waino.12O Yesus awi hininga ma doda'a wotaiana, de una wopaluhu, <<O 'iau ma hababu ho o nyawa-nyawa o oraha neena naga yogaaho'o, la todiai o haala ihera-heranga moi? Nioihene nihididiai, Ngoi atoolu'u tohimaiti o dudunguu o ge-geena ngini'a!>>13Geena'a de Yesus wo'imada, de wopalene o ngootilie; Geena'a de Una wodihidete o talaga ma hononga'a.14Wa'utu geena o Yesus awi ni-nii'i yamongo yaaha o roti, ho 'ao ngodumu moio'a manga roti o ngootili ma doda'a geena.15O Yesus wotemo ona'a, <<Nimahidi-diai nage o Farisio'a ma nyawa manga ragi de o Herodes awi ragi.>>16Geena'a de o na yotiba-tibanga, de yoma'atemo, moi de moi, <<Ee ma Aba guru 'ogeena womaade-ade, hababu o iwa nanga roti.>>17Ma o Yesus wana'o o 'iau yoma'ade-ade, ho una wotemo ona'a, <<Dodoau ho ngini niatibanga mangale oiwa nia roti? Waee ho ngini ma 'animahina'owa de 'animamangaritiwahi! Itiaio'au ngini ihuha nimamangariti18Ngini de nia la'o'a de dodoau ho, ania ma'ewa o 'iau tadi-diaio'au? Ngini de ngau'o'a de idodoau ho anioihenua o 'iau ge totemo'au? Bolo niamongo'au?19Nage o roti motoa tapela-pela'u'u de to'ihiodomo o nyawa yaribuhu motoa? O rata muluohi nia lomu ma holoi?>>
Ona yopaluhu, <<O rata mogio de modidiohi.>>20De wa'utu to'ihiodomo o nyawa yaribuhu hoata 'ade o roti tumudiingi! O rata muluohi ma boloi ngini nialomu?
Ona yopaluhu, <<O rata tumudiingohi.>>21De o Yesus wotemoli, <<Ho ani ma mangaritiwahi.>>22Geena'a de o Yesus de awi ni-nii'i yomahiadoni'a o Betsaida'a. Geena'a o nyawa-nyawa wituda womatengo wopilo-pilo'o o Yesusino. De yogaaho'o tanu wipa-payanga.23Geena'a de o Yesus wagagao wopilo-pilo'o awi giama de wiaha o hoana ma duduni'a. O Yesus wa'ibiti wopilo-pilo'o awi la'o'o de wagagao awi la'o'o. Geena'a de o Yesus wihano, <<Bote nomahima'e'au?>>24Ma nyawa guuna womataila'o awi bioniha, de wotemo <<To'ima'e o nyawa yomadagi-dagi ma hara 'ao gota de ma utuo'a.>>25Geena'a de o Yesus wagagaoli ma nyawa guuna awi la'o'o, de aha womahima'e itiai.26Iduangino, geena'a de o Yesus wotemo una'a, <<Tagi noliou! De uwau noma'ilioli ma bendarino neena.>>27Geena'a de o Yesus de awi ni-nii'i yotagi o hoa-hoani'a o Kaisarea Filipi ma date-date'o'a. O nge'omo ma goronano Una wo'ihano awi ni-nii'i'a, <<O nyawa yotemo, Ngoi neena naguunau?>>28Ona yopaluhu, <<Naga ma regu yotemo: O Yohanes woohi-ohi'i; Ma regu yotemo, o Elia, de ma reguoli yotemo: O nabi moi.>>29O Yesus wo'ihano ona'a, <<Ho na'o imote'e ngini, Ngoi neena naguunau?>>
O Petrus wopaluhu, <<Aba guru Ngona ma 'oana nohiha-halamata.>>30Geena'a de o Yesus wo'ihidanganono ona'a, la uwa ihi'a'angahu o nyawa-nyawa'a mangale Una.31Geena'a de o Yesus womulaenge wo'ihidoto'o awi ni-nii'i'a, na'o o Nyawa ma Ngoa'a halingou waohana o hangihara, de yoma'aganamoto de o Yahudio'a ma balu-baluhu, de o Imam-imam ma hae-hae'e, de o agama'a yodo-doto'o. Ona witooma Una'a, ma 'ao wange haange ena wowango'auoli.32O Yesus wohito-tongoti'a moi-moi geena. Ma o Petrus witoba'a o Yesusi'a manga datei'a de witaele Una'a.33O Yesus womalelo'o awi ni-nii'o'o de witaele o Petrusi'a, <<Ee noloa'a geena'a, ngona ge de hara 'ao to'ata de, 'anapa'ewa ma Jou awi didibanga, ho 'ao nyawa ma dibanga napa'e.>>34Geena'a de o Yesus wo'iaho'o awi ni-nii'i de o nyawa yolepe-lepe de wotemo ona'a, <<Nagonau yomau inii'i, ona halingou yamada moi-moi, geeena'a de aha yamo'u o salipi de nii'i Ngoino.35Hababu nagonau ayoolu'u manga wowango iihanga, geena aha iihanga, ma nagonau manga wowango iihanga mangale Ngoi de mangale o Habari ma Owa, geena aha yohalamata.36O 'iau ma faeda na'o o dunia de ma doda moi neena 'a to una, ma awi wowango iihanga?37Bote 'aidadi o wowango ihialiti de o 'iani?38Hababu nagonau yo'imae'e mangale Ngoi de 'Ai demo-demo, o nyawa yoba-baradoha de yohowo-howono manga hidogorona'a o oraha neena, o Nyawa ma Ngoa'a ma aha wimae'e mangale ma nyawa goona, na'o Una woboa de awi Dea awi 'uaha de o malai'ata iofi-ofi ma inii'i.>>
Ona yopaluhu, <<Tumudiingo'a>>.6Geena'a de o Yesus wohulo'o la moi-moi ma nyawa-nyawa goona yogogelu'u o tona'o'a, geena'a de o Yesus waehe o roti tumudingii de wotemo amaowa'a ma Jou ma Dutu'a. De wapela-pela'a ma roti geena de wo'ula awi ni-nii'i'a la yo'ihi'ado'u o nyawa-nyawa'a.7De manga nao'o ma o ngodumu muluo naga, o Yesus waehe ma nao'o geena de wotemo 'amaowa'a ma Jou ma Dutu'a. Una wo'ihulo'o ma na'o geena ma 'i'hi'ado'u.8Ona yoodomo hitigi yo'ipunuhu. Geena'a de awi ni-nii'i yalomu ma inomo ma holoi o rata tumudingohi. Moi-moi geena'a yoodomo poelua yaribuhu hoata, yoodomo iduangino o Yesus wo'ihulo'o yolio.10O Yesus de awi ni-nii'i yopalene o ngootilie de yotagi o Dalmanuta ma daera'a.11O Farisio'a ma nyawa yamumuluo naga yaino o Yesusino de yoma'a'ahano, ena awida'angelu'u. Ona yogaaho'o la o Yesus wohidumutu o haala moi ihera-heranga, la bali ona yana'o Una geena ma Jouo'a de waino.12O Yesus awi hininga ma doda'a wotaiana, de una wopaluhu, <<O 'iau ma hababu ho o nyawa-nyawa o oraha neena naga yogaaho'o, la todiai o haala ihera-heranga moi? Nioihene nihididiai, Ngoi atoolu'u tohimaiti o dudunguu o ge-geena ngini'a!>>13Geena'a de Yesus wo'imada, de wopalene o ngootilie; Geena'a de Una wodihidete o talaga ma hononga'a.14Wa'utu geena o Yesus awi ni-nii'i yamongo yaaha o roti, ho 'ao ngodumu moio'a manga roti o ngootili ma doda'a geena.15O Yesus wotemo ona'a, <<Nimahidi-diai nage o Farisio'a ma nyawa manga ragi de o Herodes awi ragi.>>16Geena'a de o na yotiba-tibanga, de yoma'atemo, moi de moi, <<Ee ma Aba guru 'ogeena womaade-ade, hababu o iwa nanga roti.>>17Ma o Yesus wana'o o 'iau yoma'ade-ade, ho una wotemo ona'a, <<Dodoau ho ngini niatibanga mangale oiwa nia roti? Waee ho ngini ma 'animahina'owa de 'animamangaritiwahi! Itiaio'au ngini ihuha nimamangariti18Ngini de nia la'o'a de dodoau ho, ania ma'ewa o 'iau tadi-diaio'au? Ngini de ngau'o'a de idodoau ho anioihenua o 'iau ge totemo'au? Bolo niamongo'au?19Nage o roti motoa tapela-pela'u'u de to'ihiodomo o nyawa yaribuhu motoa? O rata muluohi nia lomu ma holoi?>>
Ona yopaluhu, <<O rata mogio de modidiohi.>>20De wa'utu to'ihiodomo o nyawa yaribuhu hoata 'ade o roti tumudiingi! O rata muluohi ma boloi ngini nialomu?
Ona yopaluhu, <<O rata tumudiingohi.>>21De o Yesus wotemoli, <<Ho ani ma mangaritiwahi.>>22Geena'a de o Yesus de awi ni-nii'i yomahiadoni'a o Betsaida'a. Geena'a o nyawa-nyawa wituda womatengo wopilo-pilo'o o Yesusino. De yogaaho'o tanu wipa-payanga.23Geena'a de o Yesus wagagao wopilo-pilo'o awi giama de wiaha o hoana ma duduni'a. O Yesus wa'ibiti wopilo-pilo'o awi la'o'o de wagagao awi la'o'o. Geena'a de o Yesus wihano, <<Bote nomahima'e'au?>>24Ma nyawa guuna womataila'o awi bioniha, de wotemo <<To'ima'e o nyawa yomadagi-dagi ma hara 'ao gota de ma utuo'a.>>25Geena'a de o Yesus wagagaoli ma nyawa guuna awi la'o'o, de aha womahima'e itiai.26Iduangino, geena'a de o Yesus wotemo una'a, <<Tagi noliou! De uwau noma'ilioli ma bendarino neena.>>27Geena'a de o Yesus de awi ni-nii'i yotagi o hoa-hoani'a o Kaisarea Filipi ma date-date'o'a. O nge'omo ma goronano Una wo'ihano awi ni-nii'i'a, <<O nyawa yotemo, Ngoi neena naguunau?>>28Ona yopaluhu, <<Naga ma regu yotemo: O Yohanes woohi-ohi'i; Ma regu yotemo, o Elia, de ma reguoli yotemo: O nabi moi.>>29O Yesus wo'ihano ona'a, <<Ho na'o imote'e ngini, Ngoi neena naguunau?>>
O Petrus wopaluhu, <<Aba guru Ngona ma 'oana nohiha-halamata.>>30Geena'a de o Yesus wo'ihidanganono ona'a, la uwa ihi'a'angahu o nyawa-nyawa'a mangale Una.31Geena'a de o Yesus womulaenge wo'ihidoto'o awi ni-nii'i'a, na'o o Nyawa ma Ngoa'a halingou waohana o hangihara, de yoma'aganamoto de o Yahudio'a ma balu-baluhu, de o Imam-imam ma hae-hae'e, de o agama'a yodo-doto'o. Ona witooma Una'a, ma 'ao wange haange ena wowango'auoli.32O Yesus wohito-tongoti'a moi-moi geena. Ma o Petrus witoba'a o Yesusi'a manga datei'a de witaele Una'a.33O Yesus womalelo'o awi ni-nii'o'o de witaele o Petrusi'a, <<Ee noloa'a geena'a, ngona ge de hara 'ao to'ata de, 'anapa'ewa ma Jou awi didibanga, ho 'ao nyawa ma dibanga napa'e.>>34Geena'a de o Yesus wo'iaho'o awi ni-nii'i de o nyawa yolepe-lepe de wotemo ona'a, <<Nagonau yomau inii'i, ona halingou yamada moi-moi, geeena'a de aha yamo'u o salipi de nii'i Ngoino.35Hababu nagonau ayoolu'u manga wowango iihanga, geena aha iihanga, ma nagonau manga wowango iihanga mangale Ngoi de mangale o Habari ma Owa, geena aha yohalamata.36O 'iau ma faeda na'o o dunia de ma doda moi neena 'a to una, ma awi wowango iihanga?37Bote 'aidadi o wowango ihialiti de o 'iani?38Hababu nagonau yo'imae'e mangale Ngoi de 'Ai demo-demo, o nyawa yoba-baradoha de yohowo-howono manga hidogorona'a o oraha neena, o Nyawa ma Ngoa'a ma aha wimae'e mangale ma nyawa goona, na'o Una woboa de awi Dea awi 'uaha de o malai'ata iofi-ofi ma inii'i.>>
The Seed Company