O MARKUS5
1Geena'a de o Yesus de awi ni-nii'i yomahiadono o Galilea ma talaga ma hononga'a, o Gerasa ma daera'a.2Ipahi o Yesus wouti o ngootilo'a de wau'u, Una widoboano o nyawa moi o boohu'o'a de waino. Ma bo-boohu geena harage 'ao aru'u.3Ma nyawa guuna o to'ata widongohami'a ho awi ngi 'ao bo-boohu'o'a, una 'amoiwau yadadi wili'o ngaro de o rante o behi.4Hababu ihidi-digaliou awi giama yali'o de rante o behi ma 'awatoa'o'a, de awi dou ihipeeto de o behi, ma 'awatobi'o'a. Una awo 'uatoli ho 'amoiwau yadadi wituumungu.5O wutu de o wange awi dingii 'ao boohu'o'a de o de'u de'uo'a, de womaore-orehe, de womahiluiti de o heleo idoto-doto awi roehi'a hitigi idabo.6Wa'utu una wima'e o Yesusi'a, 'awiga'uli'ahi ena wa'ai'a womapa-palitana de watilabu'u'u o Yesus awi biono'a.7De waamo-amo'ie womaorehe wotemo, <<Ee Yesus, ma Jou ma Dutu wo'a'a'ulie awi Ngoa'a! Noidodoau ngoino? De ma Jou awi ronga ngoi togaaho'o, uwa noi hangihara!>>8Ma nyawa guuna womaade-ade 'ogeena, hababu 'aano o Yesus wotemo una'a, <<Ee to'ata, nohupuou ma nyawano guuna!>>9Geena'a de o Yesus wahano ma to'ati'a ge o nyawa'a widodongohami'a, <<Ani ronga naguunau?>>
Ma to'ata geena ipaluhu <<Ngoi 'ai ronga o Legion, hababu duru miolepe!>>10Ma to'a-to'ata geena ihidi-digali igaaho'o o Yesusi'a, la uwa waginii'i ma daerano geena.11Geena'a manga date'o'a o boo-booko duru 'ao lepe imadahali'i o inomo o de'u ma gelehorino.12Geena'a de ma to'a-to'ata geena imagaaho'o o Yesusi'a, <<Na'o 'aidadi de nimimada'a la mioohama o boo-booki'a geena.>>13O Yesus wohinii'i o to'a-to'ata ma ga-gaaho'o. Ho ma to'a-to'ata geena ihupu, ma nyawano guuna de iohama o boo-booki'a. O boo-booko geena ma lepe marai o dutu o ribuhu modidi. Geena'a de ma boo-booko geena imapa-palitana de ima tebulu o baa'oru'u, ho iota'a o talaga'u de ilutu ho ihonenge.14Wa'utu o booko yogoa-goana yama'e 'ogeena idadi ona yomapa-palitana yohi'a'angahu o benda-bendari'a, de o hoa-hoani'a ge manga hiridate'ino geena'a. Geena'a de ma nyawa-nyawa yotagi yataila'o o 'iau ida-daio'au 'aano ge.15Ona yo'ai'a o Yesusi'a, de wima'e'a ma nyawa ge o to'ata widodongohami'a, wogogelu'u womabaju'u'au de awi hininga itiaio'au. Ho moi-moi ma nyawa geena'a duru yohawana.16O nyawa-nyawa ge yama'e moi-moi ida-dadi geena, ona yohijarita o nyawa-nyawa'a ge aha yoboa-boano o 'iau hona idadio'au, nage o nyawa wido-dongohami'a o to'ata de o boo-booko.17Wa'utu o nyawa-nyawa yomanoa-noa ma daera'a geena yoihene 'ogeena, ona yogaaho'o o Yesusi'a, la itaiti wamada manga daera geena.18Geena'a de o Yesus wopalenoli o ngootilie, de ma nyawa 'aano ge o to'ata widodongohami'a waino o Yesusino de womahilalu womau winii'i o Yesusi'a.19Ma o Yesus awoolu'u de wotemo una'a, <<Nolioue ani woa'a, de nohijarita ani riadodoti'a, o 'iau ma Jou wodiaio'au ngona'a, de ho'o'ia ma Jou awi dora ngona'a.>>20Geena'a de ma nyawa guuna wotagi wolio, de wohi'a'angahu o Dekapolis ma daera'a. De wohingahu moi-moi oiau o Yesus wodiai una'a, ho ona moi-moi duru yoheranga.21Geena'a de o Yesus de awi ni-nii'i yoma'ilioli o Galilea ma talaga ma hononga'a, ho yomahiadoni'a do'a ma hononga'a o nyawa manga lepe yoboa Yesusino de wihigilolitino.22Geena'a de womatengo woboa awi ronga o Yairus, una geena wodadibaluhu o Yahudio'a manga dodoomu ibe-berehi ma woa'a ma bendaro'a geena. Wa'utu una wima'e o Yesusi'a una wa'ai'a de watilabu'u'u o Yesus awi biono'a.23Una wogaaho'o womadora'u o Yesusi'a, de wotemo, <<Aba guru, tanu nomitaila'ohi 'ai ngoa'a o ngewe'a do'a mopanya'e 'aamidohau'o'a. Tanu no'ai'a la ani giama nodonoa, la ami panya'e 'iai'i de uwa mohonenge.>>24Geena'a de o Yesus de o Yairus yotagi yoma'anii'i, wa'utu ona yotagi o nyawa manga lepe yo'inii'i hitigi yoma'adoudo'oha.25Geena'a ma muma tengo o ngewe'a mopanya'e o aunu mopoa o taunu mogio'o de modidinou.26Ma ngewe'a gumuna mumahoulu mohidi-digaliou o dote-doteri'a hitigi ami tiwi ma 'ibooto'au, ma muna 'amoai'ua. Ma ami panya'e 'age'au itubuho.27Ma ngewe'a gumuna moihe-iheno'au ihijarita o nyawa mangale o Yesus. Ho ngaro o nyawa manga lepe ma muna mumahidoda manga hidogorona'a. Mumahidutu'u o Yesus awi duduniha de ma tigi awi baju i'a'a'ulu'u ma doe.28Hababu motebali: <<Itigoo'o tatigi o Yesus awi baju 'i'a'a'ulu'u, maraio'au toai'i.>>29Wa'utu matigi o Yesus awi baju 'i'a'a'ulu'u, 'ageena ena ami aunu 'aipoawau de mamao'u ami panya'e iai'o'au.30Ipahi ma tigi o Yesus wamao awi guata 'ihupu awi roeho'a. Geena'a de o Yesus womalelo'o de wohano o nyawa yolepe-lepe'a, <<Nagoonau yatigi 'ai baju.>>31O Yesus awi ni-nii'i yotemo, <<Aba guru, ngona nama'e mahirete. O nyawa manga lepe poma'adoudo'oha neena de nohanohi, <Nagoonau yatigi 'ai baju 'i'a'a'ulu'u?> >>32Geena'a de o Yesus wo'ige-gelelo awi hiridate'e, nagoonau yodiai 'ogeena.33Ma ngewe'a gumuna duru mohawana ho, moto-towoworo, hababu muna mana'o 'amuna matigi o Yesus awi baju 'i'a'a'ulu'u hitigi ami panya'e iai'i. Ho muna matilabu'u'u o Yesus awi biono'a de mohijarita moi-moi icara'iau muna ami panya'e iai'i.34Ho o Yesus wotemo muna'a, <<Ee bilanga, mangale noinga'u ho ani panya'e iai'o'au. Noliou de ma hanaanga, 'igou-goungu notogumo'au.>>35Wa'utu o Yesus awoma ade-adehi, o nyawa yamuluo naga yoboano o Yairus awi woa'a de yaino. Ona yotemo o Yairusi'a, <<Aba ngaro uwau ma Aba guru nowi 'apaanga hababu ani ngoa'a mohonengo'au.>>36Ma o Yesus 'awodaali'awa 'o'iau yotemo 'aano ge. O Yesus wotemo o Yairusi'a, <<Uwa nohawana! Itigoo'o nonga'u.>>37Geena'a de o Yesus wotagi o Yairus awi woa'a, ma o Yesus 'amoi ma 'awo'ihigumadawa yonii'i. Ho o Yesus wo'iaha ao Petrus, de o riado-doto ge yamididi geenala o Yakobus de o Yohanes.38Wa'utu o Yesus womahiadoni'a o Yairus awi woa'a, o Yesus wo'ima'e moi-moi ma nyawa geena'a yoalio'au de yohigalibetengo ho manga gigoro.39Geena'a de o Yesus woohama, de wohano o nyawa-nyawa'a geena'a ge, <<Idodoau ho nio gigoro de nioali? Ma ngoa'a numuna 'amohonengua, 'amomaiduo'a.>>40Ma moi-moi ma nyawa geena 'awihiiete o Yesusi'a. Ho o Yesus wo'ihulo'o moi-moi ma nyawa geena'a yohupu. Geena'a de, o Yesus wo'iaha ma ngoa'a ma eha de ma dea de awi ni-nii'i ge yahaange, ho yoohama ma ngoa'a ami ngii'a.41Yoohami'a 'ami ngiio'a, o Yesus wagagao ma ngoa'a ami giami'a, de wotemo, <<Talita kum!>> Ma mangariti, <<Ee ngoa'a! Nomomi'i!>>42Geena'a de ma ngoa'a gumuna mo-momi'i de momadagi. Moi-moi o nyawa yama'e geena, de duru yoheranga. (Ma ngoa'a gumuna ami umuru o taunu mogio'o de modidiou.)43Ma o Yesus 'awohigumadawa yohijarita o nyawa-nyawa'a. Geena'a de o Yesus wohulo'o ma ngoa'a ami baluhi'a, la o inomo mi'ula muna'a.
Ma to'ata geena ipaluhu <<Ngoi 'ai ronga o Legion, hababu duru miolepe!>>10Ma to'a-to'ata geena ihidi-digali igaaho'o o Yesusi'a, la uwa waginii'i ma daerano geena.11Geena'a manga date'o'a o boo-booko duru 'ao lepe imadahali'i o inomo o de'u ma gelehorino.12Geena'a de ma to'a-to'ata geena imagaaho'o o Yesusi'a, <<Na'o 'aidadi de nimimada'a la mioohama o boo-booki'a geena.>>13O Yesus wohinii'i o to'a-to'ata ma ga-gaaho'o. Ho ma to'a-to'ata geena ihupu, ma nyawano guuna de iohama o boo-booki'a. O boo-booko geena ma lepe marai o dutu o ribuhu modidi. Geena'a de ma boo-booko geena imapa-palitana de ima tebulu o baa'oru'u, ho iota'a o talaga'u de ilutu ho ihonenge.14Wa'utu o booko yogoa-goana yama'e 'ogeena idadi ona yomapa-palitana yohi'a'angahu o benda-bendari'a, de o hoa-hoani'a ge manga hiridate'ino geena'a. Geena'a de ma nyawa-nyawa yotagi yataila'o o 'iau ida-daio'au 'aano ge.15Ona yo'ai'a o Yesusi'a, de wima'e'a ma nyawa ge o to'ata widodongohami'a, wogogelu'u womabaju'u'au de awi hininga itiaio'au. Ho moi-moi ma nyawa geena'a duru yohawana.16O nyawa-nyawa ge yama'e moi-moi ida-dadi geena, ona yohijarita o nyawa-nyawa'a ge aha yoboa-boano o 'iau hona idadio'au, nage o nyawa wido-dongohami'a o to'ata de o boo-booko.17Wa'utu o nyawa-nyawa yomanoa-noa ma daera'a geena yoihene 'ogeena, ona yogaaho'o o Yesusi'a, la itaiti wamada manga daera geena.18Geena'a de o Yesus wopalenoli o ngootilie, de ma nyawa 'aano ge o to'ata widodongohami'a waino o Yesusino de womahilalu womau winii'i o Yesusi'a.19Ma o Yesus awoolu'u de wotemo una'a, <<Nolioue ani woa'a, de nohijarita ani riadodoti'a, o 'iau ma Jou wodiaio'au ngona'a, de ho'o'ia ma Jou awi dora ngona'a.>>20Geena'a de ma nyawa guuna wotagi wolio, de wohi'a'angahu o Dekapolis ma daera'a. De wohingahu moi-moi oiau o Yesus wodiai una'a, ho ona moi-moi duru yoheranga.21Geena'a de o Yesus de awi ni-nii'i yoma'ilioli o Galilea ma talaga ma hononga'a, ho yomahiadoni'a do'a ma hononga'a o nyawa manga lepe yoboa Yesusino de wihigilolitino.22Geena'a de womatengo woboa awi ronga o Yairus, una geena wodadibaluhu o Yahudio'a manga dodoomu ibe-berehi ma woa'a ma bendaro'a geena. Wa'utu una wima'e o Yesusi'a una wa'ai'a de watilabu'u'u o Yesus awi biono'a.23Una wogaaho'o womadora'u o Yesusi'a, de wotemo, <<Aba guru, tanu nomitaila'ohi 'ai ngoa'a o ngewe'a do'a mopanya'e 'aamidohau'o'a. Tanu no'ai'a la ani giama nodonoa, la ami panya'e 'iai'i de uwa mohonenge.>>24Geena'a de o Yesus de o Yairus yotagi yoma'anii'i, wa'utu ona yotagi o nyawa manga lepe yo'inii'i hitigi yoma'adoudo'oha.25Geena'a ma muma tengo o ngewe'a mopanya'e o aunu mopoa o taunu mogio'o de modidinou.26Ma ngewe'a gumuna mumahoulu mohidi-digaliou o dote-doteri'a hitigi ami tiwi ma 'ibooto'au, ma muna 'amoai'ua. Ma ami panya'e 'age'au itubuho.27Ma ngewe'a gumuna moihe-iheno'au ihijarita o nyawa mangale o Yesus. Ho ngaro o nyawa manga lepe ma muna mumahidoda manga hidogorona'a. Mumahidutu'u o Yesus awi duduniha de ma tigi awi baju i'a'a'ulu'u ma doe.28Hababu motebali: <<Itigoo'o tatigi o Yesus awi baju 'i'a'a'ulu'u, maraio'au toai'i.>>29Wa'utu matigi o Yesus awi baju 'i'a'a'ulu'u, 'ageena ena ami aunu 'aipoawau de mamao'u ami panya'e iai'o'au.30Ipahi ma tigi o Yesus wamao awi guata 'ihupu awi roeho'a. Geena'a de o Yesus womalelo'o de wohano o nyawa yolepe-lepe'a, <<Nagoonau yatigi 'ai baju.>>31O Yesus awi ni-nii'i yotemo, <<Aba guru, ngona nama'e mahirete. O nyawa manga lepe poma'adoudo'oha neena de nohanohi, <Nagoonau yatigi 'ai baju 'i'a'a'ulu'u?> >>32Geena'a de o Yesus wo'ige-gelelo awi hiridate'e, nagoonau yodiai 'ogeena.33Ma ngewe'a gumuna duru mohawana ho, moto-towoworo, hababu muna mana'o 'amuna matigi o Yesus awi baju 'i'a'a'ulu'u hitigi ami panya'e iai'i. Ho muna matilabu'u'u o Yesus awi biono'a de mohijarita moi-moi icara'iau muna ami panya'e iai'i.34Ho o Yesus wotemo muna'a, <<Ee bilanga, mangale noinga'u ho ani panya'e iai'o'au. Noliou de ma hanaanga, 'igou-goungu notogumo'au.>>35Wa'utu o Yesus awoma ade-adehi, o nyawa yamuluo naga yoboano o Yairus awi woa'a de yaino. Ona yotemo o Yairusi'a, <<Aba ngaro uwau ma Aba guru nowi 'apaanga hababu ani ngoa'a mohonengo'au.>>36Ma o Yesus 'awodaali'awa 'o'iau yotemo 'aano ge. O Yesus wotemo o Yairusi'a, <<Uwa nohawana! Itigoo'o nonga'u.>>37Geena'a de o Yesus wotagi o Yairus awi woa'a, ma o Yesus 'amoi ma 'awo'ihigumadawa yonii'i. Ho o Yesus wo'iaha ao Petrus, de o riado-doto ge yamididi geenala o Yakobus de o Yohanes.38Wa'utu o Yesus womahiadoni'a o Yairus awi woa'a, o Yesus wo'ima'e moi-moi ma nyawa geena'a yoalio'au de yohigalibetengo ho manga gigoro.39Geena'a de o Yesus woohama, de wohano o nyawa-nyawa'a geena'a ge, <<Idodoau ho nio gigoro de nioali? Ma ngoa'a numuna 'amohonengua, 'amomaiduo'a.>>40Ma moi-moi ma nyawa geena 'awihiiete o Yesusi'a. Ho o Yesus wo'ihulo'o moi-moi ma nyawa geena'a yohupu. Geena'a de, o Yesus wo'iaha ma ngoa'a ma eha de ma dea de awi ni-nii'i ge yahaange, ho yoohama ma ngoa'a ami ngii'a.41Yoohami'a 'ami ngiio'a, o Yesus wagagao ma ngoa'a ami giami'a, de wotemo, <<Talita kum!>> Ma mangariti, <<Ee ngoa'a! Nomomi'i!>>42Geena'a de ma ngoa'a gumuna mo-momi'i de momadagi. Moi-moi o nyawa yama'e geena, de duru yoheranga. (Ma ngoa'a gumuna ami umuru o taunu mogio'o de modidiou.)43Ma o Yesus 'awohigumadawa yohijarita o nyawa-nyawa'a. Geena'a de o Yesus wohulo'o ma ngoa'a ami baluhi'a, la o inomo mi'ula muna'a.
The Seed Company