O MARKUS6
1Geena'a de o Yesus de awi ni-nii'i yolio awi hoani'a o Nasareti'a.2Ipahi o Sabat ma wange'u o Yesus wodoto'o o Yahudio'a manga dodoomu 'Ibe-berehi ma woa'a. Wa'utu o nyawa-nyawa yoihene o Yesus awi do-doto'o, ona duru yoheranga, ho yotemo, <<Ee Nuuna ma nyawa, ia'a de womadama'e geena moi-moi? Icara'iau ho awi barija 'ogeena? Ianou womadama'e ma 'uaha ho wodiai o haala ihera-heranga?3Ma Nuuna 'ao woa wodidiai, de ma eha ongo Maria. Awi do-dodoto geenala o Yakobus, o Yoses, o Yudas de o Simon. Awi bila-bilanga ma yomanoa neena'a dede ngone,>> Hababu ma nyawa geena'a wina'o o Yesusi'a, ho awiolu'u Una'a.4Geena'a de o Yesus wotemo ona'a, <<Itiaio'au, o nabi moi duru yo'ihoromati o diingio'a moi-moi, duga 'a to una awi hoano'a de awi woa'a e'ola awi riadodoto'a, 'ayo'iolu'u.>>5Geena'a o Yesus 'ailepewa wodiai o haala ihera-heranga, duga 'awodonoa awi giama o nyawa yopa-panya'e'u yamuluo naga ho yoai'i.6O Yesus duru woheranga mangale 'ayonga'uwa. O Yesus wo'ihulo'o awi ni-nii'i yamogio'o de yamididi (Mat. 10:5-15; Luk. 9:1-6)
Geena'a de o Yesus wotagi wodoto'o o hoa-hoani'a.7O Yesus wo'iaho'o awi ni-nii'i yamogio'o de yamididi de wo'ihulo'o yahimi-mididi. De Una ma wo'i'ula o 'uaha la o to'a-to'ata yaginii'i.8O Yesus wo'ihibehehongo ona'a la uwa yoaha o iani, manga dodagi ma hidogorona'a o inomo, o beta-beta, de o tiwi. 'Aidadi niaaha duga 'ao papadi.9'Aidadi nimatarupa, duga 'ania nga-ngali 'aidadiwa nioaha.10Geena'a de o Yesus wotemoli ona'a, <<Na'o o diingi moio'a la ngini nidawongo'au manga woa'a, geena'au ngaro nimanoa hitigi niamada ma diingi geena.11Ma na'o ma nyawa-nyawa geena'a ayoolu'u nidawongo, de ayoolu'u nigihene, ni'imada'au. 'Ania dou ma 'a'awo nio datataru'u, ho 'ao du-dunguu moi na'o ona yobaradoha'au ma Jou'a.>>12Geena'a de o Yesus awi ni-nii'i yotagi yohi'a'angahu o nyawa-nyawa'a la yotoba, de yaowau yodiai o baradoha.13O Yesus awi ni-nii'i ma lepe, o to'a-to'ata yaginii'i, de yo'ihii'ili o Saitun ma gooro o nyawa yopa-panya'e'a, ho yoai'i.14O 'ia'a naga bato o nyawa-nyawa yohijarita mangale o Yesus, hababu moi-moi o nyawa yana'o'au o Yesus awi ronga, hitigi ma 'oana o Herodes ma woihene. Ma regu yotemo, <<O Yohanes woohi-ohi'i womomi'o'ali! Genau ho wadadi wodiai o haala ihera-heranga!>>15Maregu yotemo, <<Guuna o 'Elia!>>
Mareguoli yotemo, <<Una geena o nabi moi, harage 'ao nabi-nabi ma hilali.>>16Wa'utu o Herodes wogiihene geena, de una wotemo, <<Maraio'au nuuna o Yohanes woohi-ohi'i, ge ma hila tohulo-hulo'o awi hae'e yatobi'i. Neena wowango'auoli!>>17Hababu igoungu, o Herodesou wohulo'o, witago'o o Yohanesi'a de wihiohama o bui'a. O Herodes wodiai 'ogeena hababu ongo Herodias o Filipus ma we'ata mieheno'au. Ena ma Filipus geena o Herodes ma dodoto ma dutu.18Hababu mangale geenau ma haala, ho o Yohanes wihidaaele wihidi-digaliou o Herodesi'a, wotemo, <<'Aidadiwa nomimodo'a ani dawulu ma dutu!>>19Wa'utu ongo Herodias moihene 'ogeena, muna ami dogogonu'u o Yohanesi'a, de ami hininga ma doda'a momau mitooma una'a. Ma muna 'ama ma'ewahi o a'ala.20Hababu o Herodes wohulo o hurudado'a la wigoana wihidi-diai o Yohanes o buio'a. O Herodes widomodongo o Yohanesi'a, hababu una wana'o o Yohanes geena awi wowango itiai de awi hininga iberehi ma Jou awi biono'a. Mangale geenau ho una witamanga. Ngaro o Herodes awi hininga'a awi iigowa o Yohanesi'a, duga ma noimi woihene o Yohanes womaade-ade, o Herodes waigo.21Ma moi geena 'onane, ongo Herodias mumadama'e o a'ala momau mobalaha ami hininga ma hau'u o Yohanesi'a. Wa'utu o Herodes o rame wodiai mangale awi umuru idogo o taunu moioli, una wo'iaho'o o daera ma balu-baluhu, o 'a-'apita de awi nyawa yola-laagomo o Galilea ma daera'a.22Wa'utu o rame ma gigiria'a, ongo Herodias ami ngoa'a o moholehe moohama de moroge. Muna moroge irahai ho hitigi o Herodes de wo'iaho-aho'ino manga hininga ihananga. Ho o Herodes miaho'o muna'a de wotemo, <<O 'iau nogaaho'o, nohingahu ngoino, la aha toni'ula!>>23Geena'a de o Herodes wojaji muna'a hitigi wo'oboto, wotemo, <<Ngaro o 'iau nogaaho'o maraio'au toni'ula. La ngaro 'ai 'adato de 'ai arata ma hononga ma toni'ula!>>24Wa'utu moihene o Herodes 'ogeena wotemo, muna motagi ma eha'a de mohano, 'onane, <<Ee yai o 'iau togaaho'o?>>
Ma eha mopaluhu, <<Nogaaho'o o Yohanes woohi-ohi'i awi hae'e.>>25Geena'a de ma moholehe gumuna 'aamidataito'a muma'ilio o Herodesi'a, de motemo 'onane, <<Togaaho'o o oraha neena o Yohanes woohi-ohi awi hae'e nanoa'u neena o bakio'a.>>26Wa'utu o Herodes woihene o 'iau mogaaho'o, awi hininga duru ihuha. Duga mangale wojajio'au ma ngewe'a'a ge awi nyawa-nyawa manga biono'a, ho 'aidadiwa 'awadiaiwa ami ga-gaaho'o geena.27Geena'a de o Herodes wohulo'o awi hurudado'a womatengo la wo'ai'a o bui'a de watobi'i o Yohanes awi hae'e. Geena'a de awi hurudado guuna wotagi watobi'i o Yohanes awi hae'e.28Geena'a de ma nyawa guuna waahano o Yohanes awi hae'e o bakio'a wohileotie, de wo'ula ma ngewe'a'a gumuna. Geena'a de ma moholehe gumuna mo'ula ma eha'a.29Wa'utu o Yohanes awi ni-nii'i yoihene, na'o o Herodes watobi'o'au o Yohanes awi hae'e, ona yo'ai'a yaehe awi maiyeti de yapoohu'u.30O Yesus awi ni-nii'i ge wo'ihulo-hulo'o yoliono, de yomalomu de Una. Ona yohingahu o 'iau yadiaio'au de yo'idoto'o'au.31Ma o nyawa-nyawa yoboa de yotagi 'ayolepeli ho, o Yesus de awi ni-nii'i ayadadiwau yoodomo. Ho o Yesus wotemo awi ni-nii'i'a, <<Niaino potagi o diingi 'ilii-liili'a la ma dudube pomahiainohi.!>>32Geena'a de o Yesus de awi ni-nii'i yopalene o ngootilie de yotagi yoma'a-'a'uli'a o dingii ili-lili'a.33Wa'utu ona yotagi o nyawa manga lepe yo'ima'e-ma'e, de yana'o-na'o manga dumutu ia'a o Yesus de awi ni-nii'i yotagi. Ho o nyawa manga lepe yoboa o hoa-hoanino de yo'ai'a ma dingii'a geena, ona yomadagi yomatai-taiti o dudungu yaboa, ho 'aona ihila yomahiadono ma dingii'a geena.34Wa'utu o Yesus wouti 'o 'ahaneha, Una wo'ima'eha o nyawa duru manga lepe wida-damaau geena'a. Geena'a de Una duru wo'idora, hababu ona harage 'ao duba 'a'o iwa ma gogoana, la yo'igoana. Ho geena'a de o Yesus wo'idoto'o waini-ini'o'a.35Wa'utu italuhou o Yesus awi ni-nii'i yo'ai'a yotemo o Yesusi'a, <<Aba guru, neena ma dingii 'ao ga'ulu patinga'a o hoana, de neena italuhou.36Ho iholoi yaowa Aba guru, no'ihulo'ou ma nyawa-nyawa noona, la yotagi o hoa-hoani'a yomadogoo'o o inomo.>>37Ma o Yesus wotemo ona'a, <<Nginiou neena halingou ni'ihiodomo!>>
Ona yopaluhu o Yesusi'a, <<Wolo ho na'o! Noona 'amanga lepe! Bote yomanoimi o roti pohigo'o de o tiwi o hala'a o ratuhu modidi!>>38O Yesus wotemo ona'a, <<Muluo'a nia roti gena'anaga? Bee'a nia taila'o!>>
Yataila'o iduangino ona yotemo o Yesusi'a, <<Mia roti motoa'a de mia nao'o modidio'a.>>39Geena'a de o Yesus wohulo ma nyawa-nyawa'a la yogogelu'u o ubuto'a o bolu yamoi-moi.40Ona yogogele o bolu moi naga yaratuhu moi, de mareguoli naga yamoritoa'a.41Geena'a de o Yesus waehe ma roti motoa de ma nao'o modidi geena, de Uma tawagade o diwangie de wotemo ama owa'a ma Jou ma Dutu'a. Geena'a de wapela-pela'a ma roti de wo'ula awi ni-nii'i'a, la yo'ihi'ado'u ma nyawa-nyawa'a geena'a ge. 'Ogeenali de ma nao'o yo'ihi'ado'u ma nyawa-nyawa'a.42Ona moi-moi yoodomo hitigi yo'ipunuhu.43Yoodomo iduangino o Yesus awi ni-nii'i yalomu ma na'o de ma roti ma holoi, o rata mogio'o de modidiohi yaoma-omangie44Geena'a yoodomo 'aonau-naulohi yaribuhu motoa. 'Ayo'idoimuahi o nge-ngewe'a de o ngoa-ngoa'a.45Geena iduangino o Yesus wo'ihulo'o awi ni-nii'i'a yopalene o ngootilie, la yotagi yohila o talaga ma hononga'a o Betsaida ma hoani'a. Geena'a de o nyawa yolepe-lepe o Yesus wo'ihulo'o yolio.46Wa'utu o nyawa yolepe-lepe yolio'a, o Yesus wohawu o de'ude de womadahaubayanga.47Wa'utu italuho'au o Yesus awi ni-nii'i manga ngootili o talaga ma gorona'au yai'a, ma o Yesus 'ao dudungo'ahi.48Una wo'ima'e awi ni-nii'i ayaa'unuau yohioru, hababu o rato manga bionino. Iinita yadadu'au o Yesus wo'ai'a ona'a, womadagi o a'ele ma de'uha. De awi ma'uhuutu wo'ipalene.49Ma wa'utu ona wima'e o Yesus womadagi o a'ele ma de'uha, ona yotemo bali o to'ata, ho yomaorehe,50mangale ayohawanoli. Ma o Yesus wotemo ona'a, <<Nimaliili! Uwa niohawana 'a Ngoi ho!>>51Geena'a de o Yesus wopalene manga ngootilie. De ma dado'o ma ililii. Ho ona duru yoheranga.52Hababu ngaro ona aha iduangino yama'e o haala ihera-heranga geenala o Yesus wo'ihi odomo o nyawa yaribuhu motoa yoholoi 'ade o roti motoa, ma ona ayomamangaritiwahi. Igoungu ona ihuha yomamangariti.53Wa'utu o Yesus de awi ni-nii'i yomahiadoni'a o Talaga ma hononga'a, ona yomatapu o Genesaret ma biono'o.54'Adeyouti ma dowongiha, ena moi-moi o nyawa wina'o'au Una geena o Yesus.55Moi-moi o nyawa yopa-palitana yohihabari o hoa-hoani'a ma daera'a geena, geena'a de yo'iaha o nyawa yopa-panya'e de manga 'o'owa'a, de yo'ihihali'i o Yesusi'a ngaro ia'a naga wai'a.56Ia'a hona wotagi, o hoa-hoani'a, o benda-bendari'a de ia'ahi naga bato, ona yo'inoa o nyawa yo pa-panya'e o dingii ia'a o nyawa yolepe-lepe'a, ona yogaaho'o la tanu yo'ihigumada o nyawa yopa-panya'e wigagao o Yesusi'a, ngaro awi baju i'a'a'ulu ma baleni'a. Ho moi-moi o nyawa yopa-panya'e yomahigagao Una'a ho yoai'i.
Geena'a de o Yesus wotagi wodoto'o o hoa-hoani'a.7O Yesus wo'iaho'o awi ni-nii'i yamogio'o de yamididi de wo'ihulo'o yahimi-mididi. De Una ma wo'i'ula o 'uaha la o to'a-to'ata yaginii'i.8O Yesus wo'ihibehehongo ona'a la uwa yoaha o iani, manga dodagi ma hidogorona'a o inomo, o beta-beta, de o tiwi. 'Aidadi niaaha duga 'ao papadi.9'Aidadi nimatarupa, duga 'ania nga-ngali 'aidadiwa nioaha.10Geena'a de o Yesus wotemoli ona'a, <<Na'o o diingi moio'a la ngini nidawongo'au manga woa'a, geena'au ngaro nimanoa hitigi niamada ma diingi geena.11Ma na'o ma nyawa-nyawa geena'a ayoolu'u nidawongo, de ayoolu'u nigihene, ni'imada'au. 'Ania dou ma 'a'awo nio datataru'u, ho 'ao du-dunguu moi na'o ona yobaradoha'au ma Jou'a.>>12Geena'a de o Yesus awi ni-nii'i yotagi yohi'a'angahu o nyawa-nyawa'a la yotoba, de yaowau yodiai o baradoha.13O Yesus awi ni-nii'i ma lepe, o to'a-to'ata yaginii'i, de yo'ihii'ili o Saitun ma gooro o nyawa yopa-panya'e'a, ho yoai'i.14O 'ia'a naga bato o nyawa-nyawa yohijarita mangale o Yesus, hababu moi-moi o nyawa yana'o'au o Yesus awi ronga, hitigi ma 'oana o Herodes ma woihene. Ma regu yotemo, <<O Yohanes woohi-ohi'i womomi'o'ali! Genau ho wadadi wodiai o haala ihera-heranga!>>15Maregu yotemo, <<Guuna o 'Elia!>>
Mareguoli yotemo, <<Una geena o nabi moi, harage 'ao nabi-nabi ma hilali.>>16Wa'utu o Herodes wogiihene geena, de una wotemo, <<Maraio'au nuuna o Yohanes woohi-ohi'i, ge ma hila tohulo-hulo'o awi hae'e yatobi'i. Neena wowango'auoli!>>17Hababu igoungu, o Herodesou wohulo'o, witago'o o Yohanesi'a de wihiohama o bui'a. O Herodes wodiai 'ogeena hababu ongo Herodias o Filipus ma we'ata mieheno'au. Ena ma Filipus geena o Herodes ma dodoto ma dutu.18Hababu mangale geenau ma haala, ho o Yohanes wihidaaele wihidi-digaliou o Herodesi'a, wotemo, <<'Aidadiwa nomimodo'a ani dawulu ma dutu!>>19Wa'utu ongo Herodias moihene 'ogeena, muna ami dogogonu'u o Yohanesi'a, de ami hininga ma doda'a momau mitooma una'a. Ma muna 'ama ma'ewahi o a'ala.20Hababu o Herodes wohulo o hurudado'a la wigoana wihidi-diai o Yohanes o buio'a. O Herodes widomodongo o Yohanesi'a, hababu una wana'o o Yohanes geena awi wowango itiai de awi hininga iberehi ma Jou awi biono'a. Mangale geenau ho una witamanga. Ngaro o Herodes awi hininga'a awi iigowa o Yohanesi'a, duga ma noimi woihene o Yohanes womaade-ade, o Herodes waigo.21Ma moi geena 'onane, ongo Herodias mumadama'e o a'ala momau mobalaha ami hininga ma hau'u o Yohanesi'a. Wa'utu o Herodes o rame wodiai mangale awi umuru idogo o taunu moioli, una wo'iaho'o o daera ma balu-baluhu, o 'a-'apita de awi nyawa yola-laagomo o Galilea ma daera'a.22Wa'utu o rame ma gigiria'a, ongo Herodias ami ngoa'a o moholehe moohama de moroge. Muna moroge irahai ho hitigi o Herodes de wo'iaho-aho'ino manga hininga ihananga. Ho o Herodes miaho'o muna'a de wotemo, <<O 'iau nogaaho'o, nohingahu ngoino, la aha toni'ula!>>23Geena'a de o Herodes wojaji muna'a hitigi wo'oboto, wotemo, <<Ngaro o 'iau nogaaho'o maraio'au toni'ula. La ngaro 'ai 'adato de 'ai arata ma hononga ma toni'ula!>>24Wa'utu moihene o Herodes 'ogeena wotemo, muna motagi ma eha'a de mohano, 'onane, <<Ee yai o 'iau togaaho'o?>>
Ma eha mopaluhu, <<Nogaaho'o o Yohanes woohi-ohi'i awi hae'e.>>25Geena'a de ma moholehe gumuna 'aamidataito'a muma'ilio o Herodesi'a, de motemo 'onane, <<Togaaho'o o oraha neena o Yohanes woohi-ohi awi hae'e nanoa'u neena o bakio'a.>>26Wa'utu o Herodes woihene o 'iau mogaaho'o, awi hininga duru ihuha. Duga mangale wojajio'au ma ngewe'a'a ge awi nyawa-nyawa manga biono'a, ho 'aidadiwa 'awadiaiwa ami ga-gaaho'o geena.27Geena'a de o Herodes wohulo'o awi hurudado'a womatengo la wo'ai'a o bui'a de watobi'i o Yohanes awi hae'e. Geena'a de awi hurudado guuna wotagi watobi'i o Yohanes awi hae'e.28Geena'a de ma nyawa guuna waahano o Yohanes awi hae'e o bakio'a wohileotie, de wo'ula ma ngewe'a'a gumuna. Geena'a de ma moholehe gumuna mo'ula ma eha'a.29Wa'utu o Yohanes awi ni-nii'i yoihene, na'o o Herodes watobi'o'au o Yohanes awi hae'e, ona yo'ai'a yaehe awi maiyeti de yapoohu'u.30O Yesus awi ni-nii'i ge wo'ihulo-hulo'o yoliono, de yomalomu de Una. Ona yohingahu o 'iau yadiaio'au de yo'idoto'o'au.31Ma o nyawa-nyawa yoboa de yotagi 'ayolepeli ho, o Yesus de awi ni-nii'i ayadadiwau yoodomo. Ho o Yesus wotemo awi ni-nii'i'a, <<Niaino potagi o diingi 'ilii-liili'a la ma dudube pomahiainohi.!>>32Geena'a de o Yesus de awi ni-nii'i yopalene o ngootilie de yotagi yoma'a-'a'uli'a o dingii ili-lili'a.33Wa'utu ona yotagi o nyawa manga lepe yo'ima'e-ma'e, de yana'o-na'o manga dumutu ia'a o Yesus de awi ni-nii'i yotagi. Ho o nyawa manga lepe yoboa o hoa-hoanino de yo'ai'a ma dingii'a geena, ona yomadagi yomatai-taiti o dudungu yaboa, ho 'aona ihila yomahiadono ma dingii'a geena.34Wa'utu o Yesus wouti 'o 'ahaneha, Una wo'ima'eha o nyawa duru manga lepe wida-damaau geena'a. Geena'a de Una duru wo'idora, hababu ona harage 'ao duba 'a'o iwa ma gogoana, la yo'igoana. Ho geena'a de o Yesus wo'idoto'o waini-ini'o'a.35Wa'utu italuhou o Yesus awi ni-nii'i yo'ai'a yotemo o Yesusi'a, <<Aba guru, neena ma dingii 'ao ga'ulu patinga'a o hoana, de neena italuhou.36Ho iholoi yaowa Aba guru, no'ihulo'ou ma nyawa-nyawa noona, la yotagi o hoa-hoani'a yomadogoo'o o inomo.>>37Ma o Yesus wotemo ona'a, <<Nginiou neena halingou ni'ihiodomo!>>
Ona yopaluhu o Yesusi'a, <<Wolo ho na'o! Noona 'amanga lepe! Bote yomanoimi o roti pohigo'o de o tiwi o hala'a o ratuhu modidi!>>38O Yesus wotemo ona'a, <<Muluo'a nia roti gena'anaga? Bee'a nia taila'o!>>
Yataila'o iduangino ona yotemo o Yesusi'a, <<Mia roti motoa'a de mia nao'o modidio'a.>>39Geena'a de o Yesus wohulo ma nyawa-nyawa'a la yogogelu'u o ubuto'a o bolu yamoi-moi.40Ona yogogele o bolu moi naga yaratuhu moi, de mareguoli naga yamoritoa'a.41Geena'a de o Yesus waehe ma roti motoa de ma nao'o modidi geena, de Uma tawagade o diwangie de wotemo ama owa'a ma Jou ma Dutu'a. Geena'a de wapela-pela'a ma roti de wo'ula awi ni-nii'i'a, la yo'ihi'ado'u ma nyawa-nyawa'a geena'a ge. 'Ogeenali de ma nao'o yo'ihi'ado'u ma nyawa-nyawa'a.42Ona moi-moi yoodomo hitigi yo'ipunuhu.43Yoodomo iduangino o Yesus awi ni-nii'i yalomu ma na'o de ma roti ma holoi, o rata mogio'o de modidiohi yaoma-omangie44Geena'a yoodomo 'aonau-naulohi yaribuhu motoa. 'Ayo'idoimuahi o nge-ngewe'a de o ngoa-ngoa'a.45Geena iduangino o Yesus wo'ihulo'o awi ni-nii'i'a yopalene o ngootilie, la yotagi yohila o talaga ma hononga'a o Betsaida ma hoani'a. Geena'a de o nyawa yolepe-lepe o Yesus wo'ihulo'o yolio.46Wa'utu o nyawa yolepe-lepe yolio'a, o Yesus wohawu o de'ude de womadahaubayanga.47Wa'utu italuho'au o Yesus awi ni-nii'i manga ngootili o talaga ma gorona'au yai'a, ma o Yesus 'ao dudungo'ahi.48Una wo'ima'e awi ni-nii'i ayaa'unuau yohioru, hababu o rato manga bionino. Iinita yadadu'au o Yesus wo'ai'a ona'a, womadagi o a'ele ma de'uha. De awi ma'uhuutu wo'ipalene.49Ma wa'utu ona wima'e o Yesus womadagi o a'ele ma de'uha, ona yotemo bali o to'ata, ho yomaorehe,50mangale ayohawanoli. Ma o Yesus wotemo ona'a, <<Nimaliili! Uwa niohawana 'a Ngoi ho!>>51Geena'a de o Yesus wopalene manga ngootilie. De ma dado'o ma ililii. Ho ona duru yoheranga.52Hababu ngaro ona aha iduangino yama'e o haala ihera-heranga geenala o Yesus wo'ihi odomo o nyawa yaribuhu motoa yoholoi 'ade o roti motoa, ma ona ayomamangaritiwahi. Igoungu ona ihuha yomamangariti.53Wa'utu o Yesus de awi ni-nii'i yomahiadoni'a o Talaga ma hononga'a, ona yomatapu o Genesaret ma biono'o.54'Adeyouti ma dowongiha, ena moi-moi o nyawa wina'o'au Una geena o Yesus.55Moi-moi o nyawa yopa-palitana yohihabari o hoa-hoani'a ma daera'a geena, geena'a de yo'iaha o nyawa yopa-panya'e de manga 'o'owa'a, de yo'ihihali'i o Yesusi'a ngaro ia'a naga wai'a.56Ia'a hona wotagi, o hoa-hoani'a, o benda-bendari'a de ia'ahi naga bato, ona yo'inoa o nyawa yo pa-panya'e o dingii ia'a o nyawa yolepe-lepe'a, ona yogaaho'o la tanu yo'ihigumada o nyawa yopa-panya'e wigagao o Yesusi'a, ngaro awi baju i'a'a'ulu ma baleni'a. Ho moi-moi o nyawa yopa-panya'e yomahigagao Una'a ho yoai'i.
The Seed Company